呢個婚照之旅的油雞差d難產!!! 只怪我太懶，唔願執相
(主人負責打字，小慧負責圖片+remark，見粉紅字)
2011年4月11日(一)
自9號起差不多日日都要早起，今日都唔例外，要早起出發到普達措國家公園，所以又要主人早起身攪掂晒再叫小慧起身啦
。
由於今日就離開香格里拉o家啦，所以離開房間時要收拾好行李。到酒店餐廳時，差不多全部人都已經食緊lu，我地唯有快快手咁食啦。
不過一定唔駛好多時間去食，因為有番過去大陸o既人就知，內地酒店o既早餐，點都唔會好食~~~只求溫飽。
(超簡陋的早餐
，仲要主力係d澱粉質食物如炒麵、稀飯、饅頭，食咗少少就算了)
8:50am左右就出發啦，到普達措之前，我地先去一間店舖，比有需要o既人購買高山用品。店內有賣的包括有： 朱古力、氧氣瓶、水、雪褸、手套等等，價錢好明顯係貴的 >.<"。由於得知普達措公園入到去都已經海跋3600m，而去到最高o既地方會有成海跋4100幾m，我o地都係買定一支細的氧氣旁身好dee(麗江都不過得海跋2200m左右，我o係古城上萬古樓o既時候都覺得開始有dee高山反應，sudden上幾級樓梯都有dee心跳加速。今次去到最高比麗江高出一倍，唔驚就假啦
)。至於衫果方面，我地早有準備，帶左薄羽絨打底 ^^，所以唔駛租褸。
(上山的路上，同行一位跟我們差唔多年紀的團友已經要用氧氣，但我地一d唔舒服的feeling都無呀~~~真係好叻啊
!! 而領隊小煒哥亦不斷同大家講野傾計，因為瞓著咗會更易有高山反應。)
返回車上立即著番自己帶去的保暖套裝，皮褸入面著晒羽絨打底，又戴埋手套，戰鬥格咁去普達措公園了。
香格里拉早上o既溫度比麗江低得多，車子繼續向普達措方向駛去時，明顯溫度都開始下降(車窗開始有霞氣)，但其實報團時係唔知普達措公園係咁高海拔同咁凍o家 >.<"。(好彩有帶定衫)
坐咗2小時車，終於到咗普達措公園了。
見到遠處山邊的小河.......係結左冰o家!!! (我估得番0至-1度) 但我o地好興奮啊~~~仲係度玩噴煙
。
小煒哥講解大家可以選擇步行部份棧道遊覽或是全程坐入面o既觀光車遊普達措公園。初嚟報到都無咩諗頭，就跟大隊上咗觀光車，每架車都有導賞人員作詳盡講解。原來遊覽普達措公園共分3條棧道，每條長度不一，可自行選擇落車走還是繼續乘車。要留意o既係不可走回頭路，所以唔落車就有可能錯過了某些景色。
第一站的景觀是「屬都湖」，全長約2km，行程大約1.5小時。大家都覺得距離唔算長，竟然全部團友都落車行!!! (我o地呢團人真係好團結)
落車行左唔夠2分鐘~~~~~~已經知道我地冇選擇錯誤，景色可以講o係我地見過最靚o既地方。
天邊有白雲流過，金光照射在湖上，山尖有雪白蓋頂，山腰是茂盛木林，剛好全倒影在湖上；同行o既楊生話靚到好似阿爾卑斯山一樣
。(我覺得自己睇緊《飄零燕》的實景!!)
