簡單就是愛 - 笨豬小慧simple's blog

上個月試妝時沒有試婚紗晚裝頭，所以Kaka再約我試髮型。(多謝Kaka send番d相俾我)

我幾鐘意呢個髮型呀~~~

皇冠襯我嗎？

另一款褂頭，都唔錯啊

Kaka提我，大日子前一個月剪下頭髮，但不要剪得太碎和太短，最短都要有肩以下2~3寸長，也建議我染深啡色的頭髮，梳起的髮型就唔會太刻板，更有層次感。

by笨豬小慧Simple

其實係復活節長假期的時候買的，現在先得閒寫。

3/4/2010

個日無無聊聊食完lunch係區內商場行吓，見到2%開倉大減價，低至2折，買野精主人緊係唔執輸，殺入舖頭敗家啦。

係主人試衫試得好開心的時候，笨小慧係白恤衫堆中搵到呢件筍野：

前面有好多摺摺，最重要係標準的禮服領，而唔係普通的恤衫領。

最最最令我心動的係價錢!!!大家估吓呢件恤衫要幾多錢??

‧

‧

‧

‧

‧

‧

‧

‧

只需   HK$80  !!!!!!!!!!!!!!!!

平到笑呀~~~我相信賣男禮最平的荷里活購物中心都做唔到呢個價錢，而且唔係焗身0既的確涼質料，而係舒服又索汗的全棉質料。(0岩晒大汗的主人)

精明的小慧見到立即雙眼發光，死拿住唔放手!!!因為全場得番呢一件jar

但是，大碼喎，瘦削的主人0岩0岩著呢??忐忑的小慧攞俾主人fitting，好好彩，好0岩身呀~~~~唔通主人最近又大隻咗?(仲要多謝"副轆"神的庇祐)

呢件平平地，好0岩買去影婚紗相用，污糟咗都唔肉赤嘛。

呵呵。執到筍野，好開心呀~~~突然間覺得自己好有「做人老婆」的感覺，嘻嘻

BY笨豬小慧

又0黎飯局，真係緊張到死。不過食埋呢餐之後，都可以安安樂樂喇

因為我地擺酒的6樓西式廳唔開放做晚市，所以今餐又係4樓中式廳食，發現換咗新地毯喎(不過仲係紅當當好暗咁.............主人話似地府.......大吉利是咩)

今餐叫咗個4人晚餐再加D小菜，仲加咗$20將個例湯改做冬瓜盅，唔知係唔係落單的係新人，打單無寫冬瓜盅，於是0黎咗個例湯，大家掛住傾計又無留意，到個waitress分好晒一碗碗之後，我先留意到，就問佢：「點解無冬瓜0既?(我個時以為佢無篳到jar)」，點知另轉頭就見到個冬瓜盅擺咗係我地後面張枱。0黎咗2個湯喎，問個waitress點算啦，佢無答我地，淨係度轉來轉去嘈個新人，鬧人點落單ga~~~又乜乜唔關我事。我地望住d湯又唔飲得，呆等咗5分鐘，經理終於理我地，我妹妹就問佢：「D湯都分好晒，不如送埋俾我地啦。」點知個經理即刻「黑面」，好惡咁in our face同個waitress講：「收走晒d湯！」就好瀟灑咁走咗去。嘩，乜咁都得0既，係D客面前黑面喎，咩服務態度呀，sorry都無句呀~~~~之後都怕怕有咩都唔敢叫呢位「經理」。

唔知我地個晚會唔會有咁「精彩」的服務態度呢？我諗唔會卦，上次飲茶都好好ga，真係怕D家長有咩誤會唔滿意就閉。

好彩係家長們都傾到計，係初初個時有些少尷尬啦(加埋我地兩個又唔知講咩好)，河蟹萬歲！

食飽飽之後上咗去6樓睇多次場，因為未來6299未睇過，而且上次睇場有人擺緊酒，無睇到新娘房。

無開燈，影起好暗tim。有冇留意換咗地毯?

換咗紫色地毯，個色係match D0既，不過我like玫瑰花紋喎，依家變咗彩帶紋

連台的地毯都換咗淨色的紫色，good!!!之前仲諗洗唔洗買毛毛布蓋住，依家可以慳番。

新娘房已經擴大咗，但我仲嫌細，而且D裝飾好簡陋，好彩有獨立洗手間。但我唔記得問有冇夾萬。

妹妹試用完，機能正常!!!

