簡單就是愛 - 笨豬小慧simple's blog

(5月又有一田大減價喇~~~但我連上年的血拼戰績都未blog，hahaha，趁仲未過期，點都要blog一blog佢 =p)


2012年11月24~25日

未嫁人之前，我對百貨公司的大減價活動真係後知後覺，睇新聞見到d人迫爆咁去搶枕頭洗潔精，我只有陪睇的份。

攪結婚o個時，我已經一反常態，竟然走去一田大減價迫!!! 不過最後無功而還v_v
(相關閱讀：my嫁妝(1) - 喼)


今年正式成為人妻後，我仲嚟個360度的變化，竟然會刨catalogue做攻略，仲要放工後去一田超市迫!!!

成績都相當彪炳啊~~~~


估唔到今次竟然拼個血流成河~~~~
唔知嚟緊5月的一田大減價，我o地又會唔會再去血拼呢!?



by 笨豬小慧simple

自從買咗真空煲之後，每次weekend煮飯，我都好想煲吓湯。
煲湯表面看似簡單，但煲落就知，其實好複雜，乜乜湯有乜乜功效，乜乜體質要飲乜乜湯，乜乜天氣又煲乜乜湯先啱，真係攪到我頭都大埋。
而且，我o地得兩口子，煲個湯動輒十種八種材料，每樣又用得少少，但買料又唔可以買少少，真係唔想堆到成個廚房都係用唔完的食材啊。

所以，超市湯包，就成為我的煲湯恩物。

$30左右的湯包，已經執齊晒所有材料，再買$30豬展，我已經可以輕輕鬆鬆去煲湯。
而且材料全部切好晒，慳番好多準備功夫；又校好晒份量，唔怕煲起變怪味，唔識煮飯的靚太都一定識煲湯!!!
最重要，我唔洗買買埋埋一堆食唔完的食物，最怕浪費啊~~


計計埋埋，我差唔多次次煲湯都用湯包呢~~~


最近天氣乾燥，主人有幾聲咳，呢個椰子海底椰湯包，啱晒~~~

換季喇~~~~~係時候買新衫喇~~~~~

呢排真係公私兩忙，完全無時間行街，好辛苦先spare到一晚出嚟，去了花園街一趟。有成半年無去了，d舖頭唔同晒。

買咗幾件衫。

今年恤衫大熱，買件鬆身白色最好襯，必入!!

see-through質地如雪紡又係今年大熱質料，加上桃紅色的sharp醒colour，中晒今年colourful的trend，潮人必備。

針織top，ViVi勁煲，呢款大領設計仲可以露少少膊，唔覺意咁sexy吓啦~~

花花長裙，基本每年春夏都會hit的item，黑色底唔會太sweet，型女都可以「花」得起

話唔可以行街買衫je~~網購咁方便，安在家中都可以敗敗敗!!

最近終於試吓淘寶(真係後知後覺)，主要買basic item，質數都唔錯啊~~

背心長裙，一笠就出得街，係花園街搵到的都吊腳，反而淘寶呢條夠晒長(130cm長)

高腰牛仔短褲，又係花園街搵唔到高腰的，轉戰淘寶搵。呢件質數好好，d鬚鬚同爛位都造得好靚，超值!!

早於2月已經想買紗紗裙，最後神推鬼恐係淘寶買咗，但個seller俾的size唔準，短咗好多，不過著起都ok啦~算。

(seller圖)
阿徐健康厚底涼鞋，因為小黑mi介紹平靚正而買下了，依家差唔多日日著住，真係舒服到痺，very nice!

我最後的敗家地方就係Psyche Shop，入貨時順手留多件俾自己。

秋季已經大賣的PT003，賣到斷晒貨，連大佬B都公開讚!!! 終於留到條俾自己，仲有皮帶送。

即將推出的大墊膊衫TP038，呢件真係萬能俠，單著打底都好得，留定件黑色俾自己

香港的夏天咁熱，一條薄料的墜浪褲又型又舒服，PT012，又自留黑色，hoho。

敗完家，購物蟲唔再咬我，止咗痕，爽呀~~~~~

遲少少post番我的mix & match圖啦~~敬請期待

小女子的小小online shop - Psyche Shop，敬希支持一下啊~~

Psyche Shop

今個8月發生咗好多開心的事，又去function，又去生日飯局，又中試用，爽呀~~~最最開心，緊係敗家啦。

戰利品....................去片!!!

期待已久的iPhone4呀~~~~~~~~~~~~~

終於等到醒目台的plan完咗，轉台出機~~~yeah!! 有人贊助，寧舍開心^ ^

仲買埋輕鬆熊機殼。超鐘意輕鬆熊呀~~~

繼續輕鬆熊>v<

聖安娜又出招吸金，買1磅蛋糕送1個輕鬆熊矽膠杯蓋，但最近未有朋友生日，改咗買蛋糕卷，買1張送1個，當然一次過換晒3個啦~~~~

睇0黎我的輕鬆熊毒已入膏肓。

***********我是分隔線*************

第一次淘寶衫衫。多謝Elyse出手攪團，我又慳唔少心機。

一共6件，只有3件係自己，keke。不過quality就.................有少少失望囉。

1. 條子legging

店相 收到的實物

就咁擺係度睇都無咩問題，但一著上身就出事，完全無彈性，又短，拉唔到上去，著唔到>_<要去堆填區了。

2. 聳肩西裝褸

店相

收到的實物

色差、質地已經小事，無咗個「聳肩」嘅!? 而且短咗好多喎.............個款又有少少出入。

好彩公司有一大堆聳肩肩墊，唯有「靠自己」，攪番掂佢啦。

3. 雪紡無袖襯衣連腰帶

店相

收到的實物

呢件就和店相有99%似，質地cutting都ok，亦是今次淘衫最要得的1件。

附送的腰帶都可以，真係難得。

今次淘的衫真係好好好平!!! 3件加埋運費都唔洗HK$100!!!不過，真係一分錢一分貨，有2件中雷..........下次試下間貴少少會唔會好D??

試著snap下次再補

***********我是分隔線*************

好幸運地抽中Guerlain 9月才出的蜂皇嫩肌精華素試用
仲送埋基本護理的sample tim

打完收工，多謝收看。

敗完荷包又乾硬化，快d到聽日就好喇(出糧嘛，hehe)

小女家住新界，就算購物最遠只會去尖沙咀，過海的地方真係什少會去。今日因為要取之前團購的Handybio導入器，所以鄉下妹出城，去了銅鑼灣一趟。

大家千萬不要笑我，我真是第一次去渣甸坊。之前見很多時裝雜誌介紹這裡有很多特色小物售賣，尤其是襪褲，價錢又便宜，難得來銅鑼灣一次，當然要去「朝聖」。

怎知襪褲買不成，卻買了衣服和飾物，超平宜，全部加起不超過$200!!!

是蛇紋暗花的tunic，最喜愛尖起的袖子，是今季的流行重點。HK$59

流行的窩釘西裝背心一定要買，因為有點點瑕疵，所以超平價，回家修一修就ok啦~~HK$59

粗大誇張的首飾會是今季的必要小物，看來如此精緻才不過HK$49。
水鑽髮帶買來去宴會時用，簡簡單單的髮型也能令人眼前一亮。HK$29

渣甸坊真是一個尋寶樂園，很多流行的衣飾也只不過百多元，要不是我帶不夠現金，很可能敗更多更多回家。

京華中心屈臣氏旁的小路，路口已擺滿車仔檔，好易搵。