簡單就是愛 - 笨豬小慧simple's blog

6條一!!(今日有好多人結婚呀~~新聞講今日有3000pair新人註冊 @0@)

BD倒數9日，我地嚟咗次20112011 BG2B gathering。

呢次可以講係我地婚前最後一次gathering了，所以幾忙幾唔得閒我都要出席!!!


大家交流一下最後作戰階段的點點滴滴，有開心、有恩惠、有驚喜、有憤怒、有不安、有緊張

婚禮的籌備過程，漫長又辛苦，但因為有你地陪住我，幾唔開心幾嬲幾忟憎豬都可以即時呻晒出嚟，之後又係一條好漢繼續攪結婚事。


我真係好感恩可以識到大家!!

我好想多謝你地呀~~~~


首先我要多謝chanwong，唔係你某日search到我又係20112011結婚，y blog add咗我，我都唔會再識到另外6 pairs BG2B。
更要多謝你，某日係我的y blog留言，約大家出嚟gathering，就唔會有之後千千萬萬個gatherings。

多謝mc win，係你話俾我知，唔好咩都揹晒上身，我要學習放手，將d工作分d俾主人做(我做到喇~~~wakaka，所以依家覺得好輕鬆)。仲有我幾次做電燈膽，搵你同查理斯陪我買婚禮物資，你無介意仲鬼咁開心幫我揀，真係覺得好窩心啊~~

多謝wingwing，你係我攪唔掂班親戚傷心落淚時，話俾我知我唔係孤獨一人面對，因為仲有你地陪住我，幫我諗計拆掂佢。

多謝小宅K，你送的K石成為我的DIY items的必備材料，真係點石成金呀~~~d野即刻靚晒。

多謝miss chan chan，你的執相功力令你成為我的photoshop顧問!!! 可惜你的有聲有畫movie班開唔成，我好想參加呀~~~(所以我最後放棄了DIY成長片段....)

多謝germanthea，多謝你的日本之旅心得，嘻嘻，honeymoon我識do喇~~~


 更想多謝大家放G2B出嚟，同主人吹吹水，減減壓，希望主人d口水無浸親大家 =p



所以我整咗一份小小心意答謝大家，見到大家收到後的笑容，真係好開心呀~~~~

就到終點了，加油，努力，撐埋佢!!!


下次gathering大家就係靚太了。

幾時可以開始新居巡禮呢？


by笨豬小慧simple

剛剛過咗倒數一個月，我病咗。

9成9俾細佬傳染，先幾日回娘家dinner，條友感冒，又擘大個口係咁咳，嶺晒野啦~~~

今日個鼻開水喉，呻到鼻都紅晒............

請半日病假去睇醫生

中秋之後約咗幾次少女講都唔成事，今日終於約到，幾累都想出席。

雖然今次只有3位待嫁少女+1位準靚媽出席到，但已經好滿足好開心了。


今日重點是：

「驚你有芽」和「財不可露眼」

wakakaka


今次少女講分享咗好多過大禮、guest list planning、婚宴流程、酒席最後R著數 等等的點點滴滴，同大家傾完之後，真係gurrrrr晒呀~~~~


距離婚期只剩1個月多d，希望仲有機會嚟多次少女講啦~~~唔想呢次係大家婚前最後一次的少女講呀(雖然可能性好高但我唔承認ga)

各位待嫁少女，加油!!!!



by笨豬小慧simple

收到yahoo的第二輪升級email：

「香港Yahoo! BLOG/Canon BLOG 的升級過程將於10月12日(星期三)進入第二階段。全新Yahoo! BLOG平台的「試玩期」亦將完結，未升級的舊有香港Yahoo! BLOG /Canon BLOG將設定成只能閱覽，用戶不能再在舊BLOG平台上更新網誌。」

睇嚟都係時候升級囉。

新的BLOG網址：http://blog.yahoo.com/simpsonsimple

希望所有野一切如常啦。

唉......................