牆上面有D勾掛衫，唔知到時夠唔夠擺呢??

出咗新娘房行落幾級有間房仔，可以做姊妹休息室，sales話到時會執走D雜物(希望佢會清潔吓啦)。間房仔出面就係後樓梯，保安方面要細心留意，俾二訂的時候要提一提酒樓個邊。

始創得彩福皇宴有專用電梯(成個始創有4間酒樓，擺酒個時一齊走都幾墟磡，個3間一定有排等"車立")，係彌敦道個入口一上就見到，但未來6299唔知，初時仲入錯"車立"，睇怕到時要係帖度提一提D賓客。

又攪掂一樣，YEAH!!!

BY 笨豬小慧

之前的場地相 - 按此

今次去百利除咗八吓D姊妹衫公司之外，仲去睇吓有冇公司肯接奶奶外母的化妝job。

(要求：只化晚宴妝+set頭，人數有奶奶、外母、姑仔共3人，target $300~$400/位，媽咪要求好好好高，要小心揀)

地址：百利地下39-40號舖
TEL：3580 8227
網址：www.wretch.cc/album/abbykwan

其實係因為舖入面擺滿閃閃發光的靚靚首飾先走咗入去，先知佢有做化妝job。宴會化妝+set頭收$300/位，外出到酒樓+$100/位，另收的士費，有3位化妝師供選擇。當時佢無相簿俾我睇，唔太知佢有冇化開媽媽級的客人，都係睇多幾間先。

地址：百利地下G56-57號舖
TEL：3188 1418
網址：http://hk.myblog.yahoo.com/kaka-group

又係俾入面的靚靚首飾吸咗入去八(佢有好多金器租賣)。宴會化妝+set頭收$350/位，$250/2位以上，4位以上免費上門。似乎0岩姊妹團化妝多D，不過我唔打算包姊妹團的化妝(佢地都識自己化)，所以要OUT了。

行遠少少見到Charming Image，0岩0岩睇婚嫁雜誌介紹佢的奶奶衫，又行埋去八吓。

Charming Image
地址：百利地下50, 67-69號舖
TEL：2424 6868
網址：www.cimage.com.hk

媽咪衫$880起，$1280是upgrade款，多數係訂珠的旗袍款，我怕唔係媽咪的taste(佢要求十分十分高)；反而新娘衫的套餐好抵，$3980包1WG+2EG+男禮or裙褂or伴娘裙，包首飾、手套、頭紗，拖尾WG+$500。不過試身要係店試，D人行過睇到晒(當時就有個女仔試緊衫)，我唔係咁鐘意，無晒私隱咁。係我裝裝吓個時，有sales走出來問我睇唔睇相簿，不過我趕時間，而且又未想咁快揀衫住，所以無睇就閃了。

好開心門口有show我最想要的潮褂，跟package租+$500，淨租$1000。不過我想DIY裙褂，偷影咗D相做參考先。

緻愛
地址：百利1樓39號舖
TEL：3175 8587
網址：http://hk.myblog.yahoo.com/showcarrie

睇門口的相簿都有少少媽咪妝的經驗，收費都相宜，外出價 - $250/位(1妝1頭)、$400/位(2妝2頭)。不過sales有D hard sell，我問完價就立即說我join，真係俾佢嚇一嚇，都係揀吓先啦。

Makeup Secret
地址：百利2樓4號舖
TEL：3105 9890
網址：www.makeup-secret.net

呢間係我另一位朋友學緊化妝的學校，原來佢間舖係百利，我都唔知呢。入到去見到有個女仔試緊妝，不過睇唔清楚，哈哈。價錢幾吸引，$250/位(1妝1頭，包假睫毛)，外出費$100(不計人數，多少人都係加$100，所以化得愈多人愈著數)不過即時無相簿睇佢地化的媽咪妝係點，所以都係諗吓罷。

