簡單就是愛 - 笨豬小慧simple's blog

LC 26cm buffet casserole 開光菜~~

焗緊的時候已經聞到香味四溢，焗起的雞顏色超靚，皮脆肉嫩，蔬菜又吸晒雞汁，好好好味呀~~~
如果加埋新薯一齊焗，真係連飯都唔洗煮!!! (最衰我買唔到新薯啦>.<)

而且我發覺，26cm buffet正好彌補我沒有380黑金鋼的缺憾。(焗爐太細了>..<)

香草焗雞

材料：(2~4人份量)
全雞(冰鮮都得) -- 1斤半~2斤重
洋蔥 -- 1個
甘筍 -- 1條
牛油 -- 1湯匙
新薯 -- 2~3顆 << 買唔到，skip了T.T

醃料：
鹽 -- 2茶匙
雞粉 -- 1.5匙
生抽 -- 2湯匙
老抽 -- 1湯匙
即磨黑椒碎 -- 大量
什錦乾香草 -- 大量
rosemary、thyme -- 各1棵

鍋具：24cm以上的焗盤 / LC 26buffet/30黑金剛/24、26risotto

做法：
1. 雞洗淨，去清內臟血水，吊起風乾1~2小時 (唔夠時間就用廚紙印乾水)
2. 雞去頭、腳，裏外塗勻醃料，醃最少1小時
3. 洋蔥切大片狀，甘筍去皮切厚片，(如有)新薯洗淨連皮切角
4. 牛油凍鍋凍油，中小火熱溶牛油，掃上雞皮。剩下的牛油用來炒一炒洋蔥、甘筍
5. 放上雞，唔夠油水再掃d橄欖油，翼尖、雞脾腳包錫紙。再加d香草和黑椒
6. 焗爐200˚C預熱，成煲入爐先焗30分分鐘

7. 取出，反轉雞，再掃油和加香草、黑椒，再焗30分鐘

貼士：
1. 呢個焗雞無用煲蓋ga~
2. 如果加焗薯仲好味，洗淨連皮切角放邊位一齊焗，飯都唔洗煮呀~~~
3. rosemary、thyme用新鮮或乾的都ok^^



by笨豬小慧simple

笨豬小慧simple 發表在 痞客邦 留言(3) 人氣()

至從加入咗LC分享group後，我先知，敗LC可以網購，而且價錢非常實惠!!!
見d敗婦係amazon、樂天等等入到正貨，真係好心動，但我又好懶，唔想研究購買流程，又唔想洗無謂錢搵代購，所以都係齋睇無行動。

終於，我join到谷友攪的amazon italy團購呀~~~比執到金仲要開心^v^
(super thanks to 谷友呀)

由成團、落單、俾錢、等運到，唔洗一個星期就收到，呵呵。

Caribbean blue 26cm buffet casserole

只是$1180!!!!
(包括煲價、意粉國到香港的運費、宅急便送上門的速遞費)

抵到飛起呀~~~

26cm buffet我恨咗好耐ga la，而且係我大愛的藍色系，唔洗諗咁多，即「排」。

比週年慶半價和開倉都要便宜，仲送埋上門，完全沒有不敗家的理由!!

美麗的橙盒

宅急便可選晚上6~9pm送貨，太好喇~~唔洗請假收煲。有一張泡泡紙包住，都算穩陣。

美麗的盒側


打開橙盒，入面的LC煲靚到會發光咁呀~~~

不過細心睇，都有唔少瑕疵

漸變色做得唔算均勻，有好多白點。「Le Creuset」字體上油太薄，露晒黑點。煲蓋、手柄更係黑點重災區，有d黑點仲要係凸起=_="。煲底的字也有黑點，仲要有一忽凹咗

但唔影響煮食，而且平咗一大截，所以有少少瑕疵係可以接受=p
況且用用吓都會花，都會甩coating，到時呢d瑕疵就成為煲煲係爐頭的戰績了^罒^

最開心係，入到我家的小小焗爐呀~~~~
(個knob好似太近發熱線，換唔換銀knob好呢??? 但我覺得黑knob比較襯加藍色啊~~~)




有咗26cm buffet casserole，就可以整paella、risotto、pizza、無水蒸，嘩~~大把嘢玩呀~~~諗起就開心了。

雖然主人最近有d微言小慧買得太多LC煲煲，但又科水資助小慧買煲喎，呵呵^0^，多謝主人呀~~~其實小慧的敗家大業就快完成，你放心唔會攪到一屋都係LC嘅，敗得精明嘛~~~而且小慧會努力煮飯，答謝番主人啦~~~


by笨豬小慧simple

笨豬小慧simple 發表在 痞客邦 留言(2) 人氣()

(繼續呢個遲晒大到的油雞.......=p)


2012年12月10日(一)

原本的行程要早起趕去嵐山ga~~但因為尋日去咗嵐山了，所以今日可以賴吓床，瞓晏d先起身^ ^


起身攪掂晒，離開酒店之際，我o地就遇到.................落雪呀~~~~~~

嘩、嘩、嘩~~~~~

唔怪之得尋日咁凍啦>~<
(d人話落雪前和溶雪的時候係最凍，反而落緊雪時無咁凍，又真係喎~~~依家企係條街度，一d都唔覺凍)

