簡單就是愛 - 笨豬小慧simple's blog

中秋之後約咗幾次少女講都唔成事，今日終於約到，幾累都想出席。

雖然今次只有3位待嫁少女+1位準靚媽出席到，但已經好滿足好開心了。


今日重點是：

「驚你有芽」和「財不可露眼」

wakakaka


今次少女講分享咗好多過大禮、guest list planning、婚宴流程、酒席最後R著數 等等的點點滴滴，同大家傾完之後，真係gurrrrr晒呀~~~~


距離婚期只剩1個月多d，希望仲有機會嚟多次少女講啦~~~唔想呢次係大家婚前最後一次的少女講呀(雖然可能性好高但我唔承認ga)

各位待嫁少女，加油!!!!



by笨豬小慧simple

自從媽咪同班親戚反咗面後，婚禮上的planning都要re-make咁制


媽咪話，就算d親戚嚟飲，之後都唔想再多聯絡，唔想我婚後仲要上去俾現豬豬佢地，所以回門豬就用禮券代替。


太興乳豬券

$50張，其實當cash coupon用都得，唔一定拎燒味。


好彩親戚少，臨急先去買，等唔切婚展的discount了。

夾埋落張帖度，一了百了，話知你地嚟唔嚟啦!!!!


但依家酒樓送個隻乳豬唔知點處理了，大大隻，一家四口點食呀!!??? 大家有咩計??


by笨豬小慧simple

有諗過成個證書套由零造起，但真係唔知點入手，又無信心整得靚，所以都係買現成的證書套再加工算了，都不失有少少personality啦。

DIY團火繼續燒呀~~~~~

趁weekend無house warming又唔洗furniture hunt，快快手整多d DIY先。

整個婚禮中最最最大型的DIY project終於面世喇~~~~

由策劃、化妝、髮型、禮服、攝影、燈光、執相、排版、印刷.......等等都係山寨式制作，能夠完成真係好開心呀~~~~
急不及待和大家分享

***我不想在其他地方見到我的相片啊，請勿擅自轉載，謝謝***

新居攪掂，係時候攪番d結婚野了。(丟低咗2個幾月無理結婚野呀)

首先KO本photobook先。

上次DIY pre-wedding影咗d相都無理過 再唔整真係嚟唔切了。

2011年9月25日(日)

終於約好上拉斐特見律師兼填埋張「擬結婚通知書」。

第一次親臨拉斐特，lobby好大好靚，應該50人係度等入場都唔係問題，只嫌部lift有d細同慢，大家做做運動，行一層樓梯啦。


入到去，receiption的人已經知道我地嚟見律師，快快手問我地拎晒ID、地址證明的影印本，入晒落個folder就等入去見律師。(我地唔記得copy ID card，影印一張收咗$2)

等咗一陣，就有另一位職員帶我地去另一間房，好多新人坐晒係度填緊表了。
職員好高速咁講解張「擬結婚通知書」點填，我地就一邊聽一邊寫寫寫，超似上緊tutor咁。
原來職業、父母名都可以選擇唔填，改填********，哈哈。不過地址(但唔一定要full adress)、自己的全名、監禮人就一定要寫，婚前一個月仲要係婚姻登記處個度貼出嚟，好彩大部份有律師跟手尾幫我地填，睇住d格仔真係好緊張呀，好怕填錯呢。

填好晒律師就出現了，佢好快review一次，我地又無咩要問，就走得了。

約好20/10綵排，剛剛係倒數一個月

原來我唔記得問誓詞個d野..........................綵排個時再問啦



by笨豬小慧simple

收到yahoo的第二輪升級email：

「香港Yahoo! BLOG/Canon BLOG 的升級過程將於10月12日(星期三)進入第二階段。全新Yahoo! BLOG平台的「試玩期」亦將完結，未升級的舊有香港Yahoo! BLOG /Canon BLOG將設定成只能閱覽，用戶不能再在舊BLOG平台上更新網誌。」

睇嚟都係時候升級囉。

 

新的BLOG網址：http://blog.yahoo.com/simpsonsimple

 

希望所有野一切如常啦。

唉......................

 

BY笨豬小慧SIMPLE

2011年9月14日(三)

你地無睇錯，我亦無打錯字，我地擇咗14/9入伙，同日亦係主人生日的正日!!!

有諗過揀第2日ga，但就會早到4/9，我地都怕唔夠時間攪間屋；再唔係就要29/9，又好似太遲了，唔想主人白供樓呀。

所以最後都係14/9啦。

 

13/9

去我家將7箱雜物搬竇!!!