中途都行過好多間化妝公司，不過好幾間都close了，唔知係唔係出咗job呢??拎咗catalogue就算了，所以唔係呢度詳細講啦~~~暫時仲未有一間好想幫襯，再搵吓吧，媽咪的「超高要求」真係壓力來源。

by 笨豬小慧

今日準時收工，約咗人去尖沙咀交收又未夠鐘，無無聊聊行吓百利，八吓D姊妹裙公司。

(要求：挺身的色丁料or滑身雪紡料，但唔要好鞋好焗身的cheap cheap Poly料，唔要mesh料，因為軟身易見到肚腩仔又似cheap野；low cut但有肩帶款，最好胸前有d摺摺design，裙擺要夠傘，唔要慳皮手工；target $300內)

地址：百利地下53,54,66號舖
TEL：2302 0231
網址：www.ange.com.hk

因為見到門口掛咗好多姊妹裙而入去望吓，仲見到李珊珊係度試緊衫。訂造姊妹衫頗貴，短裙連雪紡披肩 - $399(5條或以上價)，長裙加$100，貨期2個月。質地同款式好一般，OUT。

Joy Marry
地址：百利地下59號舖
TEL：2470 8899
網址：www.jmarry.com.hk

專做姊妹衫，門口有相簿睇，款式好多，質地都可以，價錢OK。短裙(不連披肩) - $300(半年前預約價)，長裙$400，雪紡披肩加$25，分S、M、L碼再修改。價錢、款式和質地可以接受，加入考慮之列。

Bridal Dream
地址：百利地下75-76號舖
TEL：2314 4966
網址：http://hk.myblog.yahoo.com/bridal.dreams

主力做禮服租借、攝錄服務和新娘化妝，都有接訂做姊妹裙。$298短裙、$480長裙(要先參加外租禮服+攝錄套餐)。有我想要的挺身但唔焗唔鞋的色丁料，不過手工麻麻，display條裙前中有D向上抽起，證明手工唔太好，又未係好抵，OUT。

Fanny Couture
地址：百利1樓68號舖
TEL：3151 7115
網址：http://hk.myblog.yahoo.com/fanny_couture

專做姊妹裙，款式好靚呀，可惜質地麻麻，係我唔鐘意的又鞋又焗的Poly色丁料，所以無問價錢就走lu。應該都會OUT。

Fancy Bridal
地址：百利2樓26-28號舖
TEL：2730 0823
網址：www.fancybridal.hk

呢間店百足咁多爪，pre-wedding、外租禮服、婚禮攝錄、新娘化妝、訂造禮服姊妹裙，差唔多乜都做。不過唔知係唔係太多瓣，姊妹裙款式好少(擺出0黎個D)，款同質地都幾好，仲係度身造tim，不過價錢唔算平，短裙$299~$499(我睇中的款都係$499)，長裙加$100，不包披肩。最衰係sales服務態度好差，入到0黎見我只問資料已經擺款藐我，介紹野俾我個時又勁悔氣，連卡片都唔主動俾我(最後自己係門口拎)，要blacklist佢呀!!!

Dressing
地址：百利2樓97號舖
TEL：3114 9944
網址：www.fotop.net/dressing

專做姊妹裙租造，價錢又一目了然，短裙$360、長裙$430(度身訂造，4~6條價)。質地幾好，不過手工麻麻，慳布，長裙裙擺唔夠傘，而且價錢out budget，OUT。

地址：百利2樓102號舖
TEL：6732 3710
網址：http://hk.myblog.yahoo.com/mesbridal

專做姊妹裙，款式都唔錯，質地中規中矩啦，最吸引係價錢，稱得上全場最平，短裙$199、長裙$269(不包披肩)，分XS~XL再修改，度身訂造加$100，可來樣訂造。咁的價錢，款同質地又OK的話，真係好抵呀~~嗯，但新開喎(開咗3個月jar)，會唔會好快做唔住執咗ga?(好似上年0個單咁)，都係諗吓先，加入考慮之列吧。

行晒3層就過咗2個鐘，腳都軟埋，中間仲搵咗d姊妹、奶奶外母化妝的公司，下次再講。

by 笨豬小慧

話咁快過咗一個月，整個進度表督促一下自己先。

今月進度：
最重要的酒樓、化妝、婚照已經定好晒啦~~~進度都唔錯，繼續努力!!!

