(來到最後一天的油雞了~~~主人打字，小慧remark，見粉紅字)
2011年4月12日(二)
到o左最後一日，終於可以悠悠閒閒咁渡過啦
。起身之後，客棧有提供早餐，當然唔客氣啦(因為客棧老細係香港人，所以好有港式o既酒店服務咁，其他好多都係冇可能有早餐送o家)。
有4款比我地揀，兩款西式、兩款雲南風味，我就揀左西式--餐旦治是也，小慧就揀左雲南風味--蕃紅柿米線(原來蕃紅柿即係蕃茄)；味道比想像中好 ^^(可能一早諗定送o既應該一定係垃圾)。送的飲品係豆漿啊~~好有豆味好好飲，正!!
吃過早餐，又係要用盡我地每一分每一秒時間o既時候，因為我地今日下午就會離開麗江o家啦。我地會去埋束河古鎮觀光同買手信 ^^(選擇十分正確，真係平好鬼多，同埋因為束河果面冇咩客，個個都熱心招呼你，正呀
)。
我地o係大研古鎮近大水車o既北門搭的士，要直接同司機講你想去束河，佢會開個價，大約RMB15~20，唔打錶的。(又係一出聲就比人問我地係咪廣東果面過o黎~~~係咪真係咁易認呀，我地玩左咁多日又唔覺我地自己同果面o既其他遊客有咩分別姐~
)(因為主人的普通話真係太普通喇，佢一出聲人地就問佢係唔係香港人，我好少少，問我係唔係廣東人)
去束河古鎮的士車費 - RMB15、回程RMB20
束河果面明顯比較古樸一dee，人亦比較少，街道上沒有大研的繁華熱鬧，卻不會出現肩摩肩，人擦人o既情況，令你可以更有空間去欣賞四週美景，同時感覺上束河有一樣「傷春悲秋」o既蕭瑟感覺。o係束河行逛時，你會不自覺將腳步放慢一點的。
束河真係好悠閒，啱晒我地呢d鐘意hea遊的人，除咗大大小小的商店外，中間位置有一間藏廟，裡面有位大師免費幫你睇健康運。不過我地麻麻地信呢d玩意，所以係廟外影d相就走了。
行番出大街，沿路有好多櫻花樹，好好好靚呀~~~
我地影pre-wedding個日係新城馬路兩旁都見過，當時李剛話係櫻花，我地都麻麻地信。依家近睇真係有d似，只是比日本的大朵好多，棵樹又矮好多而已。
唔知幾時有機會去日本賞櫻呢？
我地o係束河大量搜羅我地o既「戰利品」。
我地首先去左買秏牛肉乾。
可以隨便試食，覺得口感同o係香格里拉時食o既火鍋肉質一樣，肉質較粗但肉味較濃，我就當然大量入貨^^。除咗即試即買的濕秏牛肉乾外，仲有d已經預先做好獨立包裝的秏牛肉乾，呢d係乾身嘅，都買咗d拎番公司做手信。
之後同阿苗傾計，就知自己買到平貨，呵呵。
濕秏牛肉乾 - RMB40/kg、獨立包裝秏牛肉乾 - RMB20~35/包
大研賣的秏牛肉乾最平都要RMB80/kg呀~~~~所以大家真係要花d時間，行束河兼買手信。
之後我地打算買茶葉。
行下行下就入左一間茶館「河茶閣」，女店員熱心為我地解說，又招呼我地坐低慢慢品茗一番。
仲示範玩一舊叫「試茶石」o既東東，本身黑黑一舊石雕刻成不同形態，只要有熱水一沖，就會變成透明，沖完後熱力散去時又會慢慢從透明般變為翠綠，最後回復成黑色。佢次次沖茶時都會玩下舊石，我同小慧次次都會聚精會神去望實舊石
。
跟著店舖o既老闆番黎啦，佢話其實自己o既大研果面有間更大o既店，但係果面只係做「鴨仔團」生意，定價一定比lee面貴(都話過黎買野冇死o家啦^^)；跟著佢仲教我地點樣飲茶，點分辨好壞等等。坐下坐下飲下飲下過左大半個鐘，跟著店主見難得有人去佢度愈講愈high，仲話拎dee貴野請我地開下眼界
，我地即時唔好意思，話要食午餐及趕住回去搭飛機。攪左人地成大半個鐘(其實好似有成個鐘，飲左人地好多茶，因為佢係會不停地沖o家 ^^)，最後只係買左百零蚊野，真係有dee唔好意思，所以lee間茶館我地係十分推介o家
