簡單就是愛 - 笨豬小慧simple's blog

早幾日收到消息，奇華會於2月13日做唐餅卡8折優惠，只限一天!!!

買1張都有8折喎，真係幾好，我的親戚好少，所以要送唐餅都唔會多過10盒，依家唔買都唔知點拎到discount。

 

所以今日早D起身，食完個包就落樓下間奇華買唐餅卡。好開心，無人，唔洗排隊

 

共買了8張：2張金緣喜餅卡、6張金雅喜餅卡

 

金緣喜餅卡，原價HK$108，8折後HK$86.4

金雅喜餅卡，原價HK$68，8折後HK$54.4

 

慳咗HK$124.8，YEAH

 

其中兩張金雅喜餅卡用嚟換龍鳳餅，上頭要用嘛。如果用唔晒，都可以改換鳳梨穌等等的餅食，唔怕晒野啦，所以今次係買多咗。

 

BY笨豬小慧SIMPLE

今年情人節想挑戰要焗的點心!!! 最簡單就係整朱古力曲奇。

本來想自己買齊所有材料整，但發覺整少少都要買好多野，有好多都用唔晒，我又唔係成日整餅，D野就咁擺到過期真係好浪費，所以決定買佢就算了。(其實咪又係懶)

MUJI心心朱古力粒曲奇  HK$80 (約有50個)

背面仲有詳細做法，新手都一定整到

box set入面包括了大部份所需材料：曲奇粉(入面有麵粉、發粉、鹽、糖等)、可可粉、杏仁片、朱古力粒、心型餅模、包裝用品20套。

唔洗周圍撲材料，仲幫你校好晒份量，真係好方便。

自備材料：水、雞蛋1隻、牛油50g

做法：(真人show!!)

1) 發勻雞蛋。

2) 室溫放軟牛油，之後切粒，用膠刮刀搓成一pat。

3) 加入一半的蛋漿和全部的曲奇粉，用打麵粉器攪勻。

4) 將撈好的粉平分成2份。

5) 其中一份加入可可粉和3湯匙的水，搓成粉團；另一份只加2.5湯匙水，也搓成粉團。

6) 預留5g的杏仁片和2湯匙的朱古力粒備用，其餘的杏仁片壓碎，和朱古力粒平分到2個粉團中，用膠刮刀搓勻。

7) 碌平粉團成4~5mm厚的皮，用保鮮紙包住，放入雪櫃雪1小時。

===== 跟住去咗洗野，同食咗個下午茶 ======

8) 焗爐170度預熱。

9) 用心型餅模cut出曲奇粉團。

10) 嘩!!! 開始成形喇重覆碌平和cut模的步驟，直至粉團用盡為止。

11) 之前用剩的蛋漿用來掃在餅面，隨意加上之前留起的杏仁片和朱古力粒做裝飾。

12) 放入焗爐，焗8~12分鐘。(公式做法係咁寫，我實際焗了7~8分鐘就剛剛好)

