簡單就是愛 - 笨豬小慧simple's blog

 攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)


對紅酒零認識的我o地，真係是是旦旦，飲得吓人都收貨。

就算價錢貴少少，飲剩未開箱又無得回收，都唔介意。


但呢間盛酒窖，真係令我把幾火!!!

紅酒的品質無問題ga~~


出事係佢地的服務!!


直到BD前一個星期，我都無收過盛酒窖打嚟的電話，唔係譽宴打俾我，問我有冇訂紅酒，我都唔醒起要追吓盛酒窖。
咁我主動打俾盛酒窖啦，諗住confirm一個日子送貨都好易je~~follow個位小姐，乜Q都confirm唔到，仲要串串共，%$^$&*&
好喇，三催四請，終於confirm到BD前一日的「下午」會送去酒樓 (死都唔confrim幾點鐘，我點樣同譽宴講搵人簽收呢!?)

事前follow一pat屎都算，我收到d酒就話之理啦。

BD當日，行完禮之後，伴郎收到酒樓電話，話d紅酒仲未收到!!!
嘩~~~玩乜野呀~~

打去盛酒窖問，o個位小姐誓神劈願佢地送咗貨，仲話有人簽收咗。
譽宴好好，肯派人幫我搵吓，亦好快搵番d紅酒。(真係一額汗=.=")
原來，我d紅酒送錯咗去煌府!!!!


返到屋企，對番張單，當時清清楚楚寫「譽宴」，唔係未改名前的彩福皇宴
但紅酒箱上面的紙條，寫咗「煌府」
(我唔記得影相，失策)

咁簡單的事都錯得，真係好離譜!!!


在此提醒大家，買紅酒，都唔好求求其其，搵間做開的好d。


(5為滿分)
質素：
服務：0 !!!
價錢： (飲剩無開箱唔會回收，唔抵!!)

總分：


by笨豬小慧simple



相關閱讀：
訂紅酒 - 盛酒窖Sens Wine Cellar

笨豬小慧simple 發表在 痞客邦 留言(4) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。

(以下純粹個人感想和經歷，未必中肯，亦唔係賣廣告，只想分享一下^^)


book譽宴的時候，佢仲係用緊舊名「彩福皇宴」。
真係無諗過會無啦改名ga~~~
好彩，改名的事都算有驚無險，服務仲比之前更有系統，feel到佢o地真係想係婚嫁市場大展拳腳。
亦因為改名，我o地多咗d著數，翅加大咗、元貝釀節瓜變咗燕窩菜式。


book始創6/F譽宴，因為場地靚靚，係呢度飲過一次茶，我同主人已經心儀呢度。

(圖片來自譽宴官網)
場地真係好靚呀~~~白色的佈置，加上四正無柱，樓底又夠高，真係好有氣派

(圖片來自譽宴官網)
台的佈置仲好有公主feel tim呀~~~

(圖片來自譽宴官網)
reception區都好靚啊~~~



譽宴的服務真係好好好，連家長們都好滿意 (尤其麻煩媽咪，佢都讚不絕口)

BD當晚：

我有2位waitress做跟身妹仔。
席前佢地驚死我餓親，猛咁餵席前小食俾我。上上落落佢o地都扶住我，又幫我拎裙尾，連我個花球都照顧埋，真係妹仔咁好服待。

音響、燈光、播片有專人負責，我派遣的兄弟report話佢無野做。

出場時，有部泡泡機跟住我行，wah~~~好夢幻je~~haha~~~呢個我幾surprise

每上一味菜前，都拎俾主家席的長老先檢閱，翅仲要先試味，媽咪大讚!!

主動幫我pack起一份外賣，希望我o地俾咗錢都有野到肚 (所以我第二朝先可以「鮑魚伊麵+大大碗翅」浪口)

埋單時，無掠tips，主人放底一個總數，已經收貨。



唔單止當晚，之前之後的跟進都無馬虎：

幫我預早book定酒店，之後麗豪收多我錢，亦即時幫我同酒店bargain番。

BD前2日和之後o個日，可以將物資存放係譽宴，令我o地係物資搬運的安排上，省下好多麻煩，呢樣我真係好buy。

rundown、開工利是、音樂等，提供好多有用的意見俾我o地


非常多謝潘小姐、Tracy、黃志偉經理的貼心服務!!

