2011年11月27日(日)歡樂時光過得特別快，又係時候講bye bye。
5天4夜的honeymoon，話咁快就到咗last呢日喇~~
今日繼續自由行時間。
食完USJ Hotel的美味早餐後，攪埋check-out，導遊就車咗我o地去一個大阪必去的地方。
道頓堀、心齋橋兩年前已經自由行同屋企人嚟過，今次我無帶旅遊書仔一樣識行^0^
難得可以同固力果大隻仔影到相，多謝新婚團友揸機
道頓堀，其實係一條食街
必食有：赤鬼章魚丸、河豚料理、金龍拉麵、四天王拉麵
因為太多人排隊了，我o地全部都無食!! (所以唔好問我邊d好食d，係咩味等等....)
但齋睇d 3D燈箱招牌，已經覺得好勁好有氣勢!!!
行行吓，見到日本馬會，今日係跑馬日，入面好多人咁。
唔知香港人買得唔得呢?? 中咗點分錢呀??
呢間野，唔係金龍拉麵的分店，係一間機舖，大家唔好攪錯
(仲見到d日本黑幫係呢間野行出嚟=~=)
話咁快，就行到嚟戎橋喇~~
河邊兩岸都係食肆，聽導遊講，呢邊d餐廳平過大街o個d咖
我o地留肚，只因想試呢間「一蘭」拉麵
千奇百趣都有介紹過，好食之外，佢最趣的地方係，一人一個partition食麵，話咁先唔會有disturb，先食得出最好的味道喎.......
可惜，又係太多人排隊，超級唔鐘意排隊的我，又放棄無食到了。
(事後問番食咗的團友，佢o地都話好食，但又未好食到排勁耐隊嚟食囉)
過埋戎橋，就到心齋橋喇~~
嚟呢度當然係shopping啦~
sanrio、disney(唔去東京都有日本disney精品^0^)、Uniqlo、Zara、Evisu、大丸百貨、不二家cafe、藥妝店............等等等
不過yen真係太高，購物意慾好低，我o地又話咁快行完心齋橋筋
心齋橋尾，過埋大馬路，轉右，就見到Tokyo Hands
入面有d似city super和log-on
係美容counter見到呢部toner mist maker 真係好想買呀~~~
但計埋rate後，同香港JC shop的標價差唔多，so，又無買了
章魚丸機，幾得意，但我唔識整個蛋漿，睇完就算了=p
迷你朱古力噴泉機，如果未嫁，可能我會買嚟放係candy corner
sake，有大有細，仲有綜合sample mix，而且好平咁(mix細細支，一包有5~6支，都係2XXXyen jar)
我猛叫主人買d番香港，點知佢又唔買(佢鐘意飲酒ga)，返到香港又呻笨了，蠢死
係Tokyo Hands運完吉，我o地又沿路行番轉頭，去搵食喇~~
登登登登~~~去KANI道樂 食蟹!!!!
叫了一個2人前lunch set，5800yen
非常豐富呀~~~蟹腳刺身、冷蟹腳、網燒蟹腳、天婦羅蟹腳，差唔多所有蟹腳的煮法都食晒!
仲有壽司、湯、茶碗蒸、甜品
加埋優美的環境和良好的服務，貴少少都抵俾啦~~
呢餐真係好滿足呀~~~
食飽飽，就去機場了
雖然我o地好似咩都無買，但又爆晒喼咁番 XD
check-in後，先發現機場離境大堂仲多野買，手信的價錢同出面係一模一樣的!!!
仲有限量版kitty、唔貴但好似好好用的skincare tim~早知留番係呢度先掃啦>~<
返屋企喇~~日本bye bye了T^T
依家日本跟美國一樣，有防恐離境規定，過關前要丟晒d 100mL以上的液體和尖尖的利器
入閘後有d口乾，係coffee shop買咗杯凍咖啡啦~~~頂!!! 勁唔好飲>^<
早知o係自動販賣機禁110yen罐裝咖啡無咁嬲=^=+
CX回程的飛機餐，又係難食=^="
d飯乾晒，肉和d汁又怪味..........我食咗碗仔麵jar.........好肚餓...........
honeymoon終於完滿結束，呢個旅程唔算超級開心，又無想像中甜蜜，有少少遺憾啦。
對住病到死死吓的主人，真係忍唔住想炳佢一鑊!!! 去旅行可唔可以唔好死老豆咁款呢....攪到我好無癮。
又因為佢病咗，我o地去到邊都入藥房買止痛藥，導遊又好好人，介紹我o地買咩藥，但都好似無咩效咁.............(所以我對日本d藥開始多咗認識，同埋日本好多便秘藥賣，睇嚟日本人的腸胃真係好差....)
