簡單就是愛 - 笨豬小慧simple's blog

笨豬小慧simple 發表在 痞客邦 留言(7) 人氣()

2011年11月19日(六)
承上文：婚前忙爆的一天(1)、婚前忙爆的一天(2)
原本打算坐的士去沙田麗豪酒店，點知兄弟K揸咗架花車嚟車我和伴娘過去，而主人、兄弟A亦幫手搬d物資上車(當然做埋跟車落貨啦)，實在太好了!!
(到呢度大家可能發現，婚前全日，甚至上頭後，我都仲同主人形影不離，無計，搬抬托的功夫，單靠我一個女人仔真係攪唔掂，破戒又如何，攪唔掂我就真係唔洗嫁了)
沙田麗豪酒店的歷史都唔少(保守估計over廿年，而且中間無大裝修過)，所以房間有幾先進，裝潢有幾新淨，真係心中有數，我仲因為太晏去check-in，拎唔到10/F、11/F最近新裝修的房。
不過，房間比想像中好，都算四四正正、乾乾淨淨、光猛舒適。

(繼續閱讀...)

笨豬小慧simple 發表在 痞客邦 留言(8) 人氣()

2011年11月19日(六)
承上文：婚前忙爆的一天(1)

由於下午的太子大塞車，我地係始創附近兜路兜咗成個鐘都出唔番高速公路，最後我和主人、兄弟A係旺角火車站落車，轉坐火車歸去。
就係咁，成個schedule延後了1hr。
幸好酒店check-in都好快攪掂，6pm左右我就回到大埔了。執埋d手尾和最後佈置，我和主人就出發，各自回家，與家人吃婚前最後的晚餐。
媽咪唔想煮(佢攪好多野無時間買餸)，所以呢餐係出街食，都好，食完唔洗執，可以即撇，因為要趕吉時上頭。
(surprise妹妹和妹夫都有嚟食飯和睇我上頭，haha，佢地仲幫我拍片影相)
因為趕吉時，我都唔理主人上頭未，回家即刻沖涼，準時8pm上頭!!!
(多謝賣花的antie教我要用碌柚葉沖涼，不過現代化方法唔洗煲水喇，只係整濕d碌柚葉掃吓身就ok)

(繼續閱讀...)

笨豬小慧simple 發表在 痞客邦 留言(6) 人氣()

2011年11月19日(六)
BD倒數1日!!!
孫簡聯婚的rundown係由呢日開始寫起的.............(rundown由BD前一天開始，係一位已婚的朋友教路的，咁做就唔怕自己做漏野)
一早預知今日會爆忙，可幸BD的準備功夫已全部完成!!(包括DIYs、seating plan、pack物資等)

(繼續閱讀...)

笨豬小慧simple 發表在 痞客邦 留言(3) 人氣()

又到聖誕，又到聖誕~~~
婚後個幾月就係聖誕節喇~~~
今年的節目一樣豐富，但因為主人要去飲和返夜更，我地沒有2人世界的聖誕節了T^T。雖然有d可惜，不過都無計了，下年啦~~~以後仲有千千萬萬個聖誕節要一齊過，走唔甩嘅，keke!!!
小小小豬欄都要有聖誕feel，我要買 聖 誕 樹!!!

(繼續閱讀...)

笨豬小慧simple 發表在 痞客邦 留言(3) 人氣()

(12/3/2012 UPDATE：只剩VSOP、Hello Kitty公仔 未出售，有心人快D帶佢地番屋企啦~~~)
結咗婚已經有3個多星期了，終於叫執好少少間屋，間房同客廳的地板終於見天了~~~(之前堆滿一地都係雜物Orz)
婚禮後，真係有好多只用了一次的物資，或者買咗無用到的東東，丟了真的好浪費啊~~又唔環保。
所以希望有心人接收佢地啦~~~

(繼續閱讀...)

笨豬小慧simple 發表在 痞客邦 留言(3) 人氣()

其實我是一個B女fans。(B女即係Blythe公仔)
真係好想BD可以用B女嚟做decoration，仲要佢地著的婚紗係我車嘅，滿足一下我的fashion show願望。
原先計劃係有4~6隻B女的，真係一字排開好似fashion show咁，但後尾睇場發覺，酒樓擺唔到咁多隻B女，而且保安都係一個大問題。
於是就由fashion show改做一對B仔B女好了。
材料一早買好，只係自己懶，一直唔願開工，去到倒數7天o個時，真係想過放棄，唔想攪到自己為DIY而好趕好緊張。

(繼續閱讀...)

笨豬小慧simple 發表在 痞客邦 留言(14) 人氣()

2011年11月17日(四)
BD倒數3日。
今日係婚前last day上班日，公事無咩忙，但私事就有。
- 約咗舊同事lunch飲茶+派帖 (真係派到呢日先派完晒帖呀~~)
- 去美心拎4打西餅回公司派，3:30pm開派

(繼續閱讀...)

笨豬小慧simple 發表在 痞客邦 留言(5) 人氣()

2011年11月16日(三)
BD倒數4日
今日約咗未來奶奶和媽咪去Beauty Hera做last fitting，同行還有未來老爺、未來姑仔、主人 和 我細妹 成立的顧問委員會。
本來約好14/12，book好晒喇，麻煩媽咪先突然話呢日佢要開OT搵外快，要改期16/12，咁樣一改，就要全村人就媽咪一個，真係牽一髮動全身咁嘛，你一句說話我又做餐死喇，真係忟死我喇!!!!好彩未來老爺奶奶16/12都得閒，又好彩16/12仲有期last fitting，唔係我實俾媽咪玩死鳥......
其實所謂的last fitting，即是拎晒你confirm咗的衫，俾你試身多一次，試之前已經根據你之前度咗身的尺寸改好了，當然成年前的size同依家會有出入啦，因為個個女人都會為咗大日子而變瘦(不論自然瘦定努力瘦)，所以試身後，會再細執一次，呢d就交俾即場的改衫阿姐負責了，當然唔少得配襯首飾、披肩、頭紗等的環節啦。

(繼續閱讀...)

笨豬小慧simple 發表在 痞客邦 留言(2) 人氣()

婚前有一日主人返夜更，我就趁佢唔係屋企，買定接新娘遊戲的道具收埋，仲DIY埋「愛的宣言」。
cut邊位cut得唔夠直tim>.<
是是旦旦啦，出鏡一陣，唔多覺嘅(實情係懶唔想再整過)

(繼續閱讀...)

笨豬小慧simple 發表在 痞客邦 留言(5) 人氣()

有人同我講，BD要著紅底底。
臨急去買紅色孖煙囪，好彩uniqlo有jar~
$79/2條
棉質好舒服，而且cutting夠貼身，著skinny男禮西褲都唔怕現底底嘛XD

(繼續閱讀...)

笨豬小慧simple 發表在 痞客邦 留言(4) 人氣()

2011年11月13日(日)
BD倒數7天!!!!
尋日因為自己懶起身，早上去洗牙plan失敗了>.<
諗住都算啦，洗唔到都無所謂嘅....(雖然心有焉焉然地，覺得洗咗牙會靚D，笑容都有自信D啦)
點知好好彩，樓下的牙醫診所星期日都有開，我的洗牙plan又可以翻生喇~~~^V^ v (連鎖式醫務所果然賺錢最強，連星期日都有醫生開工)

(繼續閱讀...)

笨豬小慧simple 發表在 痞客邦 留言(2) 人氣()