2012年2月

以為嫁咗就唔會慶祝情人節?no~~~
情人節對已婚和未婚的女性嚟講,一樣咁重要!!
所以各位男士們,咪諗住結咗婚可以慳番呀~~~~


今年的情人節,又在忙碌中渡過。

由於主人的更期唔太配合,我o地提早11/2慶祝。


終於有屋,當然唔會出去迫咁笨,在家來個sweet sweet home celebration!

豬小慧攪盡腦汁,整咗餐full meal,由湯到甜品,連酒水都一應俱全。

是日情人節homemade大餐
湯 - 西蘭花忌廉湯
頭盤 - 三文魚拌香草芝士沙律
主菜 - 鹽燒鯖魚拼意大利燴飯
甜品 - 焦糖蛋布甸
飲料 - 檸汁流打白酒

賣相都似模似樣ga~~~~
味道呢...............主人俾75分,因為調味重手咗少少=p (太耐無煮飯,落調味的sense要d時間re-pickup)

雖然做唔到十全十美的一餐,但見到主人一邊食一邊偷笑,煮的我就覺得好sweet了。(我真係易滿足呀)



估唔到正日14/2,主人會煮番餐慰勞我。

羅宋湯、炒娃娃菜、鹵水雞翼、芝士、朱仔包

雖然大部分都係現成食物再加熱,但主人肯煮喎,真係好surprise呀!!!!
仲要唔洗我洗碗!!!

呢餐到我邊食邊偷笑=)



今年的情人節,我o地都不約而同想簡簡單單在家過
雖然沒有花、沒有禮物、沒有去高級餐廳吃飯..................
但能看到對方因為你精心炮制的大餐食得津津有味
仲 甜 蜜 啦!!!

因為有你,幾時都會係情人節^^

豬小慧依家係好幸福呀~~~~~(跳番part開心舞先)


by笨豬小慧simple

笨豬小慧simple 發表在 痞客邦 留言(10) 人氣()

(短袖衫都著緊喇,依家先blog到新年,OMG@-@)


2012年1月

今年的農曆新年嚟得特別早,1月中就到,剛剛先忙完聖誕節,氣都未唞夠,就話過年了。
而且今年係婚後第一個農曆新年,即係好多野都要自己預備,好緊張。
簡直係手忙腳亂呀~~~~


結咗婚,就要派利是
所以,首要任務係預備利是。
幸好公司會幫員工唱新銀紙,我先唔洗排隊去銀行迫,yeah!
加埋奶奶和細妹提供的免費利是封(呢個好重要,慳好多ga),利是任務超順利完成!! ^v^ v

雖然我o地唔算多親戚,但朋友就一大堆,而且大部分未 結 婚,所以預算的利是金額要$4000 (最後都超budget>.<)
咁大個女都未收過呢個金額的利是錢呀~~~
真係嫁咗先知,派利是原來可以好 @0@
希望班朋友快d結婚啦~~~~wakakaka~~~~


次要任務,當然係辦年貨啦。
海味冬菇就年年都會各自送俾對方的媽咪,幸好有相熟海味店,呢樣無難度攪掂。
至於買賀禮,真係好頭痕,因為我都唔知男家要唔要送(我屋企就要,但得3份,easy job啦,但老爺+奶奶的兄弟姊妹係1X人喎)
最後要打俾老爺指點迷津,幸好只係需要買少少je,嚇死。
辦年貨任務算有驚無險順利完成。


仲有,大掃除、買年花、貼暉春..................
大掃除嘛,懶+間屋入伙前已經勁抹一次(其實主要都係),skip咗,無做,wakaka
買年花嘛,本來諗住等媽咪俾盤水仙我,但天氣太凍,等到年廿九都未開花,媽咪唔俾我拎走,我又唔想買貴花,又skip咗,唔做。
最後只有係咁易貼d暉春,裝飾吓間屋,有d新年氣氛囉。
暉春當然用我至愛的鬆弛熊啦~~~~~
可惜唔記得買blue tag,黐唔實,成日跌落嚟..........orz


 
年廿六開始兩邊屋企食團年飯,wooo,真係好忙。

媽咪今年落重本!!! 雞燉翅、蜜汁煎蠔、蒜蓉大蝦.......正!!! =q

今年的突破係..................我學識咗整蘿蔔糕喇!!! 年廿八仲班媽咪整咗3底蘿蔔糕tim,下年可以試吓自己係屋企整。(握拳)


忙忙忙到年廿九,終於有一刻的平靜,倆小口在家hea住迎接龍年。

得閒到跟傳統,食番碗湯圓,團圓團圓。



年初一又開始忙,忙住拜年

第一年以新抱的身份見主人的親戚,雖然之前幾年我都有跟埋去拜年,但唔知點解,今年好緊張呀。
去到嫲嫲屋企,我淨係識得碌葛咁企埋一二邊=.=" (最好大家當我唔存在啦)
好彩叫主人拎定假,如果得我一個派利是,我死梗。(第一年派利是,主人no show!?,佢都死梗,我會殺咗佢!!)