有讚有彈，都有少少野想譽宴改善：

改名之後，喜帖變咗一張白色的卡!!!
就算對帖無咩要求的我o地，都覺得張帖好唔掂>~<
外判的印刷公司又超掠水，default 呢張白卡，只能當$2@使用!!! 就算最平的帖我都要補$8@!!
最後我要淘寶帖再DIY，印帖工程無啦啦洗我唔少心血.........

部份員工過咗7pm先返工，但一樣用客lift上落，令reception有d混亂(以為有人唔俾人情就入場)，而且唔太好睇啦~~

原本有多間房for媽媽s和姊妹們，但到交場時，間房仲係滿佈雜物，最後媽媽s要迫係新娘房換衫轉妝。



以下係我BD當日的實際情況：


d枱一早set好晒，同網頁demo的一樣，地下都好乾淨啊~

我拎去的banner、table no. card、seating plan，譽宴的職員幫我擺好晒，完全唔洗勞氣和double check


其實個banner闊咗少少，譽宴的職員都有通知我，問我介唔介意會遮咗少少，咁都好快settle down咗
(當然要多謝攝影師、兄弟姊妹發覺呢個問題la~)

譽宴提供的welcome board，放係lift口，唔怕有人去錯場地飲

我之前拎定去的油畫，譽宴都幫我準備好。
差唔多開席時，又有職員幫我pack番好晒d油畫、相簿，兄弟姊妹話，攪到佢o地無野做=p

譽宴亦按我要求，擺好我o地的Q版公仔係lobby


菜式
聽番親戚朋友講，味道好，尤其蟹拑和翅最掂



(5為滿分)
食物：
環境：
服務：半
價錢：

總分：半



by笨豬小慧simple



相關閱讀：
定好大日子 - 決定在始創彩福皇宴6/F擺酒
提親 - 彩福皇宴 - 旺角始創6樓西式廳
雙方家長見面飯 - 旺角始創彩福皇宴
彩福皇宴改名做「譽宴」

笨豬小慧simple 發表在 痞客邦 留言(2) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。

(以下純粹個人感想和經歷，未必中肯，亦唔係賣廣告，只想分享一下^^)



經做MUA的朋友介紹而認識Kennis。
當時因為原本的姊妹團MUA臨時有事要推job，徬徨之下，好彩有Kennis咋。

而且細問之下，佢有好多媽媽化妝的經驗，所以我又搵埋佢化媽媽s lu。
(初期我都煩惱緊搵咩人化媽媽s好)

好開心，自己無揀錯，Kennis的化妝set頭都好靚呀~~~
尤其媽媽s，佢o地都好滿意^^

當日Kennis幫我化的人都好多。
2位姊姊+主人的細妹+2位媽媽s，共5人!!
媽媽s晚上加咗補妝。

 

 

勁鐘意姑仔的set頭啊~~~

媽媽s日妝
兩位媽媽都化得精神爽利，good!!

媽媽s的晚妝
加番深d顏色，match番身上閃到爆的晚裝~~
Kennis幫我媽咪化咗smoky eyes~~嘩~~~好潮呀~~媽咪個樣仲後生咗10年!!! 勁多人讚佢靚女呀~
美中不足，奶奶個頭無噴閃粉

好開心，5位靚女都滿意Kennis的服務^^

Kennis的速度都算ok，用咗唔洗3個鐘化好了2位姊妹+我的媽咪，之後佢再飛的去男家化埋姑仔和奶奶。
一朝早化5個人，真係好辛苦ga~~~
之後仲要去多轉酒樓補妝，當日真係辛苦晒你了


(5為滿分)
質素：
服務：
價錢：

總分：


by笨豬小慧simple


相關閱讀：
Vendor Review婚後商戶評分 - (姊妹化妝) Yanbi Yu & Kennis Chu
轉外母奶奶MUA + confirm姊妹團MUA

笨豬小慧simple 發表在 痞客邦 留言(0) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)



經forum的B2B介紹，而認識Yanbi。
當時搵緊姊妹團MUA的我，睇完Yanbi係Y blog post的job相，就立即聯絡佢，亦成功confirm佢做大日子的姊妹團MUA。

