行去布藝坊時無意中發現的結婚用品店。

地址：長沙灣道124-126號德祥大廈地下
TEL：27790111

幾乎什麼結婚用品都可以買到，囍字貼、對聯、利是封、金色囍字小圓貼紙、絲帶、包禮物的布袋仔、絲花、綠色膠紙和鐵線、水鑽皇冠.................包羅萬有!!!

更重要是，售價更比繽紛便宜。

小皇冠 - $13，打算用來裝飾一下我們的結婚公仔。

綠色膠紙 - $6.5，沒記錯的話，繽紛好像賣$10

鐵線 - $8.5(但用過後才知#22用來做花球太幼了，建議買#20)

去開深水埗買東西，別忘記順度來一下啊~~~

by笨豬小慧Simple

個幾月前已經開始和主人商量證婚的事，但傾了好久都未有共識，次次未傾完又變咗嗌交，唔係時間問題，就係地點問題，主人又憂慮如何安排長輩們的spare time，我又怕婚宴前才證婚會食到好夜，我們的大日子是星期日，好像不太好啊云云。

以下是大家各有所見的選擇：

1) 開始攪結婚時，大家的構思 - 8pm在酒樓，邀請律師主持證婚
　我的反對：大日子在星期日，怕食到好夜，因為咁攪一攪，好大幾會9:30pm才開席，到時大家食快餐。
　主人的意見：老人家可以先安排車在10pm早走。
　我的反駁：難得的喜事，老人家未必想早走。反而係好多賓客走咗。
　主人的反應：好朋友嘅實唔早走，走得都唔算好close的friend，反而大家唔洗走嚟走去，方便D。

2) 主人的建議 - 6pm在酒樓，邀請律師主持證婚
　我的反對：怕酒樓未清理好，我地又唔夠時間準備，例如換衫、安排receiption等。
　主人的意見：可以早D開席喎。註冊完咪打吓牌、影吓相。
　我的反駁：坐位安排係點？大家一圍圍咁坐，抑或排排企？一圍圍咁坐一定好亂好吉喎。望落都唔好睇。
　主人的反擊：影相影唔到咪得囉。
　我：我唔想呢邊行緊禮，個邊有waiter仲執緊枱搬緊野呀!!

3) 主人的建議 - 2pm在大埔海濱公園行禮
　主人的意見：大埔海濱公園，對我地好有意義。
　我的意見：agree，但一樣要請律師，仲要安排大巴接人，又要自己搵decoration，可能要攪埋after lounge，out budget呢。

4) 我的建議 - 4pm在奇妙姻典行禮
　我的意見：奇妙姻典係酒樓的樓上，唔洗坐多轉車，行完禮就落樓下，位置好方便，而且價錢只比搵律師證婚貴少少。又可以早d開席，唔洗食到咁夜。
　主人的反對：4pm唔早又唔遲，D人未必肯到，睇完又未夠鐘開席，都唔知安排d人去邊。
　我的反擊：咁咪打牌，再唔係行吓街囉，附近咁多shopping mall。
　主人的心聲：邊行到幾粒鐘街呀？既然晚上會去飲，俾我係賓客，我唔會去觀禮囉。
　我的心聲：但俾我會去睇喎。總好過2pm觀完禮，更加唔知去邊好。
　主人的反擊：咁咪回家裝吓身囉。你唔洗俾時間d親戚朋友裝身咩？
　主人再反對：同埋酒樓俾唔俾我地早少少擺野係新娘房？但又要有個人幫我地睇住D物資。
　我的反擊：新娘房有鎖匙嘛。
　主人的反駁：新娘房有後門喎，雖然酒樓話有鎖je，都唔一定安全。
　我的心聲：咁開咗席都一樣無人係房昅實你d野ga la。
　主人再再反對：你諗清楚喎，4pm行禮，中間就無時間周圍影吓相啦。
　我的意見：我反而覺得中間又出去影相，d時間又變得好急，請願另外搵時間搵朋友影。