。
真係學識咗咩先係靚普洱(顏色係深紅色而唔係黑色ga~~香港飲開個d真係唔知乜東東茶了，靚普洱真係完全唔澀，仲有種滑喉的感覺，最後有回甘，沖泡成十次都仲有茶味，唔係香港酒樓個d 3、4次就無味了)，同埋點樣飲茶先至唔傷身(其實可以空肚飲茶，但要飲紅茶，綠茶好寒涼ga，女人唔啱飲)
沱茶餅 - RMB55、雪山古茶 - RMB10/両、滇紅茶 - RMB15/両、普洱王 - RMB18/両
連茶都買埋之後，我地就o係城內搵地方醫下肚。最後一餐o係麗江食，我地都好想食米線 ^^(雲南地道美食，嚟到點可以唔食!!)，所以就一心搵米線食。我地有經驗，果dee o係正大街﹑有晒圖片之餘仲有埋外文menu o既，一定係貴。所以我地就揀番dee local味重o既鋪頭啦(最後一日仲唔醒目咩 ^^)
叫左兩個米線，旁眼米線和狀元米線(d名好好笑)
多配料到食唔晒o家係(主人的狀元米線有成20小碟的餸，d碟仔疊起有成3吋高呀~~)，重要係超平~~~~~只可以話第二度應該一定食唔番。
雖然佢地果面冇講明係雞湯米線，但佢地間間都一定用自己煮o既雞湯連豐富o既雞油去浸個米線。食過果面o既米線，你會覺得香港地真係好難搵好食o既米線鋪~~~~~
米線lunch - 共RMB35!!!
完成最後一餐米線之後(好依依不捨呀 >.<")，我地就番大研啦。
番到去就記得客棧送果杯coffe未飲wor(因為每日供應時間係下午2:00先開始的 !!!)，番到去剛剛夠鐘，梗係嘆埋杯啡先啦 
。
原本淨番2個小時左右想到鎮上買一種叫「鮮花餅」o既野(因為之前去香格里拉時，同團o既阿玲話食過，話味道幾好)，但o係客棧又遇到阿苗佢地wor，咁就大家一齊坐低嘆下啡傾下計啦(原本諗住今日遇唔到o既話，會將聯絡方法放o係front desh，再打比佢地通知佢地記得拎我地contact的)。就係咁，我地就飲下傾下，傾下飲下咁過晒dee時間~~~~~~直至服務員小姐入黎同我地講我地架車到啦，就要出發去機場了 。
我地就用埋最後o既時間，影埋果度居高臨下o既靚景(去左人地可能成八百幾蚊一晚果dee房外面影 ^^)原來睇屋頂景，一望無際，個view都唔錯，而且無人住的話可以隨便進出貴房個d露台的，即係唔一定要book貴房啦
lee度又要讚一讚，客棧真係講得出，做得到，真係幫我地將dee行理抬上山路去搭車，堅呀
。有個後生仔+大嬸+女服務員幫我地抬行李啊，我地都知自己d野重，真係好唔好意思，個後生仔超勁，一口氣抬住主人個喼行成10分鐘斜路，氣都無喘，果然係高原生活慣係唔同d，我地唔敢行咁快呀。
今次坐吉普車去機場，因為沿路都係工程，d路爛晒，凹凹凸凸咁，坐私家車又"登"又慢，坐吉普車就又快又唔"登"。
不過沿路發生咗件令人汗顏=.="的事，架車高速行駛之際，小朱慧見車窗開咗，話要close佢，但佢隻手就走去拉門把!!!! Ooooosh!! 我梗係立即喝停佢啦!! 但隻門都彈開咗少少，當場立即拉番埋佢啦~~~小朱慧差d殺晒成車人呀~~~ (我當時應該魂遊太虛中，唔知點解會當咗個門把係攪車窗個舊手制)
好彩都順順利利到達機場。(無塞車)
(以下開始都是小慧寫的)
又可以準時起飛，yeah。
麗江，拜拜~~~~希望快d會再嚟啦~~~
我地係麗江見得最多..........係動物...............首選毛毛牛、其次係狗狗。
麗江d狗狗好開心ga，可以係古城入面周圍走，唔似深圳d狗狗，唔睇實就會做成為別人的晚餐，尤其冬天.......
