簡單就是愛 - 笨豬小慧simple's blog

今天收到Kaka send俾我的試妝相。

正面真係幾似楊怡台慶頒獎禮的髮型

啡金眼妝，高貴又有型，I LIKE IT。

側面

後左

後右

不過當日都未必係呢個髮型，因為到時應該剪陰，感覺無咁成熟嘛。但我鐘意Kaka幫我化的妝，清清地，化完仲似番自己，good!!

by笨豬小慧Simple

經學緊化妝的朋友介紹，去了她的師姊Kaka的屋企試妝，呢次係我第二次俾人化妝jar(第一次係上年做姊妹)。

佢問我喜歡咩style，我話我唔要可愛公主feel，但其他細節就無咩頭緒，佢就俾咗幾本日本花嫁雜誌我睇，叫我睇吓有咩0岩心水就同佢講。今日想試一下褂妝，因為全日的妝都係由褂妝開始，咁我就知佢到時會點同我轉妝了。

Kaka的化妝好細心，又會不時問我意見，希望造到一個我滿意又靚的妝，佢仲教咗好多保養心得俾我，叫我要努力護膚，到BD個日先可以靚靚咁出場，真係用心良苦，我會聽你話加油的！

為保持神秘感，俾個側面同背面大家睇吓啦，正面就遲D先

剛化好未插頭花

另一面留長陰，正面睇好似楊怡拎台慶獎個髮型ga，我幾鐘意。

加埋頭花就係咁

價錢都係budget內，$53XX全日，包一位伴娘妝，加人$450/位，會用噴槍上粉底。

決定好MUA!!!又comfirm多一樣野了，yeah

不過Kaka話當日想專心化我一個，所以唔接奶奶外母的化妝了，最多只可以化埋伴娘的妝，睇怕我仲要化時間物識0岩奶奶外母用的MUA了(媽咪要求好高，點算好呢？)，不過總算又攪掂一樣野，心情又輕鬆D。

Ka+ Makeup - http://hk.myblog.yahoo.com/kaplusmakeup

by 笨豬小慧

「動AL動AL，今日我又0黎動AL，把頭髮，有光澤，又0黎動AL。」(melody"崖上的波兒")

遇上Pantene Clinicare，真係要唱呢首歌先表達到我的心情囉。

今年的好運真係接踵而來，好幸福呀~~~~今次有幸收到HKCOSME.COM的邀請，參加Pantene Clinicare 速效髮根+修護系列的試用活動，萬分多謝HKCOSME.COM，感謝的不謹是他們選我參加試用，而是他們有看過我的美容BLOG，肯定我這一年的努力，原來我個BLOG都有人睇ga~~~真係好開心。

 

 

shampoo 洗髮水  280mL

倒出來是白色的凝露，有珠光喎，唔通呢D就係頭髮有光澤的秘密?

加少少水就起到泡，泡泡好幼滑。洗完個頭好爽好乾淨，都無甩好多頭髮。

 

 

conditioner 護髮素  250g

唧出來是好杰的白色乳霜。用完d頭髮立即滑晒，隔日都未笠。

 

 

treatment mask 高效護髮膜 150g

也是白色好杰的乳霜。我有染髮的習慣，所以都要定期做下treatment，否則成頭禾稈草咁出街真係好樣衰。我平時用開1分鐘焗油，第1次用呢d髮膜(聽人講對受損頭髮好有效)，初時都好怕做完個頭笠痴痴，好彩都無，頭髮仲strong咗，又少咗打kick，梳頭個時都開心d。

 

 

volumn up spray 護髮神仙水 150mL

呢樣係我最最想試用的產品，佢一出個時我已經有留意到，今次有得試用真係超級開心呀~~~

我本身的頭髮好幼又無力，試過去電髮個髮型師發晒皮四話我的髮根電唔起，最後要另外用電熱棒夾個髮根先OK，至始以後，我對電髮都失望了(無謂勉強)。

但，髮根可以彈起的慾望，就無消失到。

神仙水究竟有幾"神"呢？睇吓我示範就知。

‧

‧

‧

‧

‧

為咗大家容易分辨，我只噴一邊的頭髮的髮根。

有噴的同無噴的真係好大分別!!!真係彈起咗，我D無力的頭髮彈起咗呀~~~識動AL啦~~~好野!!!pok pok公主頭唔洗再裝假狗啦。最重要係免洗，噴係乾濕髮上面都可以，方便出街前噴一噴，keep住一把迷人秀髮唔失禮。

 

 

用咗1星期，已明顯見到頭髮健康咗，光澤come back

before：髮尾開始開叉，曲曲梳唔直，暗啞好似菜

滑咗，梳頭都順d，有番光澤啦~~~

 

大推護髮神仙水，真係神級產品，超級work!!!