下半場就返我娘家拜年,食餐飯咁,所以好早就可以回家sleep。緊張咗成朝,真係好累。


年初二,去朋友家拜年
食盤菜,今次買大家樂的,d野食多好多,仲有鮑魚tim~(記得有年訂美心盤菜,滾幾滾之後,d料溶晒!!!)
傾吓玩吓,仲丟底老公玩到凌晨3點才回家!! wakakaka


年初三,再去拜年。
今次輪到奶奶o個邊的親戚,而且得我單拖赴會。(無計,主人拎唔到假)
經過初一的經驗,今次我無咁緊張喇。而且今次係簡單食餐飯,一埋位就食野,心情都輕鬆d。
之後早走趕回家,因為有朋友上豬欄拜年。


年初五、六、七都有朋友來小小小豬爛拜年。
大家真係太客氣喇,個個都買禮物上嚟。其實你o地走晒之後,d野得我同主人食,根本食唔晒=.=" (真係食到依家先食晒jar)
下年大家帶個人嚟得ga la,唔好買野呀~~~~~




婚後的第一個新年,真係過得好開心。
真心感受到中國人的智慧,拜年雖然麻煩,但有個藉口成班人聚埋聯誼一下,熱熱鬧鬧咁,好開心咖!!

以前收利是會好開心,但漸漸長大,開始唔好意思收,到今年終於可以派番俾人喇~~~~
最估唔到係,原來嫁咗仲可以收利是

嘻嘻,收穫都唔錯。



by笨豬小慧simple






笨豬小慧simple 發表在 痞客邦 留言(3) 人氣()


(結咗婚已經5個月,依家先blog番上年的X"mas,真係手腳慢..........=.=")


2011年12月

婚後1個月零5日就是X'mas呀~~~~(所以我話婚後仲忙過婚前,d大時大節個個月都有,12月聖誕、1月過年、2月情人節.....)

我超級喜歡聖誕節。
因為可以著靚衫、食好野,狂買野XD

今年的X'mas一樣full schedule。
20/12 - 娘家冬至做節
22/12 - 男家冬至做節
24/12 - 我同主人都要返工,主人晚上仲要去飲,所以今年無二人世界的X'mas,殘念v_v
(主人成個X"mas都要番工啊,真係可憐T^T)

25/12 - 每年例行節目,buffet with 小慧's family



今年去咗科學園入面的餐廳食buffet
雖然食物無大酒店咁多選擇,但都算水準之作,尤其多海鮮tim~~=d
加埋科學園金蛋和池畔靚景,enjoy也。


26/12 - crazy home party with best friends

真係玩得好癲,又有dress code,又有交換禮物,又有一人煮一味大食會。
大吵大鬧大癲大廢的一日,非常盡興!!!
愛死你們啊~~~>3<(啜)


31/12 - 損友來我家搗亂


至從小小小豬爛成形之後,我o地的新居就成為中學損友們的聚腳鐵竇!!
人大咗,除夕夜已經唔想再出去迫,食住西北風倒數。
買定生蠔、壽司、咸火腿、芝士、魚生、紅酒,開個品味人生大食會=d
還有壓軸的殘酷抽獎,一人捐$100,抽現金獎。
但無乜抽獎運的主人同我,抽到$20尾二獎和$40尾三獎,>^<,氣!!



婚後仲可以有個玩得盡興的12月,真係好難得,相信生埋仔之後,我應該無晒呢d瘋狂歲月,要趁現在好好珍惜!! 哈哈^0^


by笨豬小慧simple

笨豬小慧simple 發表在 痞客邦 留言(2) 人氣()

攪結婚時睇埋睇埋咁多blog,依家到自己blog底番vendor用後感,回饙下一代B2B了。
(以下純粹個人感想和經歷,未必中肯,亦唔係賣廣告,只想分享一下^^)


沙田麗豪酒店出門,全因為係譽宴送,仲要送套房,location又perfect,原本已經需要出門酒店的我,當然有理冇理要咗先啦。
既然唔洗錢,我都無咩要求,連之前上門考察都懶做=p

