簡單就是愛 - 笨豬小慧simple's blog

港式新年必備的賀年菜式!

有LC煲，煮得更得心應手，炆到D料好冧好夠入味呀~~正!

蠔油炆冬菇海參豬腩肉

材料：(4-6人份)

冬菇 -- 10隻

急凍海參 -- 3-4條(約10cm長)

連皮五花腩 -- 1斤

薑 -- 2片

蔥 -- 1棵

蒜 -- 2瓣

汁料：

紹酒 -- 1茶匙

蠔油 -- 2湯匙

雞湯 -- 250ml

熱水/浸冬菇的水 -- 適量

冰糖 -- 3g(約直徑壹園硬幣)

鍋具：24cm round (22cm or above is OK)

做法：

1. 冬菇放食物盒浸軟，煮前1小時將第一次的水倒去，換水再浸, 第二次的水留用；冬菇瀝乾水，剪去莖，備用。

2. 海參解雪，剪開肚，沖去內臟和沙，切厚片。

3. 豬腩肉跑活水飛水，拔走毛，切成大件。

4. LC煲凍油凍鍋，下1湯匙油以中小火燒熱，下蒜爆香，下肉略煎至四面金黃色和出油，撈起備用。

5. 爆香薑蔥，下海參爆香，贊酒。

6. 下冬菇和豬肉兜勻。

7. 蠔油和雞湯拌勻並倒進煲內，下冰糖，加水至略蓋過所有材料，水滾後以中火煮30分鐘，轉小火加蓋再煮20分鐘。

8. 試味，太淡落鹽，味啱就開蓋以小火煮至汁杰身即成。

貼士：

1. 呢個煮法煮出嚟的海參係爽口見食。

2. 如果趕時間煮，可用熱水浸冬菇。

3. 呢個蠔油汁底仲可以加蠔士、發菜、冬瓜、節瓜等材料。

4. 想食豪D，可改用乾貨的海參，但需預早2~3天浸發。

5. 如果唔用LC煲，可省略山步驟(4)，直接所有財料一煲過炆。

BY笨豬小慧SIMPLE

自從喺巴黎食過新鮮藍青口之後，對青口的印象完全改觀!!

原來，青口都可以又creamy又嫩又鮮味:q，仲要一D臭青味都無，食完唔痴牙!

充滿海水的味道，I Like Mussel !

一田、CitySuper超市不定期都有法國空運的新鮮藍青口賣，註明係未死未經預先煮熟，包裝裡面仲有海水咖(噢~~法國的海水呀)

以11月~2月的藍青口最肥美!

oh yeah~~~我要回味一下法國的味道呀~~~

白酒煮藍青口

材料：(2~4人份)

法國新鮮藍青口 -- 1包(1KG)

洋蔥 -- 半個

白酒 -- 100ml

忌廉 -- 100ml

水 -- 50ml

蒜蓉 -- 1茶匙

黑椒碎 -- 適量

做法：

1. 青口用清水沖洗，如有需要可以輕刷外殼，瀝乾水，備用。

2. 洋蔥切成細粒。1瓣蒜頭剁成蓉。

3. 燒熱1湯匙油，爆香洋蔥、蒜蓉，下青口兜勻，贊白酒，再下忌廉和水。

4. 煮至水滾及青口微微開口，下黑椒碎調味，即成!

貼士：

1. 1KG裝都只是HK$160!! 記住呢種有個膠兜+膠膜的包裝先係正貨呀~~~同埋藍青口係細細隻，一啖一隻

2. 青口不要沖洗太耐，否則走晒味lu

3. 伴以法包食用就最perfect，用法包沾埋D汁食，yummy =q

4. 喜歡D汁濃厚D，可以加生粉茨或麵粉水。

5. 忌廉可用牛奶代替，喜歡香濃味道的可選全脂奶，怕肥的靚女可用低脂/脫脂奶。

BY 笨豬小慧SIMPLE

近期網絡大hit的蕃茄飯，一煲熟確係方便。

我加埋三文魚，有營又好味:q

三文魚蕃茄飯

材料：(1~2人份）

蕃茄（中） -- 1個

米 -- 1杯

水 -- 1杯-10% (米：水 比例 １：0.9)