講番班機，因為要停一停昆明，所以用的時間比較長。
去昆明得1.5小時都派餐，d空姐真係好辛苦。
但呢個包好難食，包係濕嘅(最唔鐘意食濕咗的包!!)，有塊唔知係唔係青瓜的餡，不過餓餓地都照食咗大半個。
係昆明的候機室(超殘!!!)等咗個幾鐘，終於上得番飛機。但架機唔知點解充滿"up"味。
又到派餐時間，是旦揀咗麵，d麵好林好爛，pat醬爆難食!!! 食咗2啖已經頂唔順唔想再食，第一次要食附送的餐飽充饑!!! 仲要係淨包無野查!!
成個機倉都充滿怪味，唔知係架機臭定d人臭，總之令人非常唔舒服。
係呢個咁唔衛生的密封環境停留2小時後，我塊面突然敏感發作，成個額頭生滿粒粒!!! 又痕又熱咁，好辛苦呀
~~~~(主人話我當時塊面紅晒，尤其個額頭，仲有d似發燒)
去到深圳落機時，d粒粒已經蔓延到去手和鼻樑，洗完面都無用，都係痕痕痕+熱熱熱，真係好唔開心呀~~~
之後就懷住燥底
的心情回港
d粒粒足足要一個星期之後先退晒，好彩係last一日先發作敏感，唔係真係死俾佢睇，爛面咁點影pre-wedding。
南航，我會記住你，打死唔再搭你d機，真係好差，又污糟!!!
my手信s
雲南d咖啡係我暫時唯一飲完無心跳遊魂feel又唔淡口的咖啡，RMB25一大盒，好好味ga~
下次去麗江，我地要挑戰雪山!! 仲有騎馬一小時行茶馬古道。
by醒目主人 & 笨豬小慧
。
，仲要主力係d澱粉質食物如炒麵、稀飯、饅頭，食咗少少就算了)
)。至於衫果方面，我地早有準備，帶左薄羽絨打底 ^^，所以唔駛租褸。
!! 而領隊小煒哥亦不斷同大家講野傾計，因為瞓著咗會更易有高山反應。)
。(我覺得自己睇緊《飄零燕》的實景!!)
~~~
。雖然香格里拉已經唔係一個樸素o既小鎮，佢同麗江一樣，已經慢慢被「建立」成為一個旅遊重點，但依然美麗及有特色。我好開心今次選擇去香格里拉而非玉龍雪山，因為我相信下次再到香格里拉，又不知有多少個原始的美麗被改頭換面或增加美化(商業化)。反之雪山賣點就是冰雪，人類想改變也不是一朝一夕的事。被喻為「世外桃園」o既香格里拉，我地總算到過一次了 
，終於唔洗晚晚個鼻乾到痛醒)，送足浴，送早餐，送兩杯咖啡......crazy，早知道間房正咁多，又送咁多野，就RMB298都照殺(其實RMB298果間係有一張雙人床加一張單人床，for3人家庭ga~所以間房都ok夠大)。
；終於可以食得開心之餘又唔駛剩咁多野啦^^。
，唔通個天都要去落bar
)。間bar就係我地間客棧落番大街路口果間「桃花島」啦
)。
)
，同埋真係唔係好聽得明佢地唱乜。
小煒哥，你係得嘅!!
)
。阿基及最後黎果pair因為已經在前一日去左玉龍雪山影，所以今日佢地2pair都係影古城﹑拉市海等地方，即係我地會o係路途上碰面的
。而marco佢地就今日會上雪山，應該要等到上飛機番深圳果日見到面lu(結果一齊番深圳果日問番佢地，雪山上面真係凍到死，上去唔夠2個小時，但落山時佢地話已感到體力不支o既情況>.<")。
無車都可以行返去je)
試試，食物唔算貴，但杯啡就要RMB25/杯
(因為小慧唔做運動囉，hahaha
，因為地標錯﹑size細﹑去阿拉丁旅遊或某些客棧係免費拎o既，仲要又靚dee又大張dee又詳盡dee。)
不過幾難食都要食，命仔緊要!!
。
笨慧廚房 (3)
