2011年6月10日(五)
約咗朋友在尖咀唱K，見未夠鐘，再同主人去多次百利睇男禮，上次睇漏咗一間。
DECISION Men's Wedding
地址：百利商業中心地下4-6號舖 (唔洗入商場裡面，係外面的)
TEL：27309892
網址：http://www.decision.com.hk
我上網搵男禮inspiration時無意中搵到呢間DECISION，有位貪靚新郎哥著過，網上評價都唔錯，即管去八吓。
不過間店都幾難搵，門口唔係當眼處，我行咗百利咁多次都無留意有呢間男禮店。
一嚟度，主人見到d衫係誇張款式，又bling bling又playful，已經眼前一亮
本來想問訂造，點知百利呢間專做外租，佐敦旗艦店先有訂造，租仲啱我地需要啦
~
主人急不及待試衫，仲試咗好多件，以下係其中一d：(相片來源：DECISION官網)
首先試咗呢件黑色日式燕尾，好grand，著得主人好英氣
呢件白色日式燕尾都有試，條領有好多珠片咖，不過當時啱身個件出咗街，所以感覺上無咁好睇了。
呢間都有上次主人睇中的珠片西裝，佢一見到已經眼甘甘，好想試。
sales阿姐好殷勤，係咁入倉摷件啱size的俾主人試，又幫主人襯咗好多件背心和bow呔，主人見到自己咁型仔，都唔知幾開心
。
我就同sales阿姐傾到雞啄唔斷，大家都係行內人，一講時裝真係講到唔停到口，傾吓傾吓先知間店D呔係sales阿姐的DIY呀~~勁
!! 而店內的衫就係佢家姐的design。
除咗褲長袖長之外，sales阿姐仲話幫主人收一收西裝的腰位，貼身d好睇d，真係出面的男禮唔會幫你改腰啦。
價錢都好實惠 - 平腳禮服$1099/套、燕尾禮服$1299/套，一套包括西裝、長褲、背心、呔，恤衫另加$380買走(只提供現貨尺碼)
依家做緊promotion，7月30日前落訂，租一套9折，租2套85折，租3套8折，2套以上再送一條呔。
款式、質數、價錢、服務，真係啱晒我地的要求，所以決定租DECISION了。
唉，枉我今日行深水埗行到腳軟，終於搵到d啱用的材料DIY主人的男禮，依家可以慳番囉
為咗留有一點神秘感，主人confirm的款我private post了，唔介意佢chok到嘔的樣，可以私留我add你。(只限有blog有相有內容的B2B)
BY笨豬小慧SIMPLE
請先 登入 以發表留言。