三文魚 -- 100g

蔥花 -- 1棵

醃料：

黑椒碎 -- 1茶匙

鹽 -- 半茶匙

橄欖油 -- 1茶匙

調味料：

什香草乾 -- 1~2茶匙

黑椒碎 -- 1~2茶匙

橄欖油 -- 1茶匙

鍋具：Le Creuset 16cm round

做法：

1. 三文魚洗淨，印乾水，去皮去骨，切丁，下醃料醃10~15分鐘。

2. 用大湯碗洗米，瀝水，倒進煲內，加水。注意，水要比平時煲飯時少一些，比例大約是 水：米=1:0.9

3. 蕃茄洗淨去綠，頂界刂十字，倒轉放米上，可輕輕壓一下，確保蕃茄企穩。

4. 下所有調味料。

5. 煮飯：中火煲至水滾，轉極小火煲至「蝦眼水」(約3~5分鐘)

6. 圍邊放進三文魚，再落多次調味料。

7. 加蓋，繼續極小火煲至飯全熟(約5~8分鐘)

8. 落蔥花，熄火，加蓋焗5分鐘。

9. 開蓋，銳爛蕃茄，拌勻所有材料，食得!

貼士：

1. 唔用LC煲，用電飯煲一樣煮到咖~

BY笨豬小慧SIMPLE

21/6/2014 - 13week

今日係我正日生日，已經無再勁嘔勁反胃，可以安心開心去食餐勁，真係太好喇~~~

老公一早book好晒 hightea，BB食多d!

開始肚凸凸喇~~明明上個月去旅行著o個條短褲仲有鬆，今日諗住再著已經覺得緊，BB慢慢長大咗XD，好彩我收埋唔少靚衫je~~即換圖中的白色dress

18/6/2014

第一次的健康院產檢

一confirm bingo就要打電話去健康院約期，一排就係13week的事，好彩中間有去下私家產檢，政府的follow up真係好慢=.="

第一次去健康院，記得帶自己身份證、老公身份證(copy都ok)、住址證明、懷孕證明，做登記手續。

我因為已經先去威院才去健康院，懷孕證明畀醫院收咗，不過醫院有完成唐氏綜合篩查的證明信要我交番去健康院。

另外，記得事先準備尿液樣本<<打電話預約時，職員有提我呀~~

同埋記得食定嘢，帶水帶乾糧，我由9am攪到12noon先走得.......

健康院的檢查比較簡單：試紙驗尿(糖尿和蛋白尿)、磅重、量血壓、見姑娘、摸肚、度宮底長、用胎心機聽BB心跳

(不嬲血壓低, 89/56, 嚇到姑娘以為我會暈, 又要我量多次, 點知第2次量的數字同第1次一模一樣!!!姑娘見到都係度笑呀~~)

今次第一次檢查，仲要度高同抽血

(請起抽血, 發生咗d瘀野，我見到張memo寫「沿虛線」，就傻更更咁望地下有冇虛線，搵唔到又唔知自己要去邊間房抽血，老公立即睇我張紙仔，原來係寫住「沿虛線撕下」=.="我發雞盲睇錯咗，俾老公笑咗我好耐)

重點係, 健康院無得照超, 「無得見bb」:(

而且等好耐好耐，下次都係唔叫老公去 (我仲可以乘機睇完約fd去街街^0^)

雖然d檢查有d hea，但同姑娘傾下計，講下懷孕有咩不適，佢o地都好樂意教下我，對初次懷孕的我嚟講都有d得著嘅。而且姑娘態度都好nice, 感覺良好^^

臨走時, 因為落大雨走唔到, 就填晒d媽媽會表格啦~~

換嚟一大堆禮物, 開心

by笨豬小慧simple

呢個湯又係快靚正煮之選，好味又夠營養。

淨飲之外，仲可以加通粉、肉類，變身成茄湯通!!