主人無咩胃口食野，咁我又唔好意思食啦..........唉........食少好多正野囉>^<
幸好，臨尾o個日，主人有番d精神，都算盡興啦(但會唔會遲咗少少呢....)
所以，我已經plan定，結婚一週年，一定要再去旅行，補償番呢個不堪回首的honeymoon!!!
不過，都有樣野值得開心一吓^^
笨豬小慧simple 發表在 痞客邦 留言(4) 人氣()
2011年11月26日(六)今天全日自由行時間，hohoho。
(不過我無帶旅遊書仔，都無idea想去邊.......唯有靠記憶啦)
USJ Hotel的早餐
真係非常豐富!!!! 仲好好味!!!
我呢個早餐食咗好多野=q，但可憐的病君主人，只食得落碗日式粥，蝕晒囉=^=
食飽飽，約埋3pair新婚團友(大家都係20112011結婚，有冇咁啱呀....)
出發去
環球影城了 (跟團已包入場卷)
例影位=p
入場喇，呢度的安檢比廸廸尼求其，帶食物飲品都唔會被沒收。唔怪得USJ賺唔到大錢啦
入場後，就到好似美國小鎮的大街，兩旁都係手信店同食肆，但我o地都唔逗留太耐，快步行去排隊玩game!!
史力加、蜘蛛俠都係必玩
(忘記同史力加留影)
我o地早到，兩個熱門game都唔洗點排隊，好迅速就玩完了~~
史力加3D都算ok啦(有d似廸廸尼的magic opera 3D)，但我年紀大了，無晒童真，唔算好surprise
蜘蛛俠就刺激d，但pre-play的擺設和真人show好舊，真人show全程講日文，又無英文字幕，都唔知講乜，攪到好似戇居居罰企等入場咁....
玩完game，主人突然攪肚痛，搵toilet都搵咗好耐...............=.="
好彩只係痾咗2次，唔係就煩了
去埋toilet，已經中午，開始人多。
Jurassic Park的過山車已經開始人多，要排成個鐘先玩到了，而且係濕身game，主人病病地，我o地決定放棄唔玩了。
行咗3個theme section，開始餓和累，住係路邊的長櫈食嘢(就係自己帶入去的糧囉)。
其實Jurassic Park入面有「恐龍雞脾」賣，500yen左右，唔算貴，好想買嚟食ga~~
但主人喉嚨發炎食唔到，我自己一個又食唔晒成隻火雞腿，so放棄了。
新婚團友有買來吃，佢o地話好好味。
大家去開USJ記得要買嚟試吓。
之後行吓手信店
好多hellokitty和emmo................不過無買，影吓相好了。
(this photo special to A&G)
3pm左右，有花車巡遊
本來滿心期待睇一下USJ的卡通人物布偶，點知.............成個巡遊得6架車，唔洗5mins就巡完...............
雷聲大、雨點小.............難得d日本人仲好high咁跟車尾...........囧
之後，我o地玩埋Terminator和烈火雄心(麻麻地，個performance又係好舊....)，再周圍影吓相，
臨走前，睇咗10週年特典show
空中飛人呢part真係目瞪口呆@0@，幾個飛人無wire，就咁係個滾筒度飛來飛去，嚇死了=0=
呢個亦係我覺得USJ內最有睇頭的performance!!
講真，唔去由自何，一去有D失望。USJ俾我的感覺，好舊...........
可能因為香港有廸廸尼和海馬公園，心入面不禁有比較，就覺得USJ弱咗少少囉.....
不過，USJ的souvenior幾驚喜，簡直出神入化!!
