簡單就是愛 - 笨豬小慧simple's blog

我有化妝返工的習慣，無他，只係唔想呀烏咁見人，儀容anytime都好重要ga~~~

雖然我又未到5mins化好個妝出門口，但10mins內化個簡簡單單見得人的日妝，都想跟大家分享一下。




鐘意可以揸d lip gloss~~~攪掂!!! 出得門口喇~~~


其實日日化，好快功多藝熟^v^，日日靚住咁返工，心情都暢快d啦~~~

上星期日我參加了由Bithia美女主持的「玩*妝*班」。

去的時候真係好緊張呀~~~因為成10年無入過屯門，路痴的我會唔會搵唔到集合地點呢？幸好有google map的幫手，終於順利到達!!! (所以想買iPhone囉，搵路都易d嘛)

Bithia的化妝工具好多好多，果然係專業化妝師!! 你睇我個d(中間靠底)，得小貓三四樣野jar。

Bithia專心教授中，多導安怡Kitty做示範model，你的皮膚真係好到令人妒嫉呀

今日的課堂內容 ：

1. 妝前打底
　(乾肌就用保濕base，Bithia推薦NARS；油肌就用控油base，Bithia推薦Gorgio Armani)
2. 粉底液和蜜粉的塗法
　(原來用粉底液做shading會自然d ga)
3. 四色眼影盤的運用
　(淺色的用來打亮眉骨和眼頭、中間色塗在眼窩、深色塗在雙眼皮和下眼線位)
4. 眼線的畫法
　(珍珠白眼線筆畫在下內眼線可以放大眼睛，又比白色自然，Bithia推薦shu uemura；也教授了開眼頭眼線，重點是要畫出眼框!!)
5. 鼻子的打亮和修容
　(如果鼻頭很圓，可在鼻頭的凹位打陰影，塑造尖尖的鼻子)
6. 貼假睫毛
　(無須修剪，距眼頭2mm的地方開始貼，過長的部分可以拉長眼形，變大眼睛啦)

完妝!!

第一次畫開眼頭喇，但好像怪怪的!?

試用了Fasio新出的紫色眼影盤，用棉頭塗上顯色度會高很多。多謝安怡Kitty借我用呀

怎少得和美女導師Bithia的合照呢~~~多謝你的教導呀~~開眼頭眼線很難畫，我要多練習啊!!

4人學生團。第一次和大家見面呢

同場加映 - Bithia家的可愛狗狗們

仔仔 - bi bi

爸爸 - cha cha

每當走近籠，它們就會猛地站起來和打「詠春」，好攪笑呀~~

歡樂的時間過得特別快，又係時候講bye bye。多謝收看。

上星期剛剛參加了Maybelline Beauty Blogger Gathering，拎咗3樣皇牌產品返屋企。
(花絮：http://hk.myblog.yahoo.com/simple1914/article?mid=997)

3樣我都無用過，等我逐一試吓先。

Maybelline 8合1礦物BB cream

偏白的肉色，唧出來比粉底液仲要稀，塗上後有明顯調色效果。

 

Maybelline眼線膠

附掃，畫起來順暢不斷線，顏色夠實。聽聞油眼人用都唔溶，等我呢個油眼人試一試先。

 

Maybelline MAGNUM Volumn Mascara

相信有好多sis都擁有一支，所以都唔多講喇。

刷頭設計幾特別，不是圓柱形的，扁扁地咁(側面睇就知)，微曲。
同其他Maybelline的睫毛液比，MAGNUM的刷頭特別大!!

 

一次過將Maybelline化晒上面!!!

趁星期日要出街，我就嘗試拎晒全屋的Maybelline產品化個全Maybelline的妝!!

我家所有的Maybelline妝品，其實只是加多了防晒base和礦物遮瑕膏

其他輔助妝品

 

開始!!!!

先0黎素顏一張

防晒base因為有珠光，所以只搽係T-zone和顴骨做highlight，再全面搽BB cream。呢張相未上碎粉，只係搽咗BB cream和遮瑕膏，睇得出白咗少少，暗啞位明亮番晒。

完妝相

眼線用了Maybelline的眼線膠，好上色，只嫌難乾，要等耐D先可以開眼。唔知係唔係當日天氣太濕太熱，我又無開冷氣化妝，D睫毛夾極都唔翹起，完全試唔出MAGNUM睫毛液的威力。看上去無咩增長到，開眼睇又唔覺豐盈咗..............

