前前後後攪足4個月，又上網又行街(呢2個星期仲要隔日就去，真係好攰
)，終於搵到一間所有人都揀到衫的婚紗舖。(因為我懶，唔想還衫個時咁呢hea，所以想一間過租晒，而且一間入面租得愈多就愈平嘛)
決定租希臘女神Beauty Hera!!!
最後confirm的價錢：
$7288 - 1WG+5自選，送1件媽媽衫，包首飾、頭紗、底裙、手套
basically我地都要租7件衫，1褂、1WG、2EG(敬酒、送客各1件)、1男禮、2媽媽衫，呢個package夠晒數，再加租就$1280/1EG，$1000/1EG(2件起)。
計番即是around$1000租一件衫，算係我心目中的價錢，最難得係媽咪、未來99、自己、主人都可以係呢度搵到0岩心水的衫，行咗咁多間真係得呢間可以做到。
簽埋合約已經8pm了，為免阻人收工，我地決定擇日再試衫(唔試我就join package，我都算威囉
)
一次過俾晒錢，希望佢生生性性，唔好走佬啦。
最艱難的任務已經攪掂，一身鬆晒
。
by笨豬小慧Simple
今日早走2個鐘去行婚紗舖，約咗媽咪同主人係地鐵站會合。精挑細選咗4間媽咪會0岩而佢又未睇過的店。
是日行程：
5pm - Hsiao Wedding(已預約)
6pm - Eternity(walk-in)
7pm - Rosebay(已預約)
7:30pm - Beauty Hera(已預約)
呢間我無睇過D衫，只係網上睇過少少jar，都膽粗粗照帶媽咪去，haha。原本係比上圖呢件婚紗吸引，可惜睇實物又唔係咁靚
，反而我睇中咗佢新番個2件婚紗，一件魚尾一件A-line，上身釘工下身多層摺摺，可惜2件後天要外借，無法試身了。晚裝都有一兩件睇中，尤其一件淺粉紅柯根紗摺摺裙，上面釘滿立體花，賣飛佛
，但其他晚裝就睇唔中。媽媽衫比較少，所以媽咪都無咩揀到，晚裝佢又覺得太露肉，唔0岩佢。最後決定等個2件婚紗返0黎，再約時間free try。
Eternity
地址：金巴利道73號新業廣大廈2樓201室
TEL：34283811
帶媽咪0黎睇吓我的「the one」，連佢都讚靚呀
~~~不過我仲係睇唔中晚裝，媽咪又嫌佢的媽媽衫D料太軟會著肥佢，反而主人好鐘意佢的男禮。一人一個意見，點決定好呢？
上圖最右邊個件藍色EG我有拼上身，但用料麻麻，有些失望呢
。
Rosebay
地址：金巴利道67號B地下
TEL：27397383
網址：http://www.rosebay.com.hk
我鐘意佢D衫夠elegant，上次淨係睇咗晚裝，今日帶媽咪睇吓有冇0岩佢的晚裝。上圖的WG我有拼上身，好似太素唔夠noise，唔0岩我係酒樓證婚；晚裝竟然俾主人形容似睡衣，即係唔洗揀啦；有媽媽鐘意的旗袍式晚裝，可惜唔係佢想要的深色。睇怕呢間都係同我地無緣
。
PS：剛剛到達時見到有個傻佬坐係門口，正當我地唔知點好0既時候，發現有架警車係附近，緊係ask for help啦，幸好條友好快走咗。
希臘女神Beauty Hera
地址：金巴利道52號
TEL：27231888
網址：http://www.beautyhera.com.hk
第3次上去喇，我book咗Sales 細Zoe接待我地，我覺得佢態度nice得來又夠專業，應該應付到我媽咪的高要求。因為頭3間媽咪都睇唔0岩衫，希臘女神好似多D媽媽衫，所以我地就先睇媽媽衫了。
媽咪要求一件深色的旗袍，細Zoe就介紹咗一件深藍色的絲絨料釘珠旗袍，估唔到媽咪會鐘意(我同主人都覺得唔似媽咪的taste，不過佢鐘意就ok啦)，另外仲介紹咗幾套西式媽媽衫，媽咪都有興趣。睇開就順便望吓有冇衫0岩未來99，有套深紫色圓領有袖直身裙，好閃ga~~~大家一致覺得係tailor-made for未來99
。
睇完媽媽衫後，就睇吓婚紗。睇咗咁多間，我愈來愈想著魚尾的婚紗，著得我瘦d同高d
