簡單就是愛 - 笨豬小慧simple's blog

(主人繼續打字, 小豬慧就remark。見粉紅字)

2011年4月9日(六)

終於嚟到正式攝影o既大日子，好緊張>~~<，成晚醒左好多次，驚死唔記得起身(其實早就set左鬧鐘 >.<")。

好開心，今日天氣好好，超級大晴天^0^!!!(所以防曬要做得更充足啊)

執好所有行裝(1喼禮服+1個大背囊+1個agnes b大袋)，就向最近的城門出發(近皇冠假日酒店的出口^^)。出度去等左一陣就見到將會車我地成日o既師傅成哥(希望冇記錯名啦^^)。(等車個時只係7:30am!!!可想而知我地係幾早起身!!)

上左車之後，仲要去車埋另一對新人，就係阿基同佢女友啦(我真係太八啦，第一日見人就問晒你地o既名﹑職業及是次行程內容等等，總之我一唔駛埋位就係咁撩人傾計，傾到小慧o係房化緊妝都聽到 >.<")(曳>^<)。

跟住大伙兒一起到品果位於麗江o既總部，位於大研及束河古鎖中間位置的住宅區之中。

樓下大廳都擺咗d禮服，當然比成都的數量差好遠好遠啦~~另外，都有d花花裙可以借用一下。(不過....真係有d亂)

我地去到o既時候，工作人員先o岩o岩起身冇耐，見佢地個個牙都未擦就要幫我地set頭化妝，情景好攪笑，好似去左人地屋企嘈醒人咁。(李剛啱啱洗完頭飲緊咖啡啦)

就在小慧化緊妝o既時候，另外兩對都係今日影相o既朋友就到左啦，一對係之前一齊由成都坐飛機黎麗江o既marco同佢女友；另一對因為見得太少時間唔方便問人啦 。阿基及最後黎果pair因為已經在前一日去左玉龍雪山影，所以今日佢地2pair都係影古城﹑拉市海等地方，即係我地會o係路途上碰面的。而marco佢地就今日會上雪山，應該要等到上飛機番深圳果日見到面lu(結果一齊番深圳果日問番佢地，雪山上面真係凍到死，上去唔夠2個小時，但落山時佢地話已感到體力不支o既情況>.<")。

等我play番d化妝花絮先。

我要求的九姑娘頭，嬌嬌好犀利，用咗10幾分鐘就set好，勁!! 初時仲擔心d前蔭唔夠長set唔到，好彩都成形

今次同ML影好唔同，主人都要化妝，仲係上濕粉個隻，主人第一次化妝jar

攪掂晒就上車出發囉~~~go go go!!!

首先去番大研古城影左我地套「古裝」先，佢地一路會去開一間位於近「萬古樓」上山路段其中一間景觀開揚o既餐廳2樓影相。只需象徵式俾番RMB20佢地就得o家啦，由於晨早關係，朝早影果dee比較「生硬」，眼打唔開之餘，連笑都唔識笑，好在李剛會不停講笑引下大家^^。(辛苦李剛要應付主人的生硬pose同笑容，諗起個d牙膏廣告式笑容真係好想大笑)

呢間茶區比萬古樓的屋頂景更遠更壯觀啊~~~

茶居 - RMB20/團

之後落番去「酒吧一條街」果邊繼續影，如是者好快就過左差唔多一個上午啦。

李剛團隊帶我地去食午餐。個午餐要特別提一提呀，因為lee餐可算係我地o係麗江食得最平又最好味o既一餐，係李剛佢地帶我地去食o家，6個人食，叫到成桌都滿，個個食飽飽都係合共RMB110 ja

飯堂午餐 - RMB110

之後再回基地換衫，將會一氣呵成影晒其他3套衫。

首先我換了灰色西裝(好鐘意件恤，唔知香港搵唔搵到差唔多樣的呢?)，小慧就著了青黃色A-line晚裝。

去到一大片好似沙漠o既地方，一望無際夾雜著雪山遠景。咁好o既景色當然唔會放過，落車影呀影，又要chok樣﹑跑步呀咁。(由於經上午o既warm-up，下午fit好多 ^^)

真係草都唔多條，而且勁大風，攪到我成日食頭髮，不過見到大大個雪山，真係好宏偉呀~~

之後又影下附近的馬路、同石仔牆，就坐車轉去一個有舊枯木o既地方。李剛見到另外一對新人都就黎到場，即刻一個箭步，飛奔埋舊枯木度拎左個位先。(而佢地就唯有影遠景啦 ^^)

枯木 - RMB30/團

然後就去玉柱擎天影，呢度係麗江古城話事人木氏家族的行館別墅。

玉柱擎天有一個綠綠藍藍o既小湖，仲有壯麗o既樹木及一條小木橋，景色十足九寨溝一樣，去到o既時候我地都「wa」左一聲。
呢度超似九寨溝，真係好靚呀~~~如果唔係影pre-wedding，我地應該唔會嚟，因為呢度距離大研古城都幾遠，仲要門票唔平。

湖入面有好多三文魚；d水仲好凍!!

先係外面入口換下一套衫(由於習慣打波成日都會o係街頭換衫，一dee都冇怯場 ^^)，我換了黑色燕尾禮服，小慧就換了紫色紗紗裙。比埋入場費，就等小朱慧換妝之後出發。

今次嬌嬌幫我整咗個花花頭，我好鐘意對耳環。

不過呢度好多唔知烏蠅定蚊的蟲仔，係咁向住我塊面飛埋嚟，最鐘意攻擊我對眼!!! 攪到我成日忍不住眨咗眼要影過，氣!!!