 

打完收工，多謝收看，喜歡就請推一下啦~~你的支持就是動力

 

Pantene Clinicare官網：http://www.pantene.hk/

 

最近看了一位BLOG友的婚攝經驗(她剛剛3月中去了麗江照相)，她似乎遇到了很多問題，尤其品果的服務，很多東西跟原先說好的都不一樣，真係令我好擔心呀。

 

問題：

1. 化妝師全程躲在車裡，不肯下車跟貼一對新人，沒人拎衫，沒人拍花絮。

2. 拍攝前一天，攝影師很晚才跟一對新人見面，而且對新人的要求一無所知，那之前品果強調的「溝通」豈不是白費了麼？

3. 很多婚紗禮服在試身時才知道給其他人hold了，最後想要的款式都沒了。

4. 攝影師差不多到中午才跟一對新人會合出發拍婚照，新人要求拍夜景，他們都推搪說時間不夠，但黃昏就拍完收工，這是哪門子的「時間不夠」呢？

5. 很多事情品果都似有隱瞞，例如4月至11月不能上雪山，玉水塞索道維修等等，email時都無提及過，要到拍攝個時面談，先同你講呢度唔得個度去唔到，好唔老實，而新人都洗濕咗個頭，任人話去邊就去邊影。

6. 景點方面，我們想拍古城夜景、束河古鎮、雪山遠景(不上山)、沿途拍一下花草，跟品果通了一次email，他們回覆說以上景點都距離很遠，不夠時間拍，只可以古鎮(不知道是什麼古鎮)>>拉市海>>玉柱撆天/玉水塞，跟我們想要的是兩回事咧，攪什麼呀，如果只影花花草草山山水水，幹嗎我要山長水遠去麗江呀，元朗都大把景啦。

 

現在真係有D後悔咁快搏槌揀咗品果，價錢雖然係香港的一半，但都是眾多麗江公司中最貴呢，唔係嫌佢最貴，係覺得佢收得我呢個價，我相信佢地俾到我的服務係真的，唔係講就一套做就一套，但原來都係一樣。其實我咁早就book咗婚攝，係唔係太衝動呢？

 

睇怕，我們要花多d時間同品果個邊bargain一下，仲要密切留意其他用完品果的朋友回來的feedback，希望可以push到佢地做到我們的要求。

 

仲係好擔心呀~~~

 

by 笨豬小慧

 

怕一次過寫晒會太長，所以分開了上下集。

上集重溫：兩母女的KONAD美白之旅 - part 1

下集start!!! 又0黎介紹吓其他試用咗的產品(不過唔係美白line)

iloje Flobu 2W Eye Serum 清爽型眼部精華 30mL $35X

瓶身設計好豪華呀~好像貴價護膚品呢(虛榮心作祟)

泵咀設計，衛生又方便

主要成份是豬胎盤素、本胺、南洋香草、維他命C、醋酸基、活性保濕因子，幫助撫平眼紋，改善黑眼圈，當然可以滋潤眼部的肌膚啦。

唧出來是透明水狀的液體，唧一下夠用2次(我平時只用呢度一半的份量搽係眼，但每次用最少都唧到咁多，唯有剩底個D用來搽頸)，有D中藥味，唔知點解搽上眼感覺會似油，好彩都易吸收，但搽太多會生粒粒，我第1日用唔知就中咗招，朝早起身眼角起咗好多好密好細粒的豆豆，無膿但好痕，我估應該係太笠攪到敏感，之後個幾日我減少用量，情況就有改善了。

 

iloje Flobu Bubble Cleansing Foam 泡泡洗面連補充裝 150mL+100mL(refill) $16X

最鐘意呢種"一唧就有"的泵咀設計，0岩晒我呢d懶人

唧出來的泡泡係唔係好豐盈呢，我都俾佢呃到，點知一搽落塊面度，都未開始打圈，d泡泡就無晒，攪到我相都影唔切，唉，好失望。洗完感覺塊面有少少乾，但又唔覺好乾淨(純感覺，無咩証明可以support)。仲有個問題，個補充裝點樣換呢?倒落去用完的吉樽度?定將個泵咀直接裝係個支補充裝度呢??說明書無講0既