好開心，自己無揀錯，Yanbi的化妝set頭都好靚呀~~~

當日Yanbi幫我化了2位姊妹+我的妹妹。

好開心，3位靚女都滿意Yanbi的服務^^

Yanbi的速度都算ok，我預了2個半鐘俾佢化3個人，都夠時間化好妝，佢仲有時間影底相做紀錄。
不過Yanbi會post D job相上佢y blog，介意的B2B要講清楚啊~~
幸好我d姊妹們都係d易話為的美女，hahaha

當日辛苦你了，Yanbi，多謝你的幫忙啊~~


(5為滿分)
質素：
服務：
價錢：

總分：



by笨豬小慧simple


相關閱讀：
Vendor Review婚後商戶評分 - (姊妹化妝) Yanbi Yu & Kennis Chu
轉外母奶奶MUA + confirm姊妹團MUA

笨豬小慧simple 發表在 痞客邦 留言(0) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。

(以下純粹個人感想和經歷，未必中肯，亦唔係賣廣告，只想分享一下^^)



Kennis Chu係一位做緊化妝工作的朋友介紹的，真係無介紹錯啊~~
Yanbi Yu就係forum上認識的B2B，pre-wedding時用過，覺得好，介紹俾我的。
(相關閱讀：轉奶奶外母MUA + confirm姊妹團MUA)


好開心能夠搵到Kennis Chu和Yambi Yu幫我的姊妹團化妝。
佢o地真係好專業，令我係忙碌的早上少了一件掛心的事。

兩位MUA的化妝set頭都好好啊~~姊妹們都好滿意呢~~~
來到晚上，姊妹們亦唔見脫妝太嚴重(因為我沒有offer晚上補妝給她們)


有圖有真相>>>去片
(為免家人朋友的樣子太公開地post出來，正面照片私有化了，如有興趣看，請私留我add你，謝謝)


Kennis Chu化了2位姊妹+主人的細妹+2位媽媽s

Kennis Chu當日身負重任，佢一個早上要化5個人!!! 好彩佢都夠快手jar~~
媽媽s都係短髮，輕輕捲少少已經好靚囉~~~媽咪化咗妝個樣簡直後生咗10年!!!!



Yanbi Yu幫我化了2位姊妹+我的細妹

我覺得Yanbi set的頭好靚呀~~~~



大日子當日，除咗新娘的MUA重要，姊妹團和媽媽s的MUA一樣重要ga~~
我真係聽過唔少新娘為咗媽媽s和姊妹團的化妝而勞氣的事。

真心覺得，想有個開開心心的早上，俾多少少錢，幫你的姊妹團和媽媽s搵埋MUA，真係唔慳得，最後你會覺得物超所值tim。
大家都靚靚咁出席你的大日子，影d相都好睇d啦~~right??



(5為滿分)
質數：半
服務：
價錢：

總分：



by笨豬小慧simple

笨豬小慧simple 發表在 痞客邦 留言(0) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)



由於主人識人做租車公司，所以租車呢part我全權交晒俾佢負責。最後亦不負所托，攪得妥妥當當，仲R到友情價tim~

就算朋友租，劉生都跟得好好，BD當日d車係有早無遲到達目的地，上落車地點亦安排好晒，間接令BD當日的rundown順順利利完成!!

主花車用白色七人車

初時覺得七人車麻麻地，外形薯嘜。但用過就發現，七人車做主花車，係好正ga~~~
一) 座位夠多，除咗新郎新娘和司機外，仲載埋化妝師、主攝、伴郎、伴娘，成隊人幫我跟頭跟尾，仲有個車尾箱放化妝師的大喼tim~
二) 呢架車夠晒寬敞，座位夠晒大張，著住件勁長拖尾的婚紗都無問題；後座坐咗3個人(2女1男)，佢o地都話唔迫，坐得好鬆動。

 

後尾再租多架24座van做兄弟姊妹+屋企人的車(好蚊先租，好彩仲有期jar)

(類似呢款車, 原來我大日子當日無影到架24座van的相，以上照片由其他網站cap圖的)

呢架車真係book得啱，所有物資都擺晒係呢架車，搬運都變得好方便，唔會左一袋右一袋，到時漏帶就閉喇。
安排咗位兄弟幫手數鴨仔，兄弟姊妹、屋企人都一個不漏，仲同到主花車contact夾啱時間到達，perfect!!