，希臘女神都有幾件WG係呢類型，我諗我應該點都揀到一件0既。
反而主人覺得男禮太普通(而且佢又剛剛睇完Eternity個d浮誇款)，無咩合眼緣，但點都at least租套白色出門用0既，主打個套，睇0黎都係靠我了。
似乎，呢間真係夾晒大家的要求，問埋價錢ok，我地就可以搏槌。
行晒4間已經8pm有多，係時候dinner喇，媽咪竟然提意去食韓燒，真係估佢唔到(唔係話要keep fit咩?)去咗漢陽苑食，諗住hea食點知好好味，最掂
泰式咖喱炒蟹，媽咪encore咗2次，仲有明治雪糕、泰式雞腳、泡菜、人參雞湯、芒果糯米飯，都好好食，bbq的蝦呀~~~~好新鮮。$150/位，都真係賺咗。
by笨豬小慧Simple
約咗媽咪明天行婚紗舖，今日係最後衝刺，睇多幾間做篩選。
全白色的裝修真係好有新娘子的氣氛。主打歐洲簡約style的婚紗，A-line或魚尾+簡單的刺繡和釘珠，走高貴大方路線；晚裝一樣比較清簡和深色，個人覺得似cocktail dress多過EG。Sales強調公司著重cutting和用料，唔用大陸布，全部用意大利布，但講真，有邊個識睇
。無媽媽衫和褂，只有2~3套男禮外借，完完全全only for bride的婚紗舖。我諗0岩好有要求的新娘，我呢D budget至上
的就唔太0岩了。
$6888 - 1WG+2EG/男禮，包首飾頭紗，EG免upgrade費但WG有分grade，加$900~$1800，預約free try 2件，31/7前join package送1EG。
睇水牌見到同一橦，咪順手睇埋囉。婚紗晚裝是港式style，個人覺得有D似Mona Lisa，睇相簿無邊件好吸引。最攪笑係，佢地要我BD前9個月才會接單，叫我睇相簿都係多餘，所以求其拎咗catalogue就走。
$6588 - 1WG+4EG/男禮/褂/媽媽衫/伴娘裙，無分grade拖尾，預約free try2件。
除咗租衫之外，呢間舖仲有賣各式傳統禮節用品：
過大禮 - $700
回禮 - $800 (2套都買$1488)
斟茶出門 - $600
上頭 - 男$80、女$138
安床 - $88
我緊係返祖國買啦
呢間因為無網頁，又係好奇心想去八吓。因為有另一pair客試緊衫，所以今次淨睇相簿。WG好靚，A-line或魚尾款，0岩我心水，做工仔細，唔係車花lace+釘珠就係摺摺+立體花；EG走清簡style，單色直身款為主，用料多數雪紡+閃石；中式禮服除褂外，有唔少旗袍選擇。全部都好0岩我呀~~~可惜佢無媽媽衫租，我又唔想分2間租衫咁麻煩，又是緣慳一面囉
$7888 - 1WG+3EG+1男禮+1褂+1伴娘裙，無分grade或拖尾，男禮/伴娘裙轉EG或褂+$500，包頭紗底裙。
本來諗住搵Mee Wedding，上到去點知變咗Dress Wedding。(唔通Mee Wedding執咗?)望入去間舖好細好黑
，我見都夜了，拎咗catalogue就走。
$3980 - 1平腳WG+2EG+1男禮，再送一套，free trial。
原來總店係百利。anyway，not my cup of tea。
今晚無一間0岩明天帶媽咪去睇。而我book好明天6pm去Hsiao Wedding、7pm去Rosebay，如果中途有時間就上一上Eternity，最後7:30pm去希臘女神。希望明天媽咪有一間係睇中啦
，唔係我仲有排行。
連續咁行咗4日，真係好累呀~~~
by笨豬小慧
夏日炎炎，最嘆緊係留係開行冷氣的地方啦。有冇數過自己一日有幾多小時係冷氣房呢？公司、課室、巴士港鐵、睡房、週末shopping的商場..............閒閒地都10幾20個鐘bor。
嘆冷氣係爽，不過就會抽乾你皮膚的水份，乾燥>>>>>皺皮，oh no!!
