簡單就是愛 - 笨豬小慧simple's blog

星期日做咗好多野，中午去了hair salon攪攪個頭。

最主要想染番黑D頭髮，之前幾折色咁，影相唔靚嘛，另外修番個層次同剪咗長蔭。

一路都以為自己係直直直頭髮，只係染得太多、傷晒所以梳極唔順，點知，原來我係天生頭髮微曲!!! 所以D頭髮成日散修修，髮型師唔講真係唔覺啊~~~犀利!!!

 

大家覺得呢個新look點呢??

 

BY笨豬小慧SIMPLE

一直都有用開泡泡染髮，又平又方使嘛。呢盒玫瑰紅啡色係日本買，因為香港出個D無深色。

幾個月前染的金髮已經生咗好多出嚟，黑環現晒形。

染完之後，無晒金髮，變成深啡色。

不過另一邊染得唔太均勻，有D啡啡金金，遮唔晒tim。

 

好耐無見過黑髮的自己喇，超級睇唔慣，而且.............好似學生妹>~~<不過無計，金髮影婚紗相唔好睇。

 

BY笨豬小慧SIMPLE

 

日本名模LENA，由頭到腳都是女孩們模仿的對象。

樣子漂亮、身材玲瓏浮凸、打扮可愛，最剎食一樣野，她能夠自然地流露出一種女人味，既似女孩的嬌俏，又有女人的性感嫵媚。

沒錯，這就是日誌說的，大人式甜美!!

最近連走開型格路線的知夏子也加入「大人式甜美」的陣營。

 

最大的改動，就是髮型!!! 變成有劉海+髮尾曲曲的了!!當然淺色的金髮是不能才囉。

 

 

終於一整年沒剪頭髮的我，也大膽地嘗試「大人式甜美」的髮型!!!

為咗慳錢，未去剪頭髮之前，先攪攪個布甸頭。

又係泡泡染髮(因為真係太方便好用了，而且好平!!)，今次想染深色少少，試染栗子啡色。

(濕髮)(吹乾後)
今次記得先染頭頂再染髮尾，但都出現 一截截色，好似做咗highlight咁，而且顏色比相片淺很多啊~~~可能之前真係染得太金了

 

 

的起心肝剪剪剪!!!懶人的我想要捲曲髮尾但又唔想日日用電捲棒，索性電攣佢!!

哈哈呢個樣真係好攪笑，成個蛇髮女咁

 

大功告成!!!

真係有幾年無剪過有陰的髮型

有冇甜到？

 

 

因為電陶瓷曲髮，幾懶都要gel頭0既。

我買唔到salon個日幫我gel頭的moisture cream，同事介紹我用FADDY waxy cream

滑嘟嘟的cream，泵2下夠用1/2的髮尾。

先係手心搓勻waxy cream，再均勻搽係半乾濕的頭髮上面。然後楂攣髮尾。

FADDY waxy cream乾咗會有少少硬，不過就咁睇唔覺，仲有d光澤感tim。但我仲係嫌未夠攣，有冇sis介紹d好用的creamy gel?

 

如果好得閒，我會吹埋頭0既。楂攣頭髮係手心，吹熱氣，再吹凍氣，凍咗先好放手呀~~~要keep得耐d就再噴spray啦。

 

(素顏，希望無嚇親大家)
攪咗15min終於完成!!!所以都係放假先玩set頭吧。

 

 

 

 

為咗大家對眼著想，我都係放番張正常樣的相俾大家睇一睇，當洗眼

有冇成功「轉型」??

 

多謝收看，喜歡請推一推喔

「動AL動AL，今日我又0黎動AL，把頭髮，有光澤，又0黎動AL。」(melody"崖上的波兒")

遇上Pantene Clinicare，真係要唱呢首歌先表達到我的心情囉。

今年的好運真係接踵而來，好幸福呀~~~~今次有幸收到HKCOSME.COM的邀請，參加Pantene Clinicare 速效髮根+修護系列的試用活動，萬分多謝HKCOSME.COM，感謝的不謹是他們選我參加試用，而是他們有看過我的美容BLOG，肯定我這一年的努力，原來我個BLOG都有人睇ga~~~真係好開心。

 

 

shampoo 洗髮水  280mL

倒出來是白色的凝露，有珠光喎，唔通呢D就係頭髮有光澤的秘密?