4個建議中，除了(3)係大家都 foul 咗之外，另外的都各執一詞，加埋d晦氣說話，嗌到面紅耳熱，唉，都唔知為乜。

我明白主人有好多憂慮同擔心，但又俾你的過份擔心激死咗，結婚係開開心心嘛，又有咁多兄弟姊妹可以幫手，只要我地準備夠充足，順順利利應該唔難。

俾d信心我地自己啦~~~~其實點攪都有人有意見ga la，最緊要自己鐘意，但我諗最後都係換嚟一句：「你話事啦，你鐘意咪得囉。」，我唔想咁呀，咁同我自己攪晒有咩分別呢？

by笨豬小慧simple

今月進度：
買咗好多野，終於有「結婚=倒水」的感覺，荷包乾硬化=^="

下星期影第一輯婚相，加油!!!

見今日大家都放假(主人仲係最後一日大假)，下午出去旺角行吓街拍吓拖，點知又變咗結婚購物日。

去咗有利鞋店買影pre-wedding用的白色高踭鞋。

地址：旺角彌敦道729號地下(旺角中心斜對面)
TEL：9816 7132
網址：http://www.yauleeshoesco.com/

由於做開跳舞鞋，所以就算3"幾4"都著得好舒服好穩陣，價錢又平，$80~$100對。仲有褂鞋和男禮皮鞋賣ga!!

我揀咗呢對，珍珠白，少少閃，3"踭，$85

真係平靚正之選!!!! 主人大叫好抵!!

之後沿住彌敦道行，諗住去朗豪坊，中途見到好多金舖，又心思思咁睇婚介(主人成日催我快D買)，最後................................竟然係六福買咗!!!!真係無諗過今日買。

拎咗去改大細和刻名，過幾日就有得拎了

by笨豬小慧Simple

去開深水埗買野，買完就去一下Blog友榮少介紹的布藝坊，睇吓姊妹裙。

地址：長沙灣道80-82號文海樓1樓A室
TEL：23990255 / 62370615
網址：http://hk.myblog.yahoo.com/fabrica-weddingdress

好難搵，而且係深水埗行好耐先到，建議由太子地鐵站行去近D。6pm後會多人，記得事先預約。

門口向黃竹街，見到呢個招牌就行入唐樓，行樓梯上一樓，木門後就見到。

display的姊妹裙唔多，款式都係百利會有的款，不過質地手工都比百利某些店優勝，起碼雪紡唔鞋，色丁唔硬唔焗身。

sales嬸嬸仲俾我影低一D款式，等我可以俾d姊妹睇睇做參考，呢d咁好的service百利一定無。

單肩設計，打橫的摺摺比較少見，但我會將d花花擺番係心口。

呢期好hit的款，d花花的手工好好，夠大夠立體，即係唔慳料啦。

sales嬸嬸推介的新款，腰的雪紡帶可以綁上肩，又可以好似display咁放係腰。腰帶可以改色改布料，包閃閃心口針。

長 - $290、短 - $260，度身訂造，一個月左右起貨，可來樣訂造，不另收費。

好可惜，做唔番榮少報俾我的價呀~~~~老闆說因為加租，人仔又係咁升，明年一定要加價，就算我落訂hold，都只可以做番今年的原價俾我，無得減，連做滿6條有的9折都無得俾我。唉，得我自己一個又講唔掂價，真係好頹......