玉柱撆天 - 門票RMB20/位+古城維護費RMB160/2位(只收新人，工作人員唔收，如果之前買咗，show一show張單就free了)

影完之後就o係番外面換上最後一套-- 婚紗

(我唔係幾鐘意呢個髮型，扁咗d，最衰無帶鏡，set完先知係咁，唉)

我就換咗件令身白色西裝，小慧幫我襯咗黑色恤衫，仲有毛毛心口針，型向最後的2個景點「油菜花田」和「拉市海」進發。

公路附近都有好多大大細細的油菜花田，好靚呀~~~已經有好幾pair人係度影緊相。

不過我好唔小心，係花田度pk=.="，未影件婚紗已經撈咗泥。而主人抱起我個時，俾我件衫d珠片界損咗塊面tim。

之後就到拉市海。

去到已經差不多o係黃昏時間，整片天空及湖面均被染成黃金色，真係好好好靚呀(原來景點lee樣野係要夾時間去睇o既，我有好多friend話拉市海係一個好多馬屎同爛泥、冇咩野好睇o既海，但原來係要到黃昏去先見到最靚o既景色，好在o係跟著一隊專業攝影團隊去，去到所有o既景點都係最靚o既時候去睇，爽呀)

我地租左兩隻馬仔黎影相(我一定一定要影馬仔!!)，原來都幾驚o家，雖然只係騎左幾分鐘，但對於第一次騎馬o既我地黎講，個經驗好正 !!!!!(我因為要側身坐，加上件婚紗塊裡好"扇"，個人係咁sher落嚟，隻馬馬又係咁踩到個拖尾，好辛苦先平衡到，不過騎馬真係幾好玩，好想再騎耐d ga)

拉市海 - 門票RMB40/團+騎馬RMB40/2隻

我地到場o既時候，差不多所有couple都已經o係度影緊，但我地係第一對走o家，因為 ~~~~我地要趕時間番去再換番朝早套衫同轉妝番古城影夜影。(4對人入面得我地去影夜景ja，其他o既都堅持影唔到，得我地繼續出發，有對couple知道我地影夜景都有嘈，我都唔敢出聲。我驚李剛佢地幫我地影夜景會被其他同事鬧 >.<"。仲有，番去轉妝時我問吳迪(超好玩好笑同似阮經天o既燈光師)會唔會一齊食晚飯，諗住人地咁辛苦幫你地，你都要請人地食番餐掛。點知佢地話幫我地影完，李剛同嬌嬌就要趕住去下一對度同聽日o既couple傾，唔可以一齊食。我聽到之後其實十分唔好意思，因為即係攪到人地夜晚冇飯食加埋要OT，咁我同小慧唯有o係車程上將我地帶去o既零食送比佢地充饑啦。好在佢地都好like我地o既小食)。

我地回到古城，影埋夜景預備收工，李剛帶左我地去一度較少人o既地方影夜景，果度真係較遠離人多o既街道(只能依稀記得點行番過去>.<")，但景色仍然係十分之靚o家。諗住佢地趕時間，只可盡快影幾張，但係佢地仍然好專業好有耐性咁幫我地影。(我真係諗住影幾張就收工，點知嬌嬌話佢set得個頭咁辛苦，影得咁少，佢會鬧李剛)

我地非常專業又開朗的團隊!!!
(左起：助手+燈光師 吳廸、化妝師 嬌嬌、攝影師 李剛、師傅 成哥)

好開心識到你地，亦好多謝你地!! 辛苦晒~~~~期待收相ing

影埋夜景已經8pm了，回到客棧換衫個時，已經好累，本來諗住係古城入面食就算，但小慧堅持要出去花馬街食三文魚(影得咁辛苦，緊係要食餐好嘅慰勞吓啦)，其實我係怕太夜會無的士返古城，點知晚上的麗江一樣咁旺，食完差唔多11pm啦，成街都仲係人，haha (主人又白擔心了無車都可以行返去je)

即叫即扑濕咗條2.8斤的三文魚(大陸1斤得十両，折合大約香港的2斤唔夠)，就片咗4大碟魚生!!!多到食唔晒。不過呢邊d三文魚瘦，無咩肥膏，又切得好薄，所以食落似脆肉鯇多d。其他魚腩就做放湯烚熟(魚魚好味，但主人嫌有骨)，魚皮就拎去炸(點辣粉幾好味)

套wasabi要RMB40，另外辣豉油RMB3/份，菜RMB6/款。我地再叫咗1碟菇和1碟菜。但份量夠4個人食，我地2個人真係食唔晒，有d浪費呢。

呢間叫XX彩虹三文魚餐廳(唔記得影門口)，打的去就同師傅講你想嚟呢間, 佢就會直接車到你到門口, 車費約RMB8~10。而且麗江d的士佬唔鐘意打錶，去邊最好講定價錢。花馬街去大水車約RMB10、去南門約RMB15。

三文魚鍋 - 共RMB187(三文魚RMB38/斤+其他雜項)
的士 - 去程RMB8(打錶)、回程RMB15(議價)

返到客棧仲要pack喼，攪check-out，因為明天一早要去阿拉丁集合，出發去香格里拉囉。

by醒目主人simpson & 笨豬小慧simple

PS: 更多婚照花絮將會private，想知的朋友可以私留我add你。(只限有相有內容又攪緊去麗江影婚相的blog友)

(主人終於打多2日的行程，所以小豬慧都係做吓remark啦。見粉紅字)

 

2011年4月8日(五)