見到落雪，真係super興奮!!!!
好似一片片棉花糖咁，真係好靚好神奇呀~~~~

結果，我o地企係條街度玩咗好耐都唔捨得走，不過雪開始愈落愈大，我o地成身都沾滿雪，個頭又濕晒，為免冷親感冒，我o地都係快步行去車站裡面好了。

first of all，當然係食早餐先啦~~

本來想食日式早餐，不過搵唔到。於是又去了Porta地下街吃了一個洋式早餐。

洋式早餐 - @250yen

呢間杯咖啡唔錯，三文治和yogurt就普通d。


食飽飽，就開始今日的行程喇~~~

首先去京都市巴士的service centre 買「市bus 1 day pass」。
(由京都駅的中央口(對住kyoto tower的)出去，就會搵到。)

記得拎埋日文版的市巴士路線圖，方便之後轉車嘛~~~
(唔好拎英文版!!!! d地方名寫羅馬拼音ga jar~~仲惡睇!!! 睇日文漢字仲可以估到8成，睇英文完全睇唔明!!)

市巴士+市地鐵 路線圖：
http://www.city.kyoto.lg.jp/kotsu/cmsfiles/contents/0000019/19770/sinura.pdf

市巴士 1 day pass - @500yen

可於購買當天內不限次數乘搭均一區間收費的市巴士，基本上路線已覆蓋京都市區的大部分景點。
均一區間車資統一220yen，所以坐夠3次就可翻本喇~~~
注意：均一區間路線不包括去嵐山、嵯峨、大原、鞍馬等市郊景點的路線啊~~~不過呢d地方都真係幾遠，建議坐JR比較能快捷舒適地到達。

市巴士 1 day pass 案內：http://www.city.kyoto.lg.jp/kotsu/page/0000028337.html

萬事俱備，出發!!!! 第一個景點 - 金閣寺

市巴士service centre 隔壁就是巴士總站，乘坐101或205，在「金閣寺道」下車


(呢張係落車時影的)

因為京都駅係巴士總站，真係乜巴士都會停一停，太大所以分開了A、B、C區，每條路線都係呢3個區其中一個，但地面又行唔到，只能係Porta地下街的通道出口行上地面。結果我o地搵呢架205巴士都搵咗十幾分鐘呀~~~陰公。

日本的巴士，單層，成架旅遊巴咁樣，入面坐位唔多，也不算寬敞，行咗幾個站已經坐滿晒人了~~

車內有個大電視播放下一站的站名，以日<>英文為主，部分遊客較多乘坐的路線，更有日<>中<>英<>韓文，真係好國際化呀~~~

跟香港的巴士唔同，日本係落車先俾錢的，而且2000yen以下的紙幣，有機器自動找續(如上圖)，所以上車後先發現無大餅係無問題的。
但如果你咁黑仔得張10000yen係身，咁記得上車前同司機單聲，佢都可以人手幫你找續，不過就唔好次次都係咁啦~~~
用1 day pass的話，將張磁卡放入插卡口，一秒唔洗就可以拎番了。(好似小時候坐MTR用的儲值卡咁樣的操作)
記住記住記住拎番!!! 次次坐車都要靠佢ga la~唔記得拎你就下次坐巴士俾錢囉。


大約坐了45mins巴士，終於到站了~~~估唔到要坐咁耐。

落車後，行車方向的反方向行，就見到呢個指示牌喇~~~
遠處仲見到京都名產女人頭牌的beauty & makeup shop

沿住指示牌的方向一路行到尾，就去到一個T字路口，再次見到指示牌

過埋馬路就到喇~~~

今日我o地遇上一班修學旅行的中學生，落車之後我o地就跟住佢o地行，行大約10~15mins就到達金閣寺了。

入寺第一件事就係買入場券和影到此一遊照~~多謝o個位中學老師主動幫我o地影相呀~~你真係好好人

金閣寺 入場券 - @400yen

張ticket好似道符咁，hahaha，好攪笑。

入嚟就係為咗呢個景


金色的寺廟+湖水倒影~~~好好好靚呀~~~


寺廟的座向經過完美計算，面向東方，當陽光照在寺廟時，真係金碧輝煌，好"橙"眼呀~~~@O@

好多人圍住湖邊影相，不過都好有秩序，因為無大陸自由行嘛~~反而見到有歐美人、印巴人、台灣人等等，當然最多係日本人啦(有中學生、大學生、退休人士)，但點解無香港人嘅!?
(我o地係湖邊分別幫一對歐美couple和台灣人影相，大家要做個有禮遊客啊~~)

沿住湖邊行，就會兜咗去寺廟的pat pat。無陽光的加持，真係失色好多ga。

之後見路就行，亦參觀了金閣寺其他建築和亭園。
日本人種的松樹好矮，但d枝葉就好闊，園藝師要搭棚晾住d枝葉，睇上嚟好似一塊晾起咗的草皮咁....好怪

行到中途，又落雪喇~~~~今次仲要係雨雪交雜，好好好凍呀~~~

頂唔順，要飲熱嘢，買咗杯熱米酒，不過唔好飲>.< (一杯無味的腐竹糖水咁)

玩吓求籤和買紀念品。(就快日本新年，下年係蛇年啊~~~)

臨走前買了支「金閣寺sake」，最細size才750yen，haha，真係最有型的寺廟紀念品!!

