簡單就是愛 - 笨豬小慧simple's blog

尋日約埋一班20112011B2B，北上笋崗買婚禮物資。

第一次嚟咋，多謝mc win帶路，令我可以大安旨意跟大隊唔洗用腦。

先係上水集合，食個早餐，然後坐火車到羅湖過關。可能真係太耐無返大陸，過關條隊都排錯!! 排咗係快速e道，臨到的時候見到部機唔同咗樣先醒覺!!! 真係好樣衰呀~~

過完關就直接搭的士，同司機講去「寶安北路2號笋崗文具批發市場」，車費大約RMB20。

就係呢度喇~~~認住呢D黃色框框的building，同埋呢個綠色的門口

我地今日的目標就係地下近門口位的立興

真係咩都有得買，90%的婚禮物資都可以執齊，連印帖服務都有，堅!!!

花咗2個幾鐘終於揀完，D物資pack滿咗個大背囊+大環保袋，total只係RMB480!!

任務完成，YEAH!!

我地另外仲發現一張好好好靚的帖呀~~

打開之後係一個dye cut的囍字，有硬卡紙托底，裡面再夾內文珍珠紙，仲有信封，一套包燙金印刷只是RMB3.5!!!! crazy!!! 如果我未買帖，我一定用佢!!

highly recommand搵哥仔朱古力幫手，D野好熟，佢會帶住你買齊晒D野，唔會買漏，仲會開個靚價tim~~

之後上咗二樓買絲花

一上電梯望向左手邊就見到，平過絲花伯伯，但款式唔算多。

之後落番一樓呢間，買吓絲帶、回禮包裝等。

D紙盒又平又靚，圓形盒只是RMB1.35/個；方形盒唔洗RMB1 !!!

絲帶也只是RMB4/卷，一卷有25碼

另外去埋對面舖頭買雙面膠紙

呢度24卷，只是RMB10!!!!! CARZY!!!

行吓睇吓，咁就3pm，雖然仲想行，但真係又餓又累(好彩商城有冷氣，唔熱咋)，去咗附近的帝豪酒店high tea。

RMB20一個tea set，有炒粉麵tim~凍飲都唔洗加錢，好好好抵食!!! 最重要廁所又乾淨。

食飽飽，mc win帶隊去少年宮書城，諗住去漫趣手創館的門市朝聖，點知...........執咗笠=.="，以後要買就要靠淘寶了。

5:30pm搭地鐵去福田口岸過關，比羅湖少人好多呀~~~真係好快又輕鬆，正!

地鐵上留影

食埋個邊爐，打道回府。

今日可以一氣呵成咁買齊晒D野，感覺好爽呀~~~依家心情仲好興奮!!!
而且慳到好多錢錢呀~~~雖然話人仔升值咗好多，D野無以前咁平，但都比係香港買仲差好遠好遠~~~都仲好抵買呀~~~~!

BY笨豬小慧SIMPLE