簡單就是愛 - 笨豬小慧simple's blog

25/5/2014 - 9week

身體狀況：肚肚比上星期又大dd，但仍然著衫唔見肚。我開始怕熱喇(以前係勁抵得熱)，愛上穿短褲^0^爽!!

攪咗成年都未有B，心情鬱悶，加埋要清假，咪諗住去個short trip散散心，回港再努力造人。(無理由邊度都唔去咁嘛)

本來打算去福崗ga~因為3月時有平機票賣，不過等一等朋友仔夾假，d平價機票就火速賣光光了；於是轉陣去首爾啦~~

俾晒$之後，就發現bingo咗

世事嘅嘢就係咁，你愈想就愈無，到你放棄喇，個天就畀個big surprise你=.="

其實老公都問過我好多次，究竟仲去唔去旅行?

因為起行時未夠3個月ga~~未算陀穩，佢怕我有事。

咁我so far陀咗一排，除咗反胃食唔到嘢外，都無咩大問題，touch wood無流啡見紅要卧床唔出得街。(啋>~<)

而且去首爾都係行街食嘢shopping為主，無咩危險活動會做。自由行行程自己安排，到時太累咪去少幾個景點，行一陣就搵間cafe坐下囉，hea住遊，無問題。

同埋，生咗B，被困3年無得去旅行，今次真係last chance咖喇~~

老公都知勸唔掂我^^，所以，帶埋「偷渡客」如期出發!!

出發前，老公聽人講花膠長胎，迫我飲咗成個星期鮮奶燉花膠，飲到想嘔

(洗唔洗咁緊張呀=.=")

luckily成個首爾旅行都無乜事，飛機升降都好穩定(我仲墊定cushion怕有氣流條安全帶勒到個肚)

BB好乖，成個旅程媽媽我行得食得瞓得，精神過o係香港呀~~~^^

雖然已經好克制，但都食咗d違禁品=q (如綠茶、雪糕、泡菜、冷麵etc)，但我都好乖呀，無食生八爪魚和醬蟹。

只係行得太多路，對腳等2日已經累到行唔郁，上落樓梯仲「吉下吉下」

多謝老公，成全我呢個生B前之旅，仲無怨言陪我血拼拎戰利品又抬喼。

見到呢個背影，就明白自己無嫁錯人，BB的爸爸係「擔得起頭家的好男人」

老公，我愛你

by笨豬小慧simple

PS：依家諗番轉頭，好彩買唔成去福崗的機票，擔心福射，bingo咗真係唔夠膽去。呢d唔通都係天意!?

PPS：首爾遊記不日blog番 =p

開始肚凸凸，不過分唔到究竟係BB、肚腩的肥膏、定屎屎=P，仲著到skinny jeans，其實著咗衫睇唔出有bb呢，仲未見肚。

明顯地瘦咗!! 連媽咪都話我碌脾瘦晒!! 梗係啦, 咁大個女都無見過自己合埋腳大脾中間有罅ga

嘔的情況已受到控制, 因為頂唔順去咗睇中醫, 醫師開咗d開胃健脾的中藥俾我食, 食完之後, 真係有番d胃口, 雖然仲會嘔, 但起碼唔似之前飲水都嘔, 都叫有半肚飽先嘔dd出嚟。

仲問咗醫師，究竟大肚係唔係要戒口? 佢的答案非常出人意表

海鮮<<== 呢樣嘢好多人都話大肚唔食得，中醫就話，魚、蝦都可以食，仲好有營養tim~(yeah 蝦 is 賣飛佛)，只係要避免食無鱗魚，蟹就一定一定唔可以食!

生果<<==又有人話寒涼，中醫就話，生果咁有益又點會唔食得呢~~只係芒果、榴槤、木瓜係千萬碰不得，芒果濕毒，易引起BB皮膚敏感；榴槤濕熱，不單BB易有敏感，孕婦太燥伯易便秘；木瓜會引起宮縮，孕婦食咗會作小產。

補品<<==大肚要進補? 中醫就話，唔好咁快補呀~~~初期懷孕一星期食一、兩次桑寄生蓮子蛋茶就夠安胎，如果要補，陀滿3個月才可開始，花膠、人蔘都只需一個星期食一次，但陀到7個月就要停進補，否則適得其反，會生得好辛苦；燕窩吃不得，太多激素喇