睇0黎要快手d睇多幾間，再搵班姊妹開個大會，book定做姊妹裙先，等到下年先攪，又俾多幾百蚊。

唉.........乜都加價，我人工又無得加，唔怪得我地80後上街ga，真真正正的在職貧窮呀!!!!

by笨豬小慧Simple

主人前日買的西裝話咁快改好咗，尋日出開旺角交收，順便攞埋。

銀灰色絹面，detail位加上少少黑色，雖然唔係燕尾，但感覺都好grand ga，啱晒要型又要grand的主人啦。質地唔錯tim。

全套(西裝褸+褲)$680，包改長短，隔日可取。

雖然成個荷里活購物中心都有好多間呢類型的西裝舖，不過呢間個sales係師傅嚟，好快就知道可以點幫你改靚仔d，好過有d舖的sales，咩都話得得得，到頭嚟係做唔到，仲忟!!!

旺角荷里活購物中心1/F 106號舖

by笨豬小慧Simple

影婚照需要一個花球，去開旺角，就去花園街的絲花檔睇吓，買材料DIY。

種類繁多，梗有一款啱你用。

位置太約係花園街近太子個一段路，中間咁上下位。

認住呢位靚仔，佢就係花檔伯伯喇。

戰利品：

因為想整日式花球，買了淡粉紅色的牡丹花，4大2小一紮，$48

再買了d細花做裝飾，$23/紮

加埋妹妹之前用剩的白色花，應該夠材料整花球了。過幾日開工!!!

by笨豬小慧Simple

因為偷影唔到揀咗個2件衫，唯有copy番蒙羅麗莎網上面張相補數，keep番record嘛。

呢件係新款，試咁多件A-line，呢件最好睇。

另一件揀咗蛋糕裙，偷影咗上半身。張相反晒光，睇唔到detail位

原來揀咗2件都係長腳蟹做model，但我無佢咁高喎..............

by笨豬小慧Simple

試完衫，先知原來我有好多野未準備，整個checklist提吓自己先，唔係又漏咁樣呀~

得番2個星期，仲要勤d敷mask，我要加油呀~~~~~

by笨豬小慧Simple

13/9/2010

買完晒鞋同西裝，我地就去咗金都搵男禮配件，希望到時影相望落去grand D嘛。

自從上次行完婚紗街，主人好鐘意豬腸呔。

去到金都，行晒3層，原來得3間店有賣男禮配件，而且顏色少，布料又差(好多都超似窗簾布or紙)，仲好鬼貴呀~~~~

揀無可揀，最後買咗呢套

$248/套

因為黑色底，未算過閃，但布料好薄好脆，好似紙紮衫咁.......

由阿仔示範：

買完已經呻笨，成$248，D布加埋半隻褲腳都無呀~~~~剛才買條西褲都只係$238!!! 唉，真係好想自己DIY算，但又怕無時間搵啱布做，唯有做一次水魚啦......

嗚嗚又笨死咗一次。

by笨豬小慧Simple

13/9/2010

上午我試完婚紗，下午就到主人的血拼時間!!!

我地去咗荷里活購物中心，買27號影相要著的西裝和皮鞋。

全個商場都是賣男裝：西裝、恤衫、潮童裝、皮帶、鞋、bow tie... ...，應有盡有，男仕買平野的好地方!!!

影婚紗相用的白鞋 - $159

另外買多對出街用的白鞋 - $239

再買咗1套銀灰色的西裝和1條黑色西褲，不過要改褲長，所以未有即時拎走，遲d post番出來啦~~~
(16/9 update：http://hk.myblog.yahoo.com/simpsonsimple1120/article?mid=591)

買晒所有野都只是$1600左右，出面淨租一套男禮影相都唔得喇，係唔係好抵先？

旺角西洋菜南街14-24號

今次係小慧自淘腰包買ga~~呢d全部都係主人的生日禮物!!!

