簡單就是愛 - 笨豬小慧simple's blog

已經寫緊20112011大日子的回顧了。

不單跟大家分享一下當日的琳琳總總，最重要是紀錄呢次的婚禮啊~~~(要記在失憶之前)


由於花絮相片都有兄弟姊妹、朋友親戚的樣子出鏡，唔想佢地太公開被post，

所有大日子回顧的post都會私有化!!


如有興趣八吓的blog友，請私留我add你啦~~~
(只限有相有內容又攪緊結婚的blog友)


多謝收看^^


by笨豬小慧simple

2011年11月19日(六)

承上文：婚前忙爆的一天(1)、婚前忙爆的一天(2)


原本打算坐的士去沙田麗豪酒店，點知兄弟K揸咗架花車嚟車我和伴娘過去，而主人、兄弟A亦幫手搬d物資上車(當然做埋跟車落貨啦)，實在太好了!!
(到呢度大家可能發現，婚前全日，甚至上頭後，我都仲同主人形影不離，無計，搬抬托的功夫，單靠我一個女人仔真係攪唔掂，破戒又如何，攪唔掂我就真係唔洗嫁了)

沙田麗豪酒店的歷史都唔少(保守估計over廿年，而且中間無大裝修過)，所以房間有幾先進，裝潢有幾新淨，真係心中有數，我仲因為太晏去check-in，拎唔到10/F、11/F最近新裝修的房。

不過，房間比想像中好，都算四四正正、乾乾淨淨、光猛舒適。

洗手間
房間裡唯一最簡陋的地方，浴缸、座廁比我娘家的model還要舊=.="。好彩我已經沖咗涼。

因為想令新房保持神秘感，主人和兄弟們將d野搬到房門口，就被我趕回家了。(打完齋唔要和尚XD)

等佢地走咗之後，我想call room service上嚟，打算搬一搬廳的傢俬，騰出更多空間(明天成廿個人係廳咖)。
可恨room service的電話長響無人聽，我和伴娘又唔夠力搬郁盤假樹和梳化，只好call back番3個猛男上嚟啦。

猛男們幫個廳大變身之前，我已經懶醒咁搬咗牆上幅油畫落地，仲棟咗係床邊。
正當我同伴娘討論緊點收埋幅油畫時，幅畫遙遙欲墜跌緊落地，於是我好順勢用腳頂一頂個框啦。
唔知係唔係我出腳太快，定跌得太急，幅油畫俾我 K O 咗!!!

成塊玻璃 裂 晒 !!!
我對住幅油畫@0@呆咗，全場人見到呢幅爆晒玻璃的油畫都靜晒(真係dead air咗10幾秒)，主人黑晒口面........

我只識係心入面諗，呢次死喇，會唔會俾酒店罰得好甘ga，最好只係罰我扣起咗o個$500按金啦..............(已經嚇到痴咗=.=")


之後，我就被罰要安安份份坐係床，咩都唔准攪=.="

今晚我仲唔係「至爆新娘」了!? XDDDD





等班猛男走晒之後，我就和伴娘貼吓囍字，佈置一吓新房。然後就敷mask，準時00:00就寢。(可以咁早瞓得，不得不俾個叻自己)

臨瞓前再check check天氣預報





P.S. 新年假期後才可以收齊大日子的相片，所以大日子回顧要等吓先寫了，希望我到時未失憶啦~~~
   咁呢段時間仲打唔打blog呢??? 報告一下婚後生活?? 但結婚都未寫喎.............

2011年11月19日(六)

承上文：婚前忙爆的一天(1)


由於下午的太子大塞車，我地係始創附近兜路兜咗成個鐘都出唔番高速公路，最後我和主人、兄弟A係旺角火車站落車，轉坐火車歸去。

就係咁，成個schedule延後了1hr。

幸好酒店check-in都好快攪掂，6pm左右我就回到大埔了。執埋d手尾和最後佈置，我和主人就出發，各自回家，與家人吃婚前最後的晚餐。


媽咪唔想煮(佢攪好多野無時間買餸)，所以呢餐係出街食，都好，食完唔洗執，可以即撇，因為要趕吉時上頭。
(surprise妹妹和妹夫都有嚟食飯和睇我上頭，haha，佢地仲幫我拍片影相)

因為趕吉時，我都唔理主人上頭未，回家即刻沖涼，準時8pm上頭!!!
(多謝賣花的antie教我要用碌柚葉沖涼，不過現代化方法唔洗煲水喇，只係整濕d碌柚葉掃吓身就ok)

沖完涼出嚟，已經見到屋企人幫我set好晒個壇。

我的上頭都係一切從簡(貫徹我的姓氏=p)，所以無雞無肉，連五色生果都無，求其買紅色生果頂當算了。(有冇發現枱面少咗d野?)