可惜尋晚玩得太夜，瞓到中午先識起身，攪一大輪已經3pm了，原來呢段時間係好難call車ga!!! call咗成個鐘都無van仔!!!

主人不枉「黑仔王」的榮譽，call咗10幾間雞記都無一間有車!!! wakaka

最後都要豬小慧出馬，成功call到一位只走大埔線的伯伯，佢好好人ga~~收得幾平tim!

搬完上樓+炸箱已經夠鐘dinner，大家累斃了。
(點知發現漏咗一箱書係娘家......唯有遲d慢慢再逐少逐少再搬去新居啦)

 

14/9

今日我請咗半日假，原本打算整蛋糕，可惜買完d零星家品之後已經無咩時間了。都係執執間屋，準備入伙儀式。

我地唔拜神，只係簡單將d硬幣放屋企的四角，再開爐煲水就完成儀式了。

因為咩煮食工具都未有，dinner都係落街食jar~

由今日開始，我地就晚晚會係呢度過夜了^^諗起都好開心，因為終於有個「家」!!! 最重要係終於結束「兩頭滕」的生活了。

其實呢排大家為間屋奔波勞累，理應好快瞓著，點知我地都失眠!!!!唔係因為太興奮，而係生保床瞓唔到!!! 唔知點解，一d屋企的感覺都無，反而有d似去宿營.........(但我地去宿營去外地旅行，又唔會因為陌生環境瞓唔到喎...)成間屋的感覺好陌生啊~~~真係住咗係度嗱!?感覺太唔真實了。

 

攪間屋期間，我同主人鬧咗好多次交，可以講係攪成個結婚過程中，吵得最金的時期!!!主人覺得我樣樣野都好高要求，攪到佢唔敢隨便落決定，下下要問準我咁，令佢覺得d野拖慢晒(忟)；我反而睇唔過主人唔想抹屋，做咩都好似求求其其咁，間屋係自己，上心d啦。我地小至搬d咩入去，大至買咩傢俬，都嘈嘈嘈嘈嘈。

有一剎那，我真係唔知自己為咩要買樓，為咩要結婚，真係好X煩呀!!!

老實講，攪間屋的2個幾月，我真係好唔開心，有幾次好想發脾氣，但見大家都開始嬲嬲地，主人黑晒口面，我都忍住唔發火..............

去到後期，仲差個幾星期就入伙，我先開始睇開d，個人開心番d，仲漸漸期待入伙呢一日快d到，因為我知道我就快到岸脫苦海喇~~~yeah!! 主人呢個時候已經謝晒，hahaha，唔好咁啦，捱多陣到ga la。

 

入伙後第2日，主人突然同我講咗句「對唔住」，佢話攪間屋期間，成日發我脾氣，攪到我唔開心.............其實我老早原諒咗佢啦。但收到佢的sorry，個心好甜呢。

我都要同主人講「對唔住」

我知你有時做野做到好累又忟晒，我都仲push你做呢樣個樣，又成日三心兩意攪到你的plan亂晒，要你重頭再度過，不過間屋依家都算靚靚仔仔啦~~~有好多野，住落先知點咁嘛，relax~

送你一碗我煮的愛心公仔麵啦~~

 

賀　入伙成功!!!!

 

攪完呢個搬屋大project之後，我發現，我手臂上的老鼠仔返咗嚟呀~~~

 

by笨豬小慧simple

 

2011年9月14日(三)

主人今年的生日可以用「忙到死」嚟形容。

(一) 擇咗9月入伙，由8月中開始螞蟻搬屋，又要抹屋攪傢俬，心力交瘁。
(二) 生日撞正中秋，朋友約食飯同做節一齊嚟，應接不暇。
(三) 工作有人事變動，要頂埋上司個份，頂硬上!!!

所以佢黑面黑咗成個月.....

為咗氹番主人開心，豬小慧plan咗一d簡單而隆重的節目幫主人慶祝。

12/9，先嚟一個pre-birthday dinner

去了峰壽司大快朵頤，好好味=q

再去mc win家搗亂，仲有蛋糕切(多謝晒~~)

正日用咗團購coupon，去了樓下的蕃滿門dinner

d野幾好食ga~~

誠意推介：泡沫檸茶、焗豬扒飯、茄湯扭扭通、焗雙茄

主人chok住食

主人的last single birthday就在忙碌中，快速地渡過了。

豬小慧真係好慚愧呀，掛住攪間屋，都無咩時間整蛋糕送俾主人，連細心安排慶祝節目都無，攪到你的生日好似是是旦旦咁...................對唔住呀！

其實我有記得你生日ga!!

HAPPY BIRTHDAY！！！

下年我地不如煮飯仔慶祝^^

by笨豬小慧simple