今次出動LC 24cm round圓煲，呢個湯用LC煲就可以又煎魚再滾湯上埋枱tim~方便又美觀。或者用易潔鑊、煲嚟煮都可以。

番茄薯仔魚湯

材料 (2~4人份)：

番茄(中) -- 4個

薯仔(中) -- 2個

紅衫魚 -- 3~5條

薑 -- 2~3片

熱水 -- 4~6飯碗

油 -- 1湯匙

鹽 -- 2/3茶匙

做法：

1.  魚清走所有鱗、內臟、血水，洗淨，印乾水，備用。

2.  蔬菜洗淨。番茄一開六；薯仔刨皮，滾刀角切成大塊。

3. 電熱水煲煲定一大壺熱水。

4.   

LC凍油凍鍋，中大火燒熱油，下薑爆香，再下魚煎至兩面金黃色。

5.   

倒入熱水，水立即變成奶白色<<好神奇

6.   

加入番茄和薯仔，水滾後轉小火煲1小時，下鹽調味，即成。

貼士：

1. 除紅衫魚外，可以用黃花魚、大眼雞魚、九肚魚、生魚等魚類，最好揀骨少的魚，就唔擔心哽骨。

2. 魚煎好一面才反轉煎另一面，用LC煲煎魚好神奇，只要油夠熱、魚熟咗就會自動離開煲底唔黐底ga la~~touchwood煎到條魚爛晒都無所謂，因為一加熱水魚皮就會被起出嚟，只係條魚散晒d湯會有骨。

3. 怕吃到魚骨，可煎完魚，將魚放入魚袋，再放回煲中，才加熱水。

4. 呢個湯營養豐富，好啱小朋友和孕婦飲，尤其產後飲用可以增母乳量。

by笨豬小慧simple

雞翼真係一款好好用的食材，可以有好多變化，仲要點整都咁好味=q

食厭咗中式煮法的雞翼，今次整個西式嘅!

準備時間短、煮熟時間快、要買的材料少、味道賣相又好，呢款雞翼又成為我的hea煮良單!

芥末籽蜜糖焗雞翼

材料 (2人份)：

雞中翼 -- 8~10隻

醃料：

芥末籽醬(Wholegrain Mustard) -- 1湯匙

蜜糖 -- 1湯匙

Heinz黃芥末醬(Yellow Mustard) -- 1茶匙

鹽 -- 1茶匙

黑椒碎 -- 適量

做法：

1. 雞中翼溶雪解凍，洗淨，印乾水份，下醃料醃最少20分鐘。

2. 焗爐200˚C預熱。

3. 排好雞翼在焗盤上，皮向下，淋上少許醃汁，入焗爐以200˚C焗10分鐘。

4. 反轉雞翼，再淋上少許醃汁，再入焗爐焗8分鐘。

5. 轉220˚C焗2~3分鐘，收汁和令雞翼焗成金黃色，即成。

貼士：

1.   

我用呢隻MAILLE wholegrain mustard法國馬利第戎芥末籽醬，蜜糖味好夠，仲有好多粒粒芥末籽，最緊要價錢唔貴。只嫌芥末味唔夠，所以要加yellow mustard增加番d味道。其實其他品牌的芥末籽醬都ok ga~~

2. 要每隻雞翼都沾到芥末籽，焗起夠乾身，賣相才好看啊~~

3. 可以加半個切幼條的洋蔥墊底，用嚟索汁。

by笨豬小慧simple

14/6/2014 - 12w，夠3個喇~~~~

孕初期完結了, 即表示BB正式安全紮根係我的子宮裡, 又過一關喇~~~

so far我都算陀得穩陣, 無流啡見紅(touchwood), 只係反胃、嘔、頭暈和易攰啦~~

去睇中醫把脈, 醫師仲話我陀得幾好幾穩tim~~(聽到呢句真係安樂晒, 之前facebook媽媽gp有好幾位媽媽s因為小產退gp, 真係驚驚ga>~~<)

12w, 真係一個好神奇的臨界點, 呢排的孕吐反應愈來愈少, 身體適應咗懷孕的荷爾蒙吧。

期待可以大吃特吃的日子=q

肚肚又再大dd, 晚上食飽飽凸得明顯d, 但到第二朝又會縮返細, 好得意, haha

老公等咗咁耐, 終於可以公佈喜訊喇~~~

(佢忍得好辛苦呢, keke)