唔知邊個插支龍鳳燭係個蘋果度，感覺真係太攪笑了吧!?


有請媽咪進行點燃蠟燭儀式!!!

冷不防佢竟然用打火器點蠟燭，haha，好大陣像咁款，笑c我了XD



妹妹幫我準備了新版上頭歌：

一梳 梳到尾
二梳 白髮齊眉
三梳 兒孫滿地
四梳 老公仔女錫晒自己
五梳 有屋有財有舖又有地
六梳 仔女上暹自立 勤奮爭氣
七梳 永遠青春美麗 年年似廿幾
八梳 家庭甜蜜溫馨 旅遊到處飛
九梳 實現夢想 貢獻社會 光耀門楣
十梳 一生幸福 歡天喜地 成就自己


但梳到中段已經亂唱了XD




好開心邀請到睇住我大(但無睇住我壞!!)的老街坊 - 張太做我的好命婆，由佢幫我上頭，真係份外有意義。佢仲好專業著晒紅衫嚟幫我上頭tim~

好多謝張太幫我上頭呀，希望我沾到你D福氣，好似你咁做個幸福靚太啦~~~



上頭，完成!!


烏龍媽咪原來以為上完頭先可以煮湯丸，真係呢......(所以上頭時枱面係無擺湯丸囉=.=")

食埋湯丸，等埋龍鳳燭燒完，我就call伴娘，出發去沙田麗豪酒店。




9pm時，主人都上頭了(傳統應該男仔上頭先，所以我地係攪錯了>.<)

奶奶set的陣都好掂!!

禮成!!

貪靚到死的主人，死都要換走呢套紅睡衣先肯出街，所以呢套價值$60的紅睡衣，主人著咗都唔夠1hr=.="



而我，懶爆啦，反正出門口都跳上的士，求其笠番件褸就出街，換乜鬼。
點知俾妹妹笑我係「屋邨厲鬼」


俾你見到我，你行運啦，wakakaka




婚前最後的moment同屋企人過，雖然時間短，但已經好窩心好開心，high爆咁迎接我的大日子lu~~


by笨豬小慧simple

2011年11月19日(六)

BD倒數1日!!!

孫簡聯婚的rundown係由呢日開始寫起的.............(rundown由BD前一天開始，係一位已婚的朋友教路的，咁做就唔怕自己做漏野)
一早預知今日會爆忙，可幸BD的準備功夫已全部完成!!(包括DIYs、seating plan、pack物資等)
只要完成今日拎物資的target，呢個BD就如箭在弦，隨時ready start!

好多謝兄弟K和兄弟A今日抽空做咕喱，兄弟K更提早拎定花車，做埋司機載我同主人周圍拎物資，有咗佢地的幫忙，我地慳好多時間和氣力啊~~



12:30
去希臘女神Beauty Hera拎女士們的裙。
我的晚裝和婚紗呀~~~臨pack盒時拍底的。

我有last check，執漏埋d甩珠片甩線呢d細節位，萬無一失嘛。
交底按金(碌卡hold limit)，拎得衫走，撇~~


13:30
去DECISION拎男禮。
都係TST，過一條街就到，極之方便。
好彩last fitting時講定我地想早d拎衫，sales今日特登早d開舖，麻煩晒了。
交底cheque做按金，拎衫，上車，離開TST了。


14:30
去酒樓(太子始創)放底d晚裝和主人晚上著的男禮，仲有2大張油畫。
交低俾場地負責人黃經理就走得，兩手fing fing。
見有時間，去埋花園餐廳食tea tim~~(真係一個好悠閒的before BD) 下午茶竟然有得鋸扒!!! 仲要$39有湯有扒有餐飲，真係好癲呀~~~~



17:30
主人回大埔拎花球。
(同一時間我去了沙田麗豪check-in出門用的酒店房)

花球又大又靚呀~~~同將demo相一模一樣tim。
而且附送的頭花超級多，西式中式都有，真係估唔到咁周到。
襟花都唔錯，係個絲帶隻色唔太match


我仲叫主人幫我買多個藍繡球花和白玫瑰花，d花多到廚房變咗小花甫了。
屋企無花樽，唯有用杯插花啦.....