最近收到兩個都幾攪鬼的消息。

我地同一個friend的BD撞期呀~~~佢係我男友的大學同學，睇怕到時大家要俾我地4個「快樂地撕開兩邊」(我男友的形容)

我地又同另一個friend用埋同一個場地擺酒，我朋友就早我一個月擺，班friend要同一個場食2餐tim，希望佢地唔好咁快食厭啦

撞場+撞期，都算係我地婚禮的小插曲

by 笨豬小慧

今日下午突然收到一個「無號碼」的電話，最近參加了某美容forum的試用活動，唔通抽中咗？滿心歡喜接通電話之後，聽到的竟然是普通話……

「你好，我是品果影像客服部打來的，請問你現在有空談一會嗎？」嘩發生什麼事了，要打個長途電話給我咁誇張!?(好貴喎)

原來品果收到我的email後見我好耐都無回覆佢地，擔心我收唔到(對唔住，呢排阿妹結婚，忙到一頭煙都無時間攪自己結婚d野)，加上佢地睇完我個篇「擔心文」之後(估唔到佢地會睇)，希望打個電話俾我，了解一下我的需要，嘩，真係好貼身的客服!!!

同我傾電話的係品果麗江客服部的主管小軍，她非常有禮貌，我都將我擔心的事一五一十的告訴她，她知道後都明白我的顧慮，也向我解釋了她們的難處，以下是一些問題的總結：

1. 化妝師唔落車問題：佢地已經內部懲處了那位化妝師，也保證以後不會有同類情況出現。

2. 溝通和景點的問題：品果收到我們的email後都會轉交造型師、化妝師、攝影師，而且小軍說我們距拍攝日還有很長的時間，溝通可以做得好好。不過當日實際可以拍的景點要視乎天氣、交通情況等，所以未必可以完全做到，但他們會盡力，小軍也說我們都要配合，看來到時真的要有些取捨。(醒目主人想拍雪山遠景和古鎮風情，但又想去白水河，似乎不太可能呢~~~改去其他有水的地方吧)佢又提醒我3~4月係麗江拍攝的旺季，因為春天到風景很漂亮，所以如果我想3~4月拍，就要早D通知佢地。

其實我對品果的服務沒有灰心呀~只是有少少的擔心，所以發了一篇文來抒發一下，想不到她們會留意，仲立即行動來解決，攪到我有d唔好意思呢。初時真係有D「隔山買牛」的feel，現在我對品果有番晒信心，希望大家合作愉快

我仲想多謝一班品果客戶：艾利絲、正義哥、Mf+fM、Sheepbb、Doris，多謝你地的意見，俾咗好多好實用的資料俾我，仲俾咗好多十卜我，等我呢個擔心鬼唔再咁擔心。

by 笨豬小慧

今天收到Kaka send俾我的試妝相。

正面真係幾似楊怡台慶頒獎禮的髮型

啡金眼妝，高貴又有型，I LIKE IT。

側面

後左

後右

不過當日都未必係呢個髮型，因為到時應該剪陰，感覺無咁成熟嘛。但我鐘意Kaka幫我化的妝，清清地，化完仲似番自己，good!!

by笨豬小慧Simple

經學緊化妝的朋友介紹，去了她的師姊Kaka的屋企試妝，呢次係我第二次俾人化妝jar(第一次係上年做姊妹)。

佢問我喜歡咩style，我話我唔要可愛公主feel，但其他細節就無咩頭緒，佢就俾咗幾本日本花嫁雜誌我睇，叫我睇吓有咩0岩心水就同佢講。今日想試一下褂妝，因為全日的妝都係由褂妝開始，咁我就知佢到時會點同我轉妝了。

Kaka的化妝好細心，又會不時問我意見，希望造到一個我滿意又靚的妝，佢仲教咗好多保養心得俾我，叫我要努力護膚，到BD個日先可以靚靚咁出場，真係用心良苦，我會聽你話加油的！

為保持神秘感，俾個側面同背面大家睇吓啦，正面就遲D先

剛化好未插頭花

另一面留長陰，正面睇好似楊怡拎台慶獎個髮型ga，我幾鐘意。

加埋頭花就係咁

價錢都係budget內，$53XX全日，包一位伴娘妝，加人$450/位，會用噴槍上粉底。

決定好MUA!!!又comfirm多一樣野了，yeah

不過Kaka話當日想專心化我一個，所以唔接奶奶外母的化妝了，最多只可以化埋伴娘的妝，睇怕我仲要化時間物識0岩奶奶外母用的MUA了(媽咪要求好高，點算好呢？)，不過總算又攪掂一樣野，心情又輕鬆D。