13) 焗起!!! 先放在網架上唞涼。

14) 前前後後攪咗3小時，終於成功!!!!! 包好佢就攪掂

~~~完成~~~

因為屋企無焗爐，只有多士焗爐仔一個，時間方面要自己好好控制。第一盤焗得太耐，攪到燶晒唔要得；第2盤又焗得唔夠時間，唔脆；最後一盤先成功，時間剛剛好，唔算好燶又夠脆。唔怪得要預50塊的份量啦，送得出的只有20塊，HAHAHA

不過我整得好開心，係口感差咗少少，至少MUJI出品，味道唔會有大問題。

最開心，當然係男友收到時高興的樣子啦~~~

將來有自己屋企，我一定要買個焗爐(起碼焗到雞個D)，再努力整多D唔同花款的點心，HOHOHO，食肥老公!!!!

下星期一就是情人節了，各位美人準備好禮物了嗎？

每年我都會準備手作的食物，作為給親愛的他的情人節禮物，既省錢又可表示心意，一舉兩得。

說得是情人節吃的禮物，當然和朱古力有關，今次整的是

朱古力芝士蛋糕

材料(5吋模)：

忌廉芝士   140g
朱古力   70g
忌廉   200g
魚膠粉   5.5g + 1茶匙
熱水   1湯匙 + 50mL
糖   55g
海綿蛋糕   適量
士多啤梨   3~4粒
裝飾用品   適量

用具：

5吋蛋糕模
碗(2大2小)
電動打蛋器
刀
膠刮刀

步驟：

1) 5.5g魚膠粉用1湯匙熱水整溶，攪拌至完全溶解。

2) 朱古力切細塊，隔熱水整溶，加入50g忌廉和(1)的魚膠粉溶液。

3) 150g忌廉坐冰打起備用。

4) 忌廉芝士加糖打軟。然後加入(2)朱古力溶液和(3)已打起的忌廉。

5) 海綿蛋糕切成1吋厚，鋪在餅模內造成餅底。

6) 將(4)的材料倒入餅模中。

7) 放入雪櫃雪2小時。

8) 士多啤梨切薄片，鋪滿在餅面，可以加上自備的其他裝飾品。1茶匙魚膠粉用50mL熱水整溶，淋在蛋糕裝飾上，放入雪櫃再雪1小時。

9) 脫模：用熱毛巾包住餅模，用牙籤插入邊位繞一圈，慢慢拿走模具。

完成!!!

士多啤梨啫喱糖是我特意買來的裝飾品因為寫住I LOVE YOU好啱用。

所需時間：約4小時
材料費：約HK$150

小貼士：

- 改用魚膠片效果會更好，記得先用熱水浸軟。
- 將材料加入餅模後，記記大力"登"個模幾下，一來可以整平餅面，二來可以整走入面的空氣，切開後個餅唔會有窿，賣相靚d。
- 可改用消化餅/去餡oreo/粟米片etc....做盒底。材料：餅75g、牛油30g。方法：餅入保鮮袋，用硬物壓碎；牛油隔熱水整溶，加入餅碎拌勻，再平鋪於餅模內。
- 想健康d，可改用低脂忌廉。

SWEET VALENTINE!!!

有情人的你 甜甜蜜蜜!!!

單身的你  蜜運全開!!!

第一次的煮食文，希望大家多多支持，也想你留言和推推啊~~~

尋日正正式式開工了，悠長的新年假期話咁快完咗，真係好唔捨得呀~~

唔知大家食咗幾多件糕、逗咗幾多利是呢？

我好鐘意過年，因為：

1) 可以食到好多美食，尤其媽咪自家制蘿蔔糕(落重料ga!)和舅母的開年飯。
2) 有藉口可以買新衫新褲新鞋
3) 可以扮靚靚去拜年
4) 梗係逗利是啦

今年以上我鐘意做的過年節目差d做唔到，因為我中咗好嚴重的腸胃炎，痾嘔咗成個星期，睇咗3次醫生，攪到人又乾又瘦。可幸年卅十晚好番晒，趕得切新年可以出去拜年，飲飲食食。

********************我是分隔線********************

年初一去拜年，梗係要紅一紅佢啦!!

成身得條圍脖係新買，年卅十精神d先有心有力去shopping jar~(你都咪話唔慘)

紅色針織連身裙、biker皮褸已經係幾年前的貨仔。皮褸呢d長青item一定要買，著幾多年都唔會out，貴少少買件真皮，易襯又保暖；紅裙買條看門口都ok ga，聖誕新年應吓節，點都要著一著ge，所以簡單款就ok，方便襯唔同accessory嘛。

鬆高波鞋係Psyche Shop的貨品，大約11月左右入手，呢期咁hit呢款鞋，我梗係自留一對喇。增高之餘又安全舒適，I LIKE IT

化妝方面，兔年都有新嘗試。

今年試畫埋下眼線，因為playback睇番自己之前的makeup，下眼瞼好似無咩色，對眼唔夠精靈。