(5為滿分)
服務：
價錢：

總分：


by笨豬小慧simple


相關閱讀：
confirm主花車
confirm兄弟姊妹車 - 24座van

笨豬小慧simple 發表在 痞客邦 留言(1) 人氣()

差唔多到結婚前2個星期先醒起自己未買一個箱裝當日的金器利是，雖然我預計自己會收到的金器應該唔多，但點都會有一兩件，所以諗住買個大的化妝袋就算，但行勻幾間SASA、卓悅，連franc franc都行埋，都搵唔啱心水。

就係煩緊點算之際，係床下底搵到呢樣東東。

一個N年前買underwear送的旅行用內衣儲存箱

size跟一個大型化妝箱差唔多，絹面仲要係紅色!!，又有手抽位，啱晒!!




裡面間隔都好四正，夠我裝晒d金器的盒
箱蓋的內袋，可以放d文具好似label貼、筆、金器利是list，方便gold keeper的姊妹mark數。
仲有個拉鏈袋，放d細件d又無盒的金器，或者斟茶收到的利是。

唔洗再洗錢買，仲要勁啱心水，hohoho ^0^


同類的袋，muji都好似有。
如果金器少少地如我，suggest B2B買呢類袋放大日子的金器，之後都可以用番，唔怕用得一次浪費嘛。



至於人情利是，我唔打算DIY人情箱，我怕叫人入錢唔係幾好睇(好似捐錢咁)，而且個箱又大大個，運送唔算方便。
所以，我求其買個袋裝就算了。
要求好簡單：有揹帶、有拉鏈、唔透明、面料最好係防水、外形唔好太有喜慶feel

主人搵嘅，盛惠$70!!!

人情一袋過，簡單快脆安全!!!
但計錯咗，酒樓的保險箱太細，放唔落呢個袋，唯有辛苦細佬成晚攬實佢啦~~~(反正佢都無咩任務在身=p)

婚禮完後，俾媽咪老笠咗，俾佢返大陸2D1N短trip用=.="



by笨豬小慧simple

笨豬小慧simple 發表在 痞客邦 留言(2) 人氣()

最最最後的DIY，婚前2天才完成!!!

其實都唔算我個人100%的DIY，我只負責AI畫了Q版公仔和lace花稿，其他步驟，如logo design、stationary design、製作等，是我一位好朋友好姊妹Gaily負責的。
十萬個多謝妳啊~~~~
令我呢個大想頭可以順利完成!!!
(她有freelance接wedding stationary的job，大家有興趣可以看她的Y blog：http://blog.yahoo.com/gailysmyth)

台上的banner
因為覺得酒樓offer的banner太普通，只有一塊白底紫字的橢圓形foam board，我想將Gaily幫我design的靚靚logo用上啊~~~
(wedding logo design相關閱讀：my wedding logo)
超鐘意妳的banner design呀~~~難度在dye-cut外圍的波浪紋，haha~~~
成個banner得托底的lace花紋係我畫的(參與率10%)=.="

seating plan
原本諗住人名表o個邊，整咗個外框先，到真正的seating plan出到，我再DIY貼番上去。
不過finally都係印埋名上去(因為已去到婚前3日，乜都finaliza啦)
校對一次就攪掂!!!
又係得四隻角的lace才是我的DIY(參與率10%)
 


table no. card
Gaily design咗5~6個demo俾我揀，真係好用心啊~~~
出嚟效果好靚呀~~~Gaily仲親手痴晒石tim~~哎呀，做咩咁辛苦自己呀。
晚宴後酒樓幫我keep番晒，我先可以留個紀念jar^^ (唯一拎得番屋企的Gaily Design)
(參與率10%)

Q版公仔foam board
想整個4呎高的，放係lobby俾人影吓相，因為都擔心開席前會影唔切相。
公仔就用番帖內的(相關閱讀：印帖)，仲填咗colour^^
個個人都讚呢對公仔勁似我o地的樣!! (尤其主人的得戚衰樣)
(參與率50%)


真係好多謝Gaily幫我手，要design又要去跟進製作，仲要去監工兼拎貨!! 先完成到以上一堆DIY，仲要我勁蚊先搵你，攪到你勁趕tim~
全部都好想拎番屋企留念!!
不過朋友的七人車實在裝唔落，唯有影張相留念，依依不捨咁睇住d心血去咗垃圾房啦T^T


by笨豬小慧simple

笨豬小慧simple 發表在 痞客邦 留言(5) 人氣()

2011年11月21日(一)

