明天就出發去我們的麗江婚照之旅，好好好緊張呀>~~<!!!!

 剛剛pack好喼了，希望唔好帶漏野啦。

日日check住個邊的天氣(全靠iphone的中國氣象apps)

YO好好天呀~~~~尤其我地影相個日(9/4)，大晴天!!!

係早晚凍D，中午有20度都OK呀~~~暖包可能唔洗出動。

成都就落雨，不過都係去個度試衫，都無咩時間玩，無所謂啦。

準備咗成個月，真係好期待今次的旅程。

12號晚才回港，BYE BYE喇。回來再share!!

BY笨豬小慧SIMPLE

麗江婚照除了可選3套婚紗晚裝之外，還有一套自選服裝。

原本諗住便服就算，但又唔想浪費一個咁古色古香的靚景，最後尋日急急地買了唐裝衫和旗袍。

最後係美芝執到件真絲旗袍，$60

希望出嚟的效果唔太差啦。

BY笨豬小慧SIMPLE

星期日做咗好多野，中午去了hair salon攪攪個頭。

一路都以為自己係直直直頭髮，只係染得太多、傷晒所以梳極唔順，點知，原來我係天生頭髮微曲!!! 所以D頭髮成日散修修，髮型師唔講真係唔覺啊~~~犀利!!!

大家覺得呢個新look點呢??

BY笨豬小慧SIMPLE

之前屋企大修全屋電線，搬野搬到指甲斷晒，又趕唔切留番長DIY花甲。

HOHOHO，買到假甲就OK啦 ^罒^

吉之島$10店真係好多筍野買呀~~~

另外再係SASA買咗假甲膠水。

BY笨豬小慧SIMPLE

後天就去影麗江pre-wedding，快快手整個新的花球先。

材料只是一個舊花球和妹妹結婚用剩的絲花，完全免費，$0。

由於過程真係太快(用了1.5hrs)，唔記得影製作過程

by笨豬小慧simple

過幾日就出發去麗江影pre-wedding喇，真係好緊張啊!!!>~~<

麗江都算高原地方(古鎮海跋2000多米；雪山海跋3000~4000米)，怕去到有高山反應，食定紅景天先。

出發前一星期開始服用，每天3次，每次一粒。一盒大約食到6日。

我唔鐘意食膠囊，拆開沖水飲，嘔，好澀不過幾難食都要食，命仔緊要!!

主人好乖呀，唔鐘意食藥都肯食，幾驚買咗佢唔食又晒我D錢錢。

BY笨豬小慧SIMPLE

奇妙姻典突然清盤結業！WTF!!!! >A<凸

上到去乜都無晒，燈又唔開，已經有十數位準新人到咗，現場仲有2位軍裝警員+始創管理處的人係度，但律師樓、奇妙姻典都無派人出現。

乜都做唔到，留咗ID俾警察做備案，抄咗負責清盤的律師、消委會的電話，等埋d記者上嚟，就走得。

管理處表示，租約到今天屆滿，之後就會封舖，等執達吏上嚟點算剩下的物資。

聽聞尋日有人打過去奇妙姻典，仲有人聽電話，今日就執咗。

上星期仲有新人係度rehersal，當時無職員表示今日執笠!!! 後天註冊的新人，都因為掛單的王律師call佢，先知執咗。奇妙姻典完全無主動通知過任何一個人，非常不負責任!!!

上官網查番，奇妙姻典係今年2月的婚展仲有擺booth，仲接生意，好明顯有人早有預謀，呃錢!!

真係好無奈

證婚呢part又由零開始....................唉................

