簡單就是愛 - 笨豬小慧simple's blog

多謝好姊妹Gaily，我係咁易講過一句「想要一個天鵝的wedding logo」，你竟然幫我design咗，我好鐘意呀

trendy & elegant & bling bling

用咗我地英文名頭3個字母造皇冠，係呀~~我地個英文名頭4個字母係一樣ga~

我會用佢整一系列wedding stationary，大家拭目以待!!!

愛C你，Gaily

by笨豬小慧simple

PS：Gaily依家都freelance整graphice design，如果大家有興趣design一個獨一無異的wedding logo，私留我俾contact你地^^

煩惱咗幾個月，終於settle down主人的男禮，yeah(/^0^\)

決定租DECISION!!!
(相關文章：尋找男禮(4) - DECISION@百利(confirmed) )

confirm咗一灰一黑，最後都係無揀白色男禮=p

***我不想在其他地方見到我的相片啊，尊重他人，請勿擅自轉載，謝謝***

早上接新娘+下午行禮，著灰色英式燕尾

試咗咁多間，對比日式燕尾，主人都係著英式燕尾型仔d

呢件係DECISION的大熱款式，瘦瘦仔主人要著S碼，不幸地同人撞咗期，sales阿姐主動提議佢地造多套S碼租俾我地，而背心造XS碼，唔加錢 !!!佢真係好好人呀~~~

晚宴，著bling bling珠片平腳西裝

呢款珠片西裝，主人上次係另一間店見到已經鐘意到死，佢見到DECISION都有，已經細細聲同我講想confirm租呢間了。

sales阿姐見佢咁鐘意又咁夠薑著，仲主動平俾我地!! 只此一件M碼，又啱身喎，睇嚟都係走唔甩要租呢件。

終於confirm咗男禮，鬆晒而且兩套加埋只需$2000多少少，超值呀~~~兩套的價錢都租唔到一套VA啊~~~

但，難得我搵到晒材料DIY主人的男禮，我又心思思想整呀~~~點算呀~~~

by笨豬小慧simple

2011年6月10日(五)

約咗朋友在尖咀唱K，見未夠鐘，再同主人去多次百利睇男禮，上次睇漏咗一間。

地址：百利商業中心地下4-6號舖 (唔洗入商場裡面，係外面的)
TEL：27309892
網址：http://www.decision.com.hk

我上網搵男禮inspiration時無意中搵到呢間DECISION，有位貪靚新郎哥著過，網上評價都唔錯，即管去八吓。

不過間店都幾難搵，門口唔係當眼處，我行咗百利咁多次都無留意有呢間男禮店。

一嚟度，主人見到d衫係誇張款式，又bling bling又playful，已經眼前一亮

本來想問訂造，點知百利呢間專做外租，佐敦旗艦店先有訂造，租仲啱我地需要啦~

主人急不及待試衫，仲試咗好多件，以下係其中一d：(相片來源：DECISION官網)

首先試咗呢件黑色日式燕尾，好grand，著得主人好英氣

呢件白色日式燕尾都有試，條領有好多珠片咖，不過當時啱身個件出咗街，所以感覺上無咁好睇了。

呢間都有上次主人睇中的珠片西裝，佢一見到已經眼甘甘，好想試。

sales阿姐好殷勤，係咁入倉摷件啱size的俾主人試，又幫主人襯咗好多件背心和bow呔，主人見到自己咁型仔，都唔知幾開心。

我就同sales阿姐傾到雞啄唔斷，大家都係行內人，一講時裝真係講到唔停到口，傾吓傾吓先知間店D呔係sales阿姐的DIY呀~~勁!! 而店內的衫就係佢家姐的design。

除咗褲長袖長之外，sales阿姐仲話幫主人收一收西裝的腰位，貼身d好睇d，真係出面的男禮唔會幫你改腰啦。

價錢都好實惠 - 平腳禮服$1099/套、燕尾禮服$1299/套，一套包括西裝、長褲、背心、呔，恤衫另加$380買走(只提供現貨尺碼)

依家做緊promotion，7月30日前落訂，租一套9折，租2套85折，租3套8折，2套以上再送一條呔。

款式、質數、價錢、服務，真係啱晒我地的要求，所以決定租DECISION了。

唉，枉我今日行深水埗行到腳軟，終於搵到d啱用的材料DIY主人的男禮，依家可以慳番囉

為咗留有一點神秘感，主人confirm的款我private post了，唔介意佢chok到嘔的樣，可以私留我add你。(只限有blog有相有內容的B2B)