尋晚太夜到麗江，都無咩時間欣賞吓間客棧tim。

半步多客棧都算四正乾淨，廁所比成都凱賓酒店更好，只係熱水出得好慢，要放水15~20min先會有(我地第一晚唔知，以為太夜無熱水供應，其實24hr都有，但要用之前開定水)。不過個花園比想像中細，又無咩side service(只有每天的一壺熱水)，老闆又成日唔見咗影，得一位服務員，有咩事想問都唔知搵邊個。唯一好處係近大路，車可以到門口，唔洗拖喼行石仔路，但就會同古城旺區隔好遠，行出去起碼要20min。建議住2樓，木地板行路原來會好大聲。(有件事有d唔開心，同小秘書張蓓book房時，就話加RMB50租客棧白牌車到機場接我地機，但走個時，老闆收咗我地RMB80，問佢點解貴咗，佢話因為架車唔同款，的確載我地架車係新d的私家車，雖然唔係好明佢d車要分grade，但佢咁樣令我覺得有D唔老實。而我地都唔想為RMB30同佢嘈，影響自己旅行的心情，但我會話番俾品果知呢件事，叫佢地留意一下)

半步多客棧 - RMB148/晚，住5晚包接機。或加RMB50接/送機(品果資料)

 

今日行程主要都係响古城遊玩，由於今次個trip冇咩planning，所以都係抱住「去到邊玩到邊」o既心態進行。(所以主人初時好多野擔心ga，因為佢係一個慣咗咩都要有planning的人)

首先當然係搵個地方食早餐啦。我地去左一間叫做「左岸咖啡」o既coffe shop食野，位處河邊的餐廳一定唔方平o家啦，但個view係超正的，對第一天到麗江古城o既我地黎講，都好奇要試下先。

小慧食左個中式早餐，有白粥﹑蛋和麗江粑粑(揀左甜味，好味!!，亦無想像中咁油)。我就要左一個辣牛肉米線，不錯，但叫左只係小小spicy都成碗紅色，味道good good(都辣辣地ga，但又未辣到食唔到嘅)。另外我地叫左2杯coffe試試，食物唔算貴，但杯啡就要RMB25/杯，仲貴過個早餐set，不過真係全部即叫即磨，味道超good呀!!! 我就覺得可以一試，同埋那邊o既食肆係唔會趕人，你like坐幾耐都得，唔食只影相都唔會話你。

早餐 - 共RMB85

 

之後四週圍行下，用咗全日差唔多行晒成個古城最旺果dee部份(七一街﹑東大街﹑酒吧一條街﹑四方街﹑關門口﹑木府等等)。

食飽早餐，我地就上斜路去觀景台萬古樓。行行吓我開始有dee高原反應，心跳﹑氣咳得比平時快；反而小慧比我更好氣好力.....嗯，有問題(因為小慧唔做運動囉，hahaha)，但只要停一停，深呼吸一下就可以好快回番氣。

上萬古樓要行好多好多樓梯先到，主人行到喘晒氣，小豬慧反而健步如飛呀~~~

上去有咩睇?? 就係成個古城全景囉，全部都係瓦頂，好有詩意呀。

萬古樓 - 門票RMB15/位+古城維護費RMB80/位(可以用7天，記得keep住張單，去其他景點會叫你出示)

 

睇完屋頂就落番大街，因為太熱，我地打算回客棧換衫，路過d圍巾店就順手買埋，我地買左dee有東巴文o既披肩。d圍巾好靚呀~自用手信一樣掂，我地一人買咗一條俾自己，仲立即用!!買完先知，萬古樓上面的店都比下面大街的店平(係木府時，突然有一個女士話我地件披肩靚，問幾多錢，我地話RMB15條，佢就話自己係東大街買要RMB35呀~~~~我地先知自己真係買平左，仲要合共買左成8條，抵呀~~~~~)。

換完衫之後，我地就係大街(四方街、東大街、酒吧一條街等)盪吓，古城風貌真係別的韻味，成個人都好relax。

新文街的小橋流水，沿河畔都係食肆，可以邊嘆茶邊睇靚景。

呢個就係古城的地標「大水車」，搭的士上落客/團友集合/等人的指定好地方。呢度行出去就係新城了。

大水車隔離有一堆許願牌，我地學吓人影底抄先

東大街的盡頭，再向前行遠一點，就是黑龍潭公園。係路上已經望到玉龍雪山喇，真係好壯觀呀~~~

七一街有好多大大小小的商店，不過買野就唔建議呢度，貴d，去新華街or木府後街or萬古樓d斜路都平d。

酒吧街的小巷

呢間就係古城入面最出名的bar 「一米陽光」，有好多分店ga~

呢班靚女就係麗江古城的原居民 「納西族」。佢地傳統係女人當家ga~(走婚習俗)

呢d就係東巴文，實在估唔到有d字會係呢個意思咁呢。

 

我地又去左買明信片，並且在郵局寄番比自己 ^^(周圍都有郵局的，我地o係東大街通往四方街果間攪的。)又飲左酸奶，不得不提，番大陸飲酸奶係小慧o既指定動作(好味)，因為香港根本冇得賣。