BD前一日拎房,但我失策地太晏去check-in,未能拎到新裝修的10/F、11/F,最後拎咗6樓。

check-in都算順利,雖然要排隊但唔算排咗好耐,間中有大陸自遊行打尖,職員都好堅持要佢地排隊,好夠guts。
但唔知係唔係做得大陸客多,職員的態度好一般,上房時又老點我行遠路=.="

事前都知道沙田麗豪唔算咩新酒店,開咗咁耐都無大裝修過,d房有幾「靚仔」,心照啦。

入到房,好surprise!! 又未去到好差好殘咋喎^v^
廳同房仲夠晒大tim~~~
只係個廁所差d,只得房入面的洗手間,入面的浴缸坐廁,勁舊款,坐廁仲要間歇性沖唔到水=.="

唔知係唔係因為免費,我無個d wedding welcome drink,或者枱面的紅酒生果係卦,但無字條寫「for you」~~~邊敢飲喎 >.<

room service的hotline係長響無人接聽,最後我要勞煩主人和兩位兄弟搬動廳的傢俬,服務方面真係扣晒分啦。
力挽狂瀾加番d分,就係無追究我踢爛咗塊油畫囉(你話我姓賴都咁話,如果酒店有人接電話,又有人幫我搬傢俬,我就唔會踢爛油畫囉)

anyway,早上玩新郎時個廳迫咗廿個人都仲有空間玩遊戲(只係冷氣唔夠,D兄弟猛叫好熱),無因為場地環境等出咩問題,BD當日都能夠係呢度順利出門,咁OK啦。


諗住用完就算,點知仲有手尾跟。
BD當日細妹幫我check-out,reception的服務員俾張單我細妹,要佢找數。我妹就話酒店房係送的,但服務員無再查證跟進,只係同我妹講,遲d check番信用卡有冇扣數啦。(呢位服務員真係正到痺,你唔知咪check吓囉,真係hea過就算)
BD一個月後,信用卡真係過咗數!!! (check-in時碌咗卡hold咗$500按金,但月結單唔係$500,而係真真正正的房租價錢$1800!!)
當然即刻打俾譽宴的sales,追番d錢,佢都愕然,因為sales幫我book房時已經俾晒錢,依家又收我錢,即係收double!!
好彩,都查得番係沙田麗豪的會計部攪錯咗(咁都有得攪錯=.="),有得拎番d錢。
最後等咗2個月先拎得番d錢,仲要refund落信用卡,變成簽帳額,無得拎番cash出嚟!!! (激氣!!!)


總括嚟講,沙田麗豪酒店的硬件都唔差(房間夠大,光猛乾淨,麻煩媽咪幾滿意),但服務真係好唔掂。

如果唔係免費,如果唔係佢無罰我踢爛油畫的錢,我會俾更差的分數>.<


(5為滿分)
環境:
質素:
服務:

總分:
(直接d咁講,我嘅評分係一般。)



by笨豬小慧simple



相關閱讀:
出門酒店confirm
婚前忙爆的一天(3) - 出門酒店stand by

笨豬小慧simple 發表在 痞客邦 留言(1) 人氣()

  • 這篇文章限定好友觀看。
    若您是好友,登入後即可閱讀。
流行企劃,助你一舉成名!! 只要立即動手,就有機會當上設計大師,成為全球發售T恤的designer!!
 

Pennyblack現正推出既華麗又幽默有趣的T恤企劃:《Just like Me - T by Mood》

你可以親自設計代表第6種心情的PennyBlack T恤,隨時隨地,隨心所慾,穿出當下的心情!!

即日起至4月16日,到PennyBlack的facebook專頁,回答簡單問題,上載你的設計(可以是照片or一句情深slogan!),簡簡單單就攪掂^^
https://www.facebook.com/pennyblackofficial/app_293649490705052

得獎作品會於2012年9月VFNO期間,於Pennyblack米蘭店,羅馬店和香港店發售。

仲唔快d把握機會,一舉成為international top designer!!!



注意事項:
- 心情寫照需以英文撰寫。
- 寫在寶麗萊的心情寫照可以是你的攝影作品、一組圖像及/或文字 (創作氛圍版)、或你的平面創作。
- 參賽者只可提交一個作品 (不多於一張寶麗萊照片)。
- 上載後的照片將用作參賽用途。我們保留全權使用該圖片的權利,用於不抵觸道德水平、公德和符合企劃主題的印刷品上。







 
 

笨豬小慧simple 發表在 痞客邦 留言(0) 人氣()

攪結婚時睇埋睇埋咁多blog,依家到自己blog底番vendor用後感,回饙下一代B2B了。
(以下純粹個人感想和經歷,未必中肯,亦唔係賣廣告,只想分享一下^^)



