至從加入咗LC分享group後，我先知，敗LC可以網購，而且價錢非常實惠!!!見d敗婦係amazon、樂天等等入到正貨，真係好心動，但我又好懶，唔想研究購買流程，又唔想洗無謂錢搵代購，所以都係齋睇無行動。
終於，我join到谷友攪的amazon italy團購呀~~~比執到金仲要開心^v^
(super thanks to 谷友呀)
由成團、落單、俾錢、等運到，唔洗一個星期就收到，呵呵。
Caribbean blue 26cm buffet casserole
只是
$1180!!!!
(包括煲價、意粉國到香港的運費、宅急便送上門的速遞費)
抵到飛起呀~~~
26cm buffet我恨咗好耐ga la，而且係我大愛的藍色系，唔洗諗咁多，即「排」。
比週年慶半價和開倉都要便宜，仲送埋上門，完全沒有不敗家的理由!!
美麗的橙盒
宅急便可選晚上6~9pm送貨，太好喇~~唔洗請假收
煲。有一張泡泡紙包住，都算穩陣。
美麗的盒側
打開橙盒，入面的LC煲靚到會發光咁呀~~~
不過細心睇，都有唔少瑕疵
漸變色做得唔算均勻，有好多白點。「Le Creuset」字體上油太薄，露晒黑點。煲蓋、手柄更係黑點重災區，有d黑點仲要係凸起=_="。煲底的字也有黑點，仲要有一忽凹咗
但唔影響煮食，而且平咗一大截，所以有少少瑕疵係可以接受=p
況且用用吓都會花，都會甩coating，到時呢d瑕疵就成為煲煲係爐頭的戰績了^罒^
最開心係，入到我家的小小焗爐呀~~~~
(個knob好似太近發熱線，換唔換銀knob好呢??? 但我覺得黑knob比較襯加藍色啊~~~)
有咗26cm buffet casserole，就可以整paella、risotto、pizza、無水蒸，嘩~~大把嘢玩呀~~~諗起就開心了。
雖然主人最近有d微言小慧買得太多LC煲煲，但又科水資助小慧買煲喎，呵呵^0^，多謝主人呀~~~其實小慧的敗家大業就快完成，你放心唔會攪到一屋都係LC嘅，敗得精明嘛~~~而且小慧會努力煮飯，答謝番主人啦~~~
by笨豬小慧simple
笨豬小慧simple 發表在 痞客邦 留言(2) 人氣()
望穿秋水，Le Creuset Wyndham flagship shop 3rd Anniversary Sale 終於到喇~~~
只要身份證號碼有"3"字，立即享有
5折!!!
(28/6~14/7/2013，只限3件貨品及未折扣前總值不超過$12000)
唔洗早起，唔洗迫開倉，顏色、款式、size任揀!!! 通通5折!!! 聽到都興奮呀~~~
2013年7月6日(六)
約咗敗婦好友少女A去「襯墟」，其實大家都無咩嘢特別想買(而且減價已經做咗一個星期，心諗有好嘢都賣晒啦)，但難得大家身份證都有"3"字，唔去八吓又好似對唔住自己囉。
去到時，真係同預期一樣，無咩好買/賣，因為呢日
無補貨!!!! 真係一個惡耗呀~~~T^T (明明之前日日都補貨gum ma)
枱面、貨架、display 通通都好吉，乜都畀人掃乾掃淨。
有點心動的煲煲已經sold out Y_Y，想睇吓摸吓真身都無，嗚嗚......唯有安慰自己，今日得我一條友，力士主人唔跟身，有煲買都抬唔到回家云云
但千辛萬苦爬山過海嚟到，無理由空手而回。少少o地，都敗咗2樣嘢=p
24cm steamer，半價後$384，真係好抵買呀~~~而且開倉唔會有!!! 我恨咗好耐ga la~~好彩仲有last one^0^
petit casserole是跟少女A分贓的^^
粉紅+紫系，一套三件，少女A糾結只想要兩隻，剛好我又想要一隻，我o地兩個一拍即合，皆大歡喜^罒^
steamer跟
上次開倉買的24cm round組合起來了~~~好型啊~~
雞、蟹可以原隻放入steamer蒸，碟都慳番，極度方便^^
裡面最多可以放3個petit casserole。satin pink迷你飛心和剛入手的cassis迷你煲變成好朋友喇~~~
燉蛋、茶碗蒸，我嚟喇~~~
敗完家，再食個all day breakfast，爽丫丫
敗後感：今年的週年慶減價，真係好好好墟陷!!!