中午時去左「阿拉丁」報當地遊，因為我地9號影完相，仲會留到12號晚機先走人，有2日半(10-12號)自己去玩(lee個好似先係我地o既真正明的咁hahaha)。我地就在計劃究竟要上玉龍雪山(1天)+ 束河&拉市海泛舟&茶馬古道騎馬(1天)？定係去香格里拉(2天)好呢？結果決定要去被稱為「世外桃園」o既香格里拉雪山。(睇人地d油雞，d相影得好靚ga~~so好想去!)初時都有去其他本地遊公司格價，一問之下，有對比就知出事，不是價錢的問題，而是我地去其他地方問時，有一間話比我地知香格里拉上雪山天天可以出發，但去左阿拉丁先知原來香格里拉上雪山o既索道要維修不能上山......只可參加普達措國家公園的路線，好在小慧有上網睇下，知道阿拉丁雖然全古城最貴，但就口碑最好，過到黎錢唔怕俾，最怕被騙浪費左時間又去唔到想去o既地方(有咩貴得過我地果2張機票 >.<""""""，最後當然係揀左最正確o既選擇啦^^)。仲同sales孫小弟傾咗好耐計，佢講咗好多麗江旅遊需知俾我地，令我地之後食住行都唔會俾人呃。

因為香格里拉的海跋比麗江古城仲要高(平均有海跋3500~3800米，最高海跋4100米)，怕帶嚟的紅景天唔夠食，我地去咗古城外的藥房買。

口服裝，1盒10支，每天食2支，只是RMB38!!! 香港買得好死貴呀~~

行下行下已經過晒鐘lunch，本來想去古城外的花馬街食，但真係太曬又行到好累，就去咗東大街附近的食店食。諗住食下當地名菜「腊排骨」，點知一食就知中招啦......

味道很一般，仲要唔平，真係好搵笨鐘意食臘鴨同想試勻所有麗江特式食品的朋友可以試吓。

腊排骨 - RMB68

 

行到旁晚，我地就回客棧準備同攝影師和化妝師溝通溝通。好開心今次的攝影師係李剛!! 呢個係我唯一向小秘書張蓓request的item；而化妝師係嬌嬌。大家討論一下想影的景點，我地亦將係成都揀的衣服show俾佢地睇，佢地見到我地自己帶o既唐裝同旗袍，都嘩左一聲。之後同我地了解左我地想去邊dee景點同租左dee咩衫，就即刻幫我地matching左攝影流程及邊個地方配邊套衫啦 ^^，好專業，勁野。李剛和嬌嬌都俾咗好多意見我地，例如之前想好會影玉水寨，李剛話因為政府怕d遊人行出去影好危險，於是拆走咗條木橋(就係因為呢條橋太殘，所以危險)，無咗條橋，玉水寨亦無咩好影，佢建議改去玉柱撆天，我地當然聽佢話啦。

真係好期待明天的拍攝!!!

 

晚上又係搵食時候，由於第二日要6:00起身準備，所以都係搵番城內o既食肆算啦。

食左「過橋米線」﹑「炒青菜」及「野菌燉雞窩」

野菌o係果面特產之一，味道ok，但冇咩驚喜。(我覺得好鮮呢~)都係過橋米線最好食(呢個真係麗江最好味的野食，仲要好平!!)，我地仲叫左支地道o既「大理啤」飲下，好滿足呢!!(我覺得有d淡口，而且大陸唔興雪凍d啤酒飲ga，佢地冬天仲會整熱d啤酒飲，OMG!! 好彩我地叫了冰啤酒)

晚餐 - 約共RMB130

 

之後見時間尚早，就一邊慢慢步行回半步多客棧，又一邊影下夜景。

從城內o既石橋向七一街方向望上山上客棧，會有萬家燈火o既美麗景色，喜歡攝影o既你，一定由朝早影到半夜都得呀

 

返到客棧就pack野、做mask、洗頭、訓覺。

 

by醒目主人simpson & 笨豬小慧simple

 

前日去high tea之前收到拉斐特的電話通知，我們的大日子的證婚時間無問題(YEAH^0^v)

尋日就出咗去做埋正式登記手續。

半個鐘唔洗就攪掂，過程完全無sell我地，亦無向我地收取任何費用!!

真係好感謝拉斐特肯無條件接收我地呢班苦主，等我地唔洗再煩唔洗再洗錢(結婚budget何奇tight)，真係無言感激!!!

拉斐特安排了Hall 1作我們的證婚場地：

都幾似幸福小教堂ga

拉斐特的承包證婚服務包括：

- 30min禮堂證婚服務
- 開始前15min使用獨立新娘房
- 證婚律師
- 司儀
- 擬結婚通知書費用和代辦
- 燈光、影音設備
- 羽毛筆
- 戒指枕
- 油畫架
- 預設佈置

拉斐特網頁：http://www.l-wedding.hk/
facebook：http://www.facebook.com/Lweddinghk

攪掂啦~~~好野(唔洗係酒樓簽紙了)

婚前2個月見律師，到時可以再傾詳細一點。

BY笨豬小慧SIMPLE

尋日又係期待已久的20112011 B2B每月一聚。

今次我地威囉，去咗1881 Hullett House，扮闊太，去高茶!!

3層高的afternoon tea set，睇得又食得。(而且出乎意料地飽肚)

最上層是scones，中間是甜點如cranberry mousse cake和coffe mousse cake，最底一層是鹹點如mini sandwishes、smoked salmon biscuit.....(每樣有2份的)

叫了Mint tea，麻麻地

其實我唔好scones，不過呢個細細地咁，又好似好D

1881 Heritage真係好靚呀~~~

首先我要同各位say SORRY，我遲大到了。希望我無miss到D咩話題啦。

亦都歡迎Fanta加入我地呢個20112011吹水組，HAHAHA，希望我地的大笑聲無嚇到你啦。

係一個咁有詩意的環境下，真係談天說地hea住一個下午的好地方，大家又上天下地、東南西北、衫長褲短，咩都講一大餐，可能笑得大聲咗.............都唔定可惜長枱.....我聽唔到對面岸的朋友講咩=.="，有冇圓枱的hightea呢??