最amazing係spiderman杯麵，塊魚旦仔真係好頂癮呀~~~WAHAHAHA XD
離開USJ後，約埋另外3pair新婚團友，去梅田行吓
USJ可以坐JR去梅田
主人好興奮，猛話自己第一次坐JR，XD，傻佬
USJ JR的車卡，特別掃上各個美國hero漫畫人物的graffiti，靚^^
坐咗大約10分鐘車，就到咗梅田喇~~
幾條地下街連接的中間位置，有個噴水池
室內噴水池，真係第一次見
原本我o地想去附近一條食街(大約過咗地下街之後再行幾個街口)，但睇唔明地下鐵站的地圖，諗住問伊勢丹百貨入面的職員，佢o地又好緊張咁搵個高級又識英文的職員解答我o地(呢度不得不讚吓日本的服務業真係超好sevice)，但始終雞同鴨講(雖然呢位高級職員的英文發音唔算太難聽得明，但都激發唔到我o地對梅田一帶路面的概念)，最後都搵唔到去食街的路。
行到又累又餓，亦唔想再浪費時間，我o地放棄搵食街，轉而係梅田地下街買吓食吓。
去日本，都要high tea，先去coffe shop hea，HAHAHA
日本d cake，賣相靚靚，又好好食呀~~~可惜主人喉嚨痛，佢件chocolate mousse cake，我幫佢食咗一半 =P
(佢個樣謝到好似就死咁.................)
休息夠，我o地再去血拼!!
去咗超市八
SPAM餐肉蛋壽司..........救命.......主人仲話買嚟試吓，咪玩啦.........
鯨魚肉罐頭，點解日本一個文明國家，仲會食鯨魚!? 我堅堅堅唔覺得鯨魚係食物，為咗D鯨魚，我罷買>^<+
搵到間實惠手信店，當然要入貨啦~~~
係一間田園風家品找到一直好想買的tea set!! Afternoon Tea牌的lace通花 tea cup真係好好好靚呀~~
1575yen 一杯一碟，都唔算好貴，買買買。
(不過個水壺D花紋差咗少少，又貴，唔會買)
點知，主人猛潑我冷水，又話貴，又咒我會打爛................
我敵唔過佢的煩音，最後「無買到」!!!! 走o個時真係好後悔呀T^T
新婚團友都話呢set杯靚，聽到之後仲唔開心>^<，一路行一路怨，可惡!!!
行完梅田，我o地坐JR番USJ駅，去尋晚遊盪的商場搵食。
去了風神雷神食拉麵
我原本叫醬油湯底，但waiter誤會咗，嚟咗麵豉湯底，咸咗d呢>.<
反而喉嚨痛的主人竟然食到!!! 真係食晒成大碗拉麵。我真係好欣慰，佢嚟咗日本咁耐，終於有餐飯佢係食得晒。
回到酒店後，仲有宵夜食!!
超級大隻的牡丹蝦!!!
係其中一pair新婚團友向導遊自費order的，佢地dinner後太飽食唔晒，送咗俾我o地食，super多謝你呀~~~
d蝦真係好好好味=q，勁鮮甜，肉質彈牙，蝦頭又多羔，仲有蝦籽!! 食完可謂齒甲留香。
明天就係honeymoon last day了，係pack喼之前，嚟番個手信大合照先!!
笨豬小慧simple 發表在 痞客邦 留言(0) 人氣()
2011年11月25(五)今日的行程要去好多地方，又要換酒店，所以又係晨咁早的morning call，好眼瞓啊~~~
食完早餐後，就車咗去睇炭
我對眼好腫.............@-@
備長炭，好似有好多神奇功能：防潮、除臭、吸輻射、淨化.......
但，唔好諗住買，佢歸類易燃物品，上唔到飛機。
所以，嚟呢度，真係運吉..........
成間博物館都無咩好睇，反而呢碌樹咁高的備長碳好過癮 =p
幫d婆婆團友蓋的印仔，haha，我手勢好好啊~~~無浪費我幾年吸印仔的經驗呢~~~
又坐咗一個鐘頭車，嚟到黑潮市場
去日本我最鐘意行街市，又多野睇，又多野食，仲好乾淨舒服，最開心d野好平ga~~
剛剛夾啱時間，睇到吞拿魚解體show (即係劏魚囉)
師傅勁好手勢，唔洗10分鐘就將條完整的吞拿魚劏開做一舊舊，手起刀落，手勢非常純熟。
佢一邊劏，一邊用日文講解，但我唔識日文，一句都聽唔明，好彩同行團友有一位日文教師，有人翻譯，hoho
團友同我講，劏魚師傅話呢條魚太細，今次無toro賣.............原來咁大條都叫細，O咀..............
