![](https://googledrive.com/host/0B6sogRXKPwEvb1lQcTJzaVMybEE/wSOyA5saIZBKF2X1UP6olw.jpg)
星期一3pm左右收到淘寶婚紗啦,yeah!!!
![](http://l.yimg.com/mq/i/icon/16/36.gif)
![](https://googledrive.com/host/0B6sogRXKPwEvb1lQcTJzaVMybEE/rjDJEUeT1fZZ1rTswxhcaA.jpg)
都好大包喎
![](http://l.yimg.com/mq/i/icon/16/5.gif)
即刻拆開驗一驗先。
![](https://googledrive.com/host/0B6sogRXKPwEvb1lQcTJzaVMybEE/khGKUK9kkAocpnWNWs_CLA.jpg)
就咁睇都無咩大問題
![](http://l.yimg.com/mq/i/icon/16/4.gif)
![](https://googledrive.com/host/0B6sogRXKPwEvb1lQcTJzaVMybEE/ziL04tGdsX7YJH1YSjFzTQ.jpg)
胸位的lace同釘珠都做得好仔細,無甩,當然唔係咩靚野啦。
共有4層布:(內到外)亞紗的裡(超短, 只去到肚)、有d硬的絹布、薄紗、lace腳薄紗。
朵花花就夾扁咗少少,要用熱風筒吹吹先「開花」。
內有橡筋帶,low cut都好安全唔怕sher落嚟。
嘻嘻,晚上去咗街,星期二先得閒試穿和影相。
![](https://googledrive.com/host/0B6sogRXKPwEvb1lQcTJzaVMybEE/Zs7ca2cq66mO.3uuUiyu4Q.jpg)
都算啱身,係背面有少少鬆,不過有橡筋唔會sher落嚟,而且唔係好覺眼,懶得改lu。
不過布料比想像中硬,好彩著上身又未到拮肉唔舒服。但都幾焗身,好彩唔透,如果要著多條白色長打底係入面,我實熱到中暑。
長度非常ok!! 我今次醒,報細數(報少了5cm),依家加埋對高踭鞋就啱啱好了,後面個拖尾有1呎多d,戶外pre-wedding夠晒。
最唔滿意手工
![](https://googledrive.com/host/0B6sogRXKPwEvb1lQcTJzaVMybEE/s9G0r3SUnJ1RPsBg2SWh2Q.jpg)
個胸唔對稱!!!!!!
![](http://l.yimg.com/mq/i/icon/16/62.gif)
不過穿起唔多覺,就算了。
總結
seller都好快手,一個星期就起貨,寄出後隔天就收到了!!
實物跟seller圖有9成似,質地比想像中硬咗,手工又麻麻地,當然一分錢一分貨啦,呢件平平地買嚟影pre-wedding都超值了。
期待星期六的pre-wedding!!!不過天文台好似話會落雨喎.....o.....
by笨豬小慧simple
PS:seller圖+link - http://hk.myblog.yahoo.com/simpsonsimple1120/article?mid=3272
全站熱搜