綜合醫師所講，大肚都唔洗戒口戒得太清喎

(一定唔食得組)：蟹(濕毒+寒涼)、無鱗魚、魚生(有寄生蟲，尤其三文魚)、貝類(多重金屬)、木瓜、薏米、雲耳、木耳、花椒(呢5樣會引起宮縮)、芒果、榴槤(勁濕毒)、燕窩(多激素)、軟雪糕、frozen yogurt(未經完全急凍，易有李斯特菌)、連冰的凍飲(d冰可能用生水造)、肝臟(太多維他命A會生畸胎)、綠茶、可樂(有色素)、酒

(食少少都得組)：豆漿、豆腐、蝦、冬瓜、山楂(會宮縮ga~但今次醫師開畀我的藥有，佢話份量好少無問題，幫我開胃等我食到嘢，so far飲完藥又真係開胃咗)、梨、Hagaan Dazs雪糕、雪凍的飲品(當然拎出嚟攤暖少少好d啦)、牛、羊、咖啡(最多一日一杯)、普洱茶(夠正氣)、朱古力、汽水、泡菜(含有大量益生菌，幫助便便)、辣

(食多多都ok組)：蛋、奇異果(金果味道甜d =q)、蘋果 or any生果、奶(如果飲唔到可用豆奶代替)、雞(但唔好食雞翼尖，d雞的打針位)、海魚、菜(尤其綠葉菜，含有豐富葉酸)

不過講真，當你食乜嘔乜，食得落又唔嘔番出嚟，真係拿拿林食多幾啖兼偷笑啦，仲理得佢食唔食得咩

15/5/2014(四)

好辛苦咁捱咗3個幾星期，又可以見吓BB喇~~~約咗私家醫生照閃閃

(老公要返工今次無份睇BB lu)

由於上次產檢實在太太太貴，我o地決定轉醫生!!

左問右八，經妹妹介紹終於搵到個價錢、地點、會診時間都ok的女醫生(一定要女醫生，我覺得由男醫生做檢查好尷尬)。

又因為咁，未夠3個月，老公公司的同事已經知道晒佢就做爸爸，唉..........

鄧悅翹 Dr. Rebecca Y.K. Tang

地址：九龍尖沙咀漢口道28號香港亞太中心5樓507-508A室

電話：39070152, 39070153

診症時間：(Mon-Fri) 10am-1pm; 3pm-7pm、(Sat) 10am-3pm、(Sun, PH) CLOSED

診金：$750(包括見醫生、照超聲波、相片2張、DVD1張)，藥、化驗另收費

近公司，放工去都趕得切，唔想下下請病假去睇，費事啦~~又可以慳番d病假。

預約了6:30pm，早咗少少到，姑娘同我做初次登記和磅重量血壓。

47.5kg<<比未有B前輕咗2.5kg，

之後就呆等咗1小時，等到好眼瞓呀..........我差唔多係last嗰個見醫生。

入房同醫生傾咗陣歇，好快就入另一間房照超聲波喇~~

雖然我嘔到七彩食唔到嘢瘦晒，但BB係有長大ga~~隔咗3個星期無見已經大粒咗好多^^

BB size CRL1.38cm (大約一塊指甲的大小), 7w5d, 預產期改咗12月27日

心跳150bpm, 雖然唔算大聲但好有生命力的心跳聲 (仲有d似青蛙叫的哇哇哇哇XD)

yeah~~又過一關!!

不過媽媽好笨，醫生問我睇唔睇到「閃閃」，我真係睇唔到邊度閃，醫生無我咁好氣，轉咗thermo detect mode我就見到中間位置有點紅色，醫生話呢度就係血流量最多的地方，即係心臟喇~~咪閃下閃下囉。哈哈=.="新手媽媽係矇d，好火羅..........