祝主人　生日快樂!!!

by笨豬小慧Simple

尋日特登請假，一大早起床，大老遠跑去馬灣，就係為咗我地的第一輯婚紗相做fitting。

火車轉地鐵，去到葵芳仲要再轉shuttle bus NR332，真係路途崎嶇。

上落車位置圖 - http://www.monalisabridal.com/cht/images/map_kwaifong.jpg
路線、車費、服務時間表 - http://www.681busterminal.com/nr332.html

車上留影

係第一個站「馬灣公園 / 挪亞方舟」落車

商場入面一落電梯就到了

入到去唔知係唔係啱啱開工，D人好似未訓醒咁，receiption的小姐竟然講：「喂，叫咩名！」審犯咁有台型，真係俾佢嚇一嚇，不過下一句佢已經魂魄返齊，用番服務員的tone同我地講野。好彩今次係免費jar~~~

入到去都等咗十幾分鐘先有得試衫，幫我地的係又靚女又後生的Katy。

試咗差唔多20件婚紗，偷影咗少少相咁啦，嘻嘻

***我不想在其他地方見到我的相片啊，請勿擅自轉載，謝謝***

直身款，心口個蝴蝶結太大，我太瘦，掠唔起。

係website睇相時，好鐘意下身的層層裙，但著係我身上好怪，主人話呢d公主款唔襯我喎。

心口把「扇」太勁...

呢件有少少淺藍色，好似特別d，個shape都幾好ga，但我嫌中間段lace似腰封

呢件都唔錯，主人叫佢做cup cake。

呢件係其中揀到的1件(另一件直身款偷影唔到呀>.<)
classic款，泡泡+摺摺，d野係晒上半身，Katy話影相睇唔到下身乜制，都啱嘅，唔係坐低就close up，就聽佢意見啦。

fitting room的冷氣好勁，換得幾件已經流鼻水，所以除衫著衫都好快手，我地total玩咗唔夠1個鐘，哈哈!!

本來諗住去挪亞方舟行吓，但太曬，唔去了(唔想影相之前晒黑呀)，栢麗灣又好似無咩好野食咁，就搭番車去葵芳新都會食lunch。揀咗食馬拉菜，味道一流呀~~~set lunch大約$60/位。

係L4一個角落頭位，有D難搵。

喇沙，正!!!

肉骨茶，好夠味

攪結婚咁耐，第一次著婚紗，以為自己會好緊張、好興奮、好期待，點知.........都無咩特別feeling，仲平淡過shopping買衫時的fitting experience，我反而擔心用2個星期，預唔預備得切我地要影相嘅野呢？好多野未整未買呀~~~

by笨豬小慧Simple

眨眼間就剩番1年3個月的時間準備，加油呀!!

今月進度：
完成咗最重要的task - 租禮服!!!全世界係同一間舖租，正。因為有潮褂外租，所以我放棄了DIY裙褂了，反而主人想我design一套禮服俾佢晚宴著，咁我就發揮吓我的fashion小宇宙，整套舉世無雙的正野俾你啦~~~哈哈

尋日朋友生日約係尖沙咀dinner，早上返工，唔想回家又再出去，行吓街kill time。行晒成條加連威老道，悶悶地又行埋百利，睇多次商場入面的姊妹裙店。

地址：百利商場2樓76號舖(另有showroom在4樓24室)
TEL：34828239
營業時間：17:00~20:30(Mon~Fri)，15:30~20:00(Sat & Sun)

俾個價錢吸咗入去。一般姊妹裙店有0既款佢都有，料、手工都ok，包改一次，顏色任選。sales妹妹好有禮貌呢~~~

長$338，短$238，不包雪紡披肩，6條以上減$10
我睇中的都是新款 - 長$388，短$288

0岩budget，唔知我睇中個d，明年會唔會減價呢？keke

芯軒
地址：百利商場2樓94~95號舖
TEL：98136283(Suki張)

也是一般姊妹裙店有0既款，但略嫌poly色丁用料太厚太硬。

度身訂造 - 短$330，長+$100，圓枱裙款+$150
現貨尺碼訂造 - 短$280，長+$100，XS~XL碼，不包改、披肩

因為我有位姊妹好瘦，我怕買現成尺碼佢會唔0岩著，唔包改真係好大問題。當我問Sales時，佢答我話唔做low cut款，有少少鬆身都無問題喎。吓，側邊望埋去，個夾位都會走光ga!!! 我覺我佢答得好敷衍。
而且價錢稍稍out budget，唔揀你lu。