加少少水就起到泡，泡泡好幼滑。洗完個頭好爽好乾淨，都無甩好多頭髮。

 

 

conditioner 護髮素  250g

唧出來是好杰的白色乳霜。用完d頭髮立即滑晒，隔日都未笠。

 

 

treatment mask 高效護髮膜 150g

也是白色好杰的乳霜。我有染髮的習慣，所以都要定期做下treatment，否則成頭禾稈草咁出街真係好樣衰。我平時用開1分鐘焗油，第1次用呢d髮膜(聽人講對受損頭髮好有效)，初時都好怕做完個頭笠痴痴，好彩都無，頭髮仲strong咗，又少咗打kick，梳頭個時都開心d。

 

 

volumn up spray 護髮神仙水 150mL

呢樣係我最最想試用的產品，佢一出個時我已經有留意到，今次有得試用真係超級開心呀~~~

我本身的頭髮好幼又無力，試過去電髮個髮型師發晒皮四話我的髮根電唔起，最後要另外用電熱棒夾個髮根先OK，至始以後，我對電髮都失望了(無謂勉強)。

但，髮根可以彈起的慾望，就無消失到。

神仙水究竟有幾"神"呢？睇吓我示範就知。

‧

‧

‧

‧

‧

為咗大家容易分辨，我只噴一邊的頭髮的髮根。

有噴的同無噴的真係好大分別!!!真係彈起咗，我D無力的頭髮彈起咗呀~~~識動AL啦~~~好野!!!pok pok公主頭唔洗再裝假狗啦。最重要係免洗，噴係乾濕髮上面都可以，方便出街前噴一噴，keep住一把迷人秀髮唔失禮。

 

 

用咗1星期，已明顯見到頭髮健康咗，光澤come back

before：髮尾開始開叉，曲曲梳唔直，暗啞好似菜

滑咗，梳頭都順d，有番光澤啦~~~

 

大推護髮神仙水，真係神級產品，超級work!!!

 

打完收工，多謝收看，喜歡就請推一下啦~~你的支持就是動力

 

Pantene Clinicare官網：http://www.pantene.hk/

 

好多謝BE和Clairol給我今次試用的機會，很久沒有被抽中了。

間中都有用Clairol的洗護產品，雖然未到超級fans，但對她的產品都有信心。今次能夠試用新的強韌蛋白配方，實在太好啦~~~

Clairol草本精華 薰衣草及絲質蛋白精華 洗髮露及護髮素 各355mL

 

瓶身設計也更新了，S字的形狀好攪笑，原來兩瓶可以像砌圖咁拼埋。

有冇留意護髮素的開口係向下的！因為護髮素比較"杰"身，用到尾個時好難倒出來，如果可以倒轉放，咪連最後的最後都可以用到囉，好貼心呢~~我buy呢個design。

 

先睇睇成份

洗髮露0既

護髮素0既

最新的瓶蓋設計，向下一pak就可以打開囉。我覺得比以前的揭蓋式要好打開，以前那種瓶蓋很易弄斷指甲，又難開。

 

洗髮露看上去是紫藍色，倒出來卻是透明色。

護髮素的顏色就和想像的差不多。又係好"杰"身。

 

用咗成個星期，強韌的感覺暫時未有(可以時間都係太短啦)，但就覺得丟髮的問題少了，之前我每次洗頭都會掉很多頭髮(唔知係唔係我太用力R個頭)，快要變「河童」了T_T。現在減少了丟髮，我已經很開心囉~^ ^~

 

綜合評分(5

為滿分)

香味

是有花香味啦~~不過唔似薰衣草味0既??

起泡度(洗髮露only)

加水搓幾下，泡泡就出晒0黎，仲係好細好密的泡泡。(我好鐘意用好多泡的洗頭水，無泡真係洗唔到頭)

清潔度(洗髮露only)

洗得都好乾淨，唔會好快又頭痕。無增加頭皮。

毛燥度(洗髮露only)

<<-----當然愈少愈好啦
洗完頭未落護髮素時，頭髮都會處於毛燥的狀態。幸好Clairol新系列的洗頭水情況不是太嚴重啦~~

滋潤度(護髮素only)

唔算太滋潤，要用2次才有柔滑秀髮的感覺。

清爽感(護髮素only)

過了一整天個頭都無笠。

 

打完收工，多謝收看。

距離上一次剪髮已有半年了(好誇張啊)，最近刨雜誌時看到很多中長度的髮型，時尚又可愛，於是說就跑去沙龍弄了一個。大家覺得怎麼樣？留了數年長頭髮，突然來個中長度的也不錯吧，挺有新鮮感呢。

新髮型我改成中間分界了，髮尾就用電捲髮器弄捲，就是篷鬆的`隨意感啦~看來我要多加練習set頭、gel頭的技巧，可不能天天上班都遲到吧。