金閣寺唔算好大，行咗個幾鐘已經行完。

我o地跟住門口工作人員的tips，搵到一個近d的巴士站，乘市巴士12，於「二條城前」下車，到達下一個景點 - 二條城。

坐15~20mins巴士就到，直達門口。去二條城，我覺得坐市巴士比坐市地鐵更方便。

依家增設了自助售票機，非常方便啊~~~

二條城 入場券 - @600yen

一進場，慘喇~~~封實晒嘅!? 唔係撞正大維修咁黑仔嘛=.="

好彩主城樓無封到，只係大門入口維修，虛驚一場(但都夠嚇死了)

進入建築物內，就能夠睇到德川將軍一家生活的屋企係點嘅樣，雖然好多地方已經褪色，但都可以想像到德川幕府全盛時間，呢間屋的裝潢有幾金碧輝煌，類似日劇《大奧》的場景，日日都係呢個二條城內上演。

離開二條城主樓，我o地再行吓花園，欣賞日式建築。

行上城樓，，就可以飽覽二條城全景，雖然行得好辛苦，d石級好高呀~~又斜，不過上到嚟真係好好feel ga~~

公園仲有好多紅葉呀~~~~

遊完二條城，我o地就出番去門口坐巴士，去錦市場食lunch。

坐市巴士101，到「四條烏丸」下車。(如坐市巴士12，於「四條高倉」下車)

落車之後，就搵大丸百貨 (順手借廁所=p)

剛過咗大丸百貨，就轉入巷仔。

就到錦市場的入口喇~~~

錦市場，即係街市啦~~~買嘢食嘢都係平靚正!!!
尤其門口第一檔的燒蠔，super yummy~~~上次同屋企人來食過諗住今次encore，可惜今日佢休息無開舖，殘念Y^Y

錦市場連接河原町商店街，有賣衫、藥妝、乾貨、食肆等等的店舖，如果夠時間我都想帶主人行吓

嚟錦市場，一定要食海鮮，份量多、價錢平、仲有埋筷子!!
買咗toro、帶子等等刺身，不過隻蟹我要留番去大阪先食，忍口

熟食都唔少，唔知係唔係因為lunch time，有便當賣，不過無地方食，so，放棄。

嚟關西一定要食章魚丸燒啦~~~呢間我一定幫襯，因為門口有位坐，wahahaha，可以坐底慢慢食而加分

錦市場雖然d嘢賣得好平，但衰在無地方可以食到嘢，唯獨得呢間章魚丸燒店可以，所以我o地買好晒食物，就背住店員坐底快快食啦~~
海膽又係必食，甜到入心啊~~~

錦市場lunch - 約2000yen

食飽我o地就快快行番出大街(河原町)，坐巴士去清水寺

坐市巴士207，於「清水道」下車

落車位置就有個地圖，我2年前嚟都無呢d方便遊客的設備，但今次嚟，清水寺至祇園一帶多咗好多呢d地圖，睇嚟日本政府係311之後有重視旅遊業的覺悟。

落車後沿住清水坂向上行，行到尾就是清水寺。
當日有好多學生團和公司旅行團，基本上人行我又跟住行，唔會迷路啦~~

清水坂有好多商店，但我o地無時間買嘢喇，因為仲有1小時清水寺就打烊了，我唔想好似上次嚟咁又摸門釘啊~~
(注意：冬季期間，大部份寺院5pm打烊，所以最好早上去寺院參觀，晚上才去shopping啊~)

好彩唔係行好耐就到，行得太急喘晒氣

清水寺 入場費 - @300yen

清水舞台真係聞名不如見面，好壯觀!!!

因為可以飽覽整個京都市的景色啊~~~

加埋山下的紅葉，真係好壯觀呀~~

我o地的參觀時間夾得太好，遇上夕陽西下，美不勝收。

連主人都大讚不枉此行!!!

睇完靚景，趁未天黑前，快快行埋其他寺內景點

聽聞呢個位求學業最好，所以好多學生哥排隊畢水飲，但睇嚟要飲到啖水都有d難度，聽到佢o地wee wah鬼叫咁，好攪笑

呢個地主神社出名求姻緣，所以好多學生妹嚟呢度拜拜啦~~買符的counter迫人到針插都唔入@0@

離開清水寺，行番出去三寧坂，只係5pm，已經天黑黑喇~~~

山上面又落雪又大風，吹到我對手疆晒，連個相機甩手跌咗落地都無知覺!!
因為未關機，個鏡頭又落地先，跌到歪晒啦~~~我唯有試下用力拉番正個鏡頭，好彩又得咗，救得番部相機，但我嚇到一身冷汗。

買吓手信，食吓小食，就嚟到二年坂喇~~~

二年坂的盡頭是円山公園，左邊有條路就能轉入ねね之道(音讀ne ne)

本來想嚟搵茶寮都路里食抹茶甜品，但睇嚟應該打烊了v_v;嗚

ねね之道的中間，有個指示牌喎~~~咁夜仲有個人企係度做guide，應該係有特別嘢睇ge~~

真係有呀~~~夜之紅葉，真係好好好靚呀~~~~

八卦完後出番去，天真係黑齊喇，祇園呢d舊區燈光真係好弱，我開始擔心會迷路了>~<
而且遊人愈來愈少，又黑麻麻，嗚......小慧驚驚啊~~~ToT

幾經辛苦，終於見到八坂神社喇~~~好開心呀~~~因為我o地終於行番出大街喇~~~
(因為已經打烊，所以過門不能入了)

離開祇園了~~~

途中我O地見到出勤中的藝妓呀~~~~WAH~~~好近見到呀~~~
佢行得好快，我追唔到佢，見唔到正面了，可惜。

係四條通的商店街，見到有抹茶甜品啊~~~~好想食啊~~~可惜要趕路，食唔到ToT

(呢張相應該係落車影的，我已經唔記得係邊度上車喇，行到我暈暈地)
行到腳都軟，終於搵到巴士站喇~~~坐市巴士205，「京都駅」下車 (其實坐207都可以，仲唔洗行咁遠，蠢咗...)