由於早上氣溫應該只得0至-1度左右，在棧道兩旁，有好多結霜o既植物。仲有好多唔怕人o既松鼠仔 ^^
全部草都結霜了，湖水又有一層薄薄的冰，又見到好多高原植物，感覺好似一個冰封了的世外桃園，真係好靚好有詩意呀
~~~
呢度d杉樹又高又粗，兩個人都攬唔晒(後面隻手係掂唔到o家)
我地仲跑到冰雪上影相。(我一見到呢片雪地就好興奮，9秒9跑去話要影，跑完先記得自己係一個海跋3600m的地方啊~~好彩無咩事jar)
雪山呀~~~真係好宏偉啊
~~~一路行一路情不先禁要望實佢
呢度d路鋪到好靚，拉直晒，唔洗走上走落，好好行ga~~一級世界自然景觀的保育果然唔同d。
又慢慢行又影吓相，最後1.5hr的行程卻花了2hr。快快上番觀光車，去下一站的景觀「大牧場」。
其實只係落一落車，遠觀牧場而已，而且到現在為止，一個藏民都見唔到呀~~~反而馬牛羊就見唔少(大大話話都見了過百隻)，小煒哥真係講得無錯，香格里拉係一個牛羊馬豬都比人多的地方，究竟呢d馬牛羊有冇人打理o既呢?? 而小慧不停咁講毛毛牛呀~~~好得意呀~~~好想摸呀~~~
睇完5分鐘，我地又上番車，向下一站「碧塔海」出發喇。
係車上面，導賞人員建議3個遊覽碧塔海的方法：方法(1) - 步行4小時(全長7km)，呢個我o地都想(唔係買定支氧氣為乜)，可惜我o地要12:30pm前回到落車的地方，行完屬都湖已經10am，一定唔夠時間；方法(2) - 步行1小時，然後俾RMB50坐小船，再步行1小時，呢個方法時間上都算可行，但坐船係無景可以睇，仲要俾RMB50，搵笨
；方法(3) - 坐觀光車在碧塔海外圍撓圈行，旅程只需1小時，既舒適又快捷。基於我o地時間唔多，所以選了方法(3)了。其實導賞員都想我地留係車，因為咁樣先睇到最靚的碧塔海。
呢度就係碧塔海喇~~~同門票的照片一樣的景色啊~~導賞員仲話如果6月嚟，周圍開晒花，仲靚呀~~~
但我覺得同船灣的遠景好似樣，無咩驚喜。
當我地欣賞緊碧塔海的同時，我o地已經過咗我o地的人生最高點 - 海跋4100m!!!!
係上山的時候，我有DD高山反應，突然有d頭痛，仲好眼瞓，好彩食粒朱古力後好好多了
睇完碧塔海，我o地就開始落山，去番今早落車的停車場。
中途有段小插曲，令我同小慧係有少少掃興。同車有一大班相信係「湖南幫」的內地遊客，lee班友大吵大鬧嘈嘈貢(仲要大聲鬧個司機播歌太大聲，佢地講野的聲浪連導賞員用埋咪我都聽唔清楚佢嗡乜)，加上o係車內周圍郁成日差dee撞到人已經好礙眼(係行屬都湖的時候，佢地都係我地後面，一路行一路食煙，已經有晒notice寫明唔俾食煙都要照食，食少陣會死咩!! d煙頭仲要周圍丟!!! 高原氣候好乾燥ga，咁樣真係好易一把火燒晒成個公園，真係好無品呀~~~無文化!!) 導賞員叫咗係車最好只係飲飲水、食粒糖，佢地就好似開大食會咁，又食雞腳又食蘋果，仲將垃圾亂掉出車外(頂!!! 人地係國家級公園，佢地真係一dee公民責任都冇，咁黎對待自己國家o既一級資產。)，之後咪出事law。山路多彎又窄，車速又快，司機揸到好似頭文字D咁，我地lee dee訓練有數，搭慣亡命小巴飛山路番大埔，當然無事喇，d湖南幫就唔掂，行咗幾個彎位，有人即刻頂唔順，係咁嘔番dee大食會物資出黎。(頂!!! 攪到架車好臭) 仲有同鄉大聲呼喝司機，鬧人地開得太快太急，又唔諗下自己係咁食，實獲利回吐啦，人地日日都係咁揸o家啦，又唔見我地有事...........
