簡單就是愛 - 笨豬小慧simple's blog

原先講好23/6收到第一次排版，等呀等，等到27/6品果都無晒聲氣，立即send email問問咩事啦，原來因為file太大，send唔到，真係我唔追就唔會follow囉，大陸人做野有時真係會激到你反白眼@_@。

點都好，28/6終於收齊了。

第一次的排版和修圖，滿意度50%，真係算高分的了。(因為根據其他品果之友的feedback，通常第一次排版，唔算太滿意，好多B2B都要求由頭改過晒)

中式衫的照片，無論修圖和排版都好滿意。

呢方面同我做足功課有關吧，收排版前事先整定份proposal，指定每張相有咩要執，執穿崩執顏色有晒指示，出嚟效果就似番我地要嘅野。不過排版我無咩特別指示，呢個排版有咁靚的效果真係好surprise。

型照係我地的request，呢張的黑白effect都做得好好。又係無特別要求下的surprise。

當然唔係樣樣野都咁順利啦，都有d驚嚇位咖。

唔係好明點解要放大我地個頭。

同一張相，repeat一次，做咩呢?? meaningless

最驚嚇係，美圖師無啦啦幫主人「美白」

修圖前
主人本身膚色就比我黑好多，佢有古天樂夢寐以求的天生黑炭膚色。

修圖後
咩事，仲白過我!!!! 超唔自然呀~~~

張油畫仲驚，「美白」都事少，仲幫我「整容」

修圖前

正常膚色，正常五觀，自然美感。

修圖後

主人變咗白臉飛龍，脂粉味極重；我無啦啦被割大眼!!!救命呀~~完全唔似我自己了!!個樣超假。

加埋d顏色問題，要重修的圖都有一半以上，花咗2天才整好一份修圖proposal，希望再修多一次，就可以正式拎去印，咁都趕得切新居入伙時收到成品了。

by笨豬小慧simple