首天on sale，開門前2小時，已經有人排隊等敗，到開門o個時，條人龍有成100人!!!
係facebook見到d人的現場直擊報導，真係嚇c我 @0@
(
上年的週年慶我係放工先去，去到7pm，無咩客，可以慢慢揀仔細問)
所以今日去，已經抱住乜都敗唔到的心態了，幸好都係「敗得精」的原則下，買到一件唔錯的東西啊~~(自覺執到寶，haha)
(如果排隊俾錢可以再快d會更加好，地方細人又多，屈咗係個死角成半個鐘先埋到cashier)
香港的LC fans增長數目飆昇驚人!!!! 睇嚟9月開倉又會有場腥風血雨~~~唔知o個時我仲有冇氣力財力敗敗敗囉~~
anyway，敗得開心，煮得開心，食得開心，才是真正的cooking theory吧~~~
各位靚太敗婦們，共勉之。
by笨豬小慧simple
笨豬小慧simple 發表在 痞客邦 留言(5) 人氣()
煮飯時，最頭痛就係剁蒜蓉，花時間，剁完d手指又成陣味，仲要洗好多次手都洗唔走!!! << 各位靚太有同感嗎??
最近同事幫我買咗個「神兵利器」，從此剁蒜蓉唔再係苦差喇~~~
佢叫做「萬用攪拌器」，個名好威威啊~~~
一舊簡單的膠，分開3個parts，主外殼連兜、手柄連研磨部份、半圓扣
主要將d食材攪碎或揸汁，可以用的食材都好廣泛：蒜、薑、花生、杏仁......等等
蒜頭去皮，太大粒就切細少少，放入個「兜」度，然後用d力轉動手柄
蒜蓉就輕易「攪」晒出嚟喇~~~yeah~~~
用完之後，拆開所有parts，沖一沖水，晾乾之後就無晒味喇~~~
最重要隻手唔洗再臭嘛>0^
之後我又試過磨薑汁，又好成功呀~~~唔似以前磨到手軟，仲要差d連自己隻手指都磨埋=.="
「萬用攪拌器」，才HK$3X，推薦各位靚太敗的好用物^^
by笨豬小慧simple
笨豬小慧simple 發表在 痞客邦 留言(2) 人氣()
愛上煮飯，愛上LC，之後，一定愛上任何靚靚餐具。
但，動輒幾百元的瓷器餐具，我真係唔捨得買，打爛咗真係好好好肉赤ga~~~
(my nickname is MANDY，意思係「萬跌」，乜都跌得落地咁解=.=")
邊度有D又平又靚樣的餐具賣呢??
首選：AEON living plaza
乜都$12，而且是日本進口貨，質素都有番咁上下保證。
上星期逛了THE ONE的AEON living plaza，見到呢款蘋果shape盅仔，好可愛呀~~~仲要粒碇係匙羹啊~~果真美貌與實用兼備。
仲有水果形狀的碟仔，又係可愛100分!! 不過細隻咗d(手掌咁大隻jar)，唔知可以點用呢....
最最amazing就係彩色碗!!! 乜鬼同LC的碗咁鬼似!?? 但是才$12!!!
粉紅色湯勺和鑊鏟，加埋熊仔design，又係好可愛啊~~~
可惜是小童用，我嫌手柄短咗d...........
次選：IKEA
成日行「示範單位」見到d餐具擺得好鬼靚呀~~~恨不得搬晒回家!!
呢set粉紅碗碗碟碟真係太閃太殺人了!!! 中碟才$19.90!! 小碗也只是$17.90!!
最殺人的是波點粉紅色cake tower plate!!! 才$79.90，比淘寶更便宜，有冇攪錯!!
