前日終於完成了我們的第3輯婚照，yeah!!!!^0^v
超多謝好友Derek和佢女友Gina，朝10晚10咁陪我地玩咗成日!!! 辛苦晒了。
天色雖然灰矇矇+雨粉粉，好彩唔熱，仲有陣陣微風，超怕熱的主人著住full gear拍照都無熱到變黑面神。
尋晚執野執得太耐，夜瞓，早上唔知醒，妝都未化就先去樓下M記食早餐，食完就地畫埋d眼耳口鼻，咁就攪到10:30am才正式出發，比預定遲咗(I am sorry)。
第一站：大埔火車博物館
我穿上了早前係美芝買來的懷舊恤衫和半截裙，再加埋冬菇蔭和頭箍，真係好有feel呀~~^口^主人就穿了綠色恤衫和吊腳西褲，但佢死都唔肯set個撻頭，仲話「個頭扁晒，影完都唔會揀」，哼，激死!!! 好彩幅黑框眼鏡俾番少少文人氣質佢咋。
星期六的早上都唔算太多遊人，都算影得順利。但我地係車箱影咗幾張之後，就俾「食蕉」驅趕‧︵‧(最衰之前個條大學生啦，寫明唔影得畢業相，佢仲要扮文盲走埋去影，攪到我地俾人昅實晒)，於是就轉陣影車卡外面，再係路軌影吓d拖手相，間中陽光走出嚟同我地玩吓遊戲，都唔錯呀~~~
影到中午真係太曬，好熱，轉地方!
第二站：我們的母校
影呢part我真係好期待，仲要著住校服影，真係好正呀~~~
(特別鳴謝借出校服裙的伴娘Tammy和借出灰色西褲的妹夫)
我個校服look，哈哈，無嚇親大家嘛？都仲幾可亂真卦，wakakakaka
計劃之中係想入課室影相，但我地過咗1pm才到達，校務處d人放晒工了，幸好李sir突然殺出打救(唔知點解佢會知我地今日返嚟影相，仲要係操場挖到我地)，成功入到1A班房影影影，呢個係我地初相識的地方呀~~入到去影好開心
!!
影到3pm其實都肚餓了，但貪心的我想換婚紗影，多謝Derek、Gina、主人捱住餓，完成我呢個要求!!
自己一手一腳襯衫、化妝、set頭，幸好效果都唔太差啦~
主人的短褲西裝look，清涼方便，唔會黑面。
件淘寶婚紗呀~~~著起都ok，主人仲話唔似cheap野，wakaka
校工嬸嬸、同學仔見到我地著晒婚紗禮服，個個都眼望望咁，不過我地都唔理咁多，爭取時間繼續影影影!!
呢個高抄shot係我要求，出嚟效果唔錯啊~~~
影影吓天色開始暗，好似想落大雨咁，所以我地收隊，去食tea!!
第三站：廣福邨
呢個景點係Derek要求拍的，佢話井型公屋拍出來好有味道，又try吓。出嚟D相真係好驚喜!!! 無諗過配合埋打燈，影出嚟會咁型!!! Derek仲要瞓係個勁多垃圾的地下低抄我地，真係為藝術而犧牲咗.................件衫。(掌聲
)
因為走廊好窄，Gina無法幫我地打燈之餘又唔入鏡，所以打燈由主人負責，呢舊野都幾好玩ga。
影咗一大輪之後，就先打道回府，換衫去影夜景。
第四站：大埔海濱公園
原本呢度諗住影下午，影吓花花、草地、黃昏，但因為天氣麻麻，Derek覺得無藍天白雲影起唔靚，所以就改影夜景了。
回歸塔當然係必影啦~~現場仲見到另一pair人影緊(我估係俾錢的)
一直唔覺得回歸塔有咩靚，晚上遠睇佢真係好似舊米田共，但係Derek的鏡頭下，又型咗，主人仲不其然chok埋professor king個樣出嚟tim~
著住件露背晚裝影真係有d凍，加上公園大風，我起晒雞皮。
影影影到9pm，起錨，dinner!!!
去咗富善打邊爐，但太累，好快就飽。
Gina & Derek，多謝你地呀~~~辛苦晒^^
後感：
第一次覺得影婚紗相都可以咁好玩，可能大家係friend，講幾句就會明；可能大家都抱住「試吓啦」的心態，各方面都唔會有太多要求，反而仲有驚喜。主人話，終於唔洗好似木頭公仔咁俾人扭嚟扭去擺pose，笑容都自然番晒。而我好開心影到好多之前的pre-wedding無影的style，滿足晒~~
期待收相ing
(應該好快有，Derek已經執好咗一半!!)
遲d應該會補影公園花花草草等，再度期啦~
by笨豬小慧simple
相關閱讀：
柴娃娃婚照 - 成型^^
懷舊look
留言列表
笨慧廚房 (3)
