簡單就是愛 - 笨豬小慧simple's blog

笨豬小慧simple 發表在 痞客邦 留言(0) 人氣()

剛剛收到一個驚天惡耗，yahoo blog將於2013年12月26日關閉服務!!!!

http://blog.yahoo.com/yblog_hk/articles/1350869

點算????

呢個結婚+婚後+煮食blog寫咗3年幾喇~~~係呢個yahoo blog搵到好多有用的資訊，亦認識了好多blog友，更記錄了我倆的回憶啊~~~雖然一直垢病yahoo blog有好多系統問題，又成日死機，但都感情用事地對yahoo blog不離不棄啊~~~

依家佢話摺就摺，真係好傷心T^T

而且，搬blog真係一項歷史大工程!!!! (仲未搵到心水平台搬家Y_Y)


希望各位blogger搵到新的「容身之所」，亦希望我o地仍然能夠keep in touch!!!


YAHOO BLOG，BYE BYE 


PS：怕出現混亂，搬blog前，會暫停出post (打咗好多文save係草稿度tim~~唔知點算lu V_V)

笨豬小慧simple 發表在 痞客邦 留言(9) 人氣()

2012年11月20日(二)

眨吓眼，就結婚一週年，時間過得太快，比籌備婚禮時仲要快!!! 我仲未享受完新婚的sweet sweet呀~~~


又非常唔好彩，呢日有客要見，又要將假期cancel，難得主人仲一早請定假.....唉......

所以，都係行街、買嘢、dinner咁囉

去了spaghetti house食cheese fondue

我每年都要食一次先會安心=p
賣相一年比一年精緻(即是份量都精簡咗)，芝士味亦一年比一年淡，取而代之，愈來愈似忌廉湯底的火鍋

不過食完唔洗洗碗洗餐朦，所以都仲值得幫襯
(要知道，洗走芝士的肥膩何其艱辛)


paper anniversary的唯一合照!!! hahaha，鬆郁矇tim>~<



原來回到家，主人先拿出「戲肉」

佢今日偷偷寫的「情信」啊~~~@0@

自從大家出來工作之後，好耐無收過親筆書寫的情信，估唔到紙婚紀念日能夠收到，好surprise!!!

入面係一張明信片(哎呀~~~係一棕一白的熊仔背影呀~~~又會搵得咁match嘅!?)
一份要砌完先可以閱讀的「信」<<呢個真係考起我，我玩砌圖好屎ga wor，卒之砌咗2次見成功讀到封信=p，蠢死>~~<



收到以上的小禮物，我只可以講一句，「老公，你太浪漫喇~~~~~」
想冧死我嗎!???
(已經心心眼喇~~~~wahahaha)



反觀小慧，好失敗，乜鬼都無預備囉..............sorry.............v_v


今天雖然簡簡單單咁慶祝，但有心思的主人，令到平凡的日子充滿甜美，能夠同你結婚的我實在太太太幸福喇~~~(曬死人無命賠)
非常期待12月的補祝之旅行~~~


by笨豬小慧simple

笨豬小慧simple 發表在 痞客邦 留言(3) 人氣()

2012年10月27日(六)

是日媽媽生日正日，特意在豬欄攪了一個生日大食會啦~~~

大家又食又玩，個個都盡興而歸!!


叫得大食會，食物當然好豐富啦

有魚生、壽司、生蠔、牛扒、哈密瓜+Parma Ham
我仲大顯廚技，整咗 牛尾雜菜湯、焗芝士白汁雜菜、法式焦糖燉蛋

(食譜：牛尾什菜湯、焗芝士白汁什菜、法式焦糖燉蛋)

我特意整呢個creme brulee代替蛋糕，因為焦糖要自己整，有得玩又有得食

主人示範，用噴火鎗整焦糖

我仲準備咗個生日朱古力牌俾媽咪o個杯creme brulee
點知我太快手放入杯，原來個杯仲熱，塊朱古力牌溶晒喇=~=" (真係聰明一世，笨在一時)

大家嘻嘻哈哈就一晚，好開心媽咪好滿意呢個生日會的安排呢~~~
(尤其last的焦糖大戰，大家笑到癲咗)


媽咪，祝你
生日快樂!!! 年年有今日!! 歲歲有今朝!!


by笨豬小慧simple




P.S. 真係要讚讚，最近有好多食材公司，可以平靚正買到的生蠔、牛扒、凍肉等，買夠一個金額仲有送貨!!!
之前house party都order過唔少次，令我可以輕輕鬆鬆攪掂大食會^^

笨豬小慧simple 發表在 痞客邦 留言(1) 人氣()

(呢個黑白雙剎月餅，完全代表我同主人呀~~~wakakaka)


中秋節，人月倆團圓，邊睇電視邊食月餅，一樂也。


今年中秋節，夾埋十‧一假期一齊放，加埋星期六日，連放5日，都咪話唔係悠長假期呀~~
我o地無諗住外遊，只想在家hea吓，其實親朋的做節飯局，都已經夠晒忙喇。

今年的中秋亦特別難忘。
除咗係我同主人婚後第一個中秋節外，也因為一段小插曲，令成個節日唔同晒......