點先可以嘆住冷氣又唔怕皮膚乾爭爭？我用佢：
StriVectin是一間專出抗皺產品的美國公司，熱賣產品就是抗皺護膚霜，出名對付妊娠紋一流，所以我對激活注水面霜的抗皺效果毫不懷疑。但是主打保濕的產品係StriVectin第一次推出，就真係要試一試佢喇。
牙膏狀的包裝，瓶口卻是泵裝，我buy，易控制分量又衛生。
唧出來是白色的膏，有少少杰身。沒香味。
使用方法：
1. 潔面後，搽完爽膚水和精華素(如需)，再搽激活注水面霜
2. 可以早晚使用。
3. 每次按泵咀2下的分量，就夠搽勻全面
4. 輕輕力推開，待激活注水面霜自然吸收，需時約2~3分鐘，視乎皮膚的乾燥程度，愈乾吸收得愈快
輕輕力已經可以完全推開，BA小姐話激活注水面霜唔似一般面霜咁狂打圈就會快D吸收，反面推開後由得佢自然吸收就最好。剛剛推開仲有少少笠同唔勻循，3分鐘後已經完全吸收晒。有搽個半邊手睇得出平滑咗，摸上手feel到水潤潤呢
齋講唔實際，睇數字就呃唔到人!!
使用前和使用後，我都有去StriVectin的門市做skin test，估唔到只係用咗短短的3日，皮膚已經有改善。
BEFORE - 水、油、彈性都係負數
搽咗10分鐘後 - 水、彈性升番晒，油直情升到滿分!!
用咗3日+吹咗成日冷氣後 - 水、彈性仲keep到正數，油仲無跌到tim
我的小小感想
唔笠、吸收快、保水仲識得鎖水、乾紋走晒、上妝都易咗，一句講晒：「我有少少鐘意咗佢呀！」如果可以搽埋眼就更perfect。
晚上我會搽厚少少，當佢係sleeping mask咁用，嘆住冷氣訓成晚，塊面終於無乾到出油喇!!
記住吸收晒之後先好搽防曬呀，否則會起"擦膠碎"。變咗peeling gel就晒野啦。
攪到我對StriVectin的eye cream好有興趣tim，救救我眼肚的幼紋都好啦，不過要$680一支(38ml)，我會失血過多的................
最後送上StriVectin的全家福，粉紅色banner個支「牙膚」就係妊娠紋神仙膏 - 抗皺護膚霜，如果將來要生仔，真係要整番支。
多謝收看
敬希留言和推推，多謝支持。
StriVectin website：http://www.strivectin.com/
原本諗住上星期四去睇婚紗ga，點知放工前黑雨(用咗3小時先返到屋企呀
)，無計啦，改今日去運吓吉囉。
Hsiao Wedding
地址：柯士甸道130號嘉碧大廈13樓B室
TEL：35210279
網址：www.hsiao.com.hk
上網睇過佢D衫好似幾0岩我style，所以就walk-in去八吓。可惜佢今日盤點，唔開放入內，唯有book星期五帶埋媽咪去睇。
$7688 - 自選6套，無分grade，拖尾+$500(只收一次)，包首飾
Casey's Bridal
地址：山林道9號卓能中心9樓901室
TEL：27708483
網址：www.caseysbridal.com
咁0岩有另一位客人試緊衫，因為得一個sales，所以我都唔煩佢招呼人，費事阻人做生意啦。佢衫有好多，大約1/3是WG、2/3是EG，款式都偏向百利style，唔太0岩我，不過媽媽衫就超多款，新潮到成熟都有。package超平，$3680自選10套!!無分grade仲包首飾頭紗底裙，係我去咁多間最平ga~~真係淨租姊妹衫都抵，可惜我無咁多人的姊妹團啊。
Oriental Bridal芙蓉坊
地址：佐敦彌敦道188號有利大廈1樓C室
TEL：23779268
網址：http://orientalbridal.blogspot.com/
今日終於入到去，一睹蘆山真面目！滿心期待，換來的是失望
衫款是港式style，睇晒d相簿，先揀到一件WG同一件EG合眼緣(下圖款式)。大部分EG都無入袋，摸上手仲霉霉地。
拖尾有3隻小蝴蝶結，A-line款，lace布鋪面再加少少釘珠，唔算好閃，竟然係upgrade款，要加$1500!!!