我o地返酒店，拎番寄存的行李，再坐JR去大阪啊~~~
京都拜拜喇~~~我真係好鐘意妳啊~~~景色靚、食物好味、酒店又舒服，我仲會再嚟!!!

坐JR新快速網干行，由「京都駅」去「新大阪駅」，只途經一個站jar~~所以極速到了~~

JR新大阪駅的興建，是因為新幹線的通車。呢度只跟大阪駅一河之隔，都未算好唔方便。而且是交通樞紐，連接大阪市地鐵御堂筋線(遊客最多乘坐的路線)，也一樣有地下街，食嘢唔洗周圍搵。

落車後，因為唔熟路，我o地行咗好耐都搵唔到Chinsun hotel shin osaka，好彩有個日本後生仔好好人，用iphone幫我google map一下路線，大家用僅有的外語雞同鴨講一輪，我o地終於搵啱條路行喇~~~點知又發雞盲見唔到間酒店，我o地足足行咗一個地鐵站的距離的路(由新大阪駅行咗去西中島南方駅)，其實間酒店好近新大阪駅ga jar~~~

chisun hotel shin osaka，商務旅館，房間好細，連衣櫃都無，而且舊舊地咁，唔太企理。reception的service也麻麻，日本大叔唔識講英文=.="

差唔多到9pm，終於settle好晒可以食dinner，日本的食肆都早收工，除咗居酒屋之外，我都諗唔到可以食乜了

因為太累了，都無咩胃口，唔算食得好多好豐富。不得不讚，呢間居酒屋的炸雞串燒好好吃啊~~

炸雞串燒要勺特製的燒汁來吃，寫住食過唔可以再勺ga~~~好得意

好大支酒!!! 有冇人可以話我知呢兩支係咩酒??加個泵咀用來做咩呢?? 溝cocktail??

居酒屋dinner - 約2000~3000yen

食飽飽又未想返酒店，去咗7-11行吓。日本便利店真係好多嘢賣，就算唔去餐廳食，呢度都大把選擇幫你醫飽個肚。

嚟到日本咁耐都無食過甜品，今晚唔算太飽，我要食吓!!

宵夜 - 約1000yen



今日累到痴肺，上床極速睡死。




by笨豬小慧simple



相關閱讀：
京阪紙婚遊 - Day 1

笨豬小慧simple 發表在 痞客邦 留言(5) 人氣()

煲羅宋湯淨咗半棵西芹，買d蝦仁炒埋佢!!!

西芹醬爆蝦仁

材料：
急凍蝦仁 -- 10~15隻
西芹 -- 半棵
薑 -- 2片
糖 -- 半茶匙
水 -- 少許
鹽 -- 少許
蠔油 -- 1湯匙
豆板醬 -- 1茶匙

茨汁：
生粉 -- 1茶匙
暖水 -- 1湯匙

做法：
1. 急凍蝦仁解凍後，界刂開腹部，去腸，汆水去雪味，冰水過冷河，蝦仁就會爽口。
2. 西芹折斷成一條條，根部界刂一刀，再向下拉，撕走筋，洗淨，切成大粒。
3. 燒熱鑊，下油，爆香薑片，下西芹炒香，下少許水，西芹變半軟後，下鹽、糖調味。
4. 下蝦仁快炒，變色後，下蠔油、豆板醬，兜勻。
5. 下茨汁，兜勻，即成。

貼士：
1. 如果用新鮮蝦，就唔洗汆水。蝦去殼去腸後，用生粉、胡椒粉醃一下，就可直接下鑊炒。


by笨豬小慧simple

笨豬小慧simple 發表在 痞客邦 留言(2) 人氣()

望穿秋水，Le Creuset Wyndham flagship shop 3rd Anniversary Sale 終於到喇~~~

只要身份證號碼有"3"字，立即享有5折!!!
(28/6~14/7/2013，只限3件貨品及未折扣前總值不超過$12000)

唔洗早起，唔洗迫開倉，顏色、款式、size任揀!!! 通通5折!!! 聽到都興奮呀~~~



2013年7月6日(六)

約咗敗婦好友少女A去「襯墟」，其實大家都無咩嘢特別想買(而且減價已經做咗一個星期，心諗有好嘢都賣晒啦)，但難得大家身份證都有"3"字，唔去八吓又好似對唔住自己囉。

去到時，真係同預期一樣，無咩好買/賣，因為呢日無補貨!!!! 真係一個惡耗呀~~~T^T (明明之前日日都補貨gum ma)

枱面、貨架、display 通通都好吉，乜都畀人掃乾掃淨。

有點心動的煲煲已經sold out Y_Y，想睇吓摸吓真身都無，嗚嗚......唯有安慰自己，今日得我一條友，力士主人唔跟身，有煲買都抬唔到回家云云


但千辛萬苦爬山過海嚟到，無理由空手而回。少少o地，都敗咗2樣嘢=p

24cm steamer，半價後$384，真係好抵買呀~~~而且開倉唔會有!!! 我恨咗好耐ga la~~好彩仲有last one^0^
petit casserole是跟少女A分贓的^^