中秋前兩個星期，已經收到風，公司會送一人一盒月餅，任揀!!! 我當然要咗盒貴嘢 - 大班冰皮月餅啦。
之後老爺因為太多月餅，送咗盒迷你奇華月餅俾我o地。
咁依家傳統、冰皮都有，各有所好，皆大歡喜啦。

真係人算不如天算，中秋節前一星期，客人送咗盒美心雙黃白蓮蓉月餅俾我。
咁我見自己都夠月餅食，咪諗住送俾細妹啦。

點知，麻煩事，就咁出現=.="

主人突然提出一個「嶄新」的idea：將兩盒奇華和美心，溝亂佢喎.........
理由好充分ga~
1) 主人非常喜歡吃傳統月餅<<呢個係好重要好重要的point
2) 溝亂咗，咪大家都食到唔同口味的傳統月餅囉<<但我覺得，只係佢自己想食晒兩款月餅
3) 送俾我細味，即係自己人啦，無乜所謂

但我就認為，送俾人，都係成盒過好d，溝亂晒先送出去，感覺似食淨自己唔要先送俾人囉。

於是，我o地係送月餅的意見上各執一詞，最後竟然變成 嗌交!!!
(內容唔講喇，雖然都有諗過寫底=p)


最後係我先讓步。
因為，我覺得為咗d月餅吵，真係好無謂，唉.................


趕得切係中秋正日前，和好如初啦~~


希望下年，有個直正甜甜蜜蜜，一團和氣的中秋節。


by笨珒小慧simple

笨豬小慧simple 發表在 痞客邦 留言(1) 人氣()

主人婚後的第一個生日，仍是普普通通咁過啦，都係約d朋友家人食食食咁囉。


9/9/2012(日)

老爺一家率先同主人慶生。揀咗係屋企附近一間幾好裝修的滬菜館dinner。

有片皮鴨食ga~~~~其他食物都幾好味ga~

食完我提意影下大合照，唔想麻煩d waiter，諗住自拍啦~~我個頭係正前面勁大個，影完大家笑到碌地，最後卒之都係搵waiter揸機。

14/9/2012(五)

正日，本來打算拎假，陪吓主人，甚至煮餐好嘢佢食啦。
可惜，同team其他同事出咗差，得番我一個係office，無得請假，要留守公司stand by T^T

粗粗地，dinner去了angelbaby cafe，旺角分店水準麻麻，d食物好咸呀~~~
好彩last添食的朱古力心太軟好好味，力挽狂瀾啦。



我又係乜禮物都無預備.....................um................我認........我係粗心大意咗少少 =.="



15/9/2012(六)

呢日仍然要返工，唉............. v_v
主人約咗佢的舊同事食dinner buffet，又帶埋我去(雖然大家未到唔認識，但其他人都無攜眷出席，感覺怪怪的)

我今日好衰，唔夠瞓+趕頭趕命，下午出到TST回合主人時，又累又餓好忟憎，向主人發咗脾氣啦，sorry v_v
(不過都係佢衰ga la，人o地行到身水身汗，仆到咁趕出去TST，仲笑我蠢，唔入去有冷氣的地方等，你知唔知邊行邊打whats app係好難ga，又唔聽我電話，好難唔燥底囉=3=)

估唔到佢班舊同事order咗生日蛋糕，仲準備咗生日卡
我身為老婆，仍然係兩手空空啦~~~hahaha~~~唯有係張卡kiss個大唇印俾你補數啦，hehe



祝 主人
生日快樂~~~心想事成~~~事事順利~~~



by笨豬小慧simple

笨豬小慧simple 發表在 痞客邦 留言(2) 人氣()

20112011BG2B，因為一個婚禮，大家成為好朋友。
並且成立了「婚合會」，閒時攪吓聚會，聯誼聯誼，希望我o地的友誼，婚前婚後一樣keep in touch。

2012年5月12日(六)

K剛剛坐完月，趁佢仲放緊產假，我o地去家訪喇~~~


怕人多，嘈親莊大爺，所以分咗兩批人去探B。我就join咗第2輪=)

莊大爺係女士的心口瞓得超冧，尤其o係A的懷抱XD

佢真係好肥好得意呀~~~~超級鬼馬，盡得父母的優良遺傳^0^



2012年6月30日(六)

今次chanwong吹雞，去食德國菜


當然要配啤酒啦~~呢款麥味中帶有果香，非常好飲!!

德國菜又點少得豬手

陳生recommand的炸豬扒，但厚咗d，唔夠正宗

香腸拼盤，個mustard好好味=q

希臘沙律??? 有黑橄欖嘅.............

之後意猶未盡，再去甜品工房食糖水


發覺呢排都好難約齊全部婚合會成員出席聚會，無計，大家婚後都各有各忙，我自己都好忙呢......希望仍然keep到一個月一次的meeting啦........



2012年7月13日(五)

一個月一次的飯聚，好開心莊大爺都出席呀~~~~認真俾面^0^

去了老富昌食，初時聽個名，仲以為係酒樓，點知係食fushion西餐，hahaha

莊大爺o係女士的懷抱內，個樣特別冧


一嚟到就扯wing wing的領口，攪到wing wing差d走光，莊大爺，你好猴擒呀XD

你睇佢個大爺樣，幾爽XD

一去到A的懷抱，莊大爺條頸立即無力，係咁鑽A的心口，G送上一個怒睥~~~~

反觀男士抱抱，莊大爺唔多鐘意，一臉不爽


主人抱抱，莊大爺條頸即刻發力，死唔想埋身，仲要拎轉面，「我睇你唔到」

G唔抵得莊大爺鑽A的心口，立即接過嚟抱，莊大爺即時變得木無表情
(為免莊大爺真樣爆光，用keropi遮面，大家自行想像佢的表情啦~)

莊大爺應該最鐘意王志的懷抱，食住手指瞓著咗!!!!
王志亦成功fight低我o地班女子組，成為莊大爺的天王椅，K比都想邀請你幫佢o地手湊仔XD

幾次的meeting都唔記得影大合照，難得今次記得影，但漏了揸機的K比一家..........>..<



by笨豬小慧simple

笨豬小慧simple 發表在 痞客邦 留言(2) 人氣()

2012年7月23日(一)

呢日，相信唔少香港人都記得，因為半夜打十號風球!!! 13年無掛過喇~~~
(但, 2009年唔係都有過10號風球咩??點解新聞講係13年??)