 

 

我的小小感想：

我又多咗一樣Maybelline至愛產品：8合1礦物BB cream!! 好清爽，0岩晒我呢D怕笠的人，小小份量已經夠搽成塊面，好慳家ga~~
眼線膠真係名不虛傳，10小時後都無溶到，我又搵到另一防油眼妝品!!如果乾得快D會仲正。

 

 

多謝收看。好耐無出過妝文喇，希望大家支持一下啦

 

我是一個油眼人，眼妝不到半天就給我的眼皮油脂溶掉了，再加上內雙眼皮，溶掉的眼妝就因為眼皮一眨一眨時，推在眼摺位變成另一條「眼線」，好樣衰呀

最近發現了一個上妝方法，眼影積線問題完全消失了，我已經連續試了一個月，天天化妝，10小時沒補妝都唔溶，誠意推介俾各位油眼的sis。

用具：

其實都好簡單，只需要 碎粉、粉餅、eye gel

步驟：

揸完base之後，全面掃上碎粉，眼皮記得掃多一次。
我用Clinique的loose powder，控油又唔會攪到乾紋現形，又唔會變小白臉。之前已經介紹過喇。
(舊文看此：http://hk.myblog.yahoo.com/simple1914/article?mid=866)

之後眼皮再補一補粉餅，等d粉再索一索d眼油。

最近用緊雪肌精supreme粉底的sample，控油真係一流，但全面用就有d乾，所以用0黎吸眼油就0岩晒。你睇吓用到見晒底就知我幾鐘意佢。

剛剛上完碎粉+粉餅，眼皮的油光無晒。

最後用手指印上eye gel，等之後上的眼影粉可以上色d，last得耐d。

我用緊Jill Stuart的eye jelly，係TZ分裝團時入手的，豆腐一樣咁幼滑，雖然唔夠顯色但勝在夠閃，眼妝打底一流。

完成圖：

以上3個process算係眼妝打底啦。

之後照正常程序上眼影、畫眼線、掃mascara，眼妝就攪掂喇。

外出 10小時+0補妝 後：

開眼睇無咩驚喜，正常眼一隻。

合埋眼你就見到真章!! 眼影無甩色無溶無積線，閃粉仲好安全咁留係眼皮上，條眼線仲清晰可見!!!(其實T字位已經出晒油)

預告：

做咗油眼人廿幾年，買買埋埋唔少「防油」眼妝產品，想知就推一推啦~~~有你的支持我先有動力出文。

再一次，多謝收看

買了新眼影當然要立即試用！(請看舊文)
星期六那天外出就用了它。

 

化妝品一覽：

‧底妝
Skinfood 四合一蘆薈BB cream #01
Mabelline礦物遮瑕膏 #2
Lavshuca極細定妝蜜粉 #透明

‧眼妝
Pearl in Eyeshadow眼影盤 #紫
RMK眼線膏 #02 Deep Blue
KATE眉粉筆 #啡
KissMe增長撓捲睫毛液 #黑

‧胭脂
Biotheme珊瑚紅眼影

‧唇
KissMe Sexy Enamel唇彩 #04Honey色

步驟：

1. 先上好底妝。記得眼睛上多些蜜粉，可避免眼影脫妝和卡粉。

2. 眼影(C)淺紫色塗抹整個眼窩，可稍稍塗得高一點，直到張開眼時微微看到紫色。
3. 眼影(B)深紫色塗抹在眼窩，稍稍比(1)塗低一點。加重眼尾的顏色。
4. 眼影(D)黑色塗在雙眼皮位，也是眼尾加重。
5. 眼線膏(E)畫內眼線，再畫一條幼的上眼線，眼尾向上翹，填滿空位。
6. 眼影(A)珍珠白色塗在眼骨做打亮。
7. 蠶繭後3/4塗上(D)，可以畫粗一點。記得要連接上眼尾的眼影。
8. 眼頭1/3塗上(C)做打亮。可順手拉一點顏色到上眼瞼的眼頭。
9. (E)畫內下眼線，先畫眼尾，再伸延到眼頭，畫成「切開眼頭」的做法。