Ka+ Makeup - http://hk.myblog.yahoo.com/kaplusmakeup

by 笨豬小慧

最近看了一位BLOG友的婚攝經驗(她剛剛3月中去了麗江照相)，她似乎遇到了很多問題，尤其品果的服務，很多東西跟原先說好的都不一樣，真係令我好擔心呀。

問題：

1. 化妝師全程躲在車裡，不肯下車跟貼一對新人，沒人拎衫，沒人拍花絮。

2. 拍攝前一天，攝影師很晚才跟一對新人見面，而且對新人的要求一無所知，那之前品果強調的「溝通」豈不是白費了麼？

3. 很多婚紗禮服在試身時才知道給其他人hold了，最後想要的款式都沒了。

4. 攝影師差不多到中午才跟一對新人會合出發拍婚照，新人要求拍夜景，他們都推搪說時間不夠，但黃昏就拍完收工，這是哪門子的「時間不夠」呢？

5. 很多事情品果都似有隱瞞，例如4月至11月不能上雪山，玉水塞索道維修等等，email時都無提及過，要到拍攝個時面談，先同你講呢度唔得個度去唔到，好唔老實，而新人都洗濕咗個頭，任人話去邊就去邊影。

6. 景點方面，我們想拍古城夜景、束河古鎮、雪山遠景(不上山)、沿途拍一下花草，跟品果通了一次email，他們回覆說以上景點都距離很遠，不夠時間拍，只可以古鎮(不知道是什麼古鎮)>>拉市海>>玉柱撆天/玉水塞，跟我們想要的是兩回事咧，攪什麼呀，如果只影花花草草山山水水，幹嗎我要山長水遠去麗江呀，元朗都大把景啦。

現在真係有D後悔咁快搏槌揀咗品果，價錢雖然係香港的一半，但都是眾多麗江公司中最貴呢，唔係嫌佢最貴，係覺得佢收得我呢個價，我相信佢地俾到我的服務係真的，唔係講就一套做就一套，但原來都係一樣。其實我咁早就book咗婚攝，係唔係太衝動呢？

睇怕，我們要花多d時間同品果個邊bargain一下，仲要密切留意其他用完品果的朋友回來的feedback，希望可以push到佢地做到我們的要求。

仲係好擔心呀~~~

by 笨豬小慧

近日去了其他新娘子的BLOG，發現下年才到婚期的她，已經四出搜尋MUA，尚有一年多啊，會不會太快了呀？問了學緊化妝的朋友，她說一年前就要confirm MUA的了，如果婚期是旺季，可能要更早。吓，咁講法，我依家咪要開始搜集資料，好似咩都好急咁呢。

我自己喜歡一些自然又帶些高貴感的造型，謝絕公主甜美feel(我個樣sweet唔起)，以下係一d朋友用過/試過的MUA，而又可能0岩我自己(可能未必0岩你口味，純粹sharing)：

Sylvia Lee - http://hk.myblog.yahoo.com/sylviamua
我妹幫襯的MUA，$598X全日包伴娘妝，另加人$500/位
個人覺得收費算貴，而且髮型好似無咩變化，睇吓我妹結婚個日佢會化成點先
(12/4更新：比之前係blog睇的demo好咗，我妹都set咗好多款唔同的髮型，不過埋單要$8XXX，新娘全日+伴娘+奶奶&外母晚宴，都算貴啊~~~)

Cici @ Triangel - http://hk.myblog.yahoo.com/triangelmakeup
我妹另一recommandation，$488X全日
好多人book，價錢真係超值，但嫌頭飾選擇唔多(可能新娘們都喜歡同一款頭飾吧)

Gigi @ 女兒閣 - http://pattystyling.com.hk/
係朋友的婚宴上見過Gigi的化妝set頭，很靚很多變化，自然又夠modern，好鐘意，未知價錢(budget也是一個問題)

Yumi @ Makeup Secret - http://hk.myblog.yahoo.com/yumimua
Makeup Secret的星級化妝師，大約$600X全日
走日式清雅自然風格，set頭又多變化，幾0岩我心水，都係個句，budget要計一計。