咁easy的款都要加咁多!?當我係水魚!?
算新款D的EG，不過除咗摺摺同個幾朵立體花之外，就咩都無，又係easy but upgrade款。
package $5880 - 1WG+3EG，另+$2500變全upgrade款，包頭飾，另加租其他衫面議，試衫費$300。呢間都係睇過就算
行完7:30pm，搭車回到家0岩0岩好開飯。星期四再睇多幾間作最後衝刺。
by笨豬小慧Simple
今晚約咗班friend睇《TOY STORY 3》，未夠鐘入場，就係商場行咗個圈，睇咗幾間金舖的婚戒。
初時睇中MABELLE呢2款
MABELLE依家做緊promo，買滿$5000即時減$1000！！！第一款如果$4700買到又真係平靚正喎。可惜我唔記得帶新申請個張信用卡，最後都係無買到。
(優惠至到2010年7月31日，要買快手!!)
跟住去了點晴品，又睇中咗2款
點晴品都係周生生其下公司，我有VIP，9折之後都未算太過out budget。
上網check吓，好似呢d款都唔錯
其實，結婚戒指有石好？定無石好？
試咗咁多隻，都有收穫0既，就係主人唔0岩戴金色呀~~~哈哈，佢皮膚太黑了。
by笨豬小慧Simple
等咗成個星期，終於約到Dr. Renew試做纖體treatment。因為我住新界，又係九龍返工，Dr. Renew的聯絡人員主動提議轉我去佐敦分店做treatment，唔洗我特登過海去銅鑼灣總店，真係好貼心的服務呀~~~
之後就由美容師Jenny帶我入房，今日會由佢幫我做treatment。
原本我打算做收肚腩的treatment，但經Jenny的檢查，佢認為我的肚仔都算結實，無咩脂肪，做咗會無咩效果，反而大脾就有舊脂肪，佢提意做纖大腿的treatment，效果會理想好多。我當然聽佢的專業意見啦。
傾完做邊個部位，Jenny就帶咗我去磅重和測脂肪。
正式做纖大脾treatment之前，Jenny俾咗件衫我換
之後Jenny帶我去纖形專用房，開始我的瘦脾之旅
Jenny一邊做一邊解釋佢今次用的儀器，主要用一個吸盤，啜住D肉，當Jenny推部機時，就有好似做運動的作用，推的手勢都好特別，係由下向上推，咁做係幫我firm番大腿的shape。部機會一路發射紫色的光，用來幫我消脂。部機仲可以幫我通淋巴tim，去一去我的水腫。估唔到一部機，就做到3樣功能：消脂、修形、通淋巴，犀利
一隻腳要碌10分鐘，初初唔係好慣，又痕又痛痛地。Jenny話我的淋巴塞得好犀利，所以會有d痛的感覺。不過耐咗就慢慢適應了。
睇睇個成績先
做完之後就出番去房度唞一唞，仲同另一位靚女店員吹咗陣水(大家講淘寶講到好high)，簽番收條就走得喇，一D都無sell過我
靚女店員提醒我做完纖體機要2hrs後才可以食野，如果唔係仲吸收多咗，減唔到仲變咗增肥。8pm走的我，要捱到10pm才可以食dinner~~~~~~~~好肚餓都要忍!!!