10. 夾翹睫毛，上下眼睫毛再塗上兩層睫毛液。
11. 畫眉。用眉筆打鼻影。
12. 最後輕輕在笑肌掃一下胭脂。塗上唇彩‧

~完成~

玲瓏浮突的豐滿身材，我也夢想擁有，說得是夢想，當然就與現實相反啦~~唉，我就是與性感身材絕緣

整形隆胸嘛，我就是怕痛不敢做(而且也沒金)；吃豐胸丸什麼的，又怕會有不好的副作用(生乳癌咁點算>~~<)但有時候要穿著正式，沒點身材就很難把晚裝穿得好看，怎麼辦呢？

有沒有想過化妝可以救救「小胸」呢？

只要有亮粉和修容粉餅，就可以塑造W形的性感胸部線條，如果加上有提升和集中功能的胸罩，效果令人眼前一亮

胸部也可以做運動，更加集中，也可以防止下垂

豐胸!?唔一定要搵"變 X D"嘅。

用了3天的新化妝品，終於上手了，現在為大家分享一下。

~日間可用的煙燻眼妝~

化妝品一覽：

‧底妝
由於皮膚突發性敏感，長了很多暗豆，為免惡化，所以沒有上粉底，只塗了遮瑕膏在眼肚位置
Maybelline礦物遮瑕膏 #2

‧眼妝
RMK Mystique Eyes眼影盤 #03灰
RMK Ingenious Gel Eyeliner眼線膏 #02深藍色
KATE眉粉筆 #啡
Majolica Majorca第2代纖長睫毛液

‧胭脂
Biotheme珊瑚紅眼影

步驟：

先用遮瑕膏消除黑眼圈，掃上碎粉固定，眼窩也掃上碎粉，可免眼影卡在雙眼皮摺位

1. (A)深灰色用棉棒塗在雙眼皮位，由眼尾向眼頭掃，逐點逐點加深顏色，並暈染到眼窩的後半部份。
2. 眼窩的前半用掃塗上(B)淺灰色，眼窩中間重疊上色，使兩個深淺色的界線模糊。
3. 貼近眼睫毛處畫上(E)眼線膏，眼尾稍稍上揚。也用(E)畫內眼線。
4. (C)淺藍色掃在眉骨做打亮。
5. (D)銀色用尾指/棉棒點在眼頭的>字位做打亮。
6. (E)畫在下眼2/3處，畫粗一點，最少要有0.3CM粗，快手用棉棒來回刷，做成暈染。
7. (C)用棉棒的尖端畫在下眼1/3處。

眉粉用來畫眉和打鼻影。
睫毛膏上下都要刷兩次才夠翹和長，記得要梳開睫毛，根根分明才有氣勢
只輕力掃一次胭脂在笑肌，太深色的胭脂會使妝容不平衡。

~~完成~~

眉妝用具有眉筆(選筆芯較軟的會易畫，附螺旋刷更貼心)、眉粉(塑造自然眉妝)、染眉膏(增加立體感，如果你是啡髮，可以平衡眉的顏色)

量度眉適當的長度和位置，先用眉筆逐筆畫以填滿尾毛空缺的部份，也可用來拉長過短的眉尾，用小斜角掃沾眉粉，先畫中間至眉尾，再畫眉頭，就不怕眉頭顏色太重欠自然了，最後用染眉膏輕力掃在中間，要逆毛生長的方向掃才是正確的。

修容可以用比自己深一號色的碎粉來做，位置是太陽穴至腮骨呈"3"字的地方、顴骨下、鼻翼；打亮就用含珠光的亮粉來做，位置是眼下三角位、眉骨至眼後C字位、鼻骨、下巴。別忘記在兩顴的笑肌上掃上胭脂。

 

大地色漸層大眼妝用具：
眼影combo(包括淺啡、深啡、啡金等色)、打亮用的白色眼影/亮粉、黑色眼線筆、防水黑色眼線液、睫毛液、假眼睫毛(如需)