18:30
最後收拾+佈置
門口已貼好男家的對聯了，因為明天呢度就做男家入門斟茶點。



之後就各自回家食飯+上頭，下篇blog待續^^


by笨豬小慧simple

又到聖誕，又到聖誕~~~

婚後個幾月就係聖誕節喇~~~
今年的節目一樣豐富，但因為主人要去飲和返夜更，我地沒有2人世界的聖誕節了T^T。雖然有d可惜，不過都無計了，下年啦~~~以後仲有千千萬萬個聖誕節要一齊過，走唔甩嘅，keke!!!


小小小豬欄都要有聖誕feel，我要買 聖 誕 樹!!!

可能細個屋企有聖誕樹，我依家有自己屋企都要整番棵。

(12/3/2012 UPDATE：只剩VSOP、Hello Kitty公仔 未出售，有心人快D帶佢地番屋企啦~~~)


結咗婚已經有3個多星期了，終於叫執好少少間屋，間房同客廳的地板終於見天了~~~(之前堆滿一地都係雜物Orz)

婚禮後，真係有好多只用了一次的物資，或者買咗無用到的東東，丟了真的好浪費啊~~又唔環保。
所以希望有心人接收佢地啦~~~

如對以下物品有興趣的BG2B，請私留聯絡電話，我就會幫你hold起。
hold起後一星期內交收，細件物品可以郵寄，如一星期內你都未能交收，我只好給下一位有興趣的BG2B，因為不是賺錢，只想盡快清走物資。

可交收的時間：Mon~Fri，7pm後
可交收地點：東鐵沿線(紅磡、大埔墟、太和可在閘外，其他站會在閘內)，其他地點另議^^


1. 囍字punch(未用過, 100%新) - 15 (原30)  SOLD


2. 上頭紅睡衣(女) (只穿過2次, 90%新, 已洗乾淨) - 30 (原60) SOLD


3. 上頭紅睡衣(男) (只穿過一次, 95%新, 已洗乾淨) - 30 (原60) SOLD


4. 囍拖鞋(只穿過一次, 95%新) - 各6, 10/2對  SOLD
    ***如果買紅睡衣, 免費送俾你***


5. Louis Royer VSOP 700mL(全新) - 300/支, 500/2支
***如果買晒2支，飲淨的半支送埋俾你***


6. 西班牙Easy by Enira 2008 紅酒 (全新) - 40/支 (原62)  SOLD
***一箱6支，我有12支呀~~~如果一次過買晒，再打8折!!!***
(相關閱讀：http://blog.yahoo.com/simpsonsimple/articles/48786/category/%E5%9B%8D%E4%B9%8B%E6%8E%A1%E8%B3%BC)


7. 玩新郎必備道具!!!毛毛bikini (只用過一次，99%新) - 各25 (原50) SOLD
   
***免費送動物耳頭箍，襯埋一set好正ga~~分開用又得*** SOLD


8. 麥記hellokitty中式結婚公仔(100%新) - 100


9. 花車裝飾的金色紗網布 (100%新) - 10 (原20) SOLD


10. lace花印仔(90%新) - 各15 (原30~50) HOLD


11. 印台，3個色(啡金 SOLD、檸檬黃 SOLD、湖藍 SOLD)，90%新 - 各5 (原15)



12. 絲花花球(90%新) - 50 SOLD






贈品區：

由於購入價太便宜，都唔好意思賣俾人，如果你啱用，不如我送俾你啦~~~~
(希望最少幫襯我上面的一樣東東啦~~~wakaka)