現場有得即場試食呢條吞拿魚，不過我同主人都唔打算買，無謂貪心試食了。
睇完show，當然周圍八吓啦~~~~街市真係好多正野賣ga~~
平都笑的新鮮魚生&壽司
大toro壽司2000yen有7件，$29一件!!! 平!!!
海膽刺身，5000yen有勁大板，而且super新鮮!!! (我係香港唔食海膽，變晒水，唔新鮮好鬼腥)
仲有自助BBQ海鮮
400yen有3隻蠔，嘩~~~抵到無朋友呀~~~仲有大大隻海老、蜆、帶子、魷魚.................
我見有好多日本人排隊買，然後去後面的food court坐底慢慢嘆，有埋爐俾你燒ga~~真係好方便!!
我同主人夾埋另一pair新婚團友買咗toro壽司、火炙帶子壽司、海膽刺身，正呀=q
(大家都係20111120結婚，仲又係住大埔tim~~~實在太有緣份了)
呢度盛惠7700yen，但真係新鮮到~~~香港食唔到!!
最勁係，板海膽係超多，鋪咗2~3層，第一次食海膽食到有膩的感覺!!! (仲要係4個人分的!!)
我自己覺得好抵食囉~~~hohoho
其實仲想食埋BBQ蠔，但接住就食lunch，自由時間又差唔多夠鐘，最後無買到嚟食>~<
(so sad, 早知就買啦~~你睇埋下面就知點解)
團餐，牛肉丼+壽司定食
(刺身船唔係我o地ga，係大埔之友加錢order的，但佢o地話差過街市o個d，好彩無order)
剛剛食完d正野，突然覺得枱面的食物唔多吸引，actually又真係唔算好味...........
早知，放棄呢餐lunch，自費係街市食到夠!!! >^< 依家勁後悔!!
食飽飽，無野做，去咗附近的歐陸公園影吓相。
裝修到好似廸廸尼，但好鬼細，仲要收錢(我當然有免費入場券先會死入去啦)，唔怪得無人行.......
公園無野好行，又行番入街市遊盪
去咗另一邊的蔬菜屋
d菜又平又新鮮，仲要係勁大棵!!!
大過塊面的大白菜、粗過小腿的大根!!! 成箱蜜柑只是4500yen!!!
如果大家有plan去和歌山，又有時間，不仿嚟吓黑潮市場，嘆吓平靚正海鮮
JR和歌山站有shuttle bus嚟ga，都算方便呢~~~
又坐長途車，到達兵庫縣神戶市郊 - 有馬。(成個朝早仲係和歌山縣)
有馬係溫泉渡假區，2年前自由行同屋企人嚟過玩，感覺唔錯啊~~
金之湯係有馬出名的泉水，鐵質含量高，有助祛風濕，可以免費浸腳，行到累就去鬆一鬆^^
但我同主人無去浸腳，入咗去「玩具博物館」參觀。(要入場費的，但跟團包咗)
入面跟我想像有D唔一樣(我以為有古今中外的玩具睇到)
原來只是木製玩具的展覽................not my cup of tea
唯有帶主人周圍行吓，感覺一下有馬啦~~~(我2年前同屋企人行過晒，so我做帶路)
係有馬御苑溫泉酒店對面的公園仔，終於見到紅葉喇!!
雖然得好少好少紅葉，但「小橋、流水、紅葉」的組合，實在太有詩意了
嚟到有馬，有一樣食物一定要買!! 因為其他地方唔會有，唔買就走寶，手信自用都好一流的。
「六甲山麓牛乳」，250yen的1000mL紙盒裝，味道香甜濃郁，真係好好味ga~~~我一口氣掃咗2盒!!
有馬的行程真係好匆忙，都未行夠買夠，就要上番車，去下一個地方了Y_Y
又坐個幾鐘車，我o地到咗神戶市的市區喇~
嚟到已經係夜晚了(其實只是大約6pm左右，日本的秋天真係好快日落=.=")
三宮Center街，商店街是也，又到shopping時間!
(但我比較想係自由食時間囉..................)