1. 眼窩塗上淺啡色眼影。
2. 白色眼影塗在眉下做打亮。
3. 深啡色眼影塗在雙眼皮位和下眼眉2/3。
4. 黑色眼線筆畫上下眼線。沾一點深啡色眼影，重覆來回數下畫在眼線上，用以blend開眼線。
5. 眼線液畫內眼線和填滿睫毛空隙。
6. 夾好睫毛，掃上上下睫毛液。
7. 假眼睫毛預先捲好弧度和修剪長度，塗上膠水，半乾後貼在眼皮近睫毛的地方，先黏好中間，再處理兩端。
8. 用棉花棒輕力壓實假眼睫毛。
9. 眼線液填補假睫先與真睫毛之間的空隙。

***OK!!!***

續前篇... ...

其實畫眼線也有好多小技巧可以注意啊~不知道大家認識多少呢?

下眼線
要是一般的上眼線也不能滿足你對大眼的渴求, 畫下眼線就可以幫你一把。下眼線是畫在貼近下眼睫毛的皮膚上。先從眼尾"三角位"起筆, 用筆尖輕量填滿"三角位", 再順勢向眼頭方向畫, 畫到眼珠中間或近眼頭的1/3位置收筆。千萬別畫到眼頭才收筆, 會給人一種兇巴巴的感覺。畫好後用尖頭棉花棒由眼尾向眼頭方向輕輕掃幾下，或者用深色的眼影掃幾下，blend開的眼線既自然又明亮。下眼線尤其識合晚妝使用，配合閃粉化妝品，華麗奪目的眼神話咁易。
(註: "三角位"是上下眼線在眼尾處的交接點, 因為形狀像三角形, 我就這樣叫它吧^ ^)

內眼線
我們平常畫眼線的位置, 即貼近睫毛的皮膚, 就是"外眼線"。有外當然有內, 那麼"內眼線"在什麼地方呢?它就是最貼近眼珠的一處皮膚, 要拉起眼瞼才能看到啊, 因為在睫毛底下, 這個地方常常被忽略呢。在內上眼線位畫黑色眼線, 就能增加上眼線變大眼睛的效果。記住不要手震震的刺到眼睛呀。由於內眼線經常接觸淚水, 要選用防水功能佳的眼線筆才能有持久的妝容。

白色眼線
不要以為白色眼線筆跟一般的彩色眼線筆的用途差不多啊，都是玩味化妝派對用什麼的想法，那你對它的認識就太膚淺了。白色眼線是大眼化妝的秘密武器!!把它畫在內下眼線, 就有神奇的倍大眼睛效果; 畫在眼頭的<位, 就有惹人憐愛的眼神。白色眼線, 你不要小看它呀~

改善眼形治療法
從來化妝都是隠惡揚善的技巧。不是每個人天生有對雙眼皮深邃的美目,更多人有各種眼睛的缺點, 但透過"畫眼線", 腐朽都可變神奇。
大細眼: 只要在細的那隻眼睛畫粗一點的眼線就可以了。
單眼皮: 不單止要畫粗眼線, 而且要長和向上翹, 形造單鳳眼的效果。記緊畫內眼線, 有倍大雙眼的效果。
眼睛長而扁平: 眼線宜兩頭尖中間粗, 拉闊眼形, 眼線忌長過眼, 畫到眼尾就可收筆, 否則眼睛看上去只會更長。
三白眼: 忌畫任何黑色下眼線, 只會令眼神更兇。如真的要畫下眼線, 就畫白色或金色內下眼線加上粉色眼影塗在下睫毛邊沿, 就能倍大眼睛及柔和眼神了。
下垂眼: 上眼線畫到眼2/3就開始向上收筆, 然後填滿眼皮的虛位。
狐狸眼: 又稱吊眼。眼線畫法與下垂眼相反, 一直沿睫毛邊畫, 到眼尾處也不要向上收筆, 可以稍稍畫得比眼長。
外斜視/雙眼分得較開: 直接由眼頭開始畫眼線
鬥雞眼/雙眼湊得較埋: 眼線由眼珠中間做起點, 眼影集中在眼尾部分, 眼頭不要加shimmer啊~