呢日因為感冒，請咗sick leave。出面又橫風橫雨，除咗睇醫生之外，都無出過街，在家休息。


食完藥瞓醒，就見到豬欄個廳變成咁。

兩條小河由櫃底流出嚟@0@

梳化下面仲積咗個水氹.........=.="

救命!!!!!! 我屋企水浸呀~~~~~~

當時5點幾，剛剛掛咗八號風球。


抹完地，即刻周圍檢查仲有邊度入水。

發現.......................廳個窗台完全濕晒!!!!


我要暈了@~~@


我一邊啐啐唸，一邊清理入水。
真係好慘，當日老公返夜，得自己一個清理，真係好狼狽T^T

拎晒成屋的毛巾、唔要的Tee，zip係窗台和櫃邊，希望兜得住d水

仲開行個抽濕機，吹住個電視櫃，我真係好驚會浸爛or發霉呀~~~


不過，不幸中的大幸，睡房、廚房都無咩事。
窗邊無入水、窗台上的衣櫃都好安全。
(如果睡房都淪陷埋，我真係會癲)



冷靜之後，開始火都嚟!!!!

2009年睇樓當日，剛剛打完風，間屋無入水ga，因為上手業主係外牆做咗新的防漏。
2010年，屋苑大維修，拆晒外牆，重舖紙皮石。
今日，工程完咗唔夠1年，間屋就入水!!!!
呢間死人工程公司，將我間唔入水的屋都整到入水，
好好好嬲呀~~~~ >^<

原本做好防漏的牆身，被工程公司攪一攪，由唔入水變入水

幅牆濕晒，明顯見到水漬，灰水油漆仲有d撲起咗!!

梳化附近的木地板，俾個水氹浸一浸，發脹翹起晒!!!


影底晒做證據，明天一落波就call管理處，我要投訴!!!



10:30pm，老公終於返到屋企。
佢話係街連企都企唔穩，出面真真正正風大雨大!!
(佢返到嚟，我個心先定d jar)

11:45pm，十號風球懸掛

廳d玻璃窗吹到震晒，好驚呀~~~呢鋪真係要「黐膠紙」!!!


1am左右，瞓覺。
但真係太大風，大門吹到呯呯聲，點攪都係咁.............嘈到瞓唔著...............


第二朝，7am起床。
雨勢明顯減弱了，已經改掛八號風球，而且已經公佈咗11am會落波，噢...............又要迫車返工.............=.="

睇番新聞先知，
今次呢個風，真係好勁。
將軍澳有新屋苑勁入水，屋主成晚換毛巾，無得瞓 (幸好我間屋只係少少水浸，臨瞓前檢查一次，入水唔算好嚴重，我仲有得瞓唔洗扭毛巾扭通宵)
藍灣半島爆晒玻璃!!! (幸好我只係幅牆有d油漆撲起咗)
塌樹，港鐵停駛，過千人要係車站過夜 (幸好我老公返得到屋企，陪住我過呢個恐怖的晚上)


咁大個女，終於明白打風，真係要準備好多野，太多突發野會發生。
韋森特，我會記住你。



後記：
打去管理處投訴，我當然有做到啦。call咗2日，管理處的職員終於得閒聽到電話。
一如所料，佢都係廢蹹一輪hea我。
我當然唔會咁順攤，你要工程公司d人上門check多次，我咪等你囉。
約第一次，放飛機；約第二次，終於有條友上門。
檢查係平日，唯有交俾老公follow。
唉...............信錯人啦。講少句je，佢竟然無叫工程公司d人睇埋幅入水的牆，淨係識得叫人睇窗台。
好喇，人o地有得賴啦，話我o地d窗膠邊老化，所以入水，唔關佢地事囉。
老公聽完又照收貨.....................
有冇攪錯呀，間屋係自己ga，點可以咁樣就算數!!!
然後同我講，「我唔慣同人坳數，唔似你呀」「你又唔講明，我點知je」
大佬，d野你有眼睇，你同我講你唔知發生咩野事!!??
而且，我同人坳數好失禮你咩，道理係自己呢邊，點解唔據理力爭!!!
我都知，工程公司就算知關佢o地事，都唔會幫我o地做d乜，但唔係咁樣就可以俾佢不負責任!!!
我嬲到，唔出聲，我無野講...............你都唔上心，我咁勞氣都只會傷身。
>~~~<
遲吓好天嘅，又心情到嘅，咪唧番d玻璃膠當補鑊囉..............但等你主人大少整，真係唔知等到幾時了





by笨豬小慧simple

笨豬小慧simple 發表在 痞客邦 留言(0) 人氣()