用maybelline的eyeliner gel畫後半段的下眼線，再用啡色眼影blend鬆佢，咁就唔會死死實實，變咗惡女。

上眼瞼用啡+深紅的眼影，但相機食晒色睇唔到tim

再試玩埋新買的甲油

一直搵緊一支nude色的甲油，之前買了china glaze的，但太稀，塗好多層都遮唔到我指甲本身的顏色(可能係我唔識用喇)，最後託朋友去韓國幫我買etude house的，繼續平靚正，油3層已經好實色，又快乾，只是HK$7!!!!

買咗成個月，依家先得閒玩。
印上新買的朱古力啡印印油，雖然虎年已過，但我都係buy豹紋虎紋啊~~襯我的cool style嘛。

阿媽都唔執輸，DIY咗一個好有新年feel的印印甲

佢自己油ga~~~~你都咪話唔勁!!! 打牌時就係佢的show time!

********************我是分隔線********************

年初五，星期一，last day holiday，同男人睇戲拍拖也。

紅日都過晒，所以唔著紅喇。而且呢幾日暖番好多，牛仔恤都夠吧。加埋fur背心，有型又不失貴氣，都係Psyche Shop的自留款，雖然係假毛，但毛質好軟好滑。

睇戲之前去咗醫肚

食咗幾日中菜，想轉吓口味了，去食日本野

第一次食板長，初時以為同板前一樣，會係麻麻地啦，點知qaulity係板長好好多，魚生壽司好新鮮，係個烏冬扣分，煮得太淋。

新年重頭戲 - 逗利是!!!!! 今年係我最後一個單身的農曆新年，年尾結婚了，即是龍年起我要派利是了!!! 所以我要盡情把握今年的最後機會!!!

收穫都算豐富啊~~~~~但仲未點算實數，我要過咗初十先會拆利是。

今日係年初七人日，祝各位sis：

生日快樂!!! 青春常註!!!

兔年事事順利!!!

試用滾滾來!!!

 

這篇是我的兔年第一文，請大家多多支持啊~~~喜歡就留言和推推吧。

 

小女子的online boutique - Psyche Shop - 春裝就快上市，敬請期待!!!

Psyche Shop

恭喜發財！萬事如意！

身體健康！甜甜蜜蜜！

 

臨過年前先嚟腸胃炎，痾嘔咗成個星期，睇咗3次醫生，深深體會到身體健康的重要!!!!

可幸係年卅十好番晒，可以食到好多好好味的過年食品。

 

今年係最後一個單身的農曆新年，更係最後一年可以逗利是了!!!!

諗起下年唔可以睇住媽咪整蘿蔔糕、種水仙，要係另一個「家」自己準備過年的野，突然覺得「唔捨得嫁」呀~~~

所以今年我廿九、卅十都係屋企過，把握最後機會黐住阿媽(仲有佢整的好好味野食)

 

阿媽牌蘿蔔糕，真係好好味，下年嫁咗人，唔係屋企過年喇，唔知仲有冇得食呢？

 

BY笨豬小慧SIMPLE

尋日收到相，今日就拎咗番公司scan。

得12張，費事揀，一take過show晒俾大家睇，準備嘔吐袋啦~~

***我不想在其他地方見到我的相片啊，請勿擅自轉載，謝謝***

大家都笑得好牽強

笑到硬晒軚

我硬膠咗

呢張做咗油畫，但未來奶奶話個人好細粒

呢張原來影得幾好(至先揀佢做油畫啦)

呢張曬埋大相

呢張幾韓FEEL

呢張大家都最鐘意，又曬咗大相

呢張曬咗中相

本來諗住剪影，但依家唔黑唔光咁，唔知想點

唔記得點解揀咗.............又唔係影得好

多謝大家俾面睇晒，希望唔會令你生眼挑針啦。

順便同大家拜個早年：

恭喜發財！兔年快樂！

結婚事項 順順利利！

各位BG2B甜甜蜜蜜！

BY笨豬小慧SIMPLE

千辛萬苦，幾經波折，終於收到Mona Lisa的相。

不過由6pm等到8pm才收到，真係等到變化石

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!



嚟張全家幅先



睇真d，原來都未算影得好差，但都有幾張影得麻麻唔知點解都揀咗

同埋，我懷疑Mona Lisa tune過d色，主人塊面明明黑過我好多ga，點解出嚟d相又唔係嘅???好似同揀相個日睇的顏色有d出入喎



遲d要物色一d畫框和相簿，好好保存我地的第一輯婚照。




明天返公司scan D相，大家等等我喇。


by笨豬小慧simple

千辛萬苦，幾經波折，終於收到Mona Lisa的相。

