簡單就是愛 - 笨豬小慧simple's blog

減肥係女仕們的終身事業，但都市人如我，天天上班已經用盡我所有體力，莫說做運動，連睡覺的時候都不夠啊~~加上長時間坐著工作，就養出一個小肚腩啦。

早前參加了BL X Collistar的試用活動，我抽中試用Thermo-active Talasso Scrub熱能磨砂膏，經過20天的試用，係時候報告一下。

Thermo-active Talasso Scrub熱能磨砂膏  $396/700g

收到我時候嚇咗一跳，好好好大罌呀~~~(成個湯碗咁大盒)，辛苦晒BL的職員抬去旺角地鐵站俾我。

 

打開有保鮮包裝的膠紙
附送小匙羹和膠蓋，保持磨砂膏的衛生好重要，否則好易變質。

磨砂膏其實是天然海鹽和植物油的混合物，仲有陣草本香氣tim。

 

熱能磨砂膏的小小冷知識

具保濕、消脂及排水功效。蘊含天然海鹽成份不但具磨砂功效，能去除死皮、更新肌膚，於按摩時所產生的熱能更可促進血液循環，有助產品滲透及軟化橙皮脂肪。當中的植物萃取物一方面能促進夜間自然排水，另一方面能打擊脂肪團，減少脂肪積聚。

 

海鹽的粒子都幾粗，都有d怕會磨痛皮膚，不過身為BL試用團，都要頂硬上!!!

 

 

使用方法(翻譯自說明書)

取出適當份量，塗勻於皮膚上，打圈按摩，再用溫水沖洗。注意產品必須用在乾爽的皮膚上。每星期使用1~2次。減肥成效需配合飲食及運動。

畢一pat磨砂膏出來，塗勻要磨的地方(由於小女小腿肥美結實，老早想減減佢，最啱試用今次的產品)

打圈按摩，會感到微熱。我會配合淋巴按摩法，邊按摩邊收緊腿形。
按摩大約3分鐘，海鹽都差不多溶掉，就用溫水沖洗乾淨。

 

 

我的小小感想：

老實說，單用熱能磨砂膏，小腿並未能減瘦。好彩說明書都無呃人，要配合飲食和運動才能真得瘦下來，我又沒有節食，更唔做運動，當然減唔到肥啦。世上無免費午餐嘅。

但去死皮、促進血液循環、去水腫、舒緩肌肉疲勞就很有效。記得上星期行完深水埗5小時(真係不停咁行，無停過無坐低過)，回到家雙腿攰到不得了，用熱能磨砂膏按摩一下，雙腿的肌肉不在酸軟，條筋扯住扯住的感覺無晒，舒服番晒~~~而且次次磨砂完對腳都滑一滑，連男友都讚呀!!

如果使用說明可以再詳細D就好了，真係唔知要用幾多磨砂膏先啱，又唔知要按摩幾耐。3分鐘係我自己set的，都唔知啱唔啱，所以都有少少影響咗試用的效果。

 

 

打完收工，多謝收看

好耐無抽中BL的試用活動了，今次有份參加真係好開心呀~~~仲以為自己已經俾大家忘記了，雖然我出文唔多，希望大家都支持一下我啦。

 

等咗成個星期，終於約到Dr. Renew試做纖體treatment。因為我住新界，又係九龍返工，Dr. Renew的聯絡人員主動提議轉我去佐敦分店做treatment，唔洗我特登過海去銅鑼灣總店，真係好貼心的服務呀~~~

放工立即飛車過去，準時7pm到達。

一入門口就見到大大張代言人Yumi的poster，仲有佢做facial的video。receiption的小姐帶我地入房填一填個人資料同問卷。

份表真係好詳細

你睇吓我填得幾認真

之後就由美容師Jenny帶我入房，今日會由佢幫我做treatment。

房間整齊乾淨，拉晒窗簾，好夠privacy

原本我打算做收肚腩的treatment，但經Jenny的檢查，佢認為我的肚仔都算結實，無咩脂肪，做咗會無咩效果，反而大脾就有舊脂肪，佢提意做纖大腿的treatment，效果會理想好多。我當然聽佢的專業意見啦。

有相為證，真係有舊肥肉唧咗出0黎，仲有d橙皮紋tim。
其實一路都知自己有對肥大脾，只係著衫遮到，咪唔理佢囉。今次都係個好機會纖一纖佢

傾完做邊個部位，Jenny就帶咗我去磅重和測脂肪。

最近努力忍口唔食下午茶，似乎有d成效喎，脂肪比率跌番去16.6%喇，仲輕咗1kg!!yeah

正式做纖大脾treatment之前，Jenny俾咗件衫我換

一件白色絲襪料的夾乸衣，著咗個樣真係好攪笑

show條腿俾大家睇吓啦，上身就請自行想像囉

之後Jenny帶我去纖形專用房，開始我的瘦脾之旅

Jenny一邊做一邊解釋佢今次用的儀器，主要用一個吸盤，啜住D肉，當Jenny推部機時，就有好似做運動的作用，推的手勢都好特別，係由下向上推，咁做係幫我firm番大腿的shape。部機會一路發射紫色的光，用來幫我消脂。部機仲可以幫我通淋巴tim，去一去我的水腫。估唔到一部機，就做到3樣功能：消脂、修形、通淋巴，犀利

一隻腳要碌10分鐘，初初唔係好慣，又痕又痛痛地。Jenny話我的淋巴塞得好犀利，所以會有d痛的感覺。不過耐咗就慢慢適應了。

剛剛做完左邊大腿內側影的，明顯見到內胯的肉收緊咗。

到做晒成隻左邊燒鵝脾，好明顯見到左邊幼咗，個shape番晒0黎，摸落去d肉真係實咗

做完個大脾有少少紅，都正常0既，又啜又碌咁。

睇睇個成績先

右邊大脾減咗半吋，只係做咗一次就有成績，好surprise!!

BEFORE(左) & AFTER(右)的數字表

做完之後就出番去房度唞一唞，仲同另一位靚女店員吹咗陣水(大家講淘寶講到好high)，簽番收條就走得喇，一D都無sell過我

靚女店員提醒我做完纖體機要2hrs後才可以食野，如果唔係仲吸收多咗，減唔到仲變咗增肥。8pm走的我，要捱到10pm才可以食dinner~~~~~~~~好肚餓都要忍!!!

成個纖體過程我都好開心，店員個個都好nice，嘻嘻哈哈咁就完成了。

今早起身仲feel到個大脾係firm0既，只係有少少做完劇烈運動的酸軟感覺。

如果唔太貴做一次，我都想join plan ga。(可惜我是貧窮子)

最後要多謝Ztyle和Dr Renew抽中我參加今次「夢想成真大行動」，無諗過，燒鵝脾都可以變天鵝脾。

打完收工，好長的一篇，多謝收看啊~~~