簡單就是愛 - 笨豬小慧simple's blog

完成買餅卡和訂紅酒的任務後，見有時間就行埋婚紗檔吧。

VA Fashion
http://www.vafashion.com.hk/

只做男禮的租借和訂造。租一套男禮要$15XX，4日3夜，包背心、腰封、bow tie。款式比較classic和grand，喜好型仔打扮的主人唔太鐘意啊

Mode Tuxedo
http://www.modetuxedo.com/

也是專做男禮的店。package - $16XX一套，$31XX兩套，但唔包配件，另租加$315/set(背心、腰封、bow tie)。款式走日式路線，比較簡潔時尚，連粉紅色的男禮都有，0岩晒型人一族。主人睇完之後，嫌太貴了，上大陸造一套也只是$1000，一定0岩身又0岩心水，所以唔想租

Vanesse L
http://www.vanessel.com/

朋友上年結婚租呢間的衫，覺得幾靚，見佢有擺檔就行埋去八吓。婚紗算ok，晚裝好爆，唔係閃就撞色，都幾蝦人著。1WG+3EG+1男禮+1伴娘裙 = $6898，平均一千蚊鬆D一件，合理價錢囉。場內人太多，唔想留太耐，拎咗catalogue就走，搵日再殺上舖頭睇。

希臘女神Beauty Hera
http://www.beautyhera.com.hk/

念念不忘上次睇的衫，又行埋去八吓，順便問吓價錢，點知......................加咗價呀真係晴天霹靂。原本$7888-1WG+自選5套衫的package變咗$8280!!!
Sales話今日係婚展的last day，如果我立即落訂，減$2000!!! 即是$6280租6套衫，又突然變得好抵，引死人喇。可是我未帶媽咪去舖頭睇，真係唔敢book，怕佢唔鐘意我就癩野。睇0黎又係緣慳一面，唉

睇完咁多間都係得個吉，唉，package又開始加價，睇0黎唔可以咁懶，要快手d睇多幾間，搵日帶媽咪去踩場，攪掂佢租衫我就可以安安樂樂，慢慢攪其他結婚野了。

by笨豬小慧Simple