花嫁亞安 - http://hk.myblog.yahoo.com/calarysage
係一位待嫁BLOG友處得到呢位MUA的profolio，好多頭飾首飾呀~~~好好好靚。

候選MUA已經有5位，無可能逐一試妝(要錢ga!!!)，但我對自己0岩咩化妝set頭真係未有頭緒，咁快confirm，我怕等陣又後悔喎，又怕BD個日心水MUA俾人book咗，點算好呢？

by 笨豬小慧

今晚真係一個好緊張的飯局，主人正式向媽咪提親，兼睇吓擺酒的場地。

彩福皇宴 - 旺角店(西式廳)
地點：九龍旺角彌敦道750號始創中心6樓全層
電話：2811 1983
網址：http://www.choifook.com/banquet_mk.html

雖然媽咪要求先提親後book場，不過經過上次婚展的結論，攪好晒呢d麻煩飯局先book場，2012年咪結到囉，所以我地決定先斬後奏。

電梯大堂，似走廊，不過裝修都幾靚，經理介紹呢度可以擺吓油畫。

門口有個拱門位

receiption位係拱門後面

整個場地四方無柱，白色佈置為主，深紅色地毯

樓底好高，仲有水晶吊燈2大戔

音響燈光都好新款，燈係可以變色360度轉動的射燈，應該好有演唱會feel

禮台佈置好有宮廷feel，靚

平面圖，最多可擺30席。

媽咪對呢個場都好滿意，不過佢鐘意iSqaure利寶閣多d，可惜，已經爆場。我地都諗好對白：「利寶閣個場2011年年尾爆晒啦，而且2012年的價錢都未知，無理由book咗後任人魚肉ga。好彩彩福呢個場有我地想要的日子，價錢又講好晒，我地就book咗呢度啦。」嘻嘻

同場加映4樓中式廳的相：

紅色佈置＋深紅色地毯，有d暗沉，唔太鐘意

禮台的設計反而靚得多，不過紅燈籠到時影相唔知會變成點

得一戔水晶吊燈，唔係幾夠氣派喎

仲差未正式兩家人一齊食番餐，咁呢d麻煩飯局就可以告一段落。

by 笨豬小慧

菜單、價錢、優惠資料：http://hk.myblog.yahoo.com/simpsonsimple1120/article?mid=261

尋日去婚展除咗book酒席呢個任務外，就係去一去品果影像個攤位八吓。一去到已經人山人海，等咗10min左右先有位俾我地坐，招待我地的係麗江分店的文亮。

初時我們只想睇吓相簿、拎咗價目表做個reference(佢地的網站無登價目表)，點知一坐就坐咗成個鐘，但文亮好好笑，成個鐘入面都無hard sell我地，又無講價錢，只係介紹品果的服務流程同埋拍攝的細節，又問我地想影麗江d咩景等等，傾到7:30pm左右，廣播話仲有半小時打烊，文亮先記得拎個價目表俾我地睇。

一天拍攝套餐：拍150張相精修35張，可全取底片，新郎新娘各3套衫+造型，包12"和18"相簿各1本，24x30"油畫一張、10"油畫一張。

二天拍攝套餐：拍300張精修45張，可全取底片，新郎新娘各4套衫+造型。其他相簿、油畫個d就同一天拍攝是一樣。
(文亮話如果我地想上雪山、去香格里拉就要兩日拍攝時間才夠)

當日現金付全數立即有95折優惠，一天的拍攝套餐就只要HK$7500左右，我地計過同麗江時光一天套餐RMB6899其實差唔多，而且品果係香港有辦公室，有咩事我地都可以上去嘈佢地，於是就決定用品果影像!!!主人要跑落樓下禁機，攪到成頭汗，辛苦晒了。

婚展當日order仲有好多野送：簽名布、九宮格相框一個、郵寄費用全免(呢個好重要)、6"三面照片水晶座一個。

一日內決定好兩樣野，YEAH!! 進度神速!!!

by 笨豬小慧

知道book酒樓去婚展book就最多著數同優惠，咁0岩求婚的3天後就有一個大型婚展舉行，打鐵趁熱，所以我們又去婚展啦(第2次)。

前一天我已經做了功課，用電子通勝(http://mindcity.sina.com.hk/MC-lunar/index.cgi)查了2011年11月有哪些宜嫁娶的好日，閉家火，好日又是星期五、六、日的就只有11日(星期五)和20日(星期日)，最撈攪的係，同月的其他星期五、六、日不是"諸事不宜"就是"忌嫁娶"，呢次一定爭崩頭。