2012年6月21日(四)

生日正日，當然要「去玩‧去癲‧去Ocean Park」啦~~~
生日優惠，變成$150 for two!!! 抵到拎假去都值!!
而且好好彩，天陰陰但無落雨，唔熱又有陣風。

其實，我有成十幾年無嚟過海馬公園喇，依家真係變晒樣，d格局好似廸廸尼。
雖然少咗d本土特色咁，但d路變得平坦又寬闊，係好行咗嘅。

一到埗，最近的展覽館就係《海洋館》
入面d野，同十幾年前差唔多，都係勁多魚(尤其鯊魚)，不過少咗個玻璃管隧道，唔可以近距離睇到d魚的肚腩，震撼力大減。
好彩有隻超超超大的長腳蟹，加番d WOOOW指數。(比我係日本買回來吃的那隻蟹仲要大!!)
其實入面好黑，d路又暗斜，主人話帶仔嚟參觀時，都有試過佢地仆倒>~<

離開海洋館，緊接的就係souvenior shop (個個展覽館都係呢d格局，真係好廸廸尼)
d公仔都幾可愛呀~~~~(樂樂企鵝呀~~~)
最攪笑係個鯊魚頭箍，係咁 "咬" 住我o地個頭，咬到主人想買佢番屋企(我當然stop佢啦，唔好製造垃圾)

海馬公園的主打已經唔係魚，而係國寶熊貓!!!
當然要去會一會佢啦~~~
佢O地的懶樣真係出神入化，比人類仲識嘆，D pose真係能人所不能呢~~~唔怪得有人以為D熊貓係人扮的。

入到四川館，真係嘩嘩聲呀~~~小熊貓真係超級可愛啊~~~~
短短的咀、肥肥的手手、大大的尾巴，真係cute到暈呢~~~^0^
記得BB時媽咪親手整咗隻咁樣的公仔俾我，我仲以為係貍貓tim，hahaha

唔通生日有運行!!?? 同到小熊貓影相呀~~~~

新開的懷舊街，令我諗起難兄難弟。
呢度食野算幾平的了。
原來纜車站改咗係呢邊，不過勁多人排隊，又唔係未坐過，無謂同D自由行迫啦~~~
改去坐海洋列車。但入面扮水浸的scene，真係好派膠=.="

過咗對面，新開的過山車無咩人排隊，叫主人去玩啦~~(我有畏高，機動遊戲唔好預我了)
點知佢話無人陪佢玩，佢唔玩了，怕咩醜喎

對面山真係無咩值得參觀，水母館、中華鱘館、加州館，好快就行完。
但唔見咗我好想睇的企鵝，唔通俾D海獅食晒!!??? (我後尾先知，遲D開冰極世界，D企鵝搬咗竇=.=")

夾到時間，睇海豚show
但...............真係有D唔人道，野生海豚唔會成日跳出水面囉，仲要180度自轉再撻番落水，最騎呢係要條海豚跳上台俾人摸!!??邊有水中生物會想上水ga，自殺O個時就會喇。
睇完好心蹹V_V


5PM，行完~~~~dinner time


食到我勁想食的風月堂呀~~~YEAH!!

食物好味，餐具靚靚，HOHOHO，開心死^0^

仲有飯後甜品，好滿足!!



多謝主人，唔介意熱死，陪隻豬去Ocean Park，仲請隻豬食大餐。
好開心啊~~~~


BY笨豬小慧SIMPLE



相關閱讀：婚後第一個生日^0^

笨豬小慧simple 發表在 痞客邦 留言(3) 人氣()

2012年6月，笨豬小慧的生日月，節目當然一籮籮。

婚後的第一個生日，繼續精彩，繼續開心^0^


總共吃了3個生日蛋糕+1個壽包...............肥死嚟囉>.<

16/6(六) - 日航酒店high tea



主人預早團購了coupon，真係好乖仔啊~~ (豬小慧很喜歡high tea的說)
雖然食物一般，但倆口子悠閒地過，甜蜜勝過甜點啦~~~haha



21/6(五) - 海洋公園遊 (詳細看此)



23/6(六) - 損友來豬欄開生日P

都係大食會咁啦~~~最緊要成班fd開開心心癲一晚



24/6(日) - 是旦食餐生日飯@金饍

近期韓食係我o地的大愛!!!
本來諗住是是旦旦食餐飯，估唔到班fd揀咗間貴野@0@，就算買咗團購coupon都要破費啊~~~
亦多謝大家送我的生日禮物啊~~~(不過下年唔好送喇，一齊食到餐飯已經好難得，好滿足了^^)



7/7(六) - 朗豪酒店high tea with family

生日慶祝到7月都係第一次............又high tea只因阿媽想食，好明顯我係俾人藉口過橋啦

我諗，生埋B之後，我應該無晒呢d生日慶祝活動了，所以要珍惜現在可以慶祝的機會，玩盡佢!!!


by笨豬小慧simple

笨豬小慧simple 發表在 痞客邦 留言(1) 人氣()

2012年5月25日~27日，老公主人要同佢班老死嚟個「men's trip」，4條麻甩去個台北之旅喎。

初頭都嬲嬲地>^<
1) 想起那個不堪回首的honeymoon，忟
2) 年中咁樣去一去旅行，咁年尾我個補償之旅點先!?，忟忟
3) 你要去就去啦，問乜鬼我呢，係唔係我唔俾你去，你就唔去先，等陣俾d兄弟笑，你又怨我；俾你去，我條氣堅係唔順啦~~~做乜放我係兩難位呢，忟忟忟

同d fd呻，佢o地叫我「你做初一，我做十五」，趁被老公丟低的空檔，來個叛逆人妻VIVA time!!
又係喎~~~平衡吓心理都要^罒^


25/5(五)
如常返工，放工搵媽咪痴餐~~
算主人醒目，周不時同我whats app吓，報到一下，算你啦>.<

26/5(六)
約咗位同是受害美女shopping，大出血!!!
(有人爆料我知，主人尋晚醉到不省人事，hahahaha)

個蝴蝶仔我買俾小圖子ga~~~但佢好似唔多like呢.....