(update 1/4/2011)

今日生果日報出咗新聞。

證婚中心倒閉 200對準新人破財

旺角一間提供一站式婚姻服務的證婚中心突然倒閉， 20多名已預訂證婚場地並支付全費的準新人，昨傍晚從社交網站獲悉中心結業趕至現場，發現人去樓空，感到氣憤又徬徨，恐影響婚期，先後報警求助。有受害事主透露，該中心早前曾參加大型婚禮服務展覽，估計受影響準新人達 200對，涉及金額逾 60萬元。
突然結業的奇妙姻典證婚中心，設在旺角彌敦道始創中心，面積逾千呎，設有「幸福小教堂」及「甜蜜蜜花園」兩個證婚場地，分別可容納數十人，收費由 2,388元至 3,888元不等。
據了解，該證婚中心前日突然結業，並交由一名姓楊律師負責清盤事宜，而預訂近日在證婚中心舉行婚禮的準新人，昨已接獲律師通知該中心結業。有準新人說律師聲稱較早前才知悉奇妙結業，並透露會履行對他們的婚禮服務，但沒有透露詳情，只謂本月 12日會有債權人會議，稍後再聯絡他們。

簡小姐與男友去年 10月向該證婚中心支付 4千多元，預訂今年 11月底在幸福小教堂由律師證婚，昨從 facebook及友人口中獲悉中心已結業後，立即趕往現場了解，發現中心已無人，大部份物件被搬走，並見有警員及多名準新人在中心內，頓感徬徨及無奈。簡透露該中心去年曾參加婚禮服務展覽，吸引不少準新人，相信受害人不少。梁先生則付出 4,300元預訂幸福小教堂加撒花瓣服務，準備明年結婚，他說對證婚中心已失去信心。
從事文職的彭小組，以 2,888元預訂甜蜜蜜花園作證婚場地，中心突然結業，她坦言「冇辦法，追得番（費用）咪追囉，到時（結婚）可能另外請個律師去酒樓證婚」。

一早主人打咗去楊律師和消委會度問，全部都表示幫唔到我地d咩，因為已經進入清盤的法律程序，要等4月12日的債權人會議之後，先會知我地d錢拎唔拎得番，攪緊法律野，消委會係介入唔到喎。至於懷疑奇妙姻典明知唔掂會執都仲接生意有冇詐騙成份，消委會表示要報警，等警方去查，佢地又係幫唔到我地。但我已經問咗警察，清盤緊又唔算詐騙，要拎番d錢只可以去小額錢債審裁處度攪..................

錢，一定拎唔番，排隊都未到我地啦(間公司還晒所有債，有剩先會分俾我地，有得剩就奇妙囉)

清盤條例，原來係幫d公司屈人錢!!!

有JM已向立法會議員李慧琼投訴，希望件事有進展啦。

慘慘，12號去咗影pre-wedding未返香港，唉......................

注意!!!

奇妙姻典苦主群組@facebook

http://www.facebook.com/#!/home.php?sk=group_201074499915268

為左可以group到受到影響既準新人.

如果你地身邊既朋友都係book左奇妙姻典既.

麻煩叫佢加入以上facebook既group

方便可以了解最新既消息

特別多謝mc win通知我們呢個咁重要的消息!!!!

by笨豬小慧simple

機票：

訂好的機票改咗時間

深圳/成都   CA4330   06APR2011   0905/1130
成都/麗江   MU5852   07APR2011   1930/2050 (原本訂中午機)
麗江/深圳   CZ3452   12APR2011   1900/2310

好彩之前預留多一日係成都，依家就變咗留多半日係麗江了。

酒店：

係品果俾的list度揀咗：

留玩個2日想試另一D客棧，去到先揀。

凱賓商務酒店：www.kaibinhotel.com
半步多驛棧：http://www.ljbbd.com

交通：

K568
羅湖<< >>深圳寶安機場
豐田的考思特豪華中巴，在羅湖商業地樓下(長途大巴旁)上車
羅湖發車時間：6am - 8pm
機場發車時間：7:30am - 11:30pm
每隔15分鐘發一班，全程票價20元，約45分鐘車程。

330機場巴士
華聯大廈發車時間：6:20am - 8:30pm
深圳機場發車時間：7:30am - 航班完結
晚19點（指機場發車時間）以後延伸至鹿丹村、火車站西廣場。
每隔20分鐘發一班，全程票價20元，約45分鐘車程。