到達時已經是4pm有多，sorry，我遲大到。我們立即跑去婚宴場地的展館，第一目標是iSquare的「利寶閣酒家海景廳」，可惜2011年11月的所有星期五、六、日都俾人book咗，於是立即(真的是立即，9秒9秒跑去)轉去我們的第2目標 - 始創中心的「彩福皇宴」，但傻傻的我們竟然去錯了彩福企業，雖然他們介紹的新場「欣宴廳」也很好，可惜11日和20日都剛剛俾人book埋。飛奔去真正的彩福皇宴，次選的6樓西式廳已被人book了11日的期了，只剩下4樓的中式廳未有人book，雖然我好想11號(6條煙易記嘛)，不過他不喜歡紅色的佈置，而且minimum charge要$180,000，out budget。再問20號啦，6樓西式廳有位呀諗咗2秒，我們就搏槌！就係sales寫緊張agreement的時候，又有另一位同事想要20號的期，好彩快少少jar，諗多幾秒都無埋。

我地揀咗$5180的菜單，另加$350有3小時任飲，加一之後就是$60XX/席，擺25席就剛剛好fit到minimum的$150,000，within budget。而且係婚展book酒席有好多野送，一大堆coupon、免費席前fruit punch和小食、免椅套費、指定酒店房送(可能或報紙廣告)等等，著數好多。

終於定好我們的大日子啦~~~~2011年11月20日!!!!!真係好興奮

但真係估唔到，我地提早年半有凸去book酒席，已經有咁多旺區的酒樓無晒好日，有冇咁多人結婚呀??80後唔係話好難儲錢咩?

by笨豬小慧

「香港婚宴博覽」「香港婚紗暨結婚博覽」
日期：2010年3月19~21日
時間：12:00nn~8:00pm
地點：香港會議展覽中心3號DEFG展覽館
網址：http://www.wedding.expo.com.hk/v8/02_201003wb_poster.php

今次的展覽有很多婚宴場地的公司擺攤呀，正合我們心意呢，所以再忙都一定要去！去到真的把我們嚇死了，人超多咧，跟上次去的婚展差多囉。

前一天我已經做了功課，用電子通勝(http://mindcity.sina.com.hk/MC-lunar/index.cgi)查了2011年11月有哪些宜嫁娶的好日，閉家火，好日又是星期五、六、日的就只有11日(星期五)和20日(星期日)，最撈攪的係，同月的其他星期五、六、日不是"諸事不宜"就是"忌嫁娶"，呢次一定爭崩頭。

幾經波折，我們終於定好大日子的日期喇~~~可喜可賀

細節留待另一篇網誌報告。現在的心情仲係好興奮同緊張呀~~~

終於定好我們的大日子啦~~~~真係好興奮!!!

不過真係估唔到年半有多的2011年11月都book到爆晒，今日唔0黎真係要2012年先結得成婚好誇張呀~~~不過book酒席真係要0黎婚展，一來可以多d優惠，二來夠集中，呢間唔得即刻可以轉去另一間，而且咁多人係度book，過咗婚展之後才去book，旺區場地的好日子都無晒lu。

之後又八卦去睇下d婚紗攝影。睇過上次去婚展拎的catalogue，我們都好想去麗江影相，風景真真好靚呀

我們去咗品果的攤位(fei wedding實在太嗱脷啦)，本來諗住問下價錢同睇下佢d相，做個reference，點知坐低一傾就傾咗成個鐘!!經sales文亮整個鐘頭的介紹，我地決定book品果!!細節我留待下一篇網誌再寫，想睇就推一下(呃推時間)

定好大日子 - 決定在始創彩福皇宴6/F擺酒

決定婚紗攝影 - 品果影像

by 笨豬小慧Simple

其實2月尾的時候我們也看過一次的了，今天帶媽咪來看一下場地，順便飲茶試吓食物的味道，她ok的話我們就去book場。

利寶閣酒家海景廳
地點：九龍尖沙咀彌敦道63-67號iSquare國際廣場24樓全層
電話：2799 9368

receiption位在電梯大堂

洗手間都係大堂，經理話新娘進場都會係呢度行出去(旁邊有條秘密通道)