BY笨豬小慧SIMPLE

2011年9月14日(三)

主人今年的生日可以用「忙到死」嚟形容。

(一) 擇咗9月入伙，由8月中開始螞蟻搬屋，又要抹屋攪傢俬，心力交瘁。
(二) 生日撞正中秋，朋友約食飯同做節一齊嚟，應接不暇。
(三) 工作有人事變動，要頂埋上司個份，頂硬上!!!

所以佢黑面黑咗成個月.....

為咗氹番主人開心，豬小慧plan咗一d簡單而隆重的節目幫主人慶祝。

12/9，先嚟一個pre-birthday dinner

去了峰壽司大快朵頤，好好味=q

再去mc win家搗亂，仲有蛋糕切(多謝晒~~)

正日用咗團購coupon，去了樓下的蕃滿門dinner

d野幾好食ga~~

誠意推介：泡沫檸茶、焗豬扒飯、茄湯扭扭通、焗雙茄

主人chok住食

主人的last single birthday就在忙碌中，快速地渡過了。

豬小慧真係好慚愧呀，掛住攪間屋，都無咩時間整蛋糕送俾主人，連細心安排慶祝節目都無，攪到你的生日好似是是旦旦咁...................對唔住呀！

其實我有記得你生日ga!!

HAPPY BIRTHDAY！！！

下年我地不如煮飯仔慶祝^^

by笨豬小慧simple

2011年9月12日(一)

今日就是八月十五人月團圓的中秋節。

我和主人的屋企都不傳統，已經係前幾日做咗節，所以今日我地就二人世界去街街。

先同主人食pre-birthday dinner。(容後再blog)

之後就係今日的重頭戲 - 20112011BG2B聚會!!!

可以去mc win家攪攪震呀~~~好興奮啊~~~

mc win家真係大到無朋友，真係好想係個廳度試吓打唔打到十個筋抖!!!

係呢個都算人齊的時候，我地B2B當然要嚟番次少女講啦~~~真係好窩心的一次，希望再有機會嚟多次pillow girls talk。

mc win家又有好多野食，薯片、汽水、蛋糕、湯丸!!!!!! 你實在太客氣喇~~~

最後，仲要多謝大家送俾主人的surprise

多謝你地預備蛋糕和蠟燭呀~~~主人今年第一個蛋糕啊

出現的時候仲嚇到主人!!!

今晚玩得好開心呀~~~好耐無玩到凌晨時份先回家了，雖然爆眼瞓但又唔捨得走。(第2日瞓死咗)

多謝mc win的招待!!!!

BY笨豬小慧SIMPLE

2011年8月中(日子忘記了)

今次嚟個happy hour摸住酒杯底少女講。(哼，你估麻甩講先有酒咩!!!)

叫咗杯cocktail，d顏色的combination好攪鬼，超似有毒

今日的話題都離不開wedding stuff，將大家的煩惱、鬱悶、不忿一次過share晒出嚟，雖然問題都仲係解決唔到，但有大家的support，已經好足夠!!!

可惜環境嘈咗d，樓下的live band唱得唔太好聽，變成嘈音，攪到講野要勁大聲，喉嚨都沙鳥~~~

仲有3個月就BD喇，嚟緊大家會愈來愈忙，少女講的次數都可能愈來愈少，我好珍惜每次真情剖白的機會啊~~~下次唔知係幾時呢??希望唔好等太耐啦

by笨豬小慧simple

2011年8月13日(六)

呢日係各位20112011BG2Bs婚禮倒數99天的日子 (原來之前個日先係真正的倒數100天)

係呢個咁有意義的日子，我地幾個月前已經plan好大家要食番一圍酒席嚟賀一賀佢。

好興奮終於等到「百日宴」的日子喇~~~

重頭戲就係交換喜帖!!

6 pair人= 6個炸彈!!!