還有franc franc、淘寶、夜冷行 等 都是靚靚餐具入手好地方啊~~~
不過小慧定力好夠，多數window shopping，齋睇唔會敗。(當然有時鬼掩眼都會失手敗XD)
或者，我快手D打爛晒家中的餐具，咪可以買過囉，WAKAKAKAKA
by笨豬小慧simple
笨豬小慧simple 發表在 痞客邦 留言(4) 人氣()
雖然半年一次的LC開倉已經令我定期放一放血，不過LC呢條毒癮，真係隨時都有人引你發作。
就係兩次的開倉之間，我又手多多敗了LC
cassis soup bowl with lid 2 set
朋友去完英國旅行，見LC靚就敗，回港後又發現無咩用，所以我就"收養"咗喇 ^v^
(佢話LC係英國賣得平過香港，唉，攪到我都心思思好想去英國朝聖呀~~~~)
有蓋湯盅一直想敗，因為可以整燉湯!!! 家中無燉盅呀~~~
靚色、啱價、唔洗等開倉去迫，所以，買咗!!
剛剛放得入5L康寧煲
(下面墊一墊竹蓆筲箕，可以防止煲煲盅盅有太多碰撞而摑花)
有d想買隻細的cassis碟襯番tim......唔知幾時先會遇到呢................
by笨豬小慧simple
笨豬小慧simple 發表在 痞客邦 留言(4) 人氣()
2013年3月23日(六)一年兩次的Le Creuset 開倉又嚟喇~~~
今年轉咗玩法，變咗private sale，要憑邀請卡才能入場。
今次我仲做團長，帶咗2個friend去迫，WAHAHAHA
約好朋友星期六(23/3)去掃平貨，都知會多人，預早個半鐘去排隊，前面已經有50人排緊囉，LC的魔力，真係非同少可!!!
連埋主人、朋友+佢老公、A&G，今次我O地一團6人!!
同心合力，攻呀~~~~
尾二呢日先嚟，但合6人之力，我O地搵到唔少正嘢呀~~~
(以下呢d我無買呀~~~影完相whatspp問朋友要唔要，佢o地唔要我又放番出去lu)
lavender rice bowl $120@
pink rice bowl $120@
blue small heart dish $170/2pcs
satin blue square dish
green 18cm Round oven $1000@
仲有D無影相，但朋友買咗，或者無買放低咗：
30cm 黑金剛 $400@
26cm rectangular dish，有cassis、coastal blue、pale rose
18cm rectangular dish $120@，有cassis、satin blue
mini round casserole，有satin blue、green、black、coffee，朋友買咗2隻blue+2隻green
以下正嘢，另一位朋友之星期五上午去買到，但我星期六去已經SOLD OUT了T^T
珍珠白rice bowl $120@
blue花花碟(大) $250/2pcs
總括嚟講，今年比上年的開倉好行咗。
個場大咗好多，d通道又闊咗，唔怕條路坐滿人又堆滿貨，行都行唔郁。
貨物擺得好整齊，煲就放係四周U字形的貨架，細煲放頂，大煲放底，又周不時有工作人員將d人唔要的煲放番上架。
stoneware就放係中間的island rack，特別款更放近門口，所以被秒殺了!! 幸好補貨速度都算快。(不過搶的人仲快)
不過今年無好似上年咁，LC會係facebook po相preview明天有咩嘢賣，回復以前，到場先知有咩嘢賣。
我覺得有好有唔好啦，好就d貨唔會太快賣晒，唔好就係唔方便我呢d職業靚太揀啱日子就請假出擊，去到只能撞彩買到好嘢。
睇番d價錢，LC都稍稍加價了，加了5~10%不等(原價都加咗啊)。
今年主力色係blue，所以無咩日本太太大手買的情況。
但就啱晒喜歡blue的我喇~~~~wakaka
戰利品：
satin blue 24cm round oven 原價$4028
開倉價$1750 折扣56%OFFsatin blue 22cm round oven 原價$3488
開倉價$1480 折扣57%OFF
orange 18cm round oven 原價$2368
開倉價$1000 折扣57%OFF
satin blue 18cm rectangular dish 原價$338
開倉價$120 折扣64%OFF
coastal blue large spatula 原價$338
開倉價$120 折扣64%OFF
flame medium spatula 原價$238
開倉價$100 折扣58%OFF
cassis basting brush 原價$238
開倉價$100 折扣58%OFF
以上有部份係幫朋友買ga~~~辛苦老公主人抬3個煲回家!!!