禮台

由禮台望到尾

新娘房超大(最入個間房)，有大電視

新娘房仲有獨立洗手間

iSquare的利寶閣只開了4個月左右，所以場地好新淨，金碧輝煌的室內設計真係好靚呀(媽咪都讚)，係近窗地方有2~3條柱，不過唔影響視線，都可以接受(我地想要光猛四正無柱的場地)。而且位置尖沙咀交通方便(地鐵、西鐵、巴士、天星小輪)，最筍係價錢大眾化，最平的婚宴菜單只是$5988(全包)，25席就可以包場。當日去已經有好多人拍照做record，睇怕婚展當日會有好多人book呢間。試食過之後，味道都ok，係服務麻麻，可能新開，有d混亂，成日上錯菜俾我地，埋單又等咗好耐。

我們決定呢間就是首選，次選就是上次和朋友去飲茶的始創彩福6樓西式廳，睇吓婚展可以搶到邊間啦。(最好當然係2011年11月11日的利寶閣)

by 笨豬小慧

參加完2月份的婚展後，睇完拎番0黎的catalogue，主人同我都好鐘意麗江呢個地方，俾d相大家睇吓先。
(照片來源：http://big5.destguides.ctrip.com/china/lijiang/district32/)

大研古城

玉龍雪山

束河古鎮

係唔係好靚呢？當日婚展得2間公司有去麗江的婚攝套餐：fei wedding 和 shining wedding，最平的套餐都要過萬元，仲未包機票酒店(聽聞要包晒成隊crew去)，太貴啦，完全out budget。

笨朱慧無灰心，在網上搜尋一下有冇其他去麗江的婚攝公司呢？發現很多BLOG友參加麗江當地的婚攝公司，拍出來的照片都很美，而且價錢只要香港公司的一半！

視覺麗江：http://www.lijiangvision.com/

有香港客戶專用的facebook群組，拍慣香港人的話，溝通應該無咩大問題0既。

品果影像：http://www.ql-pg.com/

唯一一間在香港有辦公室的麗江婚攝公司，而且在中國的規模都算大(唔怕佢中途執笠)，禮服選擇多，只是價錢比其他公司稍貴。

麗江時光：http://www.time007.com/

看過BLOG友粒粒玲子小姐post出來的照片而認識呢間公司，照片風格很摩登，有點雜誌CM照的feel，我蠻喜歡的，只是衫的選擇比較少，我看到很多新娘都穿同一件衣服拍照呢。

菲視覺：http://www.ffei.hk/

由香港攝影發燒友德哥創立的公司，價錢更是以上3間中最平。

咁多間，單係睇佢地的作品都睇到我眼花撩亂，最後揀邊間好呢？

by 笨豬小慧

決定下年要結婚之後，我和他開始著手籌備婚禮的東西，恰巧最近有婚展，就去一去吧，當搜集一些基本資料都好。

「第58屆情人節婚紗、婚宴及結婚服務博覽」
地點: 香港會議展覽中心Hall 1
時間： 中午12時正至晚上8時正
日期： 2010年02月19日至2010年02月21日

這是我們第一次參加婚展，巧合地，我們在入口的地方遇到他的大學同學大家都是剛剛開始攪結婚0既野，他們打算今年10月結婚，祝他們成功啦。

婚展的規模比我們想像的小，不過百多個攤位，而且婚紗攝影(尤以我們不大喜愛的台灣公司佔最多)、婚紗租借、化妝等的攤位有很多，反而我們今次主打要看的婚宴場地的公司就很少，有些失望呢結果很多順手拿的catalogue最終都丟到垃圾桶去了。

行了2個小時，結果睇咗個無聊的dance show之外，都無咩收穫。不過無咩所謂啦，仲有大把時間，而且佢都未向我求婚，我真係無咩mood攪結婚0既事囉

溫馨提示：去婚展前先去http://www.iweddingclub.com/登記，就可以得到免費入場票，或者去到展會做即場登記，下次就會寄入場票俾你，慳得就慳嘛。(可惜我們當日趕住去朋友家拜年，so無時間去登記)

by 笨豬小慧