究竟邊個咁有幸被炸6次咁多呢？

恭喜K比伉儷

到時記得早d到啊~~~我留定個頭位同你地影相，因為你地仲要挑戰「一天去最多婚禮」的紀錄啊~

呢晚真係玩得好開心呀~~~~我地仲成班一齊朗讀帖的內容，攪到好似邪教聚會咁，wakakaka，好彩book咗房，唔係實嚇親隔離枱的食客。主人仲開心到飲大咗，面紅紅咁，又好似就快要瞓著，可能嚇壞大家了，真係唔好意思鳥。我仲學識咗「唔做野吖啦」咒，對付懶懶懶的主人真係好有用啊~~~

能夠收到各位的喜帖真係好窩心，雖然我和主人未能出席各位的大日子(大家同年同月同日結婚之故je~)，但由喜帖上細心的DIY，真真感受愛到大家對BD的熱情!!! 有你地陪我一齊攪結婚的各樣麻煩or開心的事，真係好窩心ga~~~榮幸「路上一直有你們相伴」

去到尾聲時，真係想唱句「I dun wanna say good-bye」。

離BD只剩吓3個多月，大家要加油、加油、加加油啊~~~當然記得忙裡偷閒，約出嚟聚吓啦~~~

by笨豬小慧simple

2011年6月份

我的最後的單身生日啊~~~~

total食咗3.5個生日蛋糕!!! 正!!!

其實無咩特別的慶祝，都係簡簡單單食餐飯。

正日同主人去皇家太平洋酒店食lunch buffet，又平又好味，yeah~~~

食飽飽睇埋美邦report就回家瞓覺了~~~真係好耐無瞓得咁爽!!

隔幾日再同屋企人去1881 high tea

好玩又好食~~~環境又靚，同屋企人影咗好多相呀~~~

晚上又係令人期待的20112011BG2B gathering飯局，多謝大家記得我生日啊~~

最後和一班design同學仔打邊邊+切蛋糕~~~~個蛋糕好靚呀~~真係有d唔捨得切。(主人又飲到面紅紅了)

好開心可以同一班知心好友大食特食咁渡過我最後一個單身生日，希望婚後、什至生埋仔後，大家仲可以keep in touch!!!

最重要，又最開心，就係每年都有主人陪我慶祝啊~~~~

下年就係婚後的第一個生日了，唔知有咩唔同呢??

by笨豬小慧simple

2011年8月4日(四)

miss chan chan回歸香港了，立即攪一次「少女講」暨物資交收日。

第一次食和亭。

雖然d菜式同和民差唔多，但好味道多多聲。service又好d。

mc win highly recommand的青柑桔可樂，又真係幾好味(攪到我破戒食凍野tim)

用嚟篤柑桔的唔係普通的長匙羹，而係一個有窿有長柄的鐵片，我覺得好似golf棍

我地6個人，叫咗1X樣野食，堆到一枱都係呀~~~

得番3個月多d就BD了，咁食法的我地真係一d唔似待嫁新娘啊~~~~想自然瘦都難囉。

尾聲係：小慧教你數銀紙

大家都學得好專心呀~~~~

祝大家BD後數人情數到手軟!!

by笨豬小慧simple

2011年7月29日(五)

又嚟「少女講」了~~~yeah~~~

今次好有意義，因為去番我地第一次見面的餐廳 - pokka cafe

已經係9個月前的事了，好記得當時的自己其實好緊張ga~~~仲出席前臨急做定功課tim(睇定大家的blog)，又因為第一次見，有d怕醜，相都無影一張，hahaha

依家大家次次見面都大癲大笑，經持!!??，大家咁熟，唔洗啦

今日d食物....好咸.....攪到食淨晒=.=" 最後又貪得意叫咗個珍寶芭菲雪糕~~~wooo~~~好好好大杯呀~~~不過都係雪糕涼粉囉，其實食落無咩特別。

我地玩咗個game「淑女食」，Germanthea VS 小宅K，邊個淑女D??