粉紅+紫系，一套三件，少女A糾結只想要兩隻，剛好我又想要一隻，我o地兩個一拍即合，皆大歡喜^罒^

steamer跟上次開倉買的24cm round組合起來了~~~好型啊~~
雞、蟹可以原隻放入steamer蒸，碟都慳番，極度方便^^

裡面最多可以放3個petit casserole。satin pink迷你飛心和剛入手的cassis迷你煲變成好朋友喇~~~
燉蛋、茶碗蒸，我嚟喇~~~

敗完家，再食個all day breakfast，爽丫丫



敗後感：

今年的週年慶減價，真係好好好墟陷!!!
首天on sale，開門前2小時，已經有人排隊等敗，到開門o個時，條人龍有成100人!!!
係facebook見到d人的現場直擊報導，真係嚇c我 @0@
(上年的週年慶我係放工先去，去到7pm，無咩客，可以慢慢揀仔細問)

所以今日去，已經抱住乜都敗唔到的心態了，幸好都係「敗得精」的原則下，買到一件唔錯的東西啊~~(自覺執到寶，haha)
(如果排隊俾錢可以再快d會更加好，地方細人又多，屈咗係個死角成半個鐘先埋到cashier)

香港的LC fans增長數目飆昇驚人!!!! 睇嚟9月開倉又會有場腥風血雨~~~唔知o個時我仲有冇氣力財力敗敗敗囉~~
anyway，敗得開心，煮得開心，食得開心，才是真正的cooking theory吧~~~

各位靚太敗婦們，共勉之。



by笨豬小慧simple

笨豬小慧simple 發表在 痞客邦 留言(5) 人氣()

早排天氣炎熱又潮濕，身體積聚好多濕氣，攪到有d肚痾tim~~又成日夜瞓，骨火上昇，又係時候煲個老火湯袪濕下火。

問過媽咪，佢教我煲「土伏苓粉葛赤小豆湯」。



煲起有少少杰，啖湯好濃好甜啊~~~粉葛、豬骨又食得~~飲完d肚痾好番好多tim~~very good!

粉葛，下火退熱，生津止渴，用於脾虛泄瀉，性質較寒涼。
買的時候，記得叫菜檔阿姐刨皮和切大件，粉葛非常硬，用專用刀才能處理，一般菜刀劈到手軟都攪唔掂

土伏苓，解毒除濕，可助降血糖，性質平緩，愈新鮮藥效愈佳。
中藥材店有售，買新鮮的最好，記得要求切片，好硬自己切唔到ga~~如果無新鮮，買乾身已切片的都ok

赤小豆，深紅色，比紅豆長d和窄身d，利水除濕，和血排膿，消腫解毒，可治水腫、腳氣、瀉痢，性平味甘酸。
雜貨店有售。



土伏苓粉葛赤小豆湯

材料：(2~4人份)
新鮮土伏苓 -- 半斤 (切薄片)
粉葛 -- 1斤
赤小豆 -- $1.5 ($3一包，我用咗一半份量)
豬骨 -- $30 (約300g)
蜜棗 -- 1粒
鹽 -- 1~2茶匙
水

做法：
1. 赤小豆浸水最少15分鐘，瀝乾水備用。粉葛沖一下水。土伏苓浸水一會兒後，沖淨泥沙，瀝乾水備用。
2. 煲沸一湯碗水，下豬骨汆水，過冷河，備用。
3. 所有材料放入大煲，加水至蓋過材料，大火煲沸後，轉小火煲30分鐘，再放入真空煲燜2~3小時。
4. 取出翻煲至水沸，落鹽調味，即成。

貼士：
1. 此湯比較寒涼，所以一定要搭肉來煲，寒底人士不宜多喝。
2. 如果服用中藥，就唔好飲住喇~~~怕會撞啊~~


by笨豬小慧simple

笨豬小慧simple 發表在 痞客邦 留言(1) 人氣()

(2013年都過咗一半，我先寫2012年的紙婚之旅.....真係太懶之過.....)

2012年12月9日(星期日)

期待已久的京阪之旅~~~終於起行喇~~~ \^0^/

今次遠門為慶祝紙婚啊~~~yeah~~~結婚一週年喇~~~~
(出發當天實為結婚後一年零十九天)

選乘了開業才一年的樂桃航空(PEACH Aviation)，無他，因為平!!!

(加插少許介紹。樂桃航空(PEACH Aviation)是ANA其下的子公司，專營廉價機票，於2011年尾開業，只有香港<>大阪的航班(如果由日本出發就好多選擇)，以淨機票發售(連10kg以下手提行李，即happy peach的價錢)，不包括飛機餐和寄倉行李，但可加錢購買)

我o地的購票如下：
出發$988(happy peach)+$1288(happy peach plus)、回程2張$1088(happy peach plus)
連機場稅、保安費等雜項，才需要 @HK$24XX，就能買到來回香港<>大阪的機票喇~~~實在抵到無朋友!!!

詳情：http://www.flypeach.com/hk/home.aspx

當然，平價機票喎，就唔會係最好啦，凌晨機、T2登機口、機細、人多........
唔知係唔係因為冬天，機倉開行暖氣，攪到非常非常乾燥，加上人多、空氣唔流通，又熱又乾，4個鐘的機程搭得好辛苦，主人話佢完全瞓唔到，我就瞓吓醒吓咁。好彩我已經早有準備，帶定sleeping mask和樽裝水，才不致乾到個人龜裂!!!!

如果budget夠，下次都係坐CX或ANA吧......