成個纖體過程我都好開心，店員個個都好nice，嘻嘻哈哈咁就完成了。
今早起身仲feel到個大脾係firm0既，只係有少少做完劇烈運動的酸軟感覺。
最後要多謝Ztyle和Dr Renew抽中我參加今次「夢想成真大行動」，無諗過，燒鵝脾都可以變天鵝脾。
打完收工，好長的一篇，多謝收看啊~~~
19-7-2010(星期一)
放工出咗佐敦，因為prosay's化妝品開倉，諗住去大出血，點知人太多(真係好抵呀~~$400的粉賣$150 jar)，我去到已經唔俾人再入去，真係好失望
唔甘心的笨小慧唔想兩手空空就咁返屋企，就去咗行婚紗舖。
呢間店因為無website，無得事先搵定資料，很好奇佢d衫係咩樣。點知原來星期一係例假，食閉門羹了
Vanesse L.
地址：佐敦彌敦道178號均樂大廈1樓B室
TEL：23144381
網址：www.vanessel.com
之前朋友結婚租呢間店的衫，我覺得幾靚，所以想去睇真D。但上到去，店員以booking太多為由，婉拒我walk-in入內參觀，連相簿都無得俾我睇，又食閉門羹，可能因為剛剛完咗婚展(16~18日)，佢太多生意做卦，有D失望呢
Eternity
地址：尖沙咀金巴利道73號新業廣商業大廈2樓201室
TEL：34283811
呢間又係無website，係樓下望上去見到window display的衫幾靚，又上去八吓。好好彩，今次有開門喇。靚靚sales Emil首先俾咗幾本相簿我睇，我有興趣的衫，佢好快手就拎實物俾我睇，仲俾我併上身。佢d衫好特別，WG的訂工好重，唔係一般的lace+閃珠，而係大大小小的立體花，款式都好多元化，A-line、魚尾、bell shape都有，睇得出係自家設計，出面無佢的款。EG就......................款式好爆呀~~~誇張得好犀利，唔係人人有膽量carry個種。Emil offer咗呢個plan俾我：
$7680 – 1WG+3EG+1男禮+1褂，WG、EG有分grade，upgrade+$800，試完身即日join plan可以free首飾、頭飾。另外加租每件再計價，Emil話都可以offer個好價俾我0既。
估唔到係呢間店會遇到我的「the one」!!!我睇中咗一件立體花花魚尾shape的WG，中拖尾，後面綁帶款，拼上身就知會著得人好slim，手工好靚，又唔太重身，真係好鐘意呀~~~~最perfect係呢件唔洗upgrade!!! 反而另一件A-line款、要upgrade的立體花花WG，我覺得都無魚尾個件咁靚。
鴻運繡莊
地址：尖沙咀金巴利道73號新業廣商業大廈2樓202室
TEL：27879708
網址：http://www.lucky688.com/
就係Eternity對面舖，行開咪睇埋。成間店都係租賣裙褂，由傳統褂到潮褂都有，連男裝馬褂，甚至皇帝裝都有!! 刺繡手工好(起碼唔係金都個d繡得好疏)。可惜我唔打算寧寧舍舍租褂，運吉完就算了
Spring Wedding
地址：尖沙咀金巴利道69號
TEL：23119005
網址：http://springwedding.com.hk
一直都以為呢間店只做pre-wedding，原來都有做租衫0既。睇咗相簿，EG的款比較普通，有D仲幾成熟，用料都係個D lace呀，再唔係加d釘珠；EG也是差唔多感覺，用料又麻麻地(polyester chiffon geogette)。價錢好貴!! $13888 - 6套自選，+$100俾多套你，即係$14000有7套衫，平均一套要$2000!!! 仲有分grade喎。no la，OUT!!