27/5(日)
成班fd北上環遊世界，慶祝其中一人生日

小學之後就無去過世界之窗，記得o個時仲係爛泥路，依家又大又乾淨，仲有得滑雪tim~
玩到差唔多12點先返到屋企，haha，接主人機!?? no la，佢仲早過我到屋企，wakaka


呢3日我都過得好暢快呀~~
單獨一人在家瞓唔著!?? 無喎~~~仲霸晒張床，瞓到死豬咁

反而主人的men's trip................佢話麻麻啦
4條仔，又無plan行程，日日瞓到黃朝白晏，攪到去得都唔多地方
慣咗早起的佢，篤爛個手機d人都未醒..........主人話好無癮(我都覺得怪ga la，成11am仲係酒店同我whats app)
去到邊度大家就第一時間wifi上網，成班仔好宅
加上主人第一晚就貓咗，第二日就肚痾，無晒mood (抵死!!! 唔帶我去喇)
我都忍唔住串佢，不如你o地book渡假屋好過啦~~學咩人搭飛機

我就發達囉~
寫咗張長長的purchase list俾主人，佢當然不負所託買齊晒啦~~
我梗係唔俾錢錢，wakakaka

而且為食豬小慧收到好多台灣手信
薑母茶、鹵天碌、豬肉紙.................
正正正=q


主人，呢個係你一生人一次，亦係唯一一次丟低老婆去旅行，men's trip可一不可再，好唔好玩都無encore，hohoho ^0^
(其實我對你真係太好喇，邊有老婆肯俾你去第一次先得ga，所以你要錫晒我啊~~)


by笨豬小慧simple

笨豬小慧simple 發表在 痞客邦 留言(9) 人氣()

2012年5月20日(日)

時間過得真係好快，轉眼間已經結咗婚半年。


前一天(19/5)，在家食大餐，慶祝慶祝。

一田壽司大餐~~~~



正日(20/5)，去了赤柱的King Ludwig Beerhall食lunch buffet

(實情係補祝母親節)



婚後的生活，好忙碌，個個月都有朋友嚟豬欄開P，新居已經變成各界朋友的私竇。
都好嘅，有時得2條友o係屋企，都幾靜。

婚後的生活，同拍拖時無咩大改變，
通常晚飯後回家，我就睇電視or用吓電腦，hea吓咁，
主人就落街打機吹水，繼續夜夜笙歌的生活，佢無人約o個晚就對住部手機打機。
婚前婚後，同一個樣。

我仍然未有人妻feel，仍然叫老爺奶奶做uncle antie (完全改唔到口，佢地亦聽唔慣=.=")，仍然叫唔出「老公」.....
我諗主人的情況同我差唔多，
成日叫咗男家做「我屋企」(有時佢話返「我屋企」食晚飯，我好confuse佢想煮定去男家食....)，仍然唔會叫我「老婆」(我諗佢咁叫我，我都唔識應佢)

唯一的改變，多咗出街食飯。(努力緊weekend煮吓啦 XD)
我的lunch又無得帶飯，與外賣仔為伴。
而對主人嚟講，佢要做家務喇~~~唔似得以前可以做大爺，hahaha (我平時都做開家務，so唔覺有分別)

main point係，我同主人都肥咗!!!!
主人肥咗10磅!!! 面都圓番晒。(我諗我都肥咗4~5磅，但我唔敢上磅>^<")
原來婚後會變肥的魔咒係真ga~~~可能婚前太辛苦，大家都瘦晒，婚後生活安定，心廣自然體胖，hahaha

仲未有生BB的plan，我同主人都想enjoy吓二人世界先^^
最少都去埋「一週年旅行」先算啦~~~
wakakaka

最重要係，keep住sweet sweet的日子^^
(同埋我要減肥!!! 真係撞鬼，婚前唔洗減，婚後竟然要減，唉....)


by笨豬小慧simple

笨豬小慧simple 發表在 痞客邦 留言(11) 人氣()

(上篇聚會記事竟然漏咗呢次的meeting，我真係失策呀~~~終於係電腦黑洞裡摷番d相，記番底先，hohoho)
(相關閱讀：婚後2011201BG2B聚會(12月~4月))


2011年1月27日(五、年初五)

新年流流，點都要聚吓，講聲「恭喜發財」賀一賀大家嘅^^

仲有，點少得新屋巡禮呢~~~

第一站：K比家


先去飲茶，再去少女K的波點菇之家巡視

廚房好大，好羨慕，d小擺設又好靚~~~好有K比家的特色，HEHEHE ^皿^

第二站：主人小慧的小豬欄

新年，又點少得打牌

好彩最近買到麻雀板，hahaha，開枱喇喂!!