幾經辛苦捱完4個鐘，終於到關西空港喇~~~
我o地又係T2落機，雖然係細d，但人唔多喎，好快就拎到行李，撇得!!

要先坐suttle bus去T1，才能坐JR Haruka去京都市。天都未光呀~~~


跟住路牌的指示(和其他路人)，好快就搵到JR WEST的客服中心 (認住呢個綠色門牌)

我o地要買JR WEST 1 DAY PASS，@2000yen
因為咁樣坐JR Haruka抵好多ga~~~(單買Haruka要over @3000yen，仲只可以坐呢一程，買1 day pass，就全日任坐!!! 之後去其他地方都可以用)
出示passport，同職員講JR WEST 1 Day pass，填好表格，俾錢，攪掂!!!
本來想買埋嵯峨野小火車的票，但要趕6:30am o個班JR Haruka，所以都係飛奔去月台吧!!!
(miss咗呢班Haruka，下一班要等成個鐘呀~~~)


JR閘口就係客服中心前方。認住係藍色!!! 隔離綠色係難波電鐵，去大阪市中心的，唔好入錯閘呀!!!

去到月台，要選「自由席」的車卡上車(我上咗最近exit個卡車, 5番)

車程約1.5小時左右，真係好快~~瞓醒一覺，就到京都了~~~
(Haruka的總站係京都啊~~中間會停天王寺、新大阪，會去此兩處的朋友也可選乘呢~~)

Haruka車，幾型^0^

京都駅的月台上，有幾幅京都名勝景點的浮雕畫。估唔估到呢幅畫係邊度呢?

京都駅好大好大，是一個交通樞紐(JR、市地鐵、巴士)，又有shopping mall、地下街，食、買、搭車都無問題~~

到埗後，先去酒店放底個喼

我o地揀咗呢間「HOTEL VISTA KYOTO」
位置非常perfect，就對正京都駅的八條西出口(近新幹線)
(京都的酒店最好揀番近京都駅，因為坐車真係好方便啊~~)

雖然房間唔算大，但非常乾淨整潔，基本的淋浴用品都有齊呀~~
(再住埋大阪o個間，我堅係覺得呢間酒店係最好!!!)



攪掂晒check-in，好肚餓，搵食!!

去了京都JR駅內的coffee shop吃了個洋食早餐，約@200yen
杯咖啡偏酸，呢間味道一般般

(小tips：日本室內沒有禁煙ga~(但一路行一路食煙係犯法)，入去餐廳，侍應都會問你要smoking或non-smoking area，如果好介意煙味如我，識揀啦)

食飽飽，開始今天的行程^^

原本想去奈良和宇治，但我o地係飛機上都瞓得唔好，仲好累，所以近近地，先去稻荷吧。

善用 1 day pass，當然坐JR啦~~ 去稻荷，選「奈良線」「宇治‧奈良 方向」的普通車，坐2個站就到喇~~
(如果去奈良和宇治，坐「みやこ路快速」(橙色字)就最短時間到達了)

一落車，就見到呢幅大banner，哈~~我o地要去嘅就係呢度喇~~
(死.....好多人落車tim.....係喎，今日係星期日...囧)

出閘後行5mins左右，就到達了~~

伏見稻荷大社

入場費：無料(免費)

我又學佢起飛腳XD

入到門口，已經見到紅葉了~~~yo~~~

呢度應該香火鼎盛，好鬼大呀~~~~
(門口好有清朝feel的建築呢)

日語漢字中，稻荷=狐狸，一位負責穀物收成的神

係好多卡通片中都有出現ga~~~佢最鐘意食油豆腐
同中國的狐仙好唔同ga~~(中國的狐仙係迷惑人求偏姻緣的)

主廟宇

紅葉處處，非常優美

鳥居繒馬，巧令令啊~~

狐狸繒馬，d人畫得好攪笑呀 XD

行咗一陣，已經到稻荷神社的「戲肉」>> 千烏居

一個緊接一個的鳥居，排到密密麻麻，好似走入時光隧道咁，真係好壯觀呀~~~


後面刻了邊年邊日邊個捐錢築起鳥居

有大有細，任君選擇~~~最大size有2樓咁高，都只係HK$10K!!! 抵啦~~~

行完神社主樓和鳥居隧道，就來到一個花園，有湖有貓有紅葉，好靚的景色呀~~~好寫意

每間神社都有的手信品店，可以買回家排番個迷你鳥居陣!! 唔拜神的話，都可以買個面咁大的狐狸餅try吓 =p


行完神社，再去附近的商店街逛吓

京都名物「聖護院八之橋」，原來係賣肉桂味的蛋餅，um.....not my cup of tea

少少餓又吹風吹到凍凍地，去茶喫店hea吓。
呢間店古色古香，又提供暖氣，又warm又comfort
吃了紅豆湯年糕，勁甜~~~~加埋掃上醬油燒的年糕，成碗又咸又甜，OMG!!! >~<

紅豆湯年糕 - @150yen



玩咗一個上午，個人warm up咗，精神d喇~~~
我o地決定去遠d!!!

原本行程plan下午去清水寺的，依家就改去嵐山!!!

而且有 1day pass，我o地要用盡佢，有咁遠去咁遠!!!