上次睇的楊醫生抽咗分泌去化驗，驗到我有念珠菌，好辛苦咁塞咗一星期藥(勁大粒藥，塞到好鬼痛)

今日問埋鄧醫生，仲洗唔洗抽分泌化驗，佢話唔洗，呢d念珠菌女性好commen會有，只要無臭臭分泌物，其實OK的，同埋平時正常清潔就可以，唔需要額外護理。

問一問就放心晒，老公上次聽到report嚇死佢。

so far今次的診症好滿意，鄧醫生同姑娘都好nice，診所環境、儀器都唔錯，可以長睇佢喇~~~(閉，唔記得問下次應該幾時去覆診tim)

望住BB張相片，寧舍開胃，我竟然食到大半碗拉麵 仲去埋H&M shopping~~~ 開開心心回家去^^

by笨豬小慧simple

10/5/2014 (六)   

決定由今個星期開始，每個weekend都幫肚肚拍張照片，紀念+記錄自己大肚tum的樣子=D

7week喇~~~

個肚無大到，但個胸大咗好多 (升cup好機會, wahahaha)

屋企d bra bra唔啱著，洗咗成千蚊買新bra

呢2個星期好難捱，因為一踏入6week我就開始有害喜反應，長期反胃feel、無胃口、勁多胃氣，有時仲真係嘔埋。

有一晚食完個油雞米就趕住坐巴士回家，一落車就嘔，一路行就一路嘔，嘔到我眼淚都標埋出嚟，卒之回到家嘔晒成碗米粉出嚟，嘔得太勁，整損咗個喉嚨，生飛痱滋痛咗我幾日，更加食唔到嘢，唉

依家個胃超級難服侍，飽又嘔餓又嘔，個胃又酸又"娜">~~<

雖然辛苦，但諗到呢d反應係因為BB係我肚入面健康成長中，個心反而定d^^

by笨豬小慧simple

早前去了泰國布吉旅行(真係好好玩呀~~~遊記後補)，在BIG C超市買了大量藍象牌咖哩(鬼嫁介紹的!!)

為了延續泰國的好味道~今晚就試煮藍象青咖哩，好成功，好好味=q

呢包就係泰國藍象牌青咖哩醬，已經調校好晒味道，要煮泰方便了^^

BIG C賣大約HK$2X，好抵玩(自用手信都一流)

最近在大埔新街市附近的食材店也找到了，賣HK$35

包裝的背面寫有食譜，跟足煮基本上新手都handle到!!

我就按自己的口味，將d調味和食材略加加減減

改咗用半隻冰鮮雞(我唔鍾意食雞胸肉>~<)，而且買已斬好的，慳番好多功夫^^

配菜就買咗車厘茄、泰國茄子(呢個一定唔可以偷懶買其他茄子代替，風味真係差好遠ga~)、九層塔、青檸葉

泰式青咖哩雞

材料：(3~4人份量)

藍象牌青咖哩醬 -- 1包(70g)

椰奶 -- 400mL(一罐大)

熱水 -- 100mL

雞 -- 半隻(已斬)

泰國茄子 -- 3~4隻

車厘茄 -- 3~4隻

青檸葉 -- 4片

九層塔 -- 1棵

橄欖油 -- 2湯匙

調味：

魚露 -- 1~2茶匙

糖 -- 2~3茶匙

鍋具：LC 18cm round

做法：

1. 雞洗淨，用廚紙印乾水，備用。

2. 泰國茄子、車厘茄洗淨，去頂，切開四份。

3. 九層塔、青檸葉沖一沖水，九層塔摘下葉待用，青檸葉稍稍揸爛方便出味。

4. LC煲凍油凍鍋，中火加熱橄欖油，下雞煎香雞皮和出油，煎至轉色，撈起備用。

5. 下咖哩醬和200mL椰奶，邊攪拌邊煮至微滾。

6. 加入另外200mL椰奶和熱水，攪勻，煮至水滾。

7. 加入雞肉，轉小火加蓋煮至水滾，就加入(2)和(3)，繼續開蓋小火煮3mins。

8. 如果水太多，轉大火多煮1min。

9. 試味後，加魚露和糖調味。

貼士：

1. 如果覺得太辣，可加多d椰奶or糖。

2. 反而嗜辣者，可加大辣椒1隻(斜切片)or辣椒油，我唔太食得辣，所以無加。

伴白飯食，yummy~~~~ =q

有菜又有肉，一煲攪掂晒，懶人好煮意^^

by笨豬小慧simple

25/4/2014 (五)

預約了今早10am到家附近的婦產科醫生做檢查，順便要取得「懷孕證明信」到醫院登記床位。

準時到達診所，但醫生似乎未上班，先辦手續邊等待吧。

先填一下個人資料，除基本的資料外，亦要填上一次月經第一天的日期(LMF)、有否家族病史和藥物敏感、曾否懷孕和分娩方法 等，原來比想像中要填得仔細，幸好我健健康康，of cos今次是第一胎啦~~~