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!


共12張 4"X5" 細相

另外仲有5"X7" 中相2張、8"X12" 大相2張、16"X20"油畫一幅



我將相片private了，想睇的sis麻煩通知我add你吧。(只限有相有內容的blog友)



by笨豬小慧simple

腸胃炎咗成個星期，日日又嘔又瀉，生病加上瞓得唔好，個樣真係殘到爆

 

平時唔揸粉底的我，都要搵D幫手遮醜 - Kanebo的Coffret D'or SILK SKIN底妝系列

Cover Fix & Silk Cream Foundation

 

塊面又腫又黃，皮膚好乾，最勁揪莫過於個大眼肚。

用法：

SKIN CARE之後，先塗上COVER FIX MAKEUP BASE。

Coffret D'or Cover Fix   SPF21 PA++  HK$230/25g

 

演出柔細光澤效果的絲潤美肌粉體配方，輕輕塗上即可遮蓋毛孔和不均勻的膚色，水溶性膠原蛋白（保濕）配方，提昇肌膚滲透力，呈現自然妝感的妝前乳霜。

用法：全面塗勻之後，再在毛孔粗大和黑眼圈的地方重點塗上。

唧出來是自然肉色的cream狀乳霜。遮瑕力非常好，只是塗了一層，黑眼圈就遮走了大半，果然無呃我。只是稍嫌偏乾，很難推勻，建議使用前先做好保濕功夫，例如用保濕的make up base、或先塗滋潤的護膚品。

 

 

之後塗上SILK CREAM FOUNDATION 

Coffret D'or Silk Cream Foundation  SPF21 PA++  HK$300/25g

 

水溶性膠原蛋白（保濕）配方，加上豐富柔滑的乳狀質地，創造滋潤光澤的極致絲柔肌膚。演繹出柔細光澤效果的絲潤美肌粉體配方，濃密滋潤，與輕柔觸感，創造高級絲綢般迷人光澤＆絲滑肌膚質感的粉底。

用法：點5點在臉上，用複指或海棉推勻，之後用溫暖的雙手包裹雙頰，使粉底更貼面。

 

BA給我的是OC-C顏色，適合膚色一般白和喜歡自然妝容的sis，如果喜歡偏白的妝容，可以選淺一號色的OC-B。內附小匙，方便取出粉底，我最怕d粉卡住係指甲邊。

 

雖然叫cream foundation，卻出奇地多水份，所以非常好推；遮瑕力也相當出色，加上粉底後，我的黑眼圈已經9成不見了，泛紅的雙頰都遮咗，連雀斑都BYE BYE喇

 

 

之後加少少少遮瑕膏和掃上碎粉，病樣就遮晒啦。

左至右：Makeup Base>>Foundation>>Concealler>>Loose Powder

 

係唔係差好遠先。

 

返工化妝我都以「快、靚、正」為首要目標，如果一盒有晒眼影、highlight、shading、眉粉的palette你話幾好，唔洗拎幾十萬樣野出嚟先化到個妝，仲可以慳唔少tim。點知真係有：

KATE的眼影+眉粉combo，仲只需HK$101，好抵玩。

 

我會將最左手面的米白色做highlight，最右手邊的淺啡色做shading。

 

睇唔睇得明呢？

 

大功告成，病樣BYE BYE~~~~~

 

 

所以話，化妝品先係女人的最佳「補品」HAHAHA

 

一向無乜抽獎運的我，竟然受到Kanebo的邀請參加今次的試用，真係喜出望外，呢份亦是我新一年得到的禮物，多謝啊~~~

 

打完收工，今次真係病入膏盲之作，希望大家多多支持啦~~

 

Coffret D'or官網：http://www.coffretdor.net/tcn/

等咗4個月，引頸以待的Mona Lisa pre-wedding終於約好今日送貨喇。

一拆開......................................

唔係我地D相嚟嘅?????

但係單NO.、名都無寫錯喎，入錯咗d相!??

嗱嗱聲打去ML，可惜太夜了，都收晒工。

我D相究竟去咗邊呀???????????

 

點解呢排我地咁黑嘅呢？買冷氣又壞，我又腸胃炎，佢又多野做到捱病咗，連拎相都要擺烏龍，頂

 

BY笨豬小慧SIMPLE

 

UPDATE 28/1/2011：今早打去問，約好31號上嚟換相，希望今次靈靈性性啦。