大家圍埋最鐘意就係滾~~~

打邊爐最啱gathering，唔洗點準備，一煲滾熟晒就食得喇~~~
今次我準備咗好多海鮮，有蝦、大花甲、魭魚片、扇貝，大埔海鮮真係好平好平，不如下次大家嚟個海鮮餐啦~~

咁齊人，當然要記得影大合照啦~~~(G的自拍功夫一流!!)

多謝大家賞面光臨豬欄，唔知大家玩得happy唔happy??


by笨豬小慧simple

笨豬小慧simple 發表在 痞客邦 留言(3) 人氣()

婚後的20112011BG2B雖然各有各忙，但都有得閒約埋聚吓，平均一個月都有一次meeting，難得建立的友誼，唔想因為結咗婚就stop呀~~


17/12/2011

婚後第一次20112011BG2B聚!!
大家都去完honeymoon，終於夾到個日子聚吓喇~~

去咗淺水灣附近一個私人燒烤場BBQ (多謝chanchan介紹)
 

今次的主角係bb蕉海鮮，筲箕灣街市買的，正=q，仲要唔貴^^

臨近聖誕，點少得交換禮物
我地玩得好經濟，上限$20內的小禮物，又唔可以係食物，真係諗爆頭呀~~~
最後，由G的禮物得到「打爆你個頭之選」，獎佢俾我地一人打一下啦~~~~wakaka

今晚真係玩得好開心呀~~~婚後的第一聚!! 大家都玩得好high啊~
大家又share吓BD當日的奇事奇情，一個婚禮，點都要有O咀位=.="
可惜主人返夜更，無佢份lu~~~(小慧玩埋你o個份ga la =])

5/1/2012

2012年的第一次少女講，又去番我o地的老地方 - 藏戶。

今次食set dinner，人少少，抵食d。
免治吞拿魚魚生飯，好好味啊~~~

mc win辛苦你再做攪手~~~同埋你真係好好枕呀~~~~I LOVE U~~~

18/2/2012

經過忙碌的農曆新年，大家又再夾到時間少女講，yeah~~

今次再次打攪mc win的屋企，仲要你又買又煮又洗，辛苦晒

今晚係一個好徹底的少女pillow talk之夜，估唔到，傾通宵咁制，夜到要一個人飛的回家=p
新婚生活，真係有太多野想同大家share~傾到唔想走
主人，要你在家等我門，sorry呀

28/3/2012

原本諗住攪個K比臨盆前紀念飯，點知，莊大爺搶閘出世，haha~~(恭喜晒呀~~~第一時間收到消息時真係好興奮!!)
雖然大攪唔成，細細地3pair人，都要聚一聚先^^

去咗客家好棧食
第一次嚟，雖然唔算正宗客家菜，但味道都唔錯，仲幾抵食tim~d餸好大碟

呢餐的話題成功由結婚野，轉咗去買日用品、煮飯、家務等等，C奶咗好多tim~



7/4/2012

新屋巡禮又再開始，今次係A&G的屋企。

主人和王志玩Wii玩得好投入，舞姿非常夾!!

女仔就整蝴蝶酥，看似好易，原來都幾難。我o地雞手鴨腳咁，王志成日忍唔住想幫我地手，haha

成品!!! 有少少燶咗tim =p

玩夠，開飯喇~~

6餸，all cooked by A!!!!真係好勁呀~~~
好好食呀~~~好似餐廳d菜!!! 辛苦晒喇~~~

估唔到A仲預備咗甜品

仲有得玩有得食，自己負責燒自己o個杯

法式焦糖燉蛋，好好好食=q


非常多謝A&G的招待，你地又買又煮，真係辛苦晒~~~煮個九大簋出嚟，真係好勁呀!!
A，你仲成功令王志和主人首肯俾我同wingwing買LC煲，hohohoho^0^ (of cos有資助啦~~)
期待9月大減價去血拼!!!



by笨豬小慧simple

笨豬小慧simple 發表在 痞客邦 留言(4) 人氣()

2011年3月23日(五)

今日係我同主人拍拖14週年紀念日。

原本諗住今日下午拎假，但月頭發生咗d事(詳細按此)，所以個假期無咗lu v_v


呢個月我好忙，公事私事都忙，都無咩心情預備，禮物又無買......主人，sorry>_<
反而主人一反常態，好好預備，所以今年都有好好慶祝^^


主人唔單止自動波拎定假，仲團購定今日的dinner。

去咗灣仔的Double Tree食

set dinner就無乜特別，都係湯+前菜+主菜，比較可以講係前菜，松茸炒蛋和碎茄多士，味道好fresh。

呢個set的精髓，其實係 任 食 甜 品!!!

招牌的朱古力心太軟和火焰雪山，不負眾望，非常好食=q
綠茶mousse、咖啡mousse都好好味，
最驚喜係法式焦糖布甸，飽都飛起的我o地，都忍唔住encore再encore!!


多謝主人安排呢個簡單而好味的dinner，小豬慧食得好開心啊~~~~
為咗答謝你，就係Forever 21，買你恨咗好耐的boot，做慶祝禮物啦~~~


by笨豬小慧simple

笨豬小慧simple 發表在 痞客邦 留言(8) 人氣()

2012年2月尾

過埋年尾的hair cut busy peroid，我終於可以剪 頭 髮!!