承上文：新婚第一天(2)


酒樓送的回門乳豬呀~~~

脆卜卜，好香口
攬住佢坐巴士，d香味攪到我好肚餓呀~~~流晒口水，好想偷食



拎咗隻乳豬回娘家，又要嗱嗱林再出TST，因為book咗枱食「回門飯」
(媽咪對傳統禮節真係好求其)

媽咪話難得今日齊人，去食鼎泰豐喎。
(鳴謝妹妹去排隊等位)

食鼎泰豐做回門飯，睇嚟我應該係「前無古人後無來者」囉，夠晒騎呢=.="

不過食咩唔係重點，最重要大家開開心心食飯嘛~~~hahaha~~d野食都幾好味呀=q



食飽飽，回娘家，分豬!!!
我叫媽咪切淨頭尾俾我拎番男家，點知佢切得中間細細舊!!!
男家人又唔多，淨番2/3隻豬俾佢地，實食唔晒。
好彩我仲有個嫁咗的妹妹，迫佢又拎一大舊乳豬返屋企，wakaka


明天輪到去男家食飯，分豬肉!!
(唔知大家有冇發現，我婚後第一日早上係唔洗去男家斟茶呢!?，其實我都唔知要斟ga~~係其他新任靚太有做，我先知要，不過6299都唔知有呢個傳統，無做都唔緊要啦~~~hahahaha)
之後就去honeymoon!!! yoyoyoyo ^0^

呢兩日要pack吓喼了。



by笨豬小慧simple

笨豬小慧simple 發表在 痞客邦 留言(5) 人氣()

2011年11月21日(一)

婚後的第一天。

昨晚實在太累，縱使做廳長，依舊瞓到死豬咁。(瞓廳的原因，請看新婚第一天(1) 篇)
(好彩我揀咗張超大梳化，都算有覺好瞓)


大約10am，主人終於識醒，佢好surprise我出咗廳瞓=~=
(條友真係乜鬼都唔記得晒!! 我尋晚應該影底佢的睡相做證據!!!)

本來我想番入房再睡，咁啱媽咪就打嚟話拎番d人情俾我，順手幫我放番d金器入保險箱。
噢..............即係無得瞓了 0_o


沖完涼，就叮番酒樓幫我o地pack的晚宴食物做brunch

魚翅羹和鮑魚炒伊麵 (估唔到酒樓會pack咗2隻鮑魚俾我)
原本仲有雞、炸蟹鉗等ga~~但好似尋晚漏咗係主花車上面>.<

婚後第一餐就食鮑魚，wakakaka


招呼完媽咪之後，我同主人都係時候出門，返酒樓拎番d衫去還喇。
(酒樓真係唔話得，婚前婚後都俾我o地寄存物資，方便咗我o地好多啊)

大約1pm左右到酒樓，經理都好快手拎番d物資俾我o地，之後轉乘的士去尖沙咀還衫。

先去希臘女神

還衫的過程好快，希女D職員只係數一數d野齊唔齊，唔會好仔細咁check。
(要多謝姑仔和細妹幫手pack衫，我無check過呀，全部一件不漏，yeah~)

還完女裝，諗住直落還埋男禮，不過DECISION未開門。
唯有先去tea一tea。
難得有個咁hea的婚後第一天，都唔錯啊~~~

3pm左右，還埋男禮 (又係好求其咁check，齊數就走得)，再番酒樓拎乳豬。

4pm，回家準備食回門飯了!!


by笨豬小慧simple

 

笨豬小慧simple 發表在 痞客邦 留言(4) 人氣()

太約到11:30pm，大部份客人都走了，只剩幾位close friend留了下來。

大日子終於完喇~~~~~yeah!!!


