2011年8月27日(六)
好緊張好緊張，今日就是小小小豬欄開始有傢俬的日子。
今日約好送：(1)雪櫃、(2)洗衣機、(3)紅櫻桃的訂製傢俬
放工即刻仆番新居，又好黑仔咁搭咗架壞的巴士，全程蟻躝咁慢，最後仲要係鑽石山跪底咗=.="，攪到我用咗1.5hr先返到新居，氣!!!!
不過趕都無用，d傢俬電器等到4pm才陸陸續續送到，難為早到的未來老爺等到變化石了。
雪櫃的size真係預得啱啱好，用盡晒呢個唔夠2呎闊x5呎半高的狹小空間，勁!!!
但剪綵後，發現漏送保養證，唉
.....又要打去DSC追追了
紅櫻桃亦送咗傢俬組件嚟，total有37件!!!
堆滿晒成個飯廳了~~~
明天早上師傅上嚟安裝，期待ing。
等等等到6pm，洗衣機都未見影，頂，放飛機!!!!
有冇攪錯ga!!加埋個雪櫃的手尾，DSC的service真係好唔得咁，唉
希望之後送嚟的野唔會咁多甩漏啦。
by笨豬小慧simple
全站熱搜
留言列表
笨慧廚房 (3)