先在稻荷駅坐「奈良線」「京都 方向」的普通車，坐回頭車返京都駅
然後轉乘「嵯峨野(山陰)線」「龜岡‧園部‧福知山 方向」的快速車or普通車，在「嵯峨嵐山駅」下車就ok喇~~
(時間表上，橙色字的係快速車發車時間，如果時間夾唔到，坐普通車都可以到，只係慢d je)


半個鐘左右就到喇~~~ 車站的decoration都好古典啊~~
我o地係南口出閘，因為要去買觀光小火車的票

行咗大約15~20mins就到達了，沿途都好多路人行同一個方向，唔識路的話跟住人行都唔會迷路的。

呢個其實係舊的嵯峨嵐山JR火車站，至從電力化火車後，以前的蒸汽火車就改裝成觀光火車了(嵯峨野トロッコ列車)~~ 站名亦改名做トロッコ嵯峨駅

12點幾嚟到，嵯峨>>龜崗的尾班車(16:07發)已經可以買票喇~~@600yen

旅遊書、blogger遊記都教買5號車卡，但天氣實在太凍，5號車卡係無玻璃窗ga~~~
我唔想食西北風食死，都係揀番1~4號車卡有玻璃窗好d，至於單數位定雙數位，我都無得揀，賣飛阿姐幫我劃位的，而且雙人咁買，只可以平排咁坐，唔可以兩個人都坐窗邊囉......





買完車票已經1點幾，好肚餓呀~~~搵食搵食

都知嵐山係旅遊區，食嘢唔會太便宜，而且又餓又凍，我o地行番出大街，就是旦揀咗呢間「黑兵衛」try吓


lunch便當set，賣相好精緻ga~~~but味道就一般般，份量少，又凍冰冰，我想食熱嘢呀!!!

lunch - 約共3000yen

餐廳的對面馬路就係天龍寺喇~~~

入場費：本寺+庭園套票 @600yen

入到嚟，真係好開心呀~~~因為有好多紅葉呀!!!

反而我對寺內參觀真係興趣一般，一)我已經嚟過啦、二)著住對勁單薄的襪行係凍冰冰的tatami上面，我真係想快快行完囉~~~凍到腳都痺>~<
最慘個靚靚湖d紅葉落鬼晒，d樹光禿禿咁，無晒嘢睇，快快步行吧啦。

反而著住鞋，行吓庭園仲開心啊~~d紅葉真係靚到呢~~

行吓行吓，我o地誤打誤撞咁，行咗去竹林，上次我無行呢邊呀~~~
一排排竹樹包圍的步道，好有詩意啊~~~

沿住人群，我o地又行咗去野宮神社
可能就快大考，好多後生仔女嚟呢度參拜啊~~~(野宮神社出名求學業運)
相對另一邊求安產的就靜好多了。

之後又跟住人群行番出大街，先發現有好多又平又好食的餐廳，嬲呀>~~<

沿路再行，就到渡月橋
今日勁大風，吹到我眼都睜唔開，好好好凍呀~~~連河兩旁的紅葉都無咩心機欣賞，只想有咁快得咁快行完
係橋頭，仲見到一pair新人影緊pre-wedding，我o地都好佩服個新娘可以穿露背婚紗，又冷又大風，仲笑得出!??勁!!

因為實在太凍，龜岡公園都唔行喇，快快回程算了(又係渡月橋吹多次風>~~<)

而且，夠鐘坐小火車喇~~~

唔知係唔係尾班車，勁多人!!! 月台迫爆!!!
好彩早買定車票，真係怕企都企唔入架火車呀~~

一邊坐小火車，一邊欣賞保津川的景色

沿途司機用日文廣播介紹一下d風景，不過我唔識日本，一句都聽唔明.....

12月的嵐山，紅葉開始落了，河兩旁只有好多光禿禿樹，一入隧道我就想瞓了 zzzz

車程約1小時，到達總站トロッコ龜崗駅
車站係一間小木屋呢~~~~外面的黃昏景色好靚啊~~~

雖然唔算好有趣，但都叫坐過吓啦~~~
(我反而對o個3支手信啤酒有d興趣，但見唔到有得賣....)

トロッコ龜崗駅除咗小火車，無其他交通工具了，好彩附近都有JR馬堀駅

沿住田邊，步行約15mins左右，就到JR馬堀駅
中途起勢食大風，我用條頸巾包頭阿叉婆咁行都頂唔順，凍到我邊行邊尖叫~~~~
其實田邊的景色好優美，還有夕陽西下啊~~~但我凍到唔想拎隻手揸機影相>^<

回程就坐「嵯峨野(山陰)線」「京都 方向」普通車，坐到總站，唔洗煩=p

終於又返番嚟京都駅，傻仔主人同京都tower合照，呢座塔遠睇真係好似蠟燭XD
(應該改名叫Candle Tower XDDD)

玩咗成日，又餓又累，唔想再坐車去搵食，就去了京都駅相連的地下街Porta搵食了~~
裡面好大好大啊~~有fashion、drug&cosmetics、靴下、food，真係包羅萬有!!

係廿幾間食肆中迷失的主人，就由小慧決定食炸豬排啦!!!
我o地叫咗炸蠔定食和招牌厚切炸豬排定食，共約5000yen
d蠔好新鮮呀~~~蠔味勁重!! 外脆內juicy~~~豬排真係招牌菜，肉質鮮嫩，炸到脆卜卜咁，真係好好食呀~~~
(依家打緊blog又好想再食了=d，真係好好好味ga!)