著住對4吋半高踭鞋企咗成日，d腳趾好痛呢，終於可以除鞋喇，鬆晒~
其他ladies都入晒新娘房換衫。
主人就係出面傾埋單啦~~~


就係我差唔多換好衫之際，伴郎Angus衝咗入新娘房，話要入嚟避一避風頭。
原來班friend係出面劈酒!!! (就係我飲剩o個33支紅酒囉)
咁即係，主人都俾人隊緊啦!!! (佢咁多仇家，晚宴時無人隊佢，我都覺得奇咖喇，班損友點會咁易放過佢丫)

班友無性咖，連我都想隊埋，我認衰女，我空肚灌酒冧硬(飲的速度真係快到要用灌嚟形容，氣都無得唞)

睇住主人連灌4~5杯酒，真係好心痛呀(佢個胃一直唔多好)，佢都係比我食多少少嘢jar~
我都好想幫佢頂，但主人唔俾啦，而且我仲要保持清醒，完整清場。

班損友玩到12:30mn，終於捨得散水。

留底的兄弟和朋友幫我搬晒d婚禮物資上車。(thx u guys so much!!>3<)
媽咪就幫我拎d人情先回家，good idea啊~~~場面仲係好混亂，真係好怕忙中漏底or唔見咗。(咁就大鑊鳥)

終於攪掂晒，可以返屋企喇!!


回家途中，心情仲係好興奮，一d都唔眼瞓呢~~但我feel到主人開始講野有d語無倫次了。


深夜1:30am，終於回到家，又settle down晒所有野。
諗住落妝沖涼瞓覺覺了。

點知...........

主人貓咗=.="


坐咗係地下，猛話自己好wing，又嘔，又唔肯去瞓。
我就做咗貼身保姆，係間屋跑來跑去，又遞膠袋又餵水.................累斃了=0=(我都好眼瞓呀~~~~)

3:00am，主人終於瞓咗，但就霸晒成張床=.=" (大字型的睡姿瞓正中間!!)

新婚第一夜，我要做廳長!!!


可惡啊~~~~~~~~~~~~~ o 罒 o(火)
班死損友，我一定報仇咖!!!


甜蜜的新婚之夜，無咗T^T
(仲有之後的honeymoon要我捱，主人病咗，嘔損咗個喉嚨，痛到食唔到瞓唔好，成個trip死狗咁的樣，勁無mood>^<)



by笨豬小慧simple

笨豬小慧simple 發表在 痞客邦 留言(9) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)



搵到DECISION租男禮，簡直覺得自己挖到寶，亦成為我o地BD裡其中一項100%滿意的task。

佢d衫走型仔浮誇路線，全部款都係自家design，啱晒貪靚仔的主人，
款式、用料、cutting都好講究，選擇亦非常多，仲任襯任試~~
主人瘦但pat大，西裝S碼但下身M碼，DECISION肯拆開上下身租俾我o地，咁flexible的fitting真係唔係間間肯做。(服務加分位)

sales姨姨非常專業，d衫一試上身，邊度要改要執，佢睇一眼已經知，唔會求其氹你要咗佢就算。
總之佢想你試到啱身，佢見到主人著到fit晒之後，露出好滿意的笑容tim~~
姨姨亦好helpful，我o地無幫襯佢買恤衫，但佢見主人帶去的恤衫袖口太鬆，自動請纓幫主人改一改粒鈕，
BD前一天，又肯就我o地schedule，早d開舖，方便我o地早去拎衫。
呢種咁熱心的服務，我o地真係好欣賞啊~~

最最最開心係，DECISION的價錢好好好實惠!!
我o地租2套，差唔多等於大路男禮店的1套租金!!
平到笑=]

呢兩套o係DECISION租的

(左) 灰色英式燕尾禮服for早上出門和註冊
呢件係DECISION熱租款式，原本啱身的size無期，後尾sales姨姨唔加錢造多套S碼租俾我o地，賺咗^0^

(右) 黑色珠片西裝for晚宴迎賓、進場、敬酒
主人的THE ONE，佢見到已經雙眼發晒光，sales姨姨見佢咁鐘意，仲話難得有人like又啱著，平租俾我o地，haha，笑死我

呢套係我襯出來for送客的
之前ML pre-wedding買落的銀灰色西裝(相關閱讀按此)+黑色恤衫+DECISION閃石絲帶bow tie+主人勁like死要用的大花花bouch
呢個bow tie係DECISION加租的(但唔洗錢)，用埋佢，唔好晒，yeah~~



誠意推介所有貪靚新郎去DECISION租男禮!! 真係平‧靚‧正!!