之後諗住下場去唱K，但上到去K場，好好好多人...........我地就轉陣去德興打邊爐。(好好味，多謝mc win介紹!!)明明食完tea仲好飽，我地坐底又係食食食傾傾傾，即係我地由3pm直落食到10pm，真係好誇張呀。

好開心同好榮幸，可以同大家share吓攪結婚的煩惱事，又可以聽大家呻吓生活上的氣憤事，又會同大家分擔吓感情上的傷心事。

唔止少少鐘意咗你地呀~~~

約定各位20112011BG2B，8月13日，即是我地的100天倒數日，我地嚟番個「百日宴」，今次會係圓枱ga la，仲要有乳豬、鮑魚、魚翅!!! 記得留定肚呀。

我都係時候化身小秘書，提醒主人個日要拎假。

BY笨豬小慧SIMPLE

(繼續交俾主人報告，小豬慧就做remark啦，見粉紅字)

2011年4月7日(四)

第二日起身已經9am有多，本來初時有dee想去卧龍熊貓基地睇熊貓，但去o既話要7:00am起身(因為一遲就會爆塞車，之前問咗車我地去品果的師傅，的士費大約RMB50，車程約40min)，最後都係選擇舒舒服服慢慢黎啦。

早餐就試試果面一間大型快餐店「德克士」(周圍都有佢的分店，應該仲多過KFC同M記)。食左魔術雞塊同孜然雞棒，孜然味的超好味呀~~~(最鐘意個包辣粉)

德克士 - RMB27

之後去左百貨公司的大型supermarket(全部都會o係大商場o既地庫位置)買左dee手信，包括油浸辣筍﹑菌類及張飛牛肉(試左一舊﹑味道呢.......未派手信，唔講住啦 ^^)。

行到11:30am左右就返去退房及將行李寄存o係品果度，因為5pm先番去乘車去機場。(唔記得講品果在成都係有接機及送機，同時dee衫要自己帶過成都，如果超重可以問品果拎番錢，不過最多只可RMB100。不過我地超左都冇收錢 ^^)

之後就去唔同的百貨公司蕩一下。

送俾A的hellokitty
主人開始俾「購物蟲」咬，身痕想買野中

lunch就去咗伊勢丹 (ISATAN) 百貨的8樓「豬豬福」食一人一鍋日式打邊爐。

lee個真係推介呀~~~~~好食又好玩，2個人只需RMB100左右，擺到成張桌都係，仲要有自助醬料小食吧o家。最得意係我地想比小費時，佢地話:「我們不能收小費的，謝謝!!!」。「豬豬福」之外，仲有一間叫「牛牛福」，同一集團的，牛牛福果面食o既係韓國菜，主打燒肉，去品果的路上一定見到。

豬豬福 - RMB100

 

食完豬豬福已經飽到死，主人竟然仲有肚食雪糕!!

去咗BreadTalk(响成都又係開到周圍都係，勁過香港) 呢度d軟雪糕的筒係即造的!! 所以又香又脆呀~~~好好味

雪糕 - RMB5

美食之旅仲未完，之後就去左 「TOP CITY第一城」商場(即凱賓酒店那座大廈)6樓的「韓式coffee shop」，名就唔係好記得(叫Minto Cafe)

入面相當大，仲好靚tim呀，有自己o既花園陽台。
收費同香港好似差唔多，我地叫左花茶一set，有一壺花茶﹑4塊cookie及兩隻杯。起初唔明點解要寫明兩隻杯，以為只想說明只可兩個人享用的意思。後來明白了，原來佢地係可以re-fill熱水不停飲用的，如果比多幾個杯你，你12個人享用都得 ^^。因為香港的一壺就得一壺水，不能重沖加水的ma.......不同地方有不同的做法呢~~~~~
好悠閒的下午話咁快就完了。要離開成都了。

花茶set - RMB58

到差唔多5pm就番去品果乘車去機場了。(在車上遇到一同到麗江的香港人-- marco及其未婚妻。我地係同一班機黎同一班機去麗江及同一班機番深圳o家，佢地話佢地係o我地揀完之後先上去揀衫，佢地都揀左約三小時。嘩，果間婚紗店o既人真係唔駛休息o家)(之後在麗江遇到又一對o既婚照友阿基，佢地中午十一點至兩點幾左右都係揀緊衫，剛剛就係我地之前個pair，咁即係果間婚紗店開足一整日。)

好好彩，又係準時起飛

very small=.="

個飯雖然唔叫好味，都未到吞唔落嘅，撈埋炸菜食就好好多了。(返親大陸我都會食炸菜，比香港的好味好多，爽口又唔太咸)

到達麗江機場之後，半步多客棧的師傅已經係閘口等緊我地(我地訂房的時候加錢就有機場接送服務，不過收費跟品果講的有出入，遲d我會講番)，由於機場一帶的公路做緊大維修，所以原本30min的車程變成1小時了。(沿路見到好多星星呀~~~而且條路係無街燈的，能見度只有車前2米，所以師傅揸慢車都係想安全d)

終於到達麗江古城喇!!!