為咗wedding，留咗一把長到及腰的長長長髮，真係好耐無試過把頭髮咁長了。
但經過無數次漂染燙捲之後，秀髮受損嚴重，髮尾開叉，d髮質霉到似炸菜，呢排仲起勢咁甩頭髮，真係好怕變禿頭呀>.<

終於可以同長髮say bye bye

髮型師綁好馬尾，就一下cut走佢!!! 爽~~~~^0^
(cut之前佢猛問我留到咁長，捨得ga la!? 我仲安慰佢大膽d放心cut短，hahaha)

清新短髮look!!! 又型又爽!!!

染咗深色，咁遲d生番的新頭髮都唔洗補染。之前染得太多，d頭髮真係好傷，我想要d時間俾d頭髮休息一下。



婚前已經好想好想剪頭髮，忍咗好耐喇，依家真係一剪解千愁~~(－3－)

我自己好鐘意呢個新髮型(有好多靚太支持咖)，
但主人的feedback係..........似石內卜=.="""" (打得少呀!!!=^=+)
(明顯主人係長髮控)


身邊好多新任靚太都陸續加入短髮行列，難度「短髮」就係人妻的標誌!?
我o地可以攪個「短髮靚太聯盟」喎，勢抗長髮控老公，軟硬兼施，令佢地愛上短髮，wakakaka


by笨豬小慧simple

笨豬小慧simple 發表在 痞客邦 留言(10) 人氣()

2012年2月

以為嫁咗就唔會慶祝情人節？no~~~
情人節對已婚和未婚的女性嚟講，一樣咁重要!!
所以各位男士們，咪諗住結咗婚可以慳番呀~~~~


今年的情人節，又在忙碌中渡過。

由於主人的更期唔太配合，我o地提早11/2慶祝。


終於有屋，當然唔會出去迫咁笨，在家來個sweet sweet home celebration!

豬小慧攪盡腦汁，整咗餐full meal，由湯到甜品，連酒水都一應俱全。

是日情人節homemade大餐
湯 - 西蘭花忌廉湯
頭盤 - 三文魚拌香草芝士沙律
主菜 - 鹽燒鯖魚拼意大利燴飯
甜品 - 焦糖蛋布甸
飲料 - 檸汁流打白酒

賣相都似模似樣ga~~~~
味道呢...............主人俾75分，因為調味重手咗少少=p (太耐無煮飯，落調味的sense要d時間re-pickup)

雖然做唔到十全十美的一餐，但見到主人一邊食一邊偷笑，煮的我就覺得好sweet了。(我真係易滿足呀)



估唔到正日14/2，主人會煮番餐慰勞我。

羅宋湯、炒娃娃菜、鹵水雞翼、芝士、朱仔包

雖然大部分都係現成食物再加熱，但主人肯煮喎，真係好surprise呀!!!!
仲要唔洗我洗碗!!!

呢餐到我邊食邊偷笑=)



今年的情人節，我o地都不約而同想簡簡單單在家過
雖然沒有花、沒有禮物、沒有去高級餐廳吃飯..................
但能看到對方因為你精心炮制的大餐食得津津有味
仲 甜 蜜 啦!!!

因為有你，幾時都會係情人節^^

豬小慧依家係好幸福呀~~~~~(跳番part開心舞先)


by笨豬小慧simple

笨豬小慧simple 發表在 痞客邦 留言(10) 人氣()

(短袖衫都著緊喇，依家先blog到新年，OMG@-@)


2012年1月

今年的農曆新年嚟得特別早，1月中就到，剛剛先忙完聖誕節，氣都未唞夠，就話過年了。
而且今年係婚後第一個農曆新年，即係好多野都要自己預備，好緊張。
簡直係手忙腳亂呀~~~~


結咗婚，就要派利是。
所以，首要任務係預備利是。

幸好公司會幫員工唱新銀紙，我先唔洗排隊去銀行迫，yeah!
加埋奶奶和細妹提供的免費利是封(呢個好重要，慳好多ga)，利是任務超順利完成!! ^v^ v

雖然我o地唔算多親戚，但朋友就一大堆，而且大部分未 結 婚，所以預算的利是金額要$4000 (最後都超budget>.<)
咁大個女都未收過呢個金額的利是錢呀~~~
真係嫁咗先知，派利是原來可以好 金 @0@
希望班朋友快d結婚啦~~~~wakakaka~~~~


次要任務，當然係辦年貨啦。

海味冬菇就年年都會各自送俾對方的媽咪，幸好有相熟海味店，呢樣無難度攪掂。
至於買賀禮，真係好頭痕，因為我都唔知男家要唔要送(我屋企就要，但得3份，easy job啦，但老爺+奶奶的兄弟姊妹係1X人喎)
最後要打俾老爺指點迷津，幸好只係需要買少少je，嚇死。
辦年貨任務算有驚無險順利完成。


仲有，大掃除、買年花、貼暉春..................
大掃除嘛，懶+間屋入伙前已經勁抹一次(其實主要都係懶)，skip咗，無做，wakaka
買年花嘛，本來諗住等媽咪俾盤水仙我，但天氣太凍，等到年廿九都未開花，媽咪唔俾我拎走，我又唔想買貴花，又skip咗，唔做。
最後只有係咁易貼d暉春，裝飾吓間屋，有d新年氣氛囉。

暉春當然用我至愛的鬆弛熊啦~~~~~
可惜唔記得買blue tag，黐唔實，成日跌落嚟..........orz

 