(5為滿分)
質素：
服務：
環境：
價錢：

總分：(滿分!!)


by笨豬小慧simple


相關閱讀：
DECISION last fitting
主人的「THE ONE」
尋找男禮(4)- DECISION@百利(confirmed)

笨豬小慧simple 發表在 痞客邦 留言(1) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)



揀咗係希臘女神Beauty Hera租衫，真係緣份。

因為我揀衫的條件都算苛刻：
1)職業的關係，我對衫有要求ga
2)自己懶，好想一間過租晒所有BD要著的衫
3)唔想花太多錢係租衫上面，話晒1件衫平均著得1hr，花太多錢都睇唔耐，budget set到好低...
4)試衫範圍唔要向住大街，我怕羞>///<

搵咗好耐，唯獨BeautyHera符合所有條件，而d衫又啱我心水。你話仲唔係緣份!!!
我join o個時，BeautyHera剛剛開張，所以我無前人的comment可以參考，哈，但我又膽粗粗join喎。

我join了「1婚紗+5自選」的package，另送1件媽媽衫，再加錢要多件新娘晚裝。
total我租了8件衫：1褂+1婚紗+3新娘晚裝+3媽媽衫

婚紗
最初諗住租魚尾裙款，但試極都無啱心水。
有日同奶奶上去試媽媽衫，我八卦間搵到呢件新番的婚紗。一試上身，叮咗^^THE ONE仲唔係你!?
估唔到最後會揀咗咁classic的款，但又真係著得好睇嘛~~~唔洗著鋼紗、lace、拖尾、心形胸，中晒我想要的elements
最最鐘意個lace拖尾!!!



褂
BeautyHera潮褂、傳統褂都有，租潮褂亦唔洗另外加錢，呢個point幾好^^
我對褂無乜要求，因為我覺得都係著俾d家長睇，佢地OK我OK啦~
估唔到媽咪叫我租潮褂!!!(奶奶係無意見) 佢話影起d相多d顏色，好睇d喎。
咁又真係潮褂比較match我個樣(我著傳統褂，好有江湖味，唔掂)

BD呢日件褂，唔知係唔係新番的補給?? 好新好乾淨，刺繡清晰立體，底布又無勾紗走線，係d鈕難扣d，個扣好緊



藍色晚裝for迎賓
男女家都百無禁忌，所以我可以著我至愛的藍色!!!
我諗呢件衫好少人租，雖然開店就有的款，但仲好新淨，hahaha
可惜BeautyHera租俾我的首飾match唔到條裙(我想要勁大的耳環!!)，我又無時間去買，晒咗件衫=.="

酒紅色晚裝for敬酒
呢件係BD前2個月的last trial時發現，新番ga，一試就愛上!!成為我的第2最愛的晚裝。
不過上手好衰，勾爛咗件衫，係我last fitting改衫時才發現，都無得轉款啦>.<
好彩拖尾塊布可以釘過少少遮住pat pat爛咗的地方，唔係就慘了。

淡粉紅色晚裝for送客
呢件係我的最愛!!! 第1次試衫已經勁鐘意!! 比婚紗還要愛!! 愛到就算加錢都要租埋佢!!

媽咪&奶奶的晚裝
BeautyHera的媽媽衫都係大路款，但選擇唔算太多，價錢亦唔算太實惠。
而且d衫比較細件，大隻d的奶奶有好多都唔啱著。
好彩finally佢o地都揀到自己喜歡的衫，當晚好多人讚佢o地靚呀~

總扣嚟講，BeautyHera的衫，幾靚ga~~
而且咩style都有：公主feel、高貴feel、閃爆feel、性感feel
返新衫的速度都算快，上過去3次，3次都有新衫返^^
可惜係，佢d衫的期真係好緊張，好多睇中的款都無期，令到選擇上變相少咗好多咁。
同埋d首飾好少選擇，尤其夾款耳環。
呢度要扣半分啦。

服務方面，又唔算差，但有d minar野我幾介意，我自己覺得要扣分!
BeautyHera的職員流失率好高，d人轉得好快，快到我今日見的sales，下個月已經無做，變咗另一個sales serve我。
所以sales好靠單上面的information先知點做，有d野我講咗但上手sales無mark低的話，下一位sales又係舊飯咁囉。
而且次次上去都係唔同的sales follow你，令我覺得唔夠賓至如歸，少了personal service的尊貴感。
加上，唔知係唔係走人走得急，d人訓練唔切，sales對衣服的基本知識唔多夠，關於改衫d野，sales唔識，我只好用自己的專業搭救啦。
而且試衫的期都好難book，唔接受walk-in試，一定要預約，仲要一約多數係一個月後先有期試，結婚旺月時去試衫，好多時平日的7pm後都full晒(星期六日更加全日full)，我要改book平日下午，係試衫上面，浪費咗唔少假期，最麻煩係要媽咪和主人都陪我放假，一齊浪費假期=^=
不過，BeautyHera的職員都好有禮貌，都盡量做到你滿意嘅。
BD後，佢o地有打嚟問吓意見，可見佢o地有心做，想改善ga~