其實我今次好好好忍手，就算見到咁多藍同紫，真係好啱用先會買 (不過真係買的全部都係藍同紫=p)
最最最開心，買到個satin blue 24cm round oven!!!
(個藍色真係好好好靚呀~~~流晒口水)
啱size又係自己鐘意的顏色，真係唔買唔得呀~~~仲可以配埋同色的large spatula，一套咁用，hohoho
今年繼續係無26cm buffet casserole的蹤影 (但我見台灣特賣會有呢.....大細超啊T^T)
見到朋友們都被我毒了LC，大家以後可以一齊買，一齊煮，呢件事令我最開心^^
當然，無主人係體力和財力上的支持，小慧又點可以敗得咁開心呢~~~所以我會努力煮嚟報答你ga
by笨豬小慧simple
笨豬小慧simple 發表在 痞客邦 留言(3) 人氣()
12月尾，突然係facebook見到呢張圖片，立即雙眼發光@0@
百佳易賞錢積分，可以用嚟換LC stoneware，呢次發達喇~~~~閉喇閉喇，聖誕節前，用咗500分嚟換購OTO按摩頸枕，依家連最低要求的1000分都唔夠啊~~~T^T
仲要剩底的930分，2012年12月31日就到期!!!! @#@
咁即係迫我係31號前，要係百佳瘋狂shopping先得喇!!!
好彩，29號有friend嚟豬欄開party，我可以順勢買夠數，yeah~~
終於趕得切，31號用晒d分，換到LC喇~~~
仲要係我勁想要的粉紅色心心啊~~~hohoho，好好好開心呀~~~~
PS: 我發現黃埔間百佳有好多貨呀~~~想換的靚太識搵啦~
by笨豬小慧simple
笨豬小慧simple 發表在 痞客邦 留言(4) 人氣()
我同主人都喜歡吃海鮮，尤其蝦、蟹、貝類，但家中只有易潔鑊，除咗蒸和煠，都無其他煮法喇，所以真係好想買個炒得的鑊呀~~~
初初睇中咗陽極鐵的鑊，貪佢耐用又輕身，唔易黐底又可用鐵鏟，似乎好啱炒硬殼類食物喎，而且價錢好划算tim~~
某天踩中咗親子forum，D太太們大叫陽極鐵鑊唔好用，好似要開鑊o個D，又唔洗得，要養鑊等等，諗諗吓都怕自己handle唔到，打消敗家念頭了。
又某某天，係JUSCO發現一個平、靚、正的不鏽鋼鑊，當下決定，買!!!
$218有個30cm的Buffalo不鏽鋼鑊，雖然只有三層鋼，但價錢實在太抵，唔買對唔住自己。
而且size細細，塞得落豬欄的小小小廚櫃內，實在太fit我的要求喇~~~
當晚試煮炒蟹，好成功啊~~~~炒蟹真係非常美味:q
不過我第一次用完已經燒黑咗個鑊，費了我九牛二虎之力先省得番白。
(我仲發現我係省鑊高手，主人省咗2次都無乜起息，我一出手就省番白了，HOHOHO，全靠小時候阿媽成日煮燶野，省鑊功夫自細培養=P)
另外，用不鏽鋼炒菜，D菜香甜爽脆，好好食ga~~~主人食晒成碟皇帝菜咁制。
似乎廚具與日俱增當中......HAHAHA=.="
BY笨豬小慧SIMPLE
笨豬小慧simple 發表在 痞客邦 留言(2) 人氣()
2012年11月17日(六)
早上book咗做body check(多謝老公唔嫌悶，陪我等^^)，攪掂晒之後，就係沙田拍拖閒蕩。
無意中發現Citysuper有Le Creuset的counter，仲有日本特別色coastal blue賣tim呀~~~
見到靚色，真係忍唔到手，買咗!!