BY笨豬小慧SIMPLE

係時候開始攪攪張帖。

book酒席個時都約略睇過張帖係咩樣，都係standard中式紅色帖，正正常常，我地都想用番。

但酒樓轉咗名，我地都估舊款個隻帖應該唔會再用，點知係新不如舊=.="

暗紅色的信封，入面就咁一張印滿字的白色珍珠紙單卡.......酒樓個logo仲大過我地個名=.="

一d喜慶的feel都無!! 咁差的design，真係第一次見。

即係，帖，我地要自己攪過晒，唉

by笨豬小慧simple

PS：多謝blogger準江太提醒，譽宴的帖是JOY'S CARD提供，如果揀其他款的話，可以當HK$2@ refund。

夏天一到，陽光出來同我玩遊戲，肌膚VS紫外線的漫長戰爭又開始了。

戶外日曬，加上室內冷氣，肌膚變得乾燥、粗糙、暗啞。

body lotion我每天早晚都塗，夏天更要選滋潤卻不痴笠笠的產品。

小時候開始就塗強生的body lotion，以前接觸的強生潤膚露都是Johnson's baby呢條line，現在終於有專為女性而設的強生美肌Johnson's body care潤膚露了，太好啦~~

強生 海洋活氧保濕露 Johndon's Oxygen Fresh 400mL/$42

含深海礦物質和水潤精華，即時補充肌膚水份，24小時長效保濕，配合天然海澡精華，實驗證明幫助肌膚細胞有奕吸收活氧，令肌膚豐盈飽滿。獨特水凝質感，清爽無油，快速吸收不黏膩，令肌膚時刻感受海洋般的清新水嫩。

使用方法：取適量保濕露輕柔塗抹全身。

唧出來是半透明的奶白色乳液，而且充滿香氣

水水的質地，非常易塗勻，吸收又快，用後沒有痴笠笠的不快感。

使用了7天，皮膚都變得水潤潤了。

手臂上乾燥的三角肌紋都變得平滑了，粗糙感也減少了。

最喜歡強生 海洋活氧保濕露的香氣!! 真係好fresh好relax!! 好似將自己帶到海灘，飄浮在水中，享受著大自然的悠閒一樣!!

尤其晚上使用，有助入睡，發個夢都甜D!!

因為搵極香港的男禮都唔啱心水，我地又重新考慮北上造西裝的可能性。

其實2年前我都幫過朋友design男禮，仲拎咗返大陸造，手工用料都好好，價錢比香港平成千蚊，簡直係平靚正之選。

上海辰發洋服
地址：深圳羅湖商業城5樓電器城服裝加工部77號(江樺菜館旁)
TEL：+86 13823126926
聯絡人：朱太/朱先生

朋友想要一件似軍裝的燕尾男禮，又係因為坊間無呢d款，搵我幫手design。

先畫設計草圖，我拎住呢張圖俾上海辰發洋行照做，做起都有99%似。

佢地又好快手，第一次上去俾design圖加揀料度身；兩星期後已經call我地可以fitting，fitting個時佢地已經造好咗大半件西裝，會要你著上身試吓，有邊度鬆咗佢地再收，會用大頭針釘好，呢d就係上海師傳的度身訂造，唔係搵個SML紙樣再求其改少少就俾你；第3次上去(再一星期後)，件衫已經造好，last fit無問題就可以俾埋尾數拎走。前前後後都係用咗3個星期，真係快手到無朋友呀~

不過我地揀星期六日上去，都幾多人，等位起碼等1小時。

制成品

好fit身，跟圖有99%似咖~~~~

d皮唧邊係我提供的，都車得好好

連工包料，RMB900**!!!(我地用咗2隻料，灰色主料+黑色料綑邊)
如果普通平腳西裝，大約RMB500**左右一套suit

成品!!! 我換咗d鈕，仲加多條軍繩在左肩

呢件衫一出，朋友的同門師兄弟都力讚!!! 就係因為咁，主人一心都想我幫佢design男禮，等佢可以好威好型咁做一日男主角!!