價錢方面，中規中矩啦~~
要讚係package的彈性好高，「自選」的衫，真係除婚紗之外，咩都揀得(新娘晚裝、媽媽衫、男禮、褂、伴娘裙)
而且唔收upgrade費、拖尾費等，明碼實價，係婚禮開支方面，容易預算。
美中不足係，只有1次轉款，有時心大心細時都幾大壓力ga~~


我個人推介新娘係度租，媽媽s除非好瘦，否則有其他店會更好^^


(5為滿分)
質素：半
服務：
環境：半
價錢：

總分：


by笨豬小慧simple


相關閱讀：
Beauty Hera希臘女神last fitting
大日子禮服final confirm
Beauty Hera希臘女神final trial(相)
Beauty Hera希臘女神final trial
「THE ONE」- 係你喇!!
Beauty Hera希臘女神2nd trial - 奶奶衫
Beauty Hera希臘女神2nd trial
褂confirmed
Beauty Hera希臘女神1st trial - 男禮
Beauty Hera希臘女神1st trial - 媽媽衫
Beauty Hera希臘女神1st trial - 晚裝
Beauty Hera希臘女神1st trial - 婚紗
Beauty Hera希臘女神1st trial
婚紗package confirm - 希臘女神Beauty Hera
帶媽咪行婚紗舖
逛婚紗店(2)
逛婚紗店(1)

笨豬小慧simple 發表在 痞客邦 留言(5) 人氣()

攪結婚時睇埋睇埋咁多blog，依家到自己blog底番vendor用後感，回饙下一代B2B了。
(以下純粹個人感想和經歷，未必中肯，亦唔係賣廣告，只想分享一下^^)


好開心，第一次試妝就搵到一位自已鐘意又夾到自己的MUA，就是Ka+ Makeup的KaKa喇~~

當日大日子的造型，非常滿意!!!!

KaKa比我預定的時間還要早就到酒店，全日都貼身跟住我，絕不欺場。
化妝set頭都好快手，所以全日的rundown都無delay。
而且KaKa好細心，帶定好多spare首飾嚟(真係救咗我一命ga)，又係造型方面俾咗好多意見我，令我大日子當日靚足全日!!

褂look!!
呢個髮形係KaKa幫我諗ga，斜陰+後面3個包包髻，加埋KaKa自製的中式頭飾，非常好看!! 媽咪都讚!!

註冊look
係我想要的清新莊嚴的造型，加埋大量頭花，令我非常高貴典雅呀~~~(真係難得我有咁斯文的時候=p)
仲勁襯我的私伙珍珠頸鏈和耳環tim~

席前迎賓look
想要型格一點的造型，set咗個比較奇怪的髮髻，haha

晚宴進場look
女皇呀~~~~~~~~~~~haha
開頭有d擔心呢種高髻唔啱自己，我面形比較長=.=，但KaKa幫我整得好靚啊~加埋佢個閃爆皇冠，掂!!

敬酒look
當晚「第二最愛」的造型!!! 同我件單膊晚裝好match呀~~~表妹仲要影我360度的造型照，haha
仲要多謝KaKa有帶d後備首飾，早上對金耳環戴唔到，好彩KaKa有帶呢對長長的黃水晶耳環，match番d金器同我個look! LIKE!

送客look
超超超鐘意呢個女神造型呀XD，KaKa新整的DIY頭飾同我件晚裝勁勁勁match!!!



當日每一個look都有人讚!! 我諗BD當日係我人生中聽到有人讚我「靚女」最多的日子^0^

多謝+辛苦你了^0^

(5為滿分)
質素：
服務：
價錢：

總分：(滿分!)


by笨豬小慧simple

相關閱讀：
第一次試妝 - Ka+ Makeup (confirmed)
Ka+ Makeup試妝 - 正面照片
Ka+ Makeup試髮型
Ka+ Makup final trial

笨豬小慧simple 發表在 痞客邦 留言(7) 人氣()