收到大家的恭賀, 真係好開心呀~~~~

而我, 亦正式書面通知公司我懷孕了。

保障自己和bb嘛, 而且有乜頭暈身慶產檢等等可以拎病假, 要盡用員工福利, kekeke

by笨豬小慧simple

唐氏綜合症篩查，簡稱OSCAR，由2012年開始，港府免費幫所有合資格的孕婦做篩查。(yeah~~又慳番筆)

唐氏綜合症是突變遺傳病, 可以wiki一下, 連結按此

11/6/2014 - 11w4d

今日返威院照oscar，第一次去醫院做檢查，好緊張呀~~

(醫院真係好大, 行無雷公咁遠先到婦產科, 唔係有老公帶住, 我都唔知自己會迷路迷幾多次先到)

到reception登記的時候, 職員話改今日見埋醫生, 就自動將我8/10的覆診期cancel咗.....

咁即係點呢....咁早見醫生都唔知有咩野用, 唉算啦, 反正政府醫院的產檢我都係當買多個保障, 主力都係搵私家醫生跟進好d。

登記完後, 就入另一間房度高、磅重、量血壓、驗小便。

依家我的體重47.5kg，比未有B前輕咗1.5kg, 血壓偏低, 不過長期都低ga la, 對我而言係正常=p, 驗小便都pass(無糖尿蛋白尿)

等呀等咗一個鐘，終於到我入房照oscar喇~~~ (之前記得去清小便)

bb好合作，一照就係側面，醫生好快就度到頸皮tim~1.19mm，低風險result，good, 又過一關

bb size CRL 5.21cm, 約有一隻手指公咁長，wah~~又大粒咗好多, 而且bb已經成個人仔咁樣喇，好神奇唷。

bb係肚入面郁得好high，又揮手又蜈蚣彈又yang腳，好活潑

多口問下醫生照唔照到BB的性別, 見到有粒好細的白點係兩腿中間, 醫生話bb大機會係男仔(oh no.....老公成日都話想生囡.....), 但佢話依家尚早, 等到20w左右照結構先能準確辨識bb性別, 仲叮囑我哋唔好咁快買bb衫呀~~~XD (老公之後話唔洗驚, 仲有機會翻盤XD笑死)

今次照oscar, 老公可以陪埋入房睇, 仲有位產科護士係隔離講解tim~~老公話好好呀, 佢話得自己齋睇都唔知照緊d乜 XDDD

醫生都好好, 除咗度頸皮外, 仲好detail咁照晒bb身體其他部位, bb手腳眼耳口鼻都齊齊整整, good^^

原來, 政府產檢都唔係其他媽咪s講到咁差咁hea做 je~~

我個人係幾滿意呀~~^v^

(只係無得拎相片走, 唯有偷偷用iphone影底一、兩張相做留念啦)

最後, 當然要R多d免費檢查啦~~~(妹妹提我可以試下R)

我「好可憐」咁同醫生講, 話無端端改咗今日見埋醫生, 即係話, 過咗今日, 我以後都無機會返醫院做產檢, 得番健康院follow up，所以咁, 可唔可以俾我做「結構性超聲波檢查」呀?

初時醫生都拒絕我ga~~點知佢諗諗下又話度到期俾我照結構, 好嘢

yo~~~又慳番$2000喇~~~(出面私家照好貴ga>.<) BB你真係好lucky呀~~

跟住, 又等呀等多一個鐘, 終於見傳說中8/10才見的婦產科醫生

呢位醫生, 真係好hea, 求其問下我有咩唔舒服.................咁懷孕初期, 都係嘔、無胃口嗰d咁ga la, 都唔知有咩好講

之後, 佢就畀咗今日的病假紙和一張催生期的紙畀我, 同好粗略咁講下分娩時的入院手續。

等咗醫生成粒鐘, 見得佢唔夠5分鐘, 講d嘢仲hea過門診醫生真係嘥晒我d時間!!!