過程
7月落單+揀花、揀款
11月19日下午取貨


因為貪近,所以揀咗大埔的綠田源花店,做大日子的花球。而且價錢平到笑,$500有花球、新郎襟花、頭花。


成品



揀咗 深紫鬱金香+淺紫桔梗+白小牡丹

顏色非常靚!!! 襯褂和婚紗拍照的效果都好好啊~~~



BD前一天,拎回家拍的樣子

頭花超級多!!! 中、西式頭花都有俾到我,呢個真係估唔到。(等我仲懶醒早一日買定d紅玫瑰和紅豆tim>.<)
除咗花球有的花之外,仲搭咗d淺粉色繡球和紫藍桔梗,所以我的註冊頭先可以有咁多鮮花jar~~


要彈就係新郎襟花,配搭非常娘,同個花球有d唔match。
同埋,花腳剪得唔太齊整,拎住花球時真係有d怕勾難件衫呀
鬱金香又唔太新鮮,拎咗回家已經開開地,到BD當日早上有d仲開晒,個sharp會唔靚嘛,亦因為咁,花球同襟花捱到去酒樓已經dead咗,謝晒=.="


整體其實好滿意!!!
花球同張demo照片做到99.9%相似(初時有d擔心咁平,會唔會呃人,造起唔同咗樣ga!?)
$500買到個疑似agnes b的花球,仲想點^^


(5為滿分)
質素:
服務:
價錢:

總分:



by笨豬小慧simple


相關閱讀:
花球confirmed




笨豬小慧simple 發表在 痞客邦 留言(6) 人氣()

攪結婚時睇埋睇埋咁多blog,依家到自己blog底番vendor用後感,回饙下一代B2B了。

(以下純粹個人感想和經歷,未必中肯,亦唔係賣廣告,只想分享一下^^)


過程
2月落單
7月度身
10月1st fitting
11月(BD前4天)取貨


因為自己係fashion designer,我對姊妹裙的要求都好高,唔要cheap料,車工剪裁又要好,但budget就無乜 :(
所以做到我生意真係好難呀~~~

花個幾個月做research,最終揀定用ROSITA


姊妹裙揀咗淺藍雪紡短裙+白色腰帶
伴娘就調轉,白色雪紡裙+淺藍色腰帶

出嚟的效果好好,清麗脫俗,著得我d姊妹好靚女呀~~~


度身、cutting都perfect,d裙係無肩帶,但都唔會sher落嚟(無一個姊妹report出事),因為有晒安全橡筋同魚骨。

初期的服務都好好,尤其sales阿寶,我試咗好多次先搏鎚佢都無黑面,對d野又熟,價錢更係有商有量。可惜到9月時候阿寶無做了,另一位sales跟單,佢對d野都熟,但就無阿寶咁好傾囉(即係拎唔到著數)

要彈就係fitting,超難約時間!!! 成日都full booking,我要就ROSITA,又要就d姊妹,攪到我好狼狽。有次fitting佢地趕收工,係咁催d姊妹快d試完,俾我感覺唔係太好囉。而且仲約唔到2nd fitting(d姊妹向我投訴約唔到,好多日期都full,但又唔俾walk-in),拖到最後我一個人拎走晒d姊妹裙!!!

所以造姊妹裙一定要預鬆時間,就就吓大家的timing,拖吓拖吓就到big day!!!


finally成品非常滿意!!,又無遲交貨,sales都算有交帶,如果價錢再平番少少就更好^^


(5為滿分)
質素:
服務:
價錢: (對我嚟講,稍稍偏貴)

總分:



by笨豬小慧simple


相關閱讀:
姊妹裙confirm - 百利Rosita
姊妹裙 - confirm款&色+度身
姊妹裙fitting

笨豬小慧simple 發表在 痞客邦 留言(1) 人氣()

  • 這篇文章限定好友觀看。
    若您是好友,登入後即可閱讀。
(大日子回顧都未寫完,但呢d再唔寫就過晒期喇!!!)


2011年12月20日(二)

話咁快就結咗婚1個月了。

但仲未有人妻的感覺,大家的相處同拍拖o個時唔太大分別,稱呼都係keep番以前咁,結婚的感覺仲係好唔真實呢。



婚後我同主人都好忙,忙公事、忙住病、忙兩邊屋企輪流食飯等,差d唔記得咗呢日tim呀。


可惜,主人今日返夜,唔可以一齊dinner慶祝。

少少地,去了屋企附近的甜品屋,食宵夜慶祝^^


食咗朱古力心太軟和焦糖蛋布甸



希望我地以後每一天都sweet過d甜品啦~~~^^



by笨豬小慧simple

笨豬小慧simple 發表在 痞客邦 留言(3) 人氣()