Rosebay
地址：尖沙咀金巴利道67號B地下
TEL：2739 7383
網址：http://www.rosebay.com.hk
上個月window shop咗一次，今日見無咩人，膽粗粗入去八吓!! 首先坐低睇相簿，WG同Anovia的好相似，靚係靚，不過無「叮」一聲的感覺。於是我摷吓佢掛咗出來的EG，款式比WG驚喜，睇咗2件(拖尾湖水綠和拖尾淡粉紅)，都好鐘意，Sales姐姐又俾我拼上身，手工cutting都好靚呀~~~
$6388 - 1WG+2EG+1男禮+1伴娘裙。因為我諗住姊妹、伴娘都造裙，所以想轉伴娘裙做晚裝，就要+$500，如果轉媽媽衫、男禮or褂就唔洗加錢(但又唔覺佢有媽媽衫同褂擺出0黎0既
)
總括0黎講，我鐘意Eternity的WG，但又鐘意Rosebay的EG，可惜Rosebay無plan淨租EG，又要再度一度了。下星期五會帶埋媽咪睇婚紗，我要係呢幾日再睇多幾間，最好約到free trial啦。
by笨豬小慧Simple
上星期剛剛參加了Maybelline Beauty Blogger Gathering，拎咗3樣皇牌產品返屋企。
(花絮：http://hk.myblog.yahoo.com/simple1914/article?mid=997)
3樣我都無用過，等我逐一試吓先。
偏白的肉色，唧出來比粉底液仲要稀，塗上後有明顯調色效果。
附掃，畫起來順暢不斷線，顏色夠實。聽聞油眼人用都唔溶，等我呢個油眼人試一試先。
相信有好多sis都擁有一支，所以都唔多講喇。
一次過將Maybelline化晒上面!!!
趁星期日要出街，我就嘗試拎晒全屋的Maybelline產品化個全Maybelline的妝!!
開始!!!!
我的小小感想：
我又多咗一樣Maybelline至愛產品：8合1礦物BB cream!! 好清爽，0岩晒我呢D怕笠的人，小小份量已經夠搽成塊面，好慳家ga~~
眼線膠真係名不虛傳，10小時後都無溶到，我又搵到另一防油眼妝品!!如果乾得快D會仲正。
多謝收看。好耐無出過妝文喇，希望大家支持一下啦
今月進度：
完成咗3個task，買公仔、西餅卡和紅酒!!又攪掂3樣野喇，yeah~~~
進度良好，繼續努力!!!
|
孫 簡 聯 婚 | |
|
婚禮日期 |
2011年11月20日 (星期日) |
|
晚宴 |
|
|
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂 |
彩福皇宴 – 旺角6/F 酒樓提供 酒樓提供 酒樓提供(未印) 未買 盛酒窖 – 已買 妹妹轉贈 品果送(未做) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
|
|
註冊 |
|
|
地點 律師 結婚介指 介指枕 羽毛筆 結婚證書套 註冊處登記 |
酒樓 未定 未買 未買 未買 未買 未做
|
|
化妝&禮服 |
|
|
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔 |
Ka+ Makeup Ka+ Makeup提供 未定 未定 未定 未定 未定 未定 DIY(未做) 未買 妹妹轉贈 未買 已買 未買 未定 已買 未買 未定 未定 自備 訂造(未做) 未買 未定 未買
|
|
婚紗相&當日攝錄 |
|
|
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播 |
香港@蒙羅麗莎 2010年9月27日 麗江@品果影像 2011年3月1日 未買 未訂 未定 諗緊整唔整 未定
|
|
花車&花飾 |
|
|
花車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花 |
未定 DIY(未做) 已買 DIY(未做) 未定 未定 DIY(未做) DIY(未做) DIY(未做) DIY(未做)
|
|
餅卡 |
|
|
西餅卡 唐餅卡 |
美心西餅 – 已買 未買
|
|
過大禮、安床、出門、回門 | |
|
過大禮日期 過大禮用品 安床日期 安床用品 出門地點 回門日期 回門金豬 |
未定 包羅萬有利是 未定 未買 未定 未定 酒樓提供
|
|
嫁妝 |
|
|
龍鳳鈪 龍鳳被 喼 |
奶奶送+外母借用 未買 未買
|
|
婚禮用品 |
|
|
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物 |
女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定 |
|
其他 |
|
|
婚前檢查 Rundown Checklist 敬茶list Guest list 分工表
|
未定 未定 未定 未定 未定 未定 |
|
工作人員 |
|
|
伴郎 伴娘 兄弟團 姊妹團 男司儀 女司儀 |
未定 已定 未定 已定 已定 未定
|
|
蜜月旅行 |
|
|
日期 地點 |
未定 未定 |
笨慧廚房 (3) 生活日常 (3) 去旅行 (8) 護膚+美容 (2) 彩妝+扮靚 (2) 穿搭+時尚 (3) 美甲+髮型 (2) 美體+瘦身 (2)