(注意：產檢係勞工法例可以取有薪病假ga~~而醫院/健康院會發出「病假證明」或「到診紙」兩種, 「病假證明」必須由醫生簽發, 可以拎到一天病假; 「到診紙」可由護士/醫生簽發, 但只能有上午/下午的病假, 即係得半日。更重要係, 某d公司唔接受「到診紙」作為申請病假的證明。所以, 記得依自己想拎全日定半日假同埋公司人事的要求, 去拎呢d產檢證明呀~)

最後, 去番大堂拎飛仔等抽血, 好彩唔洗等好耐, 仲要唔算好痛。

抽完血, 閃得。

9am到醫院, 12:00noon走人, 咁就無咗成個上午, 好攰。

食埋lunch, 回家補眠 =D

by笨豬小慧simple

31/5~5/6/2014 - 10week

去完旅行返咗香港喇~~~

去旅行真係心情靚靚, 胃口都跟住大, 餐餐都食到好飽, 所以呢個week肚肚突飛猛進^0^, d un un仲有d緊tim>.<, 睇嚟要淘定d孕婦un un先得喇~~

磅數有些微回升, 但仍比未有b前輕咗1.5kg

似乎嘔少咗，食得番少少嘢, 但我唔敢太放肆, 每餐7分飽好喇, 費事又嘔啦。同埋個人易攰咗，未夠鐘放工已經好想瞓, 回到家食埋dinner後個人直情謝晒@~~@

好彩呢排公司唔多嘢做, 可以hea下

31/5

今晚同朋友食糖水, 因為唔食得凍嘢, 所以糊塗地order了「桑寄生蓮子蛋茶」，原來係安胎ga~~好嘢嚟=q，遲d再買嚟食先^^

雖然根想跟朋友分享有bb的喜悅, 但因為未夠3個月, 傳統上怕bb小器唔可以公開住, 所以最後都無開到口。原來「有口難言」都幾辛苦ga~~

1/6

最愛韓團EXO係香港的首場演唱會, 搶到飛睇, 真係好興奮呀~~~帶埋BB去睇, 仲high!!! 佢地的現場表演真係好精彩, 忍唔住跟住拍子跳咗幾下=p, 哎呀~~~~

2/6 - 見陪月 

因為我媽咪要返工, 奶奶又唔識煮飯, 諗起坐月期間自己的飲食, 如果又餵人奶又要自己煮, 我真係怕攪唔掂又無得休息, 所以問老公請唔請陪月, 難得佢一口答應!

今日約見了一位, 是妹妹的朋友介紹, 佢用過覺得好好。大家見面傾下計, 傾落都覺得佢細心又nice, 而且經驗豐富, 我o地亦懶得再揀, 就立即簽約落booking, 雖然未夠3個月就請陪月好似早咗d, 但好的陪月都好快full book, 難得搵到個啱心水嘅都寧願早少少confirm, 了咗件事。

原來陪月返日間8小已經要收$17000 @0@, 都幾貴呀~~~不過身體緊要, 呢d錢真係唔慳得。

霞姐, 我坐月靠晒你ga la

by笨豬小慧simple

茄汁大蝦，酸酸甜甜好開胃，簡單易煮又好味，大人細路都鍾意^^

有時喺街市見到d平平大蝦，就算唔係swimming嘅都好，用呢個食譜煮包好食

茄汁大蝦

材料： (2~3人份)

中蝦 -- 6~8隻

蒜蓉 -- 1茶匙

油 -- 1湯匙

汁料：

茄汁 -- 1湯匙

糖 -- 2茶匙

喼汁 -- 1茶匙

鹽 -- 少許

水 -- 1湯匙

做法：

1. 蝦洗淨, 剪走蝦頭上的尖刺、咀、眼、鬚、腳, 再由蝦背剪開, 去腸, 然後用廚紙印乾水, 備用。

2. 用鑊中大火燒熱一湯匙油, 放入蝦, 煎至兩面金黃色及近乎全熟(大約每面煎2分鐘)。

3. 將蝦推去鑊邊, 放蒜蓉爆香, 再把蝦兜勻, 加入汁料, 快手兜勻至汁收乾, 即成。

貼士：

1. 蒜蓉很易煮燶, 所以後落, 既有蒜香味又唔會食炭屎=p

2. 用鮮蝦、急凍蝦都可以~

by笨豬小慧simple