 

 

Collagen Essence Mask骨膠原面膜 20g X 5 sheets $5X

用法：
1. 洗面及抹乾。
2. 擲開包裝袋，取出面膜，鋪平在面上。
3. 敷20~30min。
4. 取下面膜，不用洗面，待精華自然吸收，可打圈按摩幫助一下。

精華素真係超多，拎起面膜之後，個錫紙袋入面仲有好多精華剩。

(請無視我個頭，好死亂)面膜紙算薄，敷係面上無咩負擔，精華都無水滴滴，嫌眼位同鼻位的洞開得太大。我起勢將多咗的精華搽係眼肚同埋頸，靚要夠"全面"嘛。
側面睇到塊mask唔算好貼面，有好多氣泡。

雖然呢塊mask的剪裁唔太fit我，不過我都俾佢好高分，因為保水效果ichiban!!!敷完唔搽野對住個電腦打blog打咗2個幾鐘，塊面都無乾爭爭，同我平時敷其他mask要再搽cream鎖水好唔同，而且feel到皮膚彈吓彈吓，真係好正呀~~~睇埋價錢，超值!!十數元一塊mask就做到名牌mask的效果，真係唔推唔得。

 

 

用完一星期後，究竟我有冇白到呢？

正面睇，無咁黃啦。
側面close-up，雀斑無走到，鼻翼位d紅印淡咗好多

 

用回購率來評一下分(5為滿分)：
美白爽膚水半
美白日乳
美白精華
美白晚霜
洗面泡泡雷品, sorry
清爽型眼部精華半
骨膠原面膜

 

打完收工，多謝收看。

 

KONAD Cosmetic官網：http://www.konad.co.kr/
Purple House(KONAD香港代理)：http://konadcosmetic.blogspot.com/

 

抽中咗BL X Purple House的KONAD Cosmetic的護膚品試用活動，又好好彩我抽中的係美白系列，今年決定要實行我的美白大計，真係夾都無咁0岩，好開心呀~

收到的時候真係嚇咗一跳，咁多野0既，仲要支支係貨裝size，好大堆頭呀。(原來我漏咗放埋盒mask一齊影大合照Orz)

iloje Flobu Whitening Toner 135mL
iloje Flobu Whitening Emulsion 135mL
iloje Flobu Whitening Cream 50g
iloje Flobu Whitening Essence 40mL
iloje Flobu 2W Eye Serum 30mL                                      
iloje Flobu Bubble Cleansing Foam 150mL+100mL(refill)
Collagen Essence Mask 5pcs

 

就係我影緊大合照的時候，媽咪走埋0黎八卦，仲話：「咁大支你都用唔晒ga la，我0岩0岩夏天d搽面野用晒呀，我幫你手用咁D啦(kee kee)」我：「..........0岩你用咪拎去試下囉...」於是，半被迫之下，我地兩母女開始了KONAD的美白之旅。

 

用之前，緊係要知d野係乜先得ga，等我每樣簡單介紹一下：

iloje Flobu Whitening Toner 美白爽膚水 135mL $27X

成份主要係植物精華如熊果、西柚、胡椒根、馬齒莧等，美白成份如維他命C、醋酸基、豬胎盤素，幫助提升皮膚的彈性，令皮膚白晢水凝有光澤。

一打開有個小蓋掩，好衛生的包裝呢。

倒出來是透明色的水狀液體(照片不小心delete了)，我倒在棉花上，一次用量大約5~6滴，已夠全面+頸使用，有淡淡的花香味，極速吸收，感覺到面仔滋潤了不少，很舒服。我蠻喜歡呢支toner的feel呢。

 

 

iloje Flobu Whitening Essence 美白精華40mL $29X

泵咀設計，方便又衛生。

唧出來是奶白色的水質乳液，也有淡淡的花香味，很稀，好易吸收，無咩痴笠笠的fu。大約如圖的黃豆大小就夠搽成塊面+頸。主要成份是熊果、維他命C、南美香草、醋酸基、西柚、豬胎盤素，幫助保持肌膚柔軟有光澤。