少少地，買咗一set兩個ramekin，$147，有75折又係靚色，敗!!
買到至愛的藍色，真係好好好開心啊~~~
底部的貼紙寫住coastal blue，hohoho
sales仲透露，12月會返到少量粉紅色的貨，stoneware和oven都會有，希望到時有時間去昅昅啦~~
by笨豬小慧simple
笨豬小慧simple 發表在 痞客邦 留言(2) 人氣()
我一向都很喜歡high tea，早餐or下午茶，食塊多士or蛋糕，呷一口英式紅茶，悠悠閒閒咁，個feel真係太正喇~~~
honeymoon時，跟日本Afternoon Tea牌的lace茶杯擦身而過，認真飲恨!!! (相關閱讀：
日本阪神蜜月之旅 - Day 4)
之後的數個月，係各大百貨公司、家品公司遊盪，都搵唔到啱心水(最重要啱budget)的茶具了>~<
忽發奇想，點解我唔向乜都有得賣的淘寶search吓呢??
最後不負吾望，買到喇~~~~(灑花)
(淘寶果然萬能，要乜有乜，wakakakaka)
森惠英HANAE MORI蝴蝶夫人浮雕陶瓷茶具套裝
一套包括：兩杯、兩圓碟、兩橢圓碟
跟我在日本睇中的tea set有99%似啊~~~~但價錢只是RMB138!!!! 1/3的價錢就買到喇~~好開心呀~~~
杯碟的花紋非常有立體感，碟還有通花蝴蝶啊~~~
包裝亦非常精美，一個結實的「鞋盒」裝好，送禮自用都一流
打開第一層是橢圓碟
笨豬小慧simple 發表在 痞客邦 留言(4) 人氣()
婚後多咗時間煮飯，當然想煲吓湯。
但下下要睇火真係好麻煩>~<(我試過煲落湯後，係梳化瞓著咗，煲到乾水出晒煙，差d燒咗間屋=,=")
而且豬欄用煤氣，用明火煲3小時的老火湯，燃料費好貴啊~~又唔環保。
所以，好想好想買
真空煲!!
正價買真係太貴喇，我死要等到大減價!!! 終於係6月的先施大減價買咗。
買了這款4.5L的，sales姨姨話煲到4~6人的湯。買咗呢款旅行型，貪佢個手柄無凸出嚟，收係廚櫃慳位d。
仲送一個1L的保暖壺 (上年annual dinner抽中的500mL保曝壺，可以拎番公司用了=p)
再送3L不鏽鋼內鍋
只是
$1049!!
(原價差唔多$2000)
順勢做埋生日禮物啦~~(益你喇=p)
多謝老公
by笨豬小慧simple
笨豬小慧simple 發表在 痞客邦 留言(2) 人氣()
2012年9月21日(五)
一年兩度的LC開倉，攪到last day呢日先得閒去=.=" (好明顯我唔算die heart fans)
約到少女A陪我血拼，請假都要去!!! 而且剛巧主人放假，當然叫埋佢去，幫我睇水+運貨啦~~
9:30am到達香港富豪酒店，唔知係唔係last day，無咩人排隊，LUCKY ^^
排頭20位仍然係日本太太團，佢o地真係買極都仲可以買，厲害!!!
10:00am，正式入場!!
場面真係好墟陷@0@
人山人海，多人到連D貨架都遮晒咁制
D日本太太團好快手，不消10分鐘，已經獵咗好多野，坐咗係地下慢慢check貨
根據少女A的證詞，今日已經唔算多人了，佢去上次3月的開倉，多人到行唔到路@0@
而且，根據少女A的經驗，stoneware最快賣晒，所以要先攻stoneware，之後再睇煲、pan等。
我o地的策略好成功啊~~~
一入到場，我就跟住D日本太太行，佢地獵咩，我又跟住獵，完全唔執輸呀，hahaha
基本上，真係見咩就獵，都無時間諗自己係唔係真係想買=P
好彩有帶主人嚟，獵得咁上下，成手都拎住貨，就可以放低俾佢睇住，然後又出去再掃貨!!
今日係last day，好多靚色靚size都賣晒喇，我好想要的26cm buffet casserole仲要番唔到貨!!