Rosita
地址：百利商場2樓6號舖
TEL：27300682 / 2730 0683 / 61289992
營業時間：15:00~21:30

裝修得好靚的姊妹裙店，諗住收費高昂啦，又唔係喎，Sales阿寶仲幾好傾tim。
款雖然無之前個d咁多(佢地係超級多)，但有幾款我都幾鐘意，總之夠我揀就得啦。poly雪紡都算滑身，有成100個色揀，手工超級好，雪紡裙竟然有3層布(一般見到都只是2層)，雪紡面裙+色丁底裙+polyester taffeta裡布，絕不偷工減料。

度身訂造 - 短$280，長+$100(5條以上)，包改窄闊，+$30有雪紡披肩

都算within budget，列入考慮之列吧。

Lasting Love
地址：百利商場2樓12&70號舖
TEL：27302998
網址：http://www.lastinglove.com.hk/

裝修閃閃閃的舖頭，唔止造姊妹裙，仲有婚紗禮服外租、pre-wedding & 婚宴攝錄、化妝等服務，好多元化。不過除咗姊妹裙之外，其他task我已經搵好晒了。

入去睇吓d衫，唔係似伴娘裙就似EG，似乎唔太0岩我的要求呢~~~

地址：百利2樓102號舖
TEL：6732 3710
網址：http://hk.myblog.yahoo.com/mesbridal

4個月前去過一次，今日再去，晴天霹靂，加咗價呀~~~~~
好多女仔試緊衫，迫人到呢.........而且好多裙俾人試到爛晒，都睇唔真咩樣，而且咁快爛，手工唔好乎??

如果呢個價錢，出面好多選擇，對佢的熱情calm down咗

星期六的百利真係超級多人，下次都係搵平日來，迫死我了。

by笨豬小慧

計番上次去百利，差唔多已經係4個月前的事。
(詳細請看舊文：http://hk.myblog.yahoo.com/simpsonsimple1120/article?mid=154)
今日因為要去美容function而出去尖沙咀，完咗之後見有時間咪行下百利囉。

租婚紗呢part已經攪掂，係時候物色吓姊妹裙公司。聽其他jm講，百利3/F~4/F都有好多姊妹裙公司，一於去八吓

心目中想要呢類款的姊妹裙，比以往的蝴蝶結款特別，又未算太誇張，咩身型的姊妹都carry到，係擔心穿唔到披肩。

地址：百利商業中心3樓310室
TEL：31882336 / 92762839

一出電梯門的左手面就係佢。款多，大部份似抄Joy Marry，料、手工都ok。價錢分2類：

現貨款訂造 - 短$230，長$300(3件以上)，分S、M、L碼，不包改衣，+$20有披肩
來樣度身訂造 - 短$300，長$400(6件以上)

如果訂現貨款就fit budget，但又怕唔0岩身，姊妹要再花錢花時間改衫，諗諗先

地址：百利商業中心3樓23室
TEL：23170118
營業時間：15:00~20:00(逢星期一休息)

出電梯門望右手邊就見到。當日去有2班jm揀緊衫，舖面又唔算大，好墟磡。
款多，一般姊妹裙公司會有的款佢都有，但用料麻麻，poly雪紡好鞋，色丁裡布又太硬，攪到條裙造起好"鋼"，著上身會唔靚，手工又一般，有d花花、蝴蝶結釘得太鬆，好似大力一拉就會爛。價錢貴：

特價款 - 長$350
新款(poly雪紡) - 長$480　　(仿真絲) - 長$680
(以上改做短裙約減$100)

雖然好多人揀呢間咁，但用料唔靚手工又未算好，又out budget，no la

地址：百利商業中心3樓326室(另有門市在2樓商場216號舖)
TEL：27302689
營業時間：15:00~20:00(逢星期三休息)