要我design一件唔係問題，我其實都有大概的idea，不過搵唔搵到布料真係一個難關，因為上海辰發洋行同祥興的case一樣，只提供大路的西裝布料和少量色丁料，我怕一樣無主人想要又令又閃的布料。

明天去深水埗一轉，希望搵到我想要嘅野啦。

by笨豬小慧simple

**以上價格只供參考，因為已經是2年前的價，如有加幅，實可見諒，請與店員磋商確定。

2011年6月2日(四)

再接再厲搵男禮。特別鳴謝Germanthea賞面同行，提供專業意見。

地址：百利1樓28號舖
TEL：31880627

見到門口個2件幾好睇，入去睇吓。

約$1880/suit(西裝+長褲)，度身訂造，可另加$4XX訂造恤衫

手工麻麻地，後背、袖山位置做得唔太好，有少少谷起。D款太casual，好多都似主人平日的出街西裝。有閃閃布和絲絨布，布料選擇似乎多D。

地址：百利1樓11號舖
TEL：23170883

上次同mc win和查理斯行咗百利一圈，佢地覺得呢間D衫好啱主人style，加上blogger小BeeBee推介，一定要帶主人睇一睇。

約$1700~$1800/suit(平腳西裝+長褲)，燕尾+$200，度身訂造店內款式，可改布料，也可來樣訂造(不加費)，自來布料可減$300，恤衫+$399

現貨款度身造+$200

呢件平腳西裝$9XX，由於現有size都偏大(主人太瘦了)，一定要度身訂造，咁睇落呢款total$12XX有套男禮，都幾抵呀~~可惜呢款無得轉白色，只有如衫辦的銀灰色。

手工cutting都唔錯，款式都好modern好型仔，衰在唔係個個款都可以轉布料，變咗款式選擇上有局限。或者我自來布料和自來款就造乜都得，但咁樣又變得有少少out budget。不過D accessory真係幾靚ga~~~啱晒主人呢d貪靚仔。

地址：百利1樓93號
TEL：27369998

經過轉角位的window display，d衫又係型兼閃，所以去埋呢間睇睇。

主人睇中咗2款，一款係黑色珠片平腳西裝，$1800/suit；另一套係閃石領日式燕尾，$2000/suit，所有款都可以轉布料。訂造西裝可以8折訂造恤衫、配件，恤衫+$320，配件(背心+bow呔)+$480。

呢間D款和Vantage的都差唔多，價錢都係咁上下，不過呢間咩布料都可以轉做，比較flexible，但d手工就無Vantage咁好。

睇完3間之後，主人睇中咗M-ZONE的珠片西裝(真係唔浮誇個件佢都唔揀=.=")，另外白色個件就想造好令面的質地，但貪心的佢又想d西裝將來著得番..............咁好難咖喎，又閃又令咁，平日點著呀~~~

而且主人一心我會幫design，唉..........搵唔搵到布造又係一個難題。

同埋，男禮真係好貴........

by笨豬小慧simple

上上個星期已經收到相版了，太懶的我依家先upload上blog。

***我不想在其他地方見到我的相片啊，尊重他人，請勿擅自轉載，謝謝***

我諗呢張會做封面

懷舊嘛??

愛在校園時

呢張係我要求的高抄相，PS之後效果好good呀~

呢個effect真係好靚，無諗過屋邨都可以咁有mood

揪住個拖尾跳，真係好辛苦呀~~幾驚落地個下踩到件婚紗，跟住會..........

我地爆chok呀~~~

影完睇play back已經覺得好正!! 經Derek調色後，真係好掂呀~~~做到我地要的型mood!! 同之前影個2輯相感覺好唔同。好鐘意

如果大家有興趣找我呢位朋友(佢係攝影發燒友)影pre-wedding，可以私留我，佢真係影得好好，誠意推介俾大家

by笨豬小慧simple

2011年6月3日(五)

今次add hot約去打邊爐，mc win推介上水麗都讌客，好味又抵食呀~~任飲任食，位位只是$110!!

唔洗加錢都有蕃茄、醉雞湯底，yeah~~

啤酒都係任飲，咁高興當然要啤一啤佢

一 枱到係，食到好飽呀~~

全晚G都不停花家姐上身，爆出連串笑話，笑到肚痛，仲已經成為大家的金句!!

"直係好唔簡單喎"

"我處理唔到呀~~~"

下星期六就去雀家開DIY大會，我要plan吓整d乜了，仲要去買材料

by笨豬小慧simple

一拖再拖，終於"的"起心肝完成咗我們的wedding logo。

我的main idea就係「天鵝」!!! 但2個「S」字真係好難排呀~~~諗爆頭>~~<

#1佳麗

將天鵝化成我們英文名第一個字母 - S

#2佳麗

將天鵝對稱拍埋，變成心心

#3佳麗

以「S squard」為概念，再加上天鵝，畫完手稿覺得幾好睇，但畫完AI後，好似太卡通了

#4佳麗

將#2改良，拉番個名出嚟

大家覺得邊個好D?? 俾D意見。

BY笨豬小慧SIMPLE