之後，護士幫我量身高、體重和血壓，再給我一個小瓶留小便驗孕。哎呀，早知昨天預約時就拎定，公廁又濕又髒> <

等到11am，終於見到醫生了~~

首先她說：「驗尿結果妳是懷孕了^^，恭喜。」(拍手)

接著她指示我脫褲子(害羞啊>///<)和躺在長椅上，因為要做陰道超聲波檢查(噢，我開始緊張了)

醫生將儀器塞進我的陰道，噢，雖然不算痛但感覺相當不舒服>~<，不過見到電視畫面出現BB的影像，我就什麼不適都忘記了。

BB的第一張沙龍照呀~~~~

見到黑色橢圓形的是胎囊，中間一顆白色的豆就是胚胎，即是BB喇~~~~

照得到就說明是宮內孕，又過一關!!!

(昨晚刨baby kingdom，宮外孕、化學懷孕和葡萄胎驗尿一樣是positive result，要照超聲波才能分辨真偽)

BB現在 size CRL0.15cm，一粒芝麻般的大小，嘩~~~好細粒呀~~~

今天是5w1d，預產期今年12月25日

噢~~~~~聖誕B啊~~~~

看著電視畫面的BB，感覺真係好神奇，現在我肚子內多了一個小生命啊~~~~太不可思議了~~~

老公也嚇呆了。

叫他進來看超聲波畫面，他呆呆地盯著電視，還反問我：「究竟是要看些什麼???」哈哈哈哈，實在太低B了，笑死人，早叫他讀書時期要多勤力，現在書到用時方恨少。

檢查完成後，醫生寫了「懷孕證明信」，快快去醫院辦登記!!!

結帳HK$1400 @0@，產檢好貴啊!!!

離開診所後，我們匆匆趕去威爾斯醫院，辦理登記床位和預約政府產檢。

剛生完B的妹妹提醒我，政府很多產檢需要按我的懷孕週數作出安排(例如唐氏篩查、結構性超聲波檢查)，加上孕婦太多，醫院人手又不足，如果太遲去醫院登記，政府排不到適當的期，產檢會被「取消」!!!我就需要自費去私家診所檢查。OMG~~~明明免費變成自費，杯具!!

所以我和老公都非常緊張去醫院登記的timing!!!今天內一定要辦到，否則又需多請一天假啊~~~(杯具x2)

12noon前到達醫院，快手填完個人資料之後(剛才有經驗了)，將「懷孕證明信」、「身份證」、「住址證明」交前枱辦理。原本有必死的決心要在醫院呆等2~3小時(政府醫療的慣例就是要你等等等!!)，怎知道不用一小時手續就辦好了~~~

由於快到午飯時間，前枱的阿姨用光速講完一堆注意事項，我連理解都來不及呢，提問更不用想了，她就拉閘關窗了=0=|||

唯有回家上網刨資料或者問妹妹吧(幸好我有「過來人」給我指導)

今天的target完成~~~~~

快樂地吃完lunch，我去上班了v_v

(幸好沒有躲懶，有回去上班，超多工作要趕，上司吃了火藥=^=")

嗯，何時通知公司我「懷孕了」好呢..................?

by笨豬小慧simple

24/4/2014 (四)

今天原本想偷懶一下，所以向公司請假了=p

早上睡飽醒來，想起最近的谷m feel(胸脹胸痛+小腹冤冤痛)，心想m小姐妳要來快來吧，不要一直害我身體不舒服> <

上網搜查到「益母草」有通經之效，女性經期前飲用有益啊~~~

於是拿出朋友剛送我的驗孕棒，檢驗沒有B的話就去買益母草煲來喝，通經!

邊刷牙邊等待結果(心想今次應該食白果)，點知........................2條線! ! !

我看著驗孕棒在發呆@ @，不會是我眼花吧@ @，但的確2條線都好深色喎................

我的腦袋一片空白，心中只能不停說：「怎麼辦.........怎麼辦...........」

打電話給老公，說我「剛才驗到懷孕了....................」他人在公司竟然大笑出來(嚇死我...)，我開始口震震和眼濕濕!o!

就這樣，我原來「有咗BB」................唔係谷m.............