呢度有唔少和服店，款式新潮，而且價錢唔算好貴，我見有後生女著住和服入去買ga~
仲有唔少和布做的小配件，平平地買嚟做手信都唔錯啊
發現一間專做wedding stationary的店，wah~~~d結婚熊熊好靚呀~~~如果我未嫁，真係忍唔到手>0<
日元高企，真係無咩心情shopping >.<
發現DAISO!! (即是100yen店)，可以安心放血喇~~~
呢度好大好大，超級多野買，手信入貨好地方!!
我o地買咗糖、茶包、馬油hand cream..etc..........
行到累，忍唔住想食野
日本的中華菜肉包，我見d上班族叔叔係度食，又想試吓
味道都ok ga~~杯茶仲有免費添飲，才180yen
商店街其實有好多食肆和小吃店
神戶牛dinner set才3900yen!!!! 真係好想食呀~~~~
還有燒餅、TAO燒(我估係加咗蛋的祈福饅頭)等等等等，我想要自由食時間呀>^<
買完，導遊帶咗我o地去海邊，睇海景+神戶港塔
難得呢個建於1963年的港塔無係神戶大地震時摧毀了
食飽飽，又行到累死，終於返酒店喇~~~(又坐咗2個鐘車)
住USJ hotel呀~~~~房間好大好乾淨，設備都算新 (不過又係無WiFi!!!)
張床繼續係twin bed.....唉..............
不過主人病到九彩，分床瞓，大家都瞓得舒服d
房間的對面，就係明天會去的Universal Studio Japan喇~~~yeah~
酒店附近有LAWSON，買定d乾糧，明天係USJ內當午餐 (導遊教的)
少不了買d奇怪零食試吓啦~~~(喉嚨位牙肉發炎的主人乜都食唔到, so得我食)
附近亦有好多食肆，睇定聽晚食乜先~~
嚟咗日本咁多日，終於再見到Rilakkuma
但..........點解你係夾公仔機入面T^T，我夾公仔好屎ga，即係帶唔到你回家囉Y_Y
同幾pair新婚團友行吓買吓，好快就10pm!!!
返房休息，主人累到立即瞓咗!!! 佢真係病得好緊要.........唉..............
by笨豬小慧simple
相關閱讀：
日本阪神蜜月之旅 - Day 1
日本阪神蜜月之旅 - Day 2
笨豬小慧simple 發表在 痞客邦 留言(4) 人氣()
2011年11月24日(三)跟團的唯一唔好，就係有morning call。
8am(日本時間，香港比日本慢1小時)，morning call殺到，想瞓耐少少都唔得。
起身o個時，天才開始光，陰公。
酒店offer buffet早餐，但食物唔算豐富，略嫌簡陋tim~
好彩仲有杯好味道咖啡，算佢合格啦^ ^
而且餐廳座位唔夠，我同主人要坐lobby的coffee shop雅座。
餐廳出面有個露台，食飽飽，又未夠鐘集合，就出咗去行吓
今日天氣好好呀~~陽光普照，好開心啊~~~
今日的行程主要係白濱的郊區。
11月的日本已經係深秋了，所以都有d凍(平均約有10~15
˚C)，領隊亦提醒我o地著多件衫。
坐咗差唔多2hrs車，到達今日第一個景點 - 那智山
呢度係世界遺產熊野參詣道的其中一段
出名的就係山上的瀑布，古人仲建設寺院tim~(不過唔知for乜purpose喇)
上去要行133級樓梯，不過對行慣山的我嚟講，真係easy job
條樓梯睇落好似好長，但起得好好行，比寶蓮寺大佛條長命樓梯好行好多ga~~
沿途種滿杉樹，分外有靈氣。
上到去........原來間寺院係咁細..........
條瀑布.,.........奀咗d囉............
無野做，扮野求吓籤
點知主人真係走咗去俾錢買籤文(又唔識睇日文=.="，都唔知買嚟做乜)
結果係..............中吉...........wakaka XD
主人同法師合照，唔通想催吉!!?? (無用ga，你d衰氣先啱啱開始jar....v_v)
其實，嚟呢度係為咗睇紅葉!! (你估山長水遠嚟拜神咩)
但放眼遠望，山上的樹仍然一片綠油油，好失望啊~~~(我的賞紅葉願望泡湯了Y.Y)
後尾係山下的士多附近，先有棵細細的紅葉jar....
都好過無啦，照殺!!!!
玩咗成朝，又係時候lunch喇~~~
其實我都唔知呢餐算係咩..........shabu shabu?? 一品鍋?? 炸物定食??