食飽飽，好滿足，又周圍行吓，當消化嘛~~

京都駅穿過巴士總站後，就見到Yodobashi
日本電器、影音、藥妝有齊，買呀~~~~~



是日筋疲力盡，回到酒店立即瞓zzzzz


by笨豬小慧simple

笨豬小慧simple 發表在 痞客邦 留言(4) 人氣()

煮飯時，最頭痛就係剁蒜蓉，花時間，剁完d手指又成陣味，仲要洗好多次手都洗唔走!!! << 各位靚太有同感嗎??


最近同事幫我買咗個「神兵利器」，從此剁蒜蓉唔再係苦差喇~~~

佢叫做「萬用攪拌器」，個名好威威啊~~~

一舊簡單的膠，分開3個parts，主外殼連兜、手柄連研磨部份、半圓扣

主要將d食材攪碎或揸汁，可以用的食材都好廣泛：蒜、薑、花生、杏仁......等等

蒜頭去皮，太大粒就切細少少，放入個「兜」度，然後用d力轉動手柄

蒜蓉就輕易「攪」晒出嚟喇~~~yeah~~~


用完之後，拆開所有parts，沖一沖水，晾乾之後就無晒味喇~~~
最重要隻手唔洗再臭嘛>0^



之後我又試過磨薑汁，又好成功呀~~~唔似以前磨到手軟，仲要差d連自己隻手指都磨埋=.="



「萬用攪拌器」，才HK$3X，推薦各位靚太敗的好用物^^



by笨豬小慧simple

笨豬小慧simple 發表在 痞客邦 留言(2) 人氣()

呢期老公唔知做乜成日話要食荷蘭豆，見佢咁想食就煮俾佢食啦~~~

其實荷蘭豆清甜爽脆，真係幾好味ga~~~大人細路都鐘意食。



XO醬炒豬頸肉荷蘭豆

材料：(2人份量)
荷蘭豆 -- 1飯碗
豬頸肉 -- 1塊(約200g)
薑 -- 2片
蒜 -- 1粒(菜刀拍至散開)
XO醬 -- 1湯匙
糖 -- 1茶匙

醃料：
生粉 -- 1茶匙
鹽 -- 半茶匙
生抽 -- 1茶匙
老抽 -- 半茶匙
油 -- 少許

做法：
1. 荷蘭豆撕走筋(搣走部分尖尖位再向下拉，就能搣走條筋，唔搣食起會有渣)，洗淨及瀝乾水，備用。
2. 豬頸肉切片，下醃料醃15分鐘。
3. 鑊下油燒熱，下蒜爆香，然後撈走，下豬頸肉炒至8成熟及燶邊(無須撈起)。
4. (將豬頸肉堆埋一邊)下荷蘭豆炒幾下，下糖，炒至軟身，下XO醬快炒兜勻全部材料，即成。

貼士：
1. 豬頸肉又名豬青肉，肥肥地肉質有咬口，適合用來煎、炒、燒，凍肉店有售。
2. 荷蘭豆亦可用蜜糖豆、西芹、燈籠椒等代替。
3. 我唔食得太辣，所以只加XO醬，如果食得辣又想香口d，可以爆香蒜頭時加埋辣椒一齊爆香，咁就非常惹味。


by笨豬小慧simple

笨豬小慧simple 發表在 痞客邦 留言(0) 人氣()

夏天到喇，真係好好好熱啊~~~

想煮飯，但又唔想係廚房熱咁耐，冷盤就係一個好煮意^^

整醉雞翼就啱晒~~烚熟雞翼(烚的時候只要set timer，咁個人就唔洗留係廚房啦~~)，然後浸酒雪藏，簡單快脆唔洗熱，YEAH!!

早上煮，雪佢一個下午，晚上就有得食喇~~~好夠酒味，YUMMY =d

醉雞翼

材料：(4~5人份量)
雞中翼 -- 2磅
杞子 -- 1湯匙
花雕酒 -- 1杯(約200mL)
糟鹵 -- 1支
薑 -- 2~3片
蔥 -- 1棵
鹽 -- 1茶匙

做法：
1. 雞翼解凍洗淨。蔥洗淨切段。杞子用半碗水浸泡。
2. 鑊/大煲加水到一半滿，加入薑、蔥大火煲至水滾，然後加入雞翼、鹽，烚至雞翼全熟。
3. 雞翼即熟即撈起，放進一大湯碗的冰水裡，浸泡至雞翼轉涼(咁做d雞皮才會爽口)。
4. 雞翼瀝乾水，放進食物盒/闊口盤子，加入花雕酒、糟鹵至浸過雞翼面，最後加入已揸乾水的杞子，輕輕攪勻汁料。
5. 將(4)放入雪櫃冷藏最少4小時，雪過夜就更入味啦~~

貼士：
1. 熟的雞翼會浮起，而且近骨的肉會縮水所以骨會外露。仍不確定的話，可稍稍擘開雞肉，中間沒血水流出就肯定全熟了。
2. 糟鹵是酒糟的副製品(詳看此)，有酒香、咸味、辛味，非常適合做浸泡的肉類冷盤。

我在街市的南貨店買了這款糟鹵，$30支，一次用了大半支啦~~~剩下的mix埋浸完醉雞的汁，雪櫃冷藏就可以下次再用。
3. 糟鹵也可改用李錦記醉雞汁，味道有咩分別，真係要試過先知=p
4. 唔用花雕酒，也可改用紹興酒，但我自己覺得花雕酒同雞夾d呢


by笨豬小慧simple

笨豬小慧simple 發表在 痞客邦 留言(2) 人氣()