BB，就在你打算「今個月又食白果，不如趁未生B去多次旅行啦~」的情況下，失驚無神來找你喇~~~

原來就算是計劃好的生育，準備了足足一整年，到發現bingo的一刻，還是會驚惶失措..................我現在心情又驚又亂呀~~~~~

現在要做的第一件事，就是去附近的婦產科診所看醫生!!!

可惜今天醫生放假，只好預約明天再去看了................(恰巧老公明天放假，看來BB要等埋爸爸呢)

回想一下最近的身體狀況(懷孕的徵兆!?)

- 14/4 開始胸脹，但摸起來不是實的，反而軟軟的；並且非常胸痛(真的輕輕震一震都痛)，尤其胸底的淋巴腺

- 復活節假期後，小腹開始冤冤痛 (因為平時來m前都會胸脹和小腹痛，所以一直以為今次又是m前症狀)

- 經常渴睡 (不過本身有血壓低問題，時常渴睡咖啦~)

就是因為懷孕徵兆不夠明顯，我這位粗心大意的人真的一直以為谷m，所以整個4月差不多做齊了所以孕婦不應該做的事

- 5/4, 清明節, 去拜山<<真的要爬山那一種

- 6/4, Le Creuset開倉，當然要去趁墟，一個人去抬鐵

- 7/4, 妹妹生B, 去醫院探望, 還因為太趕, 喪跑追車致腳底抽筋

- 8~9/4, 抱BB

- 整個4月公司都超忙趕deadline，日日鬼上身追同事交數，情緒失控，壓力大

- 復活節假期跟朋友們吃喝玩樂很開心，啤酒捱夜少不免=P]

- 17/4，睇恐怖電影>w<

- 假期後，去做了激光脫毛

今日都驗到有BB，都真係「整定」

妹妹話嘛：「我肚入面多了一條生命力頑強的蟲」WAHAHAHA

回想今次可以bingo，真係用「奇妙」兩個字形容。我沒有什麼「攻略」，但懷孕的路都唔算平坦，真心BB係「天賜的禮物」。我本身經期超唔準，一個cycle由30天~50天不等，所以d人可以個個月有chance，我可能1.5個月甚至2個月先有個chance咋。既然知自己chance唔多，想快d有bb當然要把握機會，於是學人o地買咗大衛牌紅D排卵試紙check住邊日排卵!!可惜就算check到深粗先dodo，我仍然食白果，仲攪到自己好大壓力，每次見到M小姐都好down，老公亦話咁樣dodo好無癮，佢話覺得自己似農夫播種咁喎=.="唔知係唔係你愈心急想有b，個天就偏要玩你，食咗幾個cycle白果之後，我都開始心淡，紅D買咗都唔想用，順其自然就算..............但係，都仲係好多挫折!!7月去完上海出trip返到香港，我成身生滿好多紅疹，又痕，睇咗3個醫生中西醫合璧都唔好，終於攪咗成個月先叫好得番。好彩無留低咩疤痕但我d經期比以前更更亂!!由之前30~35天變成50~60天一個cycle9月去埋歐洲trip又感冒，病好之後，o個次的cycle變咗70+日，o個排我由day60開始隔日驗棒棒又唔係有咗b，睇醫生佢又話我plan緊生育唔肯開通經藥俾我，食埋中藥都係無m到，我o個排真係好驚，驚自己係唔係有婦科病o個d，差d去咗睇專科......經過呢次無m疑雲我又開始睇番中醫調理身體，但d經期都係50+日一個cycle。去到2月o個次嚟m，我真係好灰心，喊住同老公講我係唔係好失敗，o個下真係覺得自己無仔生雖然老公佢都好想要小朋友，但佢無迫我，仲安慰我話大家做晒body check身體正常，唔會無仔生嘅，緣份未到啫，仲氹我一齊去旅行散下心，relax完返嚟再努力。聽完老公呢番甜言蜜語之後，我個人真係醒晒，之前可能真係太想有bb，攪到o個人好緊張，真係let go放鬆晒，又好開心咁準備去旅行d嘢，只係4月頭dodo咗2次，就真係bingo! 唔係馬後炮，「放鬆」真係易d有bb。不過有件事都幾巧合，3月o個時老公的同事的太太有咗b，將佢用淨的驗孕棒送咗畀我o地(買咗好多，用咗1支就bingo)，收到呢d「好孕棒棒」後，我又用1支即驗到bingo!!! 哈哈~~成件事真係好邪呀~~~~

by笨豬小慧simple