對正電梯口，唔好因為佢閂埋門你以為佢無開工，大膽d禁門鐘啦。款唔算多，好彩都有我想要的款，料都ok，同Juicy Ace差唔多。價錢如下：

poly雪紡料 - 長$350，短$240，全部度身造

都0岩budget，仲要係度身，如果佢多少少款我揀就好喇，列做大後備吧。

地址：百利商業中心8樓822室
TEL：34288807
營業時間：15:00~20:00

8樓真係無人ga~~~好靜，驚好彩呢間都近電梯口，唔算難搵。去到無人認門，食閉門羹呢，拎咗catalogue就閃。按提示去1樓搵門市啦，去到又唔係叫i-Classic，究竟呢間野仲有冇做生意呢？

外租 - 短$180，長$230(4~7條)
訂造賣走 - 短$370，長$450(4~7條)

嘩，out晒budget，唔洗諗啦。

3/F或以上唔係商場舖，而係寫字樓，星期日去都幾靜(因為其他房無人開工)，下次要搵個朋友陪先得囉。

by笨豬小慧Simple

多謝blog友琪琪通知

始創彩福繼觀塘彩福之後，又開了專屬的blog -

http://hk.myblog.yahoo.com/choifook_mk

仲有埋facebook fan page。

好野!!!!

by笨豬小慧simple

前前後後攪足4個月，又上網又行街(呢2個星期仲要隔日就去，真係好攰)，終於搵到一間所有人都揀到衫的婚紗舖。(因為我懶，唔想還衫個時咁呢hea，所以想一間過租晒，而且一間入面租得愈多就愈平嘛)

決定租希臘女神Beauty Hera!!!

最後confirm的價錢：
$7288 - 1WG+5自選，送1件媽媽衫，包首飾、頭紗、底裙、手套

basically我地都要租7件衫，1褂、1WG、2EG(敬酒、送客各1件)、1男禮、2媽媽衫，呢個package夠晒數，再加租就$1280/1EG，$1000/1EG(2件起)。
計番即是around$1000租一件衫，算係我心目中的價錢，最難得係媽咪、未來99、自己、主人都可以係呢度搵到0岩心水的衫，行咗咁多間真係得呢間可以做到。

簽埋合約已經8pm了，為免阻人收工，我地決定擇日再試衫(唔試我就join package，我都算威囉)

一次過俾晒錢，希望佢生生性性，唔好走佬啦。

最艱難的任務已經攪掂，一身鬆晒。

by笨豬小慧Simple

今日早走2個鐘去行婚紗舖，約咗媽咪同主人係地鐵站會合。精挑細選咗4間媽咪會0岩而佢又未睇過的店。

是日行程：
5pm - Hsiao Wedding(已預約)
6pm - Eternity(walk-in)
7pm - Rosebay(已預約)
7:30pm - Beauty Hera(已預約)

呢間我無睇過D衫，只係網上睇過少少jar，都膽粗粗照帶媽咪去，haha。原本係比上圖呢件婚紗吸引，可惜睇實物又唔係咁靚，反而我睇中咗佢新番個2件婚紗，一件魚尾一件A-line，上身釘工下身多層摺摺，可惜2件後天要外借，無法試身了。晚裝都有一兩件睇中，尤其一件淺粉紅柯根紗摺摺裙，上面釘滿立體花，賣飛佛，但其他晚裝就睇唔中。媽媽衫比較少，所以媽咪都無咩揀到，晚裝佢又覺得太露肉，唔0岩佢。最後決定等個2件婚紗返0黎，再約時間free try。

帶媽咪0黎睇吓我的「the one」，連佢都讚靚呀~~~不過我仲係睇唔中晚裝，媽咪又嫌佢的媽媽衫D料太軟會著肥佢，反而主人好鐘意佢的男禮。一人一個意見，點決定好呢？
上圖最右邊個件藍色EG我有拼上身，但用料麻麻，有些失望呢。