年廿六開始兩邊屋企食團年飯，wooo，真係好忙。

媽咪今年落重本!!! 雞燉翅、蜜汁煎蠔、蒜蓉大蝦.......正!!! =q

今年的突破係..................我學識咗整蘿蔔糕喇!!! 年廿八仲班媽咪整咗3底蘿蔔糕tim，下年可以試吓自己係屋企整。(握拳)


忙忙忙到年廿九，終於有一刻的平靜，倆小口在家hea住迎接龍年。

得閒到跟傳統，食番碗湯圓，團圓團圓。



年初一又開始忙，忙住拜年。

第一年以新抱的身份見主人的親戚，雖然之前幾年我都有跟埋去拜年，但唔知點解，今年好緊張呀。
去到嫲嫲屋企，我淨係識得碌葛咁企埋一二邊=.=" (最好大家當我唔存在啦)
好彩叫主人拎定假，如果得我一個派利是，我死梗。(第一年派利是，主人no show!?，佢都死梗，我會殺咗佢!!)

下半場就返我娘家拜年，食餐飯咁，所以好早就可以回家sleep。緊張咗成朝，真係好累。

年初二，去朋友家拜年
食盤菜，今次買大家樂的，d野食多好多，仲有鮑魚tim~(記得有年訂美心盤菜，滾幾滾之後，d料溶晒!!!)
傾吓玩吓，仲丟底老公玩到凌晨3點才回家!! wakakaka


年初三，再去拜年。
今次輪到奶奶o個邊的親戚，而且得我單拖赴會。(無計，主人拎唔到假)
經過初一的經驗，今次我無咁緊張喇。而且今次係簡單食餐飯，一埋位就食野，心情都輕鬆d。
之後早走趕回家，因為有朋友上豬欄拜年。


年初五、六、七都有朋友來小小小豬爛拜年。
大家真係太客氣喇，個個都買禮物上嚟。其實你o地走晒之後，d野得我同主人食，根本食唔晒=.=" (真係食到依家先食晒jar)
下年大家帶個人嚟得ga la，唔好買野呀~~~~~




婚後的第一個新年，真係過得好開心。
真心感受到中國人的智慧，拜年雖然麻煩，但有個藉口成班人聚埋聯誼一下，熱熱鬧鬧咁，好開心咖!!

以前收利是會好開心，但漸漸長大，開始唔好意思收，到今年終於可以派番俾人喇~~~~
最估唔到係，原來嫁咗仲可以收利是

嘻嘻，收穫都唔錯。



by笨豬小慧simple

笨豬小慧simple 發表在 痞客邦 留言(3) 人氣()

(結咗婚已經5個月，依家先blog番上年的X"mas，真係手腳慢..........=.=")


2011年12月

婚後1個月零5日就是X'mas呀~~~~(所以我話婚後仲忙過婚前，d大時大節個個月都有，12月聖誕、1月過年、2月情人節.....)

我超級喜歡聖誕節。
因為可以著靚衫、食好野，狂買野XD

今年的X'mas一樣full schedule。
20/12 - 娘家冬至做節
22/12 - 男家冬至做節
24/12 - 我同主人都要返工，主人晚上仲要去飲，所以今年無二人世界的X'mas，殘念v_v
(主人成個X"mas都要番工啊，真係可憐T^T)

25/12 - 每年例行節目，buffet with 小慧's family



今年去咗科學園入面的餐廳食buffet
雖然食物無大酒店咁多選擇，但都算水準之作，尤其多海鮮tim~~=d
加埋科學園金蛋和池畔靚景，enjoy也。


26/12 - crazy home party with best friends

真係玩得好癲，又有dress code，又有交換禮物，又有一人煮一味大食會。
大吵大鬧大癲大廢的一日，非常盡興!!!
愛死你們啊~~~>3<(啜)


31/12 - 損友來我家搗亂

至從小小小豬爛成形之後，我o地的新居就成為中學損友們的聚腳鐵竇!!
人大咗，除夕夜已經唔想再出去迫，食住西北風倒數。
買定生蠔、壽司、咸火腿、芝士、魚生、紅酒，開個品味人生大食會=d
還有壓軸的殘酷抽獎，一人捐$100，抽現金獎。
但無乜抽獎運的主人同我，抽到$20尾二獎和$40尾三獎，>^<，氣!!



婚後仲可以有個玩得盡興的12月，真係好難得，相信生埋仔之後，我應該無晒呢d瘋狂歲月，要趁現在好好珍惜!! 哈哈^0^


by笨豬小慧simple

笨豬小慧simple 發表在 痞客邦 留言(2) 人氣()

(大日子回顧都未寫完，但呢d再唔寫就過晒期喇!!!)


2011年12月20日(二)

話咁快就結咗婚1個月了。

但仲未有人妻的感覺，大家的相處同拍拖o個時唔太大分別，稱呼都係keep番以前咁，結婚的感覺仲係好唔真實呢。



婚後我同主人都好忙，忙公事、忙住病、忙兩邊屋企輪流食飯等，差d唔記得咗呢日tim呀。


可惜，主人今日返夜，唔可以一齊dinner慶祝。

少少地，去了屋企附近的甜品屋，食宵夜慶祝^^

食咗朱古力心太軟和焦糖蛋布甸



希望我地以後每一天都sweet過d甜品啦~~~^^



by笨豬小慧simple

笨豬小慧simple 發表在 痞客邦 留言(3) 人氣()