A. 特大閃閃bow tie SOLD


B. 男禮用bow tie from 淘寶(100%新) SOLD


C. DIY花花簽名筆6支 (已開封，但仲有墨)  SOLD


D. 櫻花牌簽名筆3支 (已開封，但仲有墨)  SOLD


E. 心形棉花糖 (開咗，用咗少少玩遊戲，仲淨大半包)





by笨豬小慧simple

其實我是一個B女fans。(B女即係Blythe公仔)
真係好想BD可以用B女嚟做decoration，仲要佢地著的婚紗係我車嘅，滿足一下我的fashion show願望。

原先計劃係有4~6隻B女的，真係一字排開好似fashion show咁，但後尾睇場發覺，酒樓擺唔到咁多隻B女，而且保安都係一個大問題。
於是就由fashion show改做一對B仔B女好了。

材料一早買好，只係自己懶，一直唔願開工，去到倒數7天o個時，真係想過放棄，唔想攪到自己為DIY而好趕好緊張。
不過最後，都難敵慳妹精神的責備(買晒野又唔整，晒$$)。於18/11的首天假期，用了整個下午，終於完成了~~~



真係趕工趕得好犀利!!!
所以好多細節位都粗製濫造!!!

真係太耐無車B女衫，手藝生疏晒，車得好慢呀~~~~

成品就..................滿意咁啦...................hahaha
DIY都係自我滿足好了。


掛住車衫衫，攪到得主人一個去酒樓試音響，haha~~~辛苦你了。


by笨豬小慧simple

2011年11月17日(四)

BD倒數3日。

今日係婚前last day上班日，公事無咩忙，但私事就有。
- 約咗舊同事lunch飲茶+派帖 (真係派到呢日先派完晒帖呀~~)
- 去美心拎4打西餅回公司派，3:30pm開派
所以今日無咩工作mood =p

放工就準時撇，約埋媽咪去表妹的甲店整gel甲。

我本身指甲薄，又易斷，聽人講gel甲好傷指甲，所以真係好抗拒整gel甲，好似一開咗個頭就返唔到轉頭咁。
有諗過留長少少，自己油指甲+黐K石咪得囉。
點知自己手多多，一星期前剪到d指甲鬼咁短，點油都唔靚ga wor。
即係都要整gel甲。

人生第一次整gel甲，真係好忐忑呀~~~~
(表妹，我的人生第一次獻咗俾你了)

坐咗差唔多2個鐘，終於攪掂!!

好閃好閃呀~~~~好靚啊~~~^0^


勁鐘意呢d清清地的款^0^

底色用透明，長咗都無咁礙眼嘛。



整gel甲的過程好開心，2個鐘，好似好快過咗去lu~
整完真係好靚^0^，伸隻手出嚟戴結婚介指o個吓都醒d啦~~~wakaka
而且gel甲係好厚好堅硬的!!! 點撞點摑都唔甩，啱晒我呢d粗魯鬼(真係有大把搬抬托的功夫要做呀~~~)


最開心係媽咪找數埋單，wakakaka~~~多謝媽咪唷^0<




介紹吓我表妹的甲店先，新開ga~~~多多支持啊~~~
地址：尖沙咀彌敦道36-44號重慶站商場228號舖　W Nail
美甲師：Carrie
收費：淨色/閃粉$188、法式$198、$328任做(雕花/斯華洛石除外)、修手甲$78、修腳甲$108




by笨豬小慧simple

2011年11月16日(三)

BD倒數4日

今日約咗未來奶奶和媽咪去Beauty Hera做last fitting，同行還有未來老爺、未來姑仔、主人 和 我細妹 成立的顧問委員會。

本來約好14/12，book好晒喇，麻煩媽咪先突然話呢日佢要開OT搵外快，要改期16/12，咁樣一改，就要全村人就媽咪一個，真係牽一髮動全身咁嘛，你一句說話我又做餐死喇，真係忟死我喇!!!!好彩未來老爺奶奶16/12都得閒，又好彩16/12仲有期last fitting，唔係我實俾媽咪玩死鳥......