落車後真係急急腳走，務求遠離呢班「生番」。
見有時間，我地行多一陣碧塔海周圍的棧道，就上車回去今早落車的停車場了。正式遊完普達措公園，真係唔捨得走呀~~~
離開普達措之後，我地又番去酒店食午餐(初時見佢好似揀第二間酒店o家，不過好似冇位 >.<")
又係好多碟野，一湯，八餸，白飯任裝。果然係酒店，水準高好多，好好味，好食過第一日o係山邊食果餐多多聲。
食飽飽，都係時候同美麗o既香格里拉講再見啦
。雖然香格里拉已經唔係一個樸素o既小鎮，佢同麗江一樣，已經慢慢被「建立」成為一個旅遊重點，但依然美麗及有特色。我好開心今次選擇去香格里拉而非玉龍雪山，因為我相信下次再到香格里拉，又不知有多少個原始的美麗被改頭換面或增加美化(商業化)。反之雪山賣點就是冰雪，人類想改變也不是一朝一夕的事。被喻為「世外桃園」o既香格里拉，我地總算到過一次了 。
4個小時的車程之後，我地終於番到去大研古城，o係阿拉丁拎番全部行李之後，我地同團友chirs &阿玲就跟阿苗及超群去閱古樓視察一下，因為要快快決定今晚o既落腳點。
上閱古樓之路要上梯級同石仔路，加上小慧有些不適，初時真係有dee辛苦。去到o既時候發現主樓的RMB198 o既房間已經冇啦，要去別院個邊先有房，但另一邊o係更高o既地方，行上行落好辛苦，行番落去主樓都要5min，行出大街就更耐了，而且無其他人住，又無設施(canteen、receiption等全都係主樓)，又多蚊，所以本身已經打算唔住o家啦。就o係我地想拎行李去o既時候，佢話帶我地去睇下RMB298 dee房，並且可以平RMB100租俾我地
。
入去一睇，係智能馬桶有暖氣板，房間照明光猛，熱水差不多即開即有，有保濕噴霧器(見到呢樣野我好開心呀
，終於唔洗晚晚個鼻乾到痛醒)，送足浴，送早餐，送兩杯咖啡......crazy，早知道間房正咁多，又送咁多野，就RMB298都照殺(其實RMB298果間係有一張雙人床加一張單人床，for3人家庭ga~所以間房都ok夠大)。
閱古樓 - RMB198/晚，住2晚包接機、住4晚包接送機，或加RMB50一次接/送機。
每天送早餐，每次住宿送咖啡、足浴。
安頓好dee野之後，就同阿苗及超群去花馬街搵一間叫「太安洋芋雞」o既餐廳，係小煒哥介紹o既 ^^。
其實所謂o既「洋芋雞」，只係簡單o既薯仔雞煲，但係內地o既蔬菜同雞係超good的，同埋加上當地o既辣調味料，已經食到我地「lam lam脷」。
今晚有4個人齊食，除雞煲外叫左3支啤酒同2碟青菜，好飽滿呀
；終於可以食得開心之餘又唔駛剩咁多野啦^^。
洋芋雞 - RMB120
飯後阿苗就帶左我地落bar(平時都係我話要落bar多，今次黎到原本冇諗過會落酒吧，估唔到最後係被人邀請去左
，唔通個天都要去落bar
)。間bar就係我地間客棧落番大街路口果間「桃花島」啦
阿苗佢地之前去左order左枝紅酒，飲剩一半留左o係酒吧，今晚佢地就邀請我地一齊去飲埋佢^^。果度其實有舞池有表演又有DJ播歌，基本上同一間舊式及小型disco一樣。飲到咁上下，見d人湧出去舞池度跳舞，好多仲要係d西裝友+中女。
原來內地飲紅酒係勁貴o既(因為稅收好重，支紅酒的入口價幾多，稅就抽幾多，加埋舖頭成本利潤，緊係要賣得好貴啦)，佢地order的要成差要不多rmb600一枝，仲要係超雞o既紅酒(我諗同惠康賣緊$99支個d差唔多level)。而且佢地飲o既方法一定係會浪費左枝紅酒，就係會加冰同加一比一o既雪碧。(我見到咁樣溝紅酒飲真係O晒咀
)如果整枝靚野都係咁飲就真係比雷劈啦。
今晚大家傾左好多野，增長左對內地o既見聞，由於大家其實今日坐左大半日車都有dee累，飲埋dee酒就番客棧休息lu。(都叫做感受過麗江的夜生活啦~~~)
聽日應該會係買手信之日，終於可以遲dee先起身啦(主人終於唔駛再叫醒隻豬起身啦
)。
by醒目主人simpson & 笨豬小慧simple
不過出嚟效果好好啊~~好開心
但仍然仲差一套紅色的被套床笠。
咁急係DSC買咗床架呀~~佢d床架是1/3造抽屜、2/3是大的儲物空間，香港賣的只可任選其一，要不油壓、要不抽屜，但2合1咁樣整實用好多啊~~~依家我要煩唔夠抽屜用tim
.............你又唔即時出聲..........
依家睇吓度尺0個時講價得唔得啦.....(朋友話可以試吓喎)
我張單可以玩3次，最後贏咗............................1條紙巾!!!!
~~~
笨慧廚房 (3)
