簡單就是愛 - 笨豬小慧simple's blog

2011年5月23日(一)

2個月前book咗的婚檢，依家先抽到時間去抽血，攪結婚原來真係好忙。

我早於星期六已經去了抽血，真係爆多人!! 不過平日我收工時美邦又收工，想唔揀星期六都唔得啦。

因為星期六主人要打比賽兼返工，小豬慧唯有自己去抽血啦，呢世女最怕就係打針>~~<，希望到時唔好咁痛啦~~~真係好驚好緊張呀。

唔知係唔係人多，過程都好水流柴，員工做到無停手，所以態度都幾cool....

今次抽血唔太痛(好彩)，不過按住個傷口時就有d痛，我都知又出事.............

又瘀咗!!!! 唉，點解我次次抽完血都會瘀到大大撻咁呢?

星期一主人放假，hea底的佢就去了最近屋企個間，可能平日少人，主人話d姑娘服務好好，抽血個時仲問定主人會唔會暈(男人老狗又年青力壯，點會呀?)，原來以前個姑娘幫過一位男仔抽血，支針一拮入去，d血都未抽到，佢就暈咗.............wakaka唔通係我個fd???

其實主人好怕驗身睇醫生呢d野(我都唔知佢驚乜??醫生唔會食人ga wor)，因為佢好易胃唔舒服，我叫佢去check吓，叫咗幾年佢都係拖字訣，不過今次婚檢真係避無可避，所以我地加了$180驗埋幽門螺旋菌。主人，為咗隻豬，你要頂硬上呀~~~

約好16/6睇report~~~

by笨豬小慧simple