其實所謂的last fitting，即是拎晒你confirm咗的衫，俾你試身多一次，試之前已經根據你之前度咗身的尺寸改好了，當然成年前的size同依家會有出入啦，因為個個女人都會為咗大日子而變瘦(不論自然瘦定努力瘦)，所以試身後，會再細執一次，呢d就交俾即場的改衫阿姐負責了，當然唔少得配襯首飾、披肩、頭紗等的環節啦。


首先係麻煩媽咪fitting，條友仔著咗條裙已經藐藐咀，又話呢度爛o個度霉，又話人地改到d衫殘晒，我唯有氹佢：「膊頭位有少少瑕疵，但著咗披肩就睇唔到，件衫好閃好靚呀，又著得你瘦....」希望快d息事寧人，好啦，媽咪終於接受到條裙的少少瑕疵，佢就話要襯披肩，個sales又唔醒，雖然我媽咪條裙係黑色，但你都唔好拎條灰灰地閃都唔閃吓的披肩俾媽咪啦，佢見到件披肩又發晒忟話自己confirm衫o個時指明要白色披肩(不過無人記得佢咁講過)，猛鬧個sales做野唔用心，又怨我做咩要book呢間租衫，我都好冤枉呀，當初帶埋你嚟睇，你睇完ok我見俾訂咖，依家last day4日你先同我講呢d野，咪玩啦，我真係心力交瘁，要行埋一邊唞唞氣，我真係怕自己忍唔住開佢拖!!! 襯咗一輪之後，終於揀好披肩，就到襯首飾，麻煩媽咪又出招，猛話d首飾好普通，佢襯唔到，我走埋去睇吓，又真係揀唔落手嘅，呢次個sales醒d喇，即刻入倉再搵多d款俾媽咪揀，最後佢都勉強揀到條，但仲有好多說話俾我聽......唉......我都無心情理佢囉，由佢自己口蹹蹹算。

麻煩媽咪咁玩法，齋試一條裙都用咗1小時 =.="

跟住到未來奶奶fitting。未來奶奶出名快手，佢揀野真係好似唔洗諗咁，同我媽咪係完全相反。試裙的時候，大致都fit，係腰位鬆咗，未來奶奶高d，所以d裙吊腳，要放長，同埋有款背脊see through要加番塊布上去。未來奶奶好開心話自己依排食少d飯，又去打波做運動，瘦咗呀~~~~睇嚟佢好積極瘦身，wakaka。未來奶奶仲好醒帶定私伙耳環嚟襯衫，仲要閃過又大粒過Beauty Hera提供o個d款，真係估佢唔到呀~~~不過未來奶奶買咗對黑色漆皮高踭鞋做晚裝鞋喎，呢吓真係俾佢嚇一嚇，對鞋好似OL的返工鞋，同晚裝唔多match，原來仲要$500!!! 未來奶奶俾人呃咗喇......我媽咪o個對閃閃晚裝鞋係有利買都唔洗$100.........係我唔好，我唔記得提佢要買咩鞋，唯有靠未來姑仔聽日陪奶奶去買鞋了。

未來奶奶試2件衫，又用了1小時。


攪掂晒d長老s，終於到我fitting了。試緊第一條裙時，正當我想襯首飾，sales先話改衫阿姐就快收工，要我快手fitting晒d衫先，攪到我呢呢嗱嗱又著又除衫咁，半小時內fit晒4條裙，條裙咩樣我都未望真呀..........點解個sales係d媽媽s試緊時唔催佢地，結果佢地試3條裙用2hrs，我試4條只得半小時，真係好唔make sense囉。好彩我身材無咩走樣(即係無肥又無瘦到)，大部份衫都唔洗大改，係件敬酒晚裝pat pat位勾爛咗，好彩有塊長拖尾可以釘過少少遮住佢jar，唔係都唔知點算。因為未來奶奶揀咗for新娘o個d又閃又誇張的首飾，所以都無咩剩底俾我揀，求其揀3套，再叫細妹揀一套(因為敬酒我會襯金器，所以我突咗套首飾出嚟，梗係叫屋企人揀埋，唔好浪費咗個quota嘛)

我只係用1小時就攪掂晒4條裙了。




for細妹



由6pm玩到9pm終於走得，o個肚餓到咕咕聲，就近去了妹記dinner算了，食物好味咗，我仲食咗碗半飯，痴咗(你睇我咁食法，就知我完全無keep fit的意識)

食飽飽就各自回家，多謝細妹送主人一家去搭火車，我就可以同主人&媽咪坐巴士了~~~


好累，d衫終於fix好晒，安樂晒~~~~


by笨豬小慧simple