雖然有食飛機餐，但唔知點解落機之後又好肚餓(嚟咗成都麗江之後，我同主人都變得好大食，好快就肚餓.....)客棧外面好鬼黑又好鬼靜，但都照試下行出去，睇下有冇野食賣，行咗差唔多10min，就見到一間士多，買左2個杯面及一張地圖，心諗如果真係收晒工都有杯面食下(懶醒.......，最後杯面都係留左o係另一間客棧，無食到。地圖ma，lee個一定要同大家講，千萬唔好自己買地圖，因為地標錯﹑size細﹑去阿拉丁旅遊或某些客棧係免費拎o既，仲要又靚dee又大張dee又詳盡dee。)

再行多5min，走到七一街，其門如市，好熱鬧呀~~

成條街o既小食檔仲做緊生意，不過由於太夜啦，食左dee小食就番客棧休息。

(只係食咗耗牛什、蒸粿、串燒jar，其他係我貪得意影的，串燒好好味，尤其羊肉串，蒸粿就同客家茶粿差唔多，但就再淡口一點)

街頭小吃 - 約共RMB50

連睇星星的力都無晒，快快上床sleep。又過一天了。

by醒目主人simpson & 笨豬小慧simple

尋晚捱更抵夜咁，終於執好晒麗江7天婚照之旅的相了，真係要俾D掌聲自己(/^o^\)，可謂工程浩瀚呀~唔知發咗咩癲，竟然影咗1500張相=0="

今日開始我要慢慢blog番D「油雞」先。

2011年4月6日(三)

今天的行程如下：

04:30	起床
05:30	出門口
05:45	坐頭班火車去羅湖
06:15	到達羅湖 過關
06:45	坐K568中巴到深圳機場
07:30	到達深圳機場
08:30	登機
09:05	起飛
11:30	到達成都機場 品果專車接送去大本營
下午	試衫
晚上	錦里食食玩玩

可惜出現了小阻滯，行程有少少更改。

天都未光，人已在大埔墟火車站，返工都無咁早起身。

06:00順利到達羅湖火車站，但，點解仲未開閘嘅?? 有車到但唔俾過關住!!?? 乜咁玩我呀~~(之後先知道，原來頭2班去羅湖的火車係俾入境處等等在羅湖工作的人返工搭嘅，無check通關時間，真係失策)

所以搭深圳早機的朋友，唔洗晨咁早彈起身趕火車，早到都係要等到06:30才可以過關，或者係深圳訓一晚囉。

呆企到06:30，閘終於打開了，過埋關之後已經06:50了，怕趕唔切去機場，最後改搭的士了。

的士+公路費 - 約RMB140

07:20到達機場，on time，good!! 雖然國航好多人搭，但地勤counter亦好多，好快就辦妥登機證了。

深圳機場好細，我地見閘外無咩好行，就早D入閘算了，因為仲要排長龍攪安檢。

現在深圳機場和香港一樣唔俾帶水(開過同未開過都唔得，但空樽就OK)、打火機(寄倉都唔得，好多人唔知，寄存行李時check到，要好燶咁係條行李通道度摷番出嚟)、刀，記得唔好帶喇。

08:15左右入閘了，入到去都係無咩好行，好快已經行到去登機口，好彩成個機場都有WiFi，所以個個人都係度上網。

內航機果然好細架，希望降落時唔好太chok啦。(我真係搭過"過山車式降落"的國航呀，拋起咗2次，嚇死)

準時08:30登機，09:05起飛，YEAH!!

2個幾小時的空中之旅都有飛機餐食，而呢餐仲已經係咁多程飛機中最好食的一餐了，真係低處未算底呀~~

準時11:30到達成都機場，起飛前已經電聯了品果的慶芳，所以我地一出閘就見到來接我們的師傅了。(大陸叫司機做師傅，千萬唔好叫佢地司機，佢地會覺我你貶低佢ga，因為司機係拉豬車的)

(以下開始交俾主人繼續報告，豬小慧就做吓remark啦見粉紅字)

大約12:30左右到達品果成都店了。

品果門市o係一個非常繁華o既大街上(春熙路附近)，四週都係店舖及coffee shop。

首先品果o既慶芳帶我地去左 凱賓酒店 settle down

凱賓除左近同平之外，根本不值得推介，廁所比較差(沖涼位無浴缸又無圍板，沖完就成地濕晒)，好似冇燈一樣，但個房大到死咁(地毯梳化窗簾有d污濁，幸好床單枕頭乾淨)，夜晚仲有電話黎問你要不要按摩tim ^^，不過只住一晚是是但但啦，都未算唔住得人；佢同內地宜家好興果dee連鎖式大廈酒店係一樣o既。

成都凱賓酒店 - RMB168/晚

然後再快快去食個lunch。去左出名o既「龍抄手」，但我地好白痴咁上左2樓食小吃套餐，超貴(好似dee鬼老o係香港食高級中菜一樣)同埋唔好食；如果大家想試真係要o係地下果層好啦，仲要唔好太有期望。

龍抄手就係品果行番出大街，直行5分鐘就到。

2樓裝修好靚呀~~就係咁中招

我地叫了2個成都小吃套餐，一共上了20幾碟野，但有9成都唔好味。

呢杯茶叫「竹葉青」，好淡，無咩茶味，盛惠RMB5

龍抄手 - 共RMB148

食完去左揀衫，dee衫o既款式好多同埋好靚呀，我地揀左3個小時左右就完成啦。我地係包場式揀衫(因為我地去個日係長假期的試衫高峰期之後個日)，2個人serve我地2個人，你講你想要dee咩色款o既，佢地會車輪式不停拎比你試~~~~仲要即時就改好比你地~~~~~勁呀!!!