早前mc win過完大禮，之前大家都鄧佢緊張啊~~~好彩可以平穩過渡，可喜可賀之後大家都會陸陸續續進行「四大長老高鋒會議」、「過大禮」、「攪掂安樂窩」等令人心臟病發的緊張時候，愈來愈覺得互相support好重要，大家都係結婚初哥，無得encore，所以都怕做錯做漏呀~~~唔想因為一個小瑕疵令個婚禮有遺憾。(最重要唔想俾人有野講)

巨形芭菲前留影~~(今次記得影相喇)

下星期再有少女講暨物資交收，好期待啊~~~

by笨豬小慧simple

2011年7月24日(日)

mc win、查理斯 & wingwing笋崗行後打算去上水打邊邊，百無了賴的我地又死跟埋去食飯，wakaka，因為上水對我地嚟講仲近過出旺角呀~~

臨時缺席的K比伉儷，我地敬你地嘅!!!!

呢排個胃唔多掂，任食打邊邊都唔食得多，蝕囉。不過同大家一齊有講有笑，真係好開心呀~~~

其間我地不停講有關動物昆蟲的核突野，wakakaka，真係好好好笑你估出場最多係咩動物呢??? (tips：人見人憎個d)

by笨豬小慧simple

2011年7月18日(一)

上次少女講意猶未盡，好快就plan定今次的少女講，hohoho

今次去番Dream Cafe，貪佢坐得舒服，食物又好味道。不過，成件事錯晒!!!

mc win book位時明明話無時限，點知坐底後就話要我地10pm交枱，喂，少女講有好多心事要share喎，咁早要我交枱散band好無癮je!

叫食物個時，我地首先3個B2B到咗，都仲有2個B2B未到，都諗住叫2set二人餐+一個單人餐。但我3個人叫2set二人餐，個waitress死都唔肯落單，話要一齊整喎...............呢個真係廢解，我叫牛扒你叫羊扒，點一齊整呀???而且我都講明仲有朋友嚟緊，又唔係叫單邊，都唔明點解唔俾我落咗order先。好激氣咁理論咗好耐個waitress先死死地氣幫我地落單.......間野d service差咗好多啊~~以前二人餐可以叫單邊ga~~其實佢仲有著數啦，單邊二人餐仲貴過一人餐。

食物呢........塊5成熟的牛扒變咗7成熟，仲好韌

慶幸有大家豐富的話題，將今晚的情緒氣氛推到最高!!!! 「少女講」，真係好開心呀~~~

by笨豬小慧simple

爺爺，終於走了。

半年前的爺爺，仍是健康快樂的。

新年前數天，您不小心跌穿了後腦，初時還以為過年後您就能康復回家。

怎料在醫院待了3個多月。

終於回到家了，但您的身體已經弱了很多，很是心痛。

驚覺爺爺真的老了。

最後一次見您是父親節那天，之前已聽說您吃不下東西，很是擔心，果真您瘦得連樣子都差點認不出來，但和您說話時，您仍然報以微笑，我想您還認得我吧。

但我看到，您的健康走了，您也變得不快樂。

2星期後，您就在睡夢中與世祥慈。

遺憾我沒法去看您最後一面，

也遺憾您沒法親身參加您最疼的孫兒森豪的婚禮，

但慶幸爺爺在愛的包圍下安祥地離開了。

爺爺，bye bye喇。

您會留在我和森豪的心中，一同見證我們生命中這個重要的時刻，

您會在天家看著我們的婚禮呢。

BY笨豬小慧SIMPLE

2011年7月7日(四)

上次少女講因為要收樓，所以臨時缺席，真係好可惜呀Y^Y~~

於是大家又極速籌組今次的「少女講」。好開心^v^，今次7位B2B都可以出席，第一次齊人的「少女講」啊~~~(可憐男子組的「麻甩講」被人踢竇)

