簡單就是愛 - 笨豬小慧simple's blog

婚紗攝影有很好的進展，經過一大輪資料搜集，耳聽八方收集用家意見，再跟品果溝通溝通，終於有個令人鼓舞的消息：

我們預定的景點可以在一天內拍完，實在太好啦!!

雖然主人曾經安慰我說，如果一天拍不完，我們就改拍兩天的套餐，係有少少out budget，但起碼拍得輕鬆d又可以拍多d我地要的景。但我覺得，我地唔上雪山(因為我身體唔好，怕好凍自己頂唔住)，又唔打算去香格里拉拍，最最重要係，我唔可以一次過請到咁多日假啊，拍一天已經係我的假期極限了。所以我係咁同品果個邊傾傾傾，煩到人地死，皇天不負有心人，出來的結果令我好開心呀~~

我們預定想拍的景點：束河古鎮(農村風貌+山水)、雪山遠景(不上山)、玉水寨(用來代替主人好想去的白水河，因為太遠一天內去唔到)、拉市海的黃昏、沿路拍一下花田

如果天氣好不下雨的話，一天內可以完呢~~~~~好野!!

而且我地亦定好咗拍攝日期：2011年3月1日

拍攝的行程大約如下：

2月27日：到達成都，下午去品果總店選婚紗禮服
2月28日：去麗江，晚上跟拍攝團隊開會
3月1日：拍攝
3月2日：返香港(如果唔周圍玩吓)

即係淨拍我都要有4日假先得啊，如果留底玩番2~3天，就要7日假了，希望到時老闆肯放人啦。

亦祈求當日藍天白雲，花朵處處，超級好天氣!!

by笨豬小慧