我地的禮服師 - 馬曉芳 & 冉光光

見天未黑就係春熙路行咗個圈，有條小街叫「錦華館」，古跡嚟ga，已經有差唔多100年歷史，D建築做咗YMCA同cafe，好靚呀~~好似入咗時光隧道咁。

之後夜晚去左一條叫做「錦里」o既步行街觀光同食野

的士去大約RMB13(打錶)

果度好靚呀，古色古香(當然唔夠麗江黎啦 >.<")。

搵食就去了一整小食街，我地由街頭食到街尾

其中夫妻肺片鍋魁，係小慧至愛，即係一個包夾住d夫婦肺片黎食，第一口唔太辣，但食多幾啖你就知死啦 >.<。(初時食都唔覺得有咩特別辣的feel，但食多幾啖已經嚟料，D麻辣攪到我個咀同條脷痺晒，食到成頭汗，頭都痕埋!!! 但又真係好好食又好刺激呀~~)而我就最like 燒鵪鶉，好似有少少煙燻之後燒好o既乳鴿一樣 ^^。(點埋四川香辣粉仲好味)

total應該唔洗RMB100

不得不提及o既係成都係一個不夜城咁，好夜都仲係成街都係人，有dee旺角feel。接我地機o既女師傅話成都人都係遲睡遲起，夜遊人特別多的~~~~~(上圖係錦里內的酒吧街，真係愈晚愈多人)

因為今日太早起身，真係好累，所以係錦里留到9pm左右就走人了。走的時候仲見有好多人剛剛到埗入城。

11:00做mask上床睡覺。第一天旅程完結了。

BY醒目主人simpson & 笨豬小慧simple

(仲有一件事要提下，就係品果有一位男職員，高高瘦瘦的，真係十分感謝佢。話說我地張電話卡入面得RMB44可用，就驚唔夠通話費，想去品果問下知唔知邊度有得充值，就係lee位男職員二話不說帶我地出去一間士多店，又幫手買又幫手充值埋，仲要最幫我地check埋仲有幾多通話費先比番我地，超唔好意思呀.......可惜第二日佢唔o係店內，唔能夠當面多謝佢>.<")

今月進度：

終於攪掂姊妹裙!!! yeah!!! 遲D再安排姊妹們度身就得喇^ ^

因為奇妙姻典突然結業，成個證婚事項要由頭plan過，唉.......暫定酒樓, 如果拉斐特真係OK, 就去個邊證婚, 希望成事啦。

孫 簡 聯 婚
婚禮日期	2011年11月20日 (星期日)
晚宴
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂	譽宴 – 旺角6/F 酒樓提供 酒樓提供 酒樓提供(未印) 未買 盛酒窖 – 已買 妹妹轉贈 淘寶(未整) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
註冊
地點 律師 簽名布 結婚介指 介指枕 羽毛筆 結婚證書套 註冊處登記	酒樓 未定 品果送(未做) 已買 未定 未定 未定 未做
化妝&禮服
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔	Ka+ Makeup Ka+ Makeup提供 未定 Bithia Lam 未定 希臘女神Beauty Hera(已hold 1WG+ 2EG) 希臘女神Beauty Hera提供 希臘女神Beauty Hera提供 希臘女神Beauty Hera(已confirm) 已買 妹妹轉贈 已買 已買 已買 希臘女神Beauty Hera(白色)+DIY 1套(未做) 已買 已買 希臘女神Beauty Hera(已cfm 2件) 希臘女神Beauty Hera(已cfm 1件) + 買1件(未買) 自備 訂造(未做) 未買 ROSITA(未定款,未度身, 未取) 未買
婚紗相&當日攝錄
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播	香港@蒙羅麗莎(已影, 已取相) 2010年9月27日 麗江@品果影像(已影) 2011年4月9日 Ctrip (已買) 品果代訂(已做) 1P+1V@Tart Yau Creation, freelance 1P+1V 諗緊整唔整 by Tart Yau Creation
花車&花飾
主花車 其他車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花	白色七人車 未定 DIY(未做) 已買 DIY(已做) 未定 未定 DIY(未做) DIY(未做) DIY(未做) DIY(未做)
餅卡
西餅卡 唐餅卡	美心西餅 – 已買 奇華 – 已買
過大禮、安床、出門、回門
過大禮日期 過大禮用品 安床日期 安床用品 出門地點 回門日期 回門金豬	未定 包羅萬有利是 未定 未買 未定 未定 酒樓提供
嫁妝
龍鳳鈪 龍鳳被 喼	奶奶送+外母借用 未買 未買
婚禮用品
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物	女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定
其他
婚前檢查 Rundown Checklist 敬茶list Guest list 分工表	美邦(未做) 未定 未定 未定 未定  未定
工作人員
伴郎 伴娘 兄弟團 姊妹團 男司儀 女司儀	已定 已定 已定 已定 已定 未定
蜜月旅行
日期 地點	未定 未定

 

 

尋晚捱眼訓咁終於執好第一日到達成都影的相。(原來都影咗有百幾張，真係痴咗線=0=")

精華d揀衫相俾大家睇住先啦。

到達成都品果時已經中午，本來品果想安排我地check-in酒店後立即去羅亞禮服館揀衫，但我地都太肚餓了，於是去了附近的龍炒手食lunch(食物水準說留待遊記再講)，大約2pm左右食完，就由品果的一位女職員帶咗我地上去試衫了。

羅亞禮服館就係成都品果店行前少少一個叫「勝道」的體育用品商場的5樓。

招待我地試衫的係2位靚女禮服師 - 馬曉芳&冉光光。

羅亞禮服館真係好大~0~!!! 有5-6個area擺衫，但因為有d只for影室內，有d又只for出租/訂造，我可以揀的area有4個左右。

一個area就有咁大喇(已經係香港成間婚紗舖的大小)，d衫按顏色擺好晒。你話有5-6個呢d area，間禮服館係唔係好大先。

我地好好彩，試衫個時無其他人，即係我地2丁友包晒呢個成萬呎的場地試衫!!!