不知道大家還有其他畫眼線的秘技嗎?歡迎回應及分享啊~

續前篇……

想對眼又圓又大，單靠深色眼影是不夠的。眼線便有畫龍點睛之效。

眼線
主要有3種質地：眼線筆、眼線膏和眼線液。我3種質地的眼線也有用過，讓我分析一下它們的優缺點吧。
眼線筆：初學者必選的畫眼線工具，易上手而且價錢平宜。鉛筆的外型輕巧，方便放入細細的化妝袋作外出用。可是最易脫色，捱不到半天就溶掉了，要經常補妝。不同的牌子各有軟硬度，硬的可輕易畫出幼細的眼線，軟的比較易上色。記得不要刨得太尖，小心刺傷眼睛。(推薦品牌：Anna Sui, NARS)
眼線膏：質感介乎眼線筆和眼線液之間。要配合眼線掃使用。比眼線液易掌握卻又比眼線筆持久。畫出來的眼線鮮明但自然，我就是愛它。不過市面發售的眼線膏多數是小瓶的玻璃樽，外帶很不放便，要是忘記帶眼線掃，真是得物無所用了。(推薦品牌：KATE, bobbi brown)
眼線液：最難控制，適合高手使用。包裝也多姿多采：毛筆、甲油... ...畫出來的眼線鮮明又不易脫色，但稍欠自然。我最近買了KATE的眼線液，毛筆的包裝易上手，加上極細的掃頭，幼眼線一樣輕鬆畫出，而且細小輕巧，放便外帶。(推薦品牌：Majolica Majorca, Makeup Forever)

顏色首選當然是黑色，其他鮮艷的顏色如彩藍、桃紅、金、銀等也可以買來傍身，去party或clubbing時就能簡單地化個誇張的眼妝了。

長篇大論了一番，最重要的部份還未說明：「如何畫眼線呢？」

上眼線
應畫在貼近睫毛的眼皮上。由離開眼頭0.5cm的位置為起點，慢慢拉動筆/掃，在接近眼尾時用另一隻手輕輕拉起眼尾的皮膚，眼線微微向上收筆。長度可以稍為畫出眼尾少許。如果是使用眼線筆/膏，可用尖頭棉化棒在眼線上輕輕由眼頭掃向眼尾幾下，blend開了的眼線會更自然。用眼線液的話，記緊乾透才好張開眼，否則你辛苦畫好的眼妝都毀了。

下篇分享一些畫眼線的小貼士。你又有什麼畫眼線的經驗呢？

每次看日本雜誌的model有對圓又大的眼睛，真是又羨慕又妒忌。我沒有金錢+膽量去"變靚D"，又怕大眼仔CON戴得多會出事，唯有苦練大眼化妝。

眼影
必選深色眼影，例如黑、啡金、深藍、深紫、墨綠。因為東方人輪廓扁平，淺色眼影會令眼睛看來更浮腫，試問一對沒精打采的眼睛又怎麼吸引人呢？深色眼影包著的眼睛，會令人有視覺上的錯覺，以為眼白較多，眼睛就自然變大了！原理跟大眼仔CON差不多。深色眼影更使人有種cool的型格呢~我平日愛用啡金色的眼影，沒黑色般誇張，返工無死。

Shiseido Majolica Majorca Majolook Eyeshadow Combo BR762

這是我最近愛用的眼影，一盒3色(淺金、欖綠、啡金)+glitter(白)，都只是$155，抵用~

先塗啡金色在雙眼皮位，再塗有粗幼閃粉的glitter在眼肚位做highlight，欖綠色塗在下眼線位，最後淺金色塗在眼頭，大眼smoky eye話咁易啦~注意眼尾位啡金色落重手D，眼睛看上去就更有立體感。

我打算用完這盒眼影，就試試KATE或BONJOUR的眼影combo，又是價廉物美之選，"屈人寺"都有得賣。

篇幅有限，下篇再分享其他眼部妝物^ ^ 唔知大家有冇其他心得呢？

冬天又到了，皮膚乾燥泛黃，上粉困難的問題又回來了。平常不化妝時，乾紋脫皮等問題都不太現形，因為皮膚表面有一層油脂保護著，但一上粉時，油脂就被粉底吸收，乾紋脫皮等等都無所遁形！要解決問題方法可多啦。