我鐘意佢D衫夠elegant，上次淨係睇咗晚裝，今日帶媽咪睇吓有冇0岩佢的晚裝。上圖的WG我有拼上身，好似太素唔夠noise，唔0岩我係酒樓證婚；晚裝竟然俾主人形容似睡衣，即係唔洗揀啦；有媽媽鐘意的旗袍式晚裝，可惜唔係佢想要的深色。睇怕呢間都係同我地無緣。
PS：剛剛到達時見到有個傻佬坐係門口，正當我地唔知點好0既時候，發現有架警車係附近，緊係ask for help啦，幸好條友好快走咗。

第3次上去喇，我book咗Sales 細Zoe接待我地，我覺得佢態度nice得來又夠專業，應該應付到我媽咪的高要求。因為頭3間媽咪都睇唔0岩衫，希臘女神好似多D媽媽衫，所以我地就先睇媽媽衫了。
媽咪要求一件深色的旗袍，細Zoe就介紹咗一件深藍色的絲絨料釘珠旗袍，估唔到媽咪會鐘意(我同主人都覺得唔似媽咪的taste，不過佢鐘意就ok啦)，另外仲介紹咗幾套西式媽媽衫，媽咪都有興趣。睇開就順便望吓有冇衫0岩未來99，有套深紫色圓領有袖直身裙，好閃ga~~~大家一致覺得係tailor-made for未來99。
睇完媽媽衫後，就睇吓婚紗。睇咗咁多間，我愈來愈想著魚尾的婚紗，著得我瘦d同高d，希臘女神都有幾件WG係呢類型，我諗我應該點都揀到一件0既。
反而主人覺得男禮太普通(而且佢又剛剛睇完Eternity個d浮誇款)，無咩合眼緣，但點都at least租套白色出門用0既，主打個套，睇0黎都係靠我了。
似乎，呢間真係夾晒大家的要求，問埋價錢ok，我地就可以搏槌。

行晒4間已經8pm有多，係時候dinner喇，媽咪竟然提意去食韓燒，真係估佢唔到(唔係話要keep fit咩?)去咗漢陽苑食，諗住hea食點知好好味，最掂泰式咖喱炒蟹，媽咪encore咗2次，仲有明治雪糕、泰式雞腳、泡菜、人參雞湯、芒果糯米飯，都好好食，bbq的蝦呀~~~~好新鮮。$150/位，都真係賺咗。

by笨豬小慧Simple

約咗媽咪明天行婚紗舖，今日係最後衝刺，睇多幾間做篩選。

地址：加連威老道77-79號開麟中心18樓
TEL：27238788
網址：http://www.idee-elegante.com

全白色的裝修真係好有新娘子的氣氛。主打歐洲簡約style的婚紗，A-line或魚尾+簡單的刺繡和釘珠，走高貴大方路線；晚裝一樣比較清簡和深色，個人覺得似cocktail dress多過EG。Sales強調公司著重cutting和用料，唔用大陸布，全部用意大利布，但講真，有邊個識睇。無媽媽衫和褂，只有2~3套男禮外借，完完全全only for bride的婚紗舖。我諗0岩好有要求的新娘，我呢D budget至上的就唔太0岩了。

$6888 - 1WG+2EG/男禮，包首飾頭紗，EG免upgrade費但WG有分grade，加$900~$1800，預約free try 2件，31/7前join package送1EG。

地址：加連威老道77-79號開麟中心15樓
TEL：23692069
網址：http://www.vianeiwedding.hk

睇水牌見到同一橦，咪順手睇埋囉。婚紗晚裝是港式style，個人覺得有D似Mona Lisa，睇相簿無邊件好吸引。最攪笑係，佢地要我BD前9個月才會接單，叫我睇相簿都係多餘，所以求其拎咗catalogue就走。