 

 

iloje Flobu Whitening Emulsion 美白日乳135mL $27X

也是一打開就有個小蓋掩，不過款式跟toner的稍稍有不同(大家有發現嗎？)

倒出來是米白色的有點杰的乳液，大約如圖的份量可以薄薄塗一層在臉上。主要成份是熊果、維他命C、本胺、豬胎盤素、馬齒莧，有效阻礙黑色素形成，增加肌膚彈性，改善暗啞，減淡雀斑和痘印。有淡淡的花香味，略嫌沒有防曬功效。吸收得有點慢，再塗防曬乳就覺得很笠。

最想投訴的是：乳液很難倒出來！要大力"登"好多下才得chok出一點點，要知道早上起床到出門只得幾分鐘，好忙咁嘛，花10分鐘塗護膚品(其中有5分鐘用來倒呢支日乳)，實在太"奢侈"了，而且倒出來的份量好難控制，如果改用唧唧樽裝會好好多。

 

 

iloje Flobu Whitening Cream 美白晚霜 50g $29X

內附蓋掩，衛生好重要嘛，如果附送匙羹仔方便畢出來就仲好。鑵入面裝滿淡黃色的乳霜。

主要成份是熊果、本胺、維他命C、西柚、醋酸基、豬胎盤素、胡椒根，有效阻礙黑色素形成，加速新陳代謝，幫助對抗環境污染帶來的傷害。

大約如圖的份量夠搽面和頸，有淡淡的花香味，乳霜的質地沒想像中杰(我覺得比日乳更稀一點)，不過薄薄的塗一層就好了，塗太厚就覺得有點笠，都算吸收到，明早起床沒有面泛油光，証明保濕效果都OK。

 

 

我的綜合試用感：第1日用唔知係唔係太貪心，樣樣野都搽得太厚，攪到皮膚焗到出粒粒，敏感又返0黎喇。好彩第2日我減少咗用量，敏感情況有好轉，唔係就慘。

媽咪評語：「整睇都唔錯，都0岩我夏天個時用，係支日乳唔夠潤(但我覺得超笠=.=")，仲有好難倒出0黎。我無敏感喎~~~你唔0岩就夏天俾我用埋佢啦~~(有人想雀巢鳩佔)」

 

 

打吓打吓寫咗咁長tim，其實仲有好多野想分享ga~不過唔想大家睇得咁辛苦，我留番part 2再寫。

 

多謝收看，些些。敬希繼續支持part 2!!!(你唔睇晒佢我嬲ga)

 

下集：兩母女的KONAD美白之旅 - part 2

 

KONAD Cosmetic官網：http://www.konad.co.kr/
Purple House(KONAD香港代理)：http://konadcosmetic.blogspot.com/

 

近日去了其他新娘子的BLOG，發現下年才到婚期的她，已經四出搜尋MUA，尚有一年多啊，會不會太快了呀？問了學緊化妝的朋友，她說一年前就要confirm MUA的了，如果婚期是旺季，可能要更早。吓，咁講法，我依家咪要開始搜集資料，好似咩都好急咁呢。

 

我自己喜歡一些自然又帶些高貴感的造型，謝絕公主甜美feel(我個樣sweet唔起)，以下係一d朋友用過/試過的MUA，而又可能0岩我自己(可能未必0岩你口味，純粹sharing)：

Sylvia Lee - http://hk.myblog.yahoo.com/sylviamua
我妹幫襯的MUA，$598X全日包伴娘妝，另加人$500/位
個人覺得收費算貴，而且髮型好似無咩變化，睇吓我妹結婚個日佢會化成點先
(12/4更新：比之前係blog睇的demo好咗，我妹都set咗好多款唔同的髮型，不過埋單要$8XXX，新娘全日+伴娘+奶奶&外母晚宴，都算貴啊~~~)

Cici @ Triangel - http://hk.myblog.yahoo.com/triangelmakeup
我妹另一recommandation，$488X全日
好多人book，價錢真係超值，但嫌頭飾選擇唔多(可能新娘們都喜歡同一款頭飾吧)

Gigi @ 女兒閣 - http://pattystyling.com.hk/
係朋友的婚宴上見過Gigi的化妝set頭，很靚很多變化，自然又夠modern，好鐘意，未知價錢(budget也是一個問題)

