簡單就是愛 - 笨豬小慧simple's blog

上星期一6月21日是我的生日，慶祝活動一浪接一浪，一連五天，開心到飛起!!

6月10日 - 提早和家人剧扒慶祝

花園餐廳食咗咁多年都仲係咁好味

6月18日 - 和之前讀design的朋友仔dinner(多謝泡泡做攪手)

石硤尾南山邨的品香樓，又平又好味

叫到一枱都係食物，好誇張呀~

大家連生日蛋糕都準備埋，真係好感動

COVA的芒果cheese cake，yummy

大家送的禮物好有心思呀~~~好多謝啊~~~
(對拖鞋我隔日游水就用咗了)

6月19日 - 和男友去日航酒店食tea buffet

以為佢咩都無準備，嬲嬲地之際，佢竟然記得我之前提過想食buffet，仲book埋位。HAHA，算佢啦。

食咗好多甜品，大滿足~~~

拍咗十幾年拖都無係呢個咁經典的噴水池影合照，依家影番都唔算遲je。

6月21日 - 本來諗住前日慶祝咗，我又因為公司有客到唔可以請假，都係是是旦旦回家食糖水算，無諗過男友會帶我去cafe食dinner，過了一個浪漫悠閒的晚上

有種「家」的感覺的decoration，真係好relax!!

我又出飲野照，哈哈

佢送的禮物，雖然唔係咩貴野又無事先準備，不過都好開心(起碼唔係送d我唔鐘意的野)

6月22日 - 和中學同學食生日飯

呢班fd識咗十幾年，大家仲可以成日出0黎gathering，關係仲keep到咁好，真係好難得。
(圖後補, 唔記得upload)

my little comment：

今年的生日真係好開心，好難忘，可以同一大班好朋友慶祝，真心希望將來大家結咗婚生埋仔之後，仲可以keep contact!! 最感動是，每一刻都有「佢」相伴，否則，生日再多朋友幫我慶祝，都會變得不完滿!!

我好記得佢係我生日講得最多的說話：「生日的人唔洗帶錢出街0既。」真係型到爆呀~~~

呢篇算係分享文啦~~~多謝大家不嫌我無聊，click入0黎八吓我的生活。haha~~

尋日一如以往主人在樓下等我，然後我們手牽手的漫步回他家。

我收到他的電話說：「到了，我在公園等你。上次說的輕鬆熊扭蛋我幫你扭到了，等一下給你。」我們都超愛輕鬆熊，太可愛了。雖然這一兩天腰痛死，不過想見他嘛，就乖乖的落樓找他。

一到埗主人叫我坐下，拿出輕鬆熊出來，看到它在扭蛋裡很擠迫的樣子(好得意)，打開之後因為膠袋綑太多膠紙了，我又拆不開，他就幫我拆。因為輕鬆熊的樣子太可愛了，我忍不住拿在手把玩了好幾回，主人突然跟我說：「妳沒發現什麼特別的嗎？」我還未來得及思考，主人就在輕鬆熊身上拿出一樣東西，另一隻手拿著一束親手摺的玫瑰花，然後向我下跪，「請嫁俾我好嗎？」我定晴地看著他，原來是求婚介指，那一刻我只懂"O咀"他再說：「我會照顧你，錫你多D。」個一刻我才醒一醒，笑住跟他說「好。」，接過花的那一刻，差點感動得流眼淚啦。

共有13朵手摺的玫瑰，主人的手實在太巧了(我是摺紙白痴)。介指就是藏在輕鬆熊和蛋糕中間的隙縫，我竟然一點也看不到，真的有夠笨

介指是我上次陪媽咪買耳環的時候看中的款式，他竟然秘密地在前天就購好了，前兩天通電話卻一點都無提及，收得咁埋0既。

真係好閃好閃呀~~~望入去好似萬花筒咁好靚ga我叫佢做好閃好閃令(另一隻細d係閃閃令)

戴的時候真係要好小心，唔好整唔見整爛呀(我真係好論盡)

本來以為主人會係幾日後的紀念日先同我求婚的，之前明示暗示他，佢都懶懶閒咁，等我打定輸數紀念日都未必會有求婚時，主人就突然玩surprise，見佢個樣咁認真，真係好感動，原來佢諗咗好多唔同的求婚版本，連台詞都諗咗好多，但有好多因為見到我個"O咀"樣而暗笑到唔記得晒了(唉，點解我由頭到尾都係咁蠢蠢呢)。

多謝主人的寵愛呀豬仔我會努力的!!

by 笨豬小慧

由於某人的粗心大意，我原以為今年是我首個lonely valentine，所以患上了「情人節綜合症」，病徵為憫憎、發火、扭計。某人見症狀嚴重，再唔做D野的話肯定死無全屍，最後也是乖乖地申請調更，嘻嘻，我立即變番做隻溫純的小貓。

之前因為心情唔好，大家都沒有好好的計劃當天的行程，又沒有給對方買禮物。不過一個沒有花沒有交換禮物的情人節也可以很開心啦。雖然也是普通的行街睇戲食飯，但就是跟他一起過，再普通的節目都變得甜蜜。

梨花園的人參雞湯是我們的至愛美食，新嚐的泡菜炒年糕也好好味。雖然在citisuper的foodcourt「撐枱腳」毫不浪漫，不過總比貴夾唔飽兼一肚氣的餐廳好上很多倍。

見到呢盒士多啤梨白朱古力就忍唔住買0左，入面是原粒的士多啤梨乾，酸酸地，和甜甜的白朱古力好夾。YUMMY~

今年真係超簡單地渡過，但我一樣開心到飛起，難度我是「易氹的女人」？