咩都好，味道麻麻=^=
炸雞太硬，喉嚨痛的主人完全食唔到!!!
食完lunch，去咗餐廳附近的水族館參觀
未入去之前已經叫自己唔好太高期望 (有海馬公園的level我已經覺得賺咗)
都係睇吓魚咁囉，雖然場地比海馬公園細，但旅客又少d，反而睇得仲清楚
條龍鱉好攪笑，「超」主人喎，wakakaka
呢度都有野贏海馬公園ga~~就係同海龜BB合照
初初都有d驚，一拎上手，隻海龜BB就掙扎，前掌係咁拍係咁拍，不過拍得幾吓佢就唔郁了~~好彩，幾驚"扇"手飛咗佢落地。
原來，海龜個殼，無想像中咁硬，睇嚟佢間「屋」真係有d豆腐渣。
水族館對面，有排奇石
領隊話同日本一個神話傳說有關(係乜已經唔記得咗)，但我o地睇得無feel之餘，仲起勢咁食風!!! 好很凍呀~~~
玩完水族館，就搭咗超長途車，嚟到三段壁
原來係嚟睇石頭=.="
同埋一個大過張保仔洞的山窿
講真，呢個景點一d都唔吸引，又濕又凍又大風!! 完全唔知有咩好睇=0=
自由行的話，一定唔嚟!!!
唯一的spot point - 日落
不過我部傻瓜機影得好差=p
吹咗成個下晝風，真係好凍呀~~~好想食d暖野!!
附近竟然有間小食亭!!
清酒煮螺、燒魷魚、燒粟米、熱sake等等，真係好想食呀~~~
最後.........我o地係食咗雪糕，hahaha，睇嚟我o地的抗寒能力真係全團最好!!(主因係主人喉嚨痛，食唔到熱野=.=")
凍到死死吓時，多謝手信店的店主送我o地一人一杯熱茶，仲要係一杯咸咸地的熱茶，暖一暖身後，我o地先夠薑食雪糕，hahaha
又搭長途車，終於回到酒店。
(講多次都要，如果唔係跟團，今日的行程我一定唔去!!! 日本的自然風景真係好一般=.=")
浸完溫泉後，就去食dinner喇~~~
今晚食懷石料理
可是.................眼前的「懷石料理」，實在唔多似呢............
少咗好多款食物，秋天的懷石料理一定有網燒、熱sake.......唔見咗..........
(懷石料理基本要有：漬物、炸物、燒物、鍋物、天婦物、煮物、刺身、湯、麵類、白飯、酒、甜品/水果，
春天用淺色陶器+櫻花入饌和裝飾+紙窩物；夏天用玻璃食具+冷麵、凍湯、果酒；秋冬天用深色陶器+必定有鍋物+網燒+熱湯+熱sake+熱湯烏冬)
而且擺盤亦唔係用秋天做主題(主要用深色手製陶器+紅葉裝飾)
最慘味道唔好.......唉................勁失望 =^=
難得我仲差晒浴衣襯番gum ma!!
唯有係對紙門面前影相扮吓野啦~~~
今日真係由朝玩到黑，散晒，快快去瞓!!!
尤其病到五顏六色的主人，食飽連行李都未執，就瞓咗.....
by笨豬小慧simple
相關閱讀：
日本阪神蜜月之旅 - Day 1
笨豬小慧simple 發表在 痞客邦 留言(1) 人氣()
2011年11月23日(二)
婚後第3日就係我o地的蜜月之旅喇~~~
未去之前已經好期待，因為餓咗旅行癮好耐，呢次一定要玩番夠本!!!