Yumi @ Makeup Secret - http://hk.myblog.yahoo.com/yumimua
Makeup Secret的星級化妝師，大約$600X全日
走日式清雅自然風格，set頭又多變化，幾0岩我心水，都係個句，budget要計一計。

花嫁亞安 - http://hk.myblog.yahoo.com/calarysage
係一位待嫁BLOG友處得到呢位MUA的profolio，好多頭飾首飾呀~~~好好好靚。

 

候選MUA已經有5位，無可能逐一試妝(要錢ga!!!)，但我對自己0岩咩化妝set頭真係未有頭緒，咁快confirm，我怕等陣又後悔喎，又怕BD個日心水MUA俾人book咗，點算好呢？

 

by 笨豬小慧

 

今晚真係一個好緊張的飯局，主人正式向媽咪提親，兼睇吓擺酒的場地。

 

彩福皇宴 - 旺角店(西式廳)
地點：九龍旺角彌敦道750號始創中心6樓全層
電話：2811 1983
網址：http://www.choifook.com/banquet_mk.html

 

雖然媽咪要求先提親後book場，不過經過上次婚展的結論，攪好晒呢d麻煩飯局先book場，2012年咪結到囉，所以我地決定先斬後奏。

 

電梯大堂，似走廊，不過裝修都幾靚，經理介紹呢度可以擺吓油畫。

門口有個拱門位

receiption位係拱門後面

整個場地四方無柱，白色佈置為主，深紅色地毯

樓底好高，仲有水晶吊燈2大戔

音響燈光都好新款，燈係可以變色360度轉動的射燈，應該好有演唱會feel

禮台佈置好有宮廷feel，靚

平面圖，最多可擺30席。

 

媽咪對呢個場都好滿意，不過佢鐘意iSqaure利寶閣多d，可惜，已經爆場。我地都諗好對白：「利寶閣個場2011年年尾爆晒啦，而且2012年的價錢都未知，無理由book咗後任人魚肉ga。好彩彩福呢個場有我地想要的日子，價錢又講好晒，我地就book咗呢度啦。」嘻嘻

 

同場加映4樓中式廳的相：

紅色佈置＋深紅色地毯，有d暗沉，唔太鐘意

禮台的設計反而靚得多，不過紅燈籠到時影相唔知會變成點

得一戔水晶吊燈，唔係幾夠氣派喎

 

仲差未正式兩家人一齊食番餐，咁呢d麻煩飯局就可以告一段落。

by 笨豬小慧

 

菜單、價錢、優惠資料：http://hk.myblog.yahoo.com/simpsonsimple1120/article?mid=261

尋日去婚展除咗book酒席呢個任務外，就係去一去品果影像個攤位八吓。一去到已經人山人海，等咗10min左右先有位俾我地坐，招待我地的係麗江分店的文亮。

初時我們只想睇吓相簿、拎咗價目表做個reference(佢地的網站無登價目表)，點知一坐就坐咗成個鐘，但文亮好好笑，成個鐘入面都無hard sell我地，又無講價錢，只係介紹品果的服務流程同埋拍攝的細節，又問我地想影麗江d咩景等等，傾到7:30pm左右，廣播話仲有半小時打烊，文亮先記得拎個價目表俾我地睇。

一天拍攝套餐：拍150張相精修35張，可全取底片，新郎新娘各3套衫+造型，包12"和18"相簿各1本，24x30"油畫一張、10"油畫一張。

二天拍攝套餐：拍300張精修45張，可全取底片，新郎新娘各4套衫+造型。其他相簿、油畫個d就同一天拍攝是一樣。
(文亮話如果我地想上雪山、去香格里拉就要兩日拍攝時間才夠)

 

當日現金付全數立即有95折優惠，一天的拍攝套餐就只要HK$7500左右，我地計過同麗江時光一天套餐RMB6899其實差唔多，而且品果係香港有辦公室，有咩事我地都可以上去嘈佢地，於是就決定用品果影像!!!主人要跑落樓下禁機，攪到成頭汗，辛苦晒了。

 

婚展當日order仲有好多野送：簽名布、九宮格相框一個、郵寄費用全免(呢個好重要)、6"三面照片水晶座一個。

 

一日內決定好兩樣野，YEAH!! 進度神速!!!

 

by 笨豬小慧