從羅湖檢查站去華聯大廈，可乘地下鐵到科學館站下車。

的士(出租車)
深圳機場到羅湖火車站出租車約110元
深圳機場到皇崗口岸出租車約80元
放行李係唔駛比附加費的。

我的選擇：
去程會搭K568，回程因為太晚了，肯定要搭的士，不過趕起上嚟，可能兩程都的士算了。但之後仲要係皇崗call車才能回到家。

by笨豬小慧simple

今天除了confirm姊妹裙外，另一個重要項目就是買girdle。

遲D去麗江影pre-wedding真係怕會冷病，一早買定暖包，但唔可以直接黐係身，要搵D野隔一隔，如果唔係會灼傷，唯有著girdle。

上上星期去完婚展，諗住順手去CWB間SATAMI買啦，點知..........無貨!!!!

仲要4月中先返到，我都影完返來囉。

再轉去奇華特，人多到呢，拎定籌諗住隔日再去啦，點知張籌又唔見埋>~~<，即刻連去的衝勁都無埋。(真係唔係好想死出去CWB淨係拎張籌囉)

有諗過不如「nu-bra+媽咪的腰封」就算，諗諗吓又怕著唔穩，行行吓跌出嚟(好樣衰呀=A=)

再搵埋屋企附近大大小小的bra舖，又係賣晒=(

我唯一希望就只剩百利的bra舖。好好彩，有貨呀~~~~^0^

$288，另加咗對pad+$40，total$328

SATAMI呢隻girdle好好著，前面3條骨，收得個shape好靚ga，仲托到少少tim

幾經艱苦，終於買到，一額汗

BY笨豬小慧SIMPLE

淘寶姊妹裙失敗而回，我又重投百利姊妹裙公司的懷抱。
(敗北經過：http://hk.myblog.yahoo.com/simpsonsimple1120/article?mid=1958)

今日多謝Germanthea、chanwong的邀約，令我可以的起心肝，攪掂埋呢個大task!!!

我唔知2位B2B行過百利未，所以都帶大家去看一看我之前mark up咗的店。其實兩間的價錢、款式、用料、手工都差唔多，之前上網check過都無咩遲交貨等等的劣評，但因為Rosita可以條條裙都唔同款唔同色，又肯送披肩，加上sales阿寶的service真係好好，呢D都好fit我地的需要，所以我地只係門口傾咗一陣，就火速決定join Rosita喇。點知想開單的一剎那，阿寶夠鐘dinner。

於是我地3位就去附近的餐廳食dinner先，邊食邊等又邊傾計啦~~~~傾到唔願走，但都要9:30PM前，趕係人地收工前開埋張單!!

上到去再同阿寶傾一傾細節，最後是：

$300~$380短裙(視乎款式)，長裙+$100，優惠每條減$30，另送韓紗披肩，度身造，9月頭fitting，11月頭拎貨，包改闊窄一次(需時約10天)，可以每條不同款不同色。

其實睇完之後，都擔心Germanthea和chanwong要唔要回家再諗諗先join，或者佢地要唔要帶D姊妹嚟睇下先(因為我自己之前帶過3位姊妹嚟睇過了，所以我可以skip咗呢part)，唔想佢地因為我想join而push大家一齊行動。

但估唔到，感覺做事深思熟慮的chanwong竟然是最快決定晒所有野的人!!!! HAHAHA~

好開心臨走前知道Rosita新款姊妹裙好似姊妹們選中的choice1!!!!仲可以唔加錢幫我打辦，YEAH~~~~所以我要早少少，7月開始fitting了。

好多謝Germanthea和chanwong陪我行姊妹裙，又信晒我不加思索就即日confirm埋，齊齊慳多幾十蚊!!

放底咗舊大石喇!!! 鬆晒。

BY笨豬小慧SIMPLE