(雖然我前年都去過京阪，但同屋企人去，依家同主人去感覺又好唔同)
唔知係唔係婚後大家都太累，婚後接住去蜜月真係好辛苦(雖然我o地已經唔係一結完婚就飛)，都無乜時間休息，主人上機之前已經病病地tim。
好彩揀咗跟團，行程食宿有人安排，可以唔帶個腦去，hea住玩。
10點幾機，唔洗天未光就仆去機場，都算輕鬆
仍然係坐國泰去日本，幾時我先可以撞啱坐ANA的機去日本呢~~~聽聞d飛機餐係日式ga~
4個鐘左右，就到咗關西空港喇~~~(我套《harry porter and the deathy hallows 2》睇唔晒>.<)
離開機場，已經有架大巴等緊我o地
太慢手腳，差唔多最尾o個pair上車，坐咗最後面，仲好啦~~~
一上車我都唔理領隊講乜，快快搵周公。
是日落雨，領隊改咗行程，先去outlet。
呢間outlet好近關西空港，好多團都安排團友臨上機前o係呢度放埋最後一滴血
剛剛到埗，魂魄未齊，完全無衝動買野。
我o地無聊到玩影飄浮XD
成個幾鐘係呢度，都周圍行吓八卦吓啦。
o係日本比便利店還要多的自動販賣機
點解「可口可樂」係寫簡體字嘅??? 強國真係好強啊~~
日本太太至愛的LC
outlet都有賣，但款唔特別價錢又唔係平(因為11算)，咁重，無謂抬番香港了。(仲要今日只係day 1，搬酒店時就煩囉)
行行吓，有間店賣好多鬆弛熊的產品呀~~~
真係好想帶佢o地番屋企，但day 1就倒水，好似唔係幾好噃...........
最終忍手，乜都無買到!!!
(之後我o地都好後悔呀~~原來rilakkuma係日本唔算好hit，無乜地方賣咁多精品，day 1無買到，真係可惜啊T.T)
(反而周街都係hello kitty和melody=.=")
相信係聖誕特別版的鬆弛熊公仔~~~太可愛喇~~~但你太貴喇，唔帶你番香港了
(12月中時係香港都見到有得賣了)
唯一買到野的地方，100yen店，買咗D帶漏的日用品啦~~~
見到呢D X'mas cake topper真係好想買，但主人話會溶喎(糖霜公仔)，唔俾我買.......唉，之後都見唔到，可惡!!
行吓行吓，見到有間賣懷舊糖果的店
勾起好多小學時，放學就去學校附近士多買零食的回憶呢~~~
所以買咗少少糖，懷勉一下。
行到累，係canteen食咗燒章魚丸
關西必食食品之一!!! 呢間雖然唔出名，但都幾好味喎=q (絕對高過香港的銀X和章魚小丸子的level)
行完晒都未夠鐘，我o地行出少少影吓相啦
馬路兩旁的樹變晒紅色了^0^
希望去到和歌山郊區時，可以見到更多紅葉啦~~~
行完outlet已經係傍晚了，領隊安排團友先dinner，再去溫泉酒店check-in
正式係到埗日本後的第一餐
好好味呀~~~(可以講係咁多餐之中最好味的)
梅子烏冬夠彈牙，松茸飯好入味(主人勁鐘意)，刺身好新鮮，仲有巨蜂提子做甜品，正呀:q
食完野，無聊就行吓隔離的手信店
呢條豆成把匕首咁長，唔買都拎嚟玩吓先XD
食飽飽，坐多一陣車就到溫泉酒店。
會留係度兩晚啊~~~呵呵
可惜係西式房間，無得瞓tatami了
仲要係twin beds 房..........唉.............蜜月呀，點解會咁安排ga>.<
立即換件浴衣，去浸溫泉囉~~~
(件浴衣都幾肉酸.......=.=")
浸完溫泉，真係好爽呀~~~將婚禮的疲勞盡消!! Day 1就安排住溫泉酒店真係good idea!!
浸到暖笠笠，瞓覺覺lu
不過主人好似喉嚨痛，瞓唔著.............
by笨豬小慧simple
笨豬小慧simple 發表在 痞客邦 留言(2) 人氣()
一早決定Honeymoon會去日本(因為主人未去過)，初時想去東北一帶or北海道，311地震後，呢2個地方都去唔到了T^T
finally都係去日本，但改去 大阪+和歌山+神戶
尋日終於去咗報團!!! (實在懶去攪自由行同plan行程了)
兩晚溫泉酒店，希望有一晚係露天溫泉，同有得食溫泉御膳啦(可惜無得瞓tatami)
日本環球影城!! 上次同屋企人去京阪無去到，今次要去喇
神戶我同主人都無去過，聽聞11月中旬後有紅葉睇，希望睇到啦~~~
好想快D去Honeymoon之旅啊~~~~(但又唔想咁快到BD>~<)
BY笨豬小慧SIMPLE
笨豬小慧simple 發表在 痞客邦 留言(8) 人氣()
笨慧廚房 (3)
