簡單就是愛 - 笨豬小慧simple's blog

今晚去了一個好有意義又好特別的聚會，20112011的B2B聚會，非常榮幸受到邀請!!(多謝chanwong留言約我呀~~好surprise!!)

約好大家7pm係旺角pokka cafe食飯，因為遲咗少少收工，去到時大家已經坐定定係位了。最遲一個到，真係唔好意思。

終於見到mc win、wingwing、chanwong、Germanthea、小宅K的真身。mc win的樣子真的跟blog的公仔頭像一樣!!!佢真係好攪笑呀~~~chanwong真的一如mc win的形容，高貴斯文，感覺好似kelly陳慧琳!! Germanthea，我覺得你真人仲靚女呀~~~小宅K又係好攪笑，雖然你唔係20112011 B2B(佢明年3月結婚啊)，都好開心同你分享咗唔少攪結婚的experience。wingwing的感覺好warm呀~~講野充滿正能量!!!!

估唔到大家第一次見面，都可以咁多野講，由攪結婚野到感情生活到潮流八卦都講一餐，連halloween恐怖電影汁都撈埋，係餐廳傾到唔願走，阻住人地打烊，HAHAHA。

主人本來都想去ga，但知道無男仔去，所以唔來了，但原來chanwong、Germanthea的老公仔都想出席ga，又係因為無男仔去又唔來了，HAHA，如果是旦一個肯帶頭，你地3個「佬」咪又可以一個墟囉。

不過，我真係有d唔好意思，出席前都唔太認識你地，又唔算經常蒲blog的人，但你地都有約我，我真係十萬個開心!!!

希望快d有第2次的B2B gathering，今次約埋榮少、Ms Bee~等20112011 B2B，仲有，帶埋我地的「仔仔」嚟啦~~~(到時真係失禮晒喇)

by笨豬小慧simple