簡單就是愛 - 笨豬小慧simple's blog

我咁大個女都未去過葵芳ga，因為約咗人交收，所以發生了今次的第一次。

聽住荃灣的朋友講葵涌廣場賣的東西很便宜，交收完之後就上咗去八吓，衫就買唔到(亦無佢講到咁平)，但俾我搵到間姊妹裙公司。

間店無招牌，只知係2/F(定3/F呢)的潮流廊向正電梯口個間舖。

姊妹裙只賣不造，有好多款式揀，有d舊款斷碼款好平，$100!!!!其他都有分size，可以修改，但同一個款有冇咁多件真係要講彩數。我諗住全部姊妹著同一款裙，如果只可以現買，唔夠數咪閉，而且d姊妹0黎葵芳fitting都好唔方便，所以唔考慮係度買姊妹裙了。但誠意推介俾d要做姊妹的sis。

間店最recommand唔係姊妹裙，而係右手邊個排毛毛披肩!!!簡單披肩款只需$50!!!毛毛短褸仔也只是$70!!!我係金都、百利見到相同的毛毛披肩要$100ga，而且無咩色同款揀tim。呢間店就又多色又多款。如果11月擺酒時好凍(我上年做姊妹就無端端番北風，得件雪紡披肩，差d凍病)，都可以考慮買0黎俾d姊妹著。

如果閣下唔介意店員非常無禮貌(佢掛住整十字繡唔理我，問佢野仲要喝我tim)，又唔介意葵芳遠咗少少，都值得一去

葵涌廣場 - 葵芳港鐵站D出口

by笨豬小慧