如果你有錢又有時間，化妝前先敷一片紙面膜，水份立即跑進肌膚裡去。平價之選有Neutrogena和OLAY，前者的美白保濕面膜相當出名，很多朋友用過都讚好；後者聽聞配方和科研跟SKII有9成相似(聽說是同一家公司生產的)，價錢卻只是一半不到，抵買！水份之選有Clinque、Fancl和Biotheme，價錢比上面的兩隻牌子稍貴，當然一份錢一份貨，用後水瑩瑩的感覺超滿足，Clinque我個人大力推介！星級之選必定是SKII，功效不用我多說，劉嘉玲差不多日日講你知了。

如果連5~10分鐘的敷面膜時間也沒有，妝前底霜(base)就能救救妳的肌膚。市面上有很多牌子選擇，功用也各有不同。Base不單可以保濕，更可以是隔離霜，又可以是調色液，某些更具備防晒，美白或珍珠成份，五花百門。我個人較喜歡買粉底時一併買base，無他，只是怕煩，而且同一個牌子，也不會有色差的問題。

如果連買base的錢也想省掉，有個金手指可以教你，就是化妝前先潔面，再上一次護膚品，待3~5分鐘的吸收後，立即塗粉底。因為肌膚此時水份最充足，上粉最容易，我早上化妝都這樣啦~不過合用與否你就姑且試一試吧。

如果妳有什麼得意秘方對付上粉問題，歡迎分享啊~~

我，不是什麼化妝品sales，不是什麼beauty magazine的編輯，更加不是makeup artist，只是一名化妝品用家，所以他們說的專業技巧我沒有。有朋友說我對化妝很有心得，就在此分享一下吧。

面
無論廣告或雜誌都說：一個好的妝首先要有好的粉底。沒錯，好的粉底可使你看來精神斗數，縱使可能前晚嚴重睡眠不足。最重要是，可以隱藏你皮膚的缺點，包括暗啞、雀班、暗瘡，黑眼圈等等。不過，每每看見雜誌推介什麼完美底妝時，發現淨塗個粉底都需要5-6種東西，煩死，而且budget是一大問題。
如果好似我咁懶懶哋，又窮窮哋，two-way cake(乾濕兩用粉餅)就最啱，再加一支遮瑕膏，完美底妝話咁易啦！two-way cake有個好處就是質地結合了乾粉和濕粉的特性，有濕粉的遮瑕度但又唔笠；有乾粉的幼滑但又唔會攪到你的乾紋現形。最重要係一盒$3xx的粉已經做到$5xx的粉底液+蜜粉的功效，加上攜帶方便，那有理由不愛上它！
我個人選粉底著重保濕和透薄。max factor莫文慰系列(唔記得真正名稱)是用過中最perfect的。$250(連盒)已經有SKII的two-way cake感覺，正！此粉是cream狀的，塗上面後會變成粉狀，既貼面又保濕，而且容易推勻，唔會攪到塊面一達達色。遮瑕度也很好，塗後毛細孔看不見了，塊面看上去就滑一滑啦。有UV 25PA+防曬。缺點是盒內的粉沒有小蓋，用久了粉會有點乾，盒的周圍容易弄髒。另外推介有IPSA，不過價錢貴少少($3xx)，膚色白的人用就最啱，盒內的粉的小蓋。Biotherm也是保濕專家，值得一試。現在最想試shiseido majolica majorca 和 ANNA SUI，包裝靚，粉質也好，只是後者很貴(連盒$380)。
完美底妝除了粉底，又怎少得遮瑕膏，除非你天生麗質、擁有像「剝殼雞蛋」一樣的肌膚。遮瑕膏的功用眾多，遮黑眼圈、暗瘡印、雀斑等等，而我最常拿它來遮黑眼圈。max factor的遮瑕膏很好用，雖然手感有點黏黏的，但出奇地易推，價錢也不過$1xx，抵買！不過，遮瑕膏不是必需品，有些粉底的遮瑕度足夠，遮瑕膏省掉也可以呀。
上好粉之後，就要畫番靚d眼耳口鼻。但怕一篇過太長，下次再談。各位姊妹們，先在家多多練習上粉底吧！