簡單就是愛 - 笨豬小慧simple's blog

前日(7/3)晚上11點幾，仲reply緊大家對我篇「淘寶姊妹裙 - 試買」的留言，點知到咗尋日(8/3)晏晝，剛剛發表了新文章後，我就發現呢篇blog唔見咗!!!!

我又被yahoo河蟹!?

之前已經發生過一次遺失blog事件，因為某人的投訴，yahoo無問過我，就delete咗篇blog，連帶事主的blog也一併delete了，但誰塾正塾邪，我已經唔想評論。當時只覺得言論自由受威脅，但我唔想攪大件事，而且事主亦唔同yahoo追究，所以我都無再跟進。

尋日，又再一次遺失blog!!!

究竟今次又衰乜?? 因為我打咗價錢，被yahoo誤會係商業用途!?但我的其他blog都有打價錢喎，點解又無事嘅? 又因為有人投訴!? 但我無開名又唔係講衰野，普通sharing咋喎。

真係諗極唔明。

好無奈，要打過晒都可以，但大家留俾我的回覆，就補唔番了，真係好唔開心。

剎那間，我有d擔心會唔會成個blog俾yahoo delete埋!! 咁我呢一年的努力就化為烏有!!

心有不甘，就算篇blog無得翻生，我都要向yahoo問責!!!俾個死因我都好啦。放工前send投訴表格俾yahoo(<<遲d我想講吓點樣利用呢個投訴表格)

等等等，等咗成晚都未有reply email。心死如灰，先打番篇blog留底啦。

今朝(9/3)check email，yahoo終於回覆我了，內容都幾攪笑：

「很抱歉得悉您在使用Y!BLOG時遇到遺失網誌的問題，在收到您的報告後，我們馬上為您帳戶檢查有關紀錄，而經我們了解後，確認該網誌位於『垃圾筒』中，……」

我唔記得幾時我有係自己篇blog度按過「刪除」喎!?離奇地竟然响垃圾筒"再"出現。最驚奇係，之前被投訴的blog都一拼復活!!!

點都好，能夠失而復得，尤其大家的reply，真係好開心。

by笨豬小慧simple