靚藍色當然無晒啦~~好彩仲有cassic紫，都算有D安慰。
有時係唔係「寶物尋歸底」!??? 竟然有Pale Rose Mini Heart Rakemins Set !!??
我聽到D人大叫有粉紅色，即刻搶番件俾鐘意粉紅的少女A，不過size太細唔啱心水，最後係手指罅漏走了~~~~~
玩到11am，就埋單了~~
今次開咗10個cashier，所以俾錢都好快~~
之後，仲有職員幫我地join VIP，聽聞下次開倉會係private event了，可能walk-in真係得番D貨尾喇。
我今次好忍手，只係買咗千多元jar~~~我都估唔到自己可以咁克制 ^罒^
晒冷先^v^
Cherry Red 18cm Rectanguler Dish 原價$338 開倉價$110 折合67% off
一入場就掃清晒，手快有手慢無，不過唔係我想要的blue，所以買住一隻先啦~
Cassis Ramekins 2 set 原價$198 開倉價$90 折合55% off
靚色，必掃!!
Cassis 33cm Rectangular Grill 原價$1748 開倉價$720 折合59% off
老公勁鐘意
呢個grill，而且size剛剛好，比Grill Pan skillet更啱心水
Cobalt Blue 24cm Oval 'Au Gratin' Dish 原價$1328 開倉價$290 折合78% off
呢樣折得最多!!!! 少女A話可以整2人份的焗豬排飯，又可以上明火，咁平，買埋先得。
掃完貨，又可以悠閒地嘆番個lunch，真係好爽呀~~~
Caffe Habitsu，呢期勁喜歡^ ^
by笨豬小慧simple
笨豬小慧simple 發表在 痞客邦 留言(3) 人氣()
2012年7月10日(五)LC，即Le Creuset，法國琺瑯鑄鐵鍋，顏色靚、易潔、耐用、傳熱快、炆燉焗炒炸蒸都得，明火電爐焗爐通通入得。
見到好多煮婦blogger都有入貨，睇到我流晒口水呀~~~
加上20112011B2B都有用，見過少女A用一次，呢個煲真係啱晒我啊~~~我就係差一個炆得又炸得的煲。
主人開頭見個煲咁貴，初初都反對，但見識過LC的好用後，佢非常支持我買呀~~
有水喉射住，當然要敗啦~~~
我miss咗3月的開倉，以為要吊癮到9月開倉先可以擁有，點知LC係6月尾攪咗個2週年活動，只要生日日期或月份有"2"字，就有5折!!!
真係天助我也呀~~~~
入門必備 -
18cm Round French Oven少女A介紹啱煮2人份的炆餸、煲仔飯、少油炸野，而且細細地，才能入到我家的小焗爐呢(不過要飛走個蓋)。
半價後，$1190!!!
雖然比開倉貴少少，但唔洗迫又有大把顏色揀，多$290都抵俾啦~~
揀咗我至愛的藍色，Cobalt Blue，隻色真係愈睇愈靚呀~~心心眼了~~
入面係奶白色的琺瑯
LC煲係外層琺瑯，芯係熟鐵，所以都幾重，小小的18cm已經有3kg重!! 拎到我死死吓
而且琺瑯會摑花，唔用得鐵鏟、鐵羹，又唔可以用鋼絲刷，遲D要去買木鏟了。
不過都好易清潔，用熱水浸一陣，用海棉輕輕抹吓，就乾淨晒了~~~感覺保養清潔同用易潔鑊差唔多，唔算好麻煩。
買完LC煲，仲唔洗排隊食埋豚王，今日真係好好好滿足呀~~~
真係幾好味呢~~塊叉燒有塊面咁大塊，仲要係有2塊!!! 食完飽死我了
期待星期日開煲!!! 我已經諗到煮乜喇~~~
特別嗚謝：A&G的帶路和俾意見~~~^^，無你O地我真係買唔成呢~BY笨豬小慧SIMPLE
Le Creuset HK：
http://www.lecreuset.com.hk/
笨豬小慧simple 發表在 痞客邦 留言(1) 人氣()
笨慧廚房 (3)