今次再去藏戶，上次幾位少女食完猛讚好味。

終於一嚐阿K力讚的炸芝士，又真係幾好味喎

仲有$5/3片的三文魚刺身，我地今次叫咗21客呀~~~~好狼死啊~~~

今次少女講的主要題目是少女wingwing的被求婚經過聲演版，真係好感動呀~~~中途我忍喊咗幾次呀~~~好彩D蝦碌位止一止我D就快標出嚟的眼淚。

又分享咗大家點樣同另一半開始係埋一齊的故事，實在有太多估你唔到，依家諗番起都好好笑，哈哈

距離BD只有四個多月，唔知大家仲有冇時間出嚟「少女講」呢？

其實，數數吓，我地呢個月見面的日子都有3~4次，大家close到唔止每月一聚了，真係一日不見如隔三秋，wakakaka

by笨豬小慧simple

2011年6月25日(星期六)

下午首先同屋企人去high tea，之後就趕去上水，因為又係20112011 BG2B的gathering dinner。

今次試食石湖墟的大排檔。

雖然係叫大排檔，但就0係d新式街市的頂樓，有冷氣ga~~~~(夏天無冷氣真係會死)

呢間野好攪笑，叫豬手，送蛋卷最後成為查理斯的點心

有蝦、有炒蜆、有蠔餅、有炸墨魚波~~~我鐘意海鮮餐呀~~~好好味

大家邊食邊吹水，快快樂樂就過了3小時。

唔知係唔係環境比較嘈，講野要好大聲，又食咗唔少煎炸野，返到屋企有d聲沙

by笨豬小慧simple

呢次gathering差d做咗歷史遺物，因為太多野等住blog，打晒尖，趁我失憶之前我要blog底佢。

2011年6月11日(星期六)

首先去雀家的DIY大會。

睇吓大家幾勤力。

已為人妻的少女K，唔洗DIY，都上嚟食住薯片湊熱鬧。

}
而DIY失敗咗的我，唯有行埋一邊分石啦。

完全係一個分K仔的工場咁，wakakaka

多謝少女K的閃石呀~~~真係好閃好閃，我要好好plan吓點用d閃石先得。

之後join埋其他20112011 BG2B，去了沙田的周記避風塘食dinner。

d食物都好有水準呀~~最好味係個生炒骨。

而且好經濟，埋單位位只是$80左右，抵食!!

去完雀家DIY，強烈感受到mc win和查理斯個團DIY的火~~~我真係要加把勁了。不過首先要買到啱心水的材料。

by笨豬小慧simple

2011年6月3日(五)

今次add hot約去打邊爐，mc win推介上水麗都讌客，好味又抵食呀~~任飲任食，位位只是$110!!

唔洗加錢都有蕃茄、醉雞湯底，yeah~~

啤酒都係任飲，咁高興當然要啤一啤佢

一 枱到係，食到好飽呀~~

全晚G都不停花家姐上身，爆出連串笑話，笑到肚痛，仲已經成為大家的金句!!

"直係好唔簡單喎"

"我處理唔到呀~~~"

下星期六就去雀家開DIY大會，我要plan吓整d乜了，仲要去買材料

by笨豬小慧simple

今個5月真係忙到死，好多野排住隊要blog。

2011年5月26日(四)

今日又係我地20112011 BG2B每月一聚的大日子，今次我地都好期待呀(其實次次都期待的)，因為今次真真真係齊人，7pair共14人呀

為咗張大圓枱，我地揀咗食中菜 - 八月花

叫咗個九大簋set，好多野食，12位用14人都食唔晒，citibank信用卡仲有9折，抵食!!

今次可謂史上最齊人的一次，當然要影番張大合照啦(次次gathering都唔記得影)

呢張相仲有一個重要的意義，BD當日我地要幫佢裝飾一下，放係reception作為對各位20112011BG2B的祝福；而阿K就負責拎住呢張相去我地各人的wedding時影大合照用!! 真係人唔到樣都要到呀~~~

今次gathering有好幾位男士都係第一次參與，恐龍機師、阿比、王志，不過都玩到癲晒，睇你地chok到行個張合照，都知你地係一見如故喇

歡樂的時光過得特別快，又係時候「依依不捨」講拜拜。

期待6月的gathering^^

by笨豬小慧simple