$6588 - 1WG+4EG/男禮/褂/媽媽衫/伴娘裙，無分grade拖尾，預約free try2件。

除咗租衫之外，呢間舖仲有賣各式傳統禮節用品：
過大禮 - $700
回禮 - $800 (2套都買$1488)
斟茶出門 - $600
上頭 - 男$80、女$138
安床 - $88

我緊係返祖國買啦

地址：加拿芬道49號Savoy Mansion 3樓A室(入口向厚福街)
TEL：23122383

呢間因為無網頁，又係好奇心想去八吓。因為有另一pair客試緊衫，所以今次淨睇相簿。WG好靚，A-line或魚尾款，0岩我心水，做工仔細，唔係車花lace+釘珠就係摺摺+立體花；EG走清簡style，單色直身款為主，用料多數雪紡+閃石；中式禮服除褂外，有唔少旗袍選擇。全部都好0岩我呀~~~可惜佢無媽媽衫租，我又唔想分2間租衫咁麻煩，又是緣慳一面囉

$7888 - 1WG+3EG+1男禮+1褂+1伴娘裙，無分grade或拖尾，男禮/伴娘裙轉EG或褂+$500，包頭紗底裙。

地址：漆咸圍2~4號金時商業大廈1樓101號舖
TEL：21997802
網址：www.naturalbeauty65.com.hk

本來諗住搵Mee Wedding，上到去點知變咗Dress Wedding。(唔通Mee Wedding執咗?)望入去間舖好細好黑，我見都夜了，拎咗catalogue就走。

$3980 - 1平腳WG+2EG+1男禮，再送一套，free trial。

原來總店係百利。anyway，not my cup of tea。

今晚無一間0岩明天帶媽咪去睇。而我book好明天6pm去Hsiao Wedding、7pm去Rosebay，如果中途有時間就上一上Eternity，最後7:30pm去希臘女神。希望明天媽咪有一間係睇中啦，唔係我仲有排行。

連續咁行咗4日，真係好累呀~~~

by笨豬小慧

原本諗住上星期四去睇婚紗ga，點知放工前黑雨(用咗3小時先返到屋企呀)，無計啦，改今日去運吓吉囉。

Hsiao Wedding
地址：柯士甸道130號嘉碧大廈13樓B室
TEL：35210279
網址：www.hsiao.com.hk

上網睇過佢D衫好似幾0岩我style，所以就walk-in去八吓。可惜佢今日盤點，唔開放入內，唯有book星期五帶埋媽咪去睇。

$7688 - 自選6套，無分grade，拖尾+$500(只收一次)，包首飾

咁0岩有另一位客人試緊衫，因為得一個sales，所以我都唔煩佢招呼人，費事阻人做生意啦。佢衫有好多，大約1/3是WG、2/3是EG，款式都偏向百利style，唔太0岩我，不過媽媽衫就超多款，新潮到成熟都有。package超平，$3680自選10套!!無分grade仲包首飾頭紗底裙，係我去咁多間最平ga~~真係淨租姊妹衫都抵，可惜我無咁多人的姊妹團啊。

今日終於入到去，一睹蘆山真面目！滿心期待，換來的是失望衫款是港式style，睇晒d相簿，先揀到一件WG同一件EG合眼緣(下圖款式)。大部分EG都無入袋，摸上手仲霉霉地。

拖尾有3隻小蝴蝶結，A-line款，lace布鋪面再加少少釘珠，唔算好閃，竟然係upgrade款，要加$1500!!! 咁easy的款都要加咁多!?當我係水魚!?

package $5880 - 1WG+3EG，另+$2500變全upgrade款，包頭飾，另加租其他衫面議，試衫費$300。呢間都係睇過就算

行完7:30pm，搭車回到家0岩0岩好開飯。星期四再睇多幾間作最後衝刺。

by笨豬小慧Simple