聽曉芳講，我地嚟之前的清明節假期，呢度係迫爆人的!!!

fitting room

之前個日呢度係格格都有人fitting緊，嘩，爭照鏡爭衫爭崩頭!!!

我暗暗開心今日無人，嘻嘻，可以安安靜靜地試衫。

我地影1日，所以曉芳建議1WG+2EG。

曉芳suggest我試的都係d大拖尾又有好多層次的婚紗，不過呢幾件都係唔啱心水的。

本來想著紅色EG影相，見人著幾型呀~又match個景。但試咗好多件，都無一件啱feel。

and then開始試吓其他色的衫啦~~~好多都係曉芳同光光唔知係邊度摷俾我的，我只需企定定係fitting room就有衫試，都幾爽。

最後揀咗呢3件衫，全部都好鐘意

試的時候，曉芳和光光會每一件衫都問你要唔要，你可以答考慮一下，唔一定要定去留，但當你confirm咗一件之後，再試的就要決定去留喇(例如EG已經confirm了紫色，下次再試的EG只剩一個quota hold衫，如果要hold2件就要foul走其中1件先得，希望我講咩你地明啦)，所以試衫一定要影相，方便自己play back返試咗d乜，我試試下本來hold咗件紅色，但睇番D相，覺得唔靚，最後都foul了

我試完就到主人試了。

呢度D男禮好多好多，連粉藍色都有!!!! 而且配件(恤衫、背心、呔、腰封)全部任襯任揀，主人試得好開心呀~~

呢d係主人foul咗的。

最後揀咗呢3套。主人超鐘意白色同黑色個套。

試的時候曉芳和光光會俾好多建議我地，又會不停應我地的要求摷衫，令有選擇困難症的主人都好快揀到衫。

試男禮的時候，我d衫就拎咗去改，改好後再fitting一次。男禮都會改袖長褲長的。

攪掂晒就pack喼，將d衫先寄存係品果店，明天去機場時一齊帶走。

玩到差唔多6pm先走，辛苦晒曉芳和光光了。(走時問她們其實幾點收工，佢地話個日仲有一pair嚟緊試衫，可能9pm才有得收工，慘慘)

多謝你地呀~~~

by笨豬小慧simple

麗江婚照之旅回來後，第一件事要做的就是打探一下「奇妙事件」的最新進展。

朋友通知我新開的拉斐特婚禮統籌公司願意接收奇妙姻典苦主們的單，毋須加收其他費用，各大新聞亦有報導。

4月13日太陽報

【本報訊】婚禮營辦公司奇妙姻典證婚中心上月底突然結業，三百對已繳付費用的準新人婚事大受影響。拉斐特婚禮統籌昨宣布在不另收費下，為該批準新人提供原有的證婚禮堂、證婚律師、司儀、自助餐飲及政府註冊費等服務，暫有六十對準新人已登記過檔拉斐特。

7天的麗江婚照之旅終於完結了，好唔捨得呀~~~

麗江真係一個好靚的地方，雖然d人話已經比以前商業化咗好多，但那份悠閒憩靜的氣氛跟城市仍有好大分別。身處麗江，真係會令你relax，我地都好鐘意，走個陣已經plan緊幾時再去!!!

整個拍攝過程是超級順利

由接送、選衫、討論、化妝、拍攝，每一個部分都有很多人在照顧你，深深感受到品果真的做到服務至上的承諾，給你們大拇指。

尤其記得剛到達成都時，我們為電話卡充值的問題苦惱，打算請教品果的職員哪兒可以買到充值卡，一位高高瘦瘦的男職員二話不說主動帶我們去一間小士多買卡，又幫我們電聯客服攪充值，更幫我們確定話費夠用，才安心地離開，讓我們很不好意思呢(麻煩到人家丟下工作幫我們)，可惜離開成都時他不在店裡，又沒問到名字，未能親身多謝他啊。

拍攝當天，非常感恩，大晴天!!! 攝影師李剛真的很專業，每次他給我們看play back，靚到呢~~~我地都覺得好彩是全包檔案，否則買相一定買到破產；化妝師嬌嬌set頭技術很厲害!!我都知道九姑娘頭好難set，但她很快手已經set好了一個9成似的復古髮型，跟我帶去的旗袍好襯；助手吳廸好攪笑，多謝你陪主人玩，令佢緊張無晒，pose都自然番晒。而且呢隊crew好好人，肯幫我地影埋古城夜景，害佢地要加班工作，好唔好意思。

在此我要多謝品果上上下下的員工，沒有你們一路的幫忙，我們的婚照之旅一定不會如此順利和快樂!!

特別多謝：電郵聯繫的張蓓和張晨、成都接待的慶芳、成都店超熱心的高高瘦瘦男職員、禮服師馬曉芳和冉光光、攝影師李剛、化妝師嬌嬌、助手吳廸、司機。

經驗分享當然唔少得：

- 羅亞禮服店真係有好多好多好多衫揀，多到根本無可能每件都看實物才試，但禮服師好厲害，只要你形容一下想要的顏色和外形，佢地就會係唔知邊到拎到d差唔多的款俾你試，所以唔怕揀唔到衫，連一向以為男禮無咩好揀的主人都試到不亦樂乎。而且d衫好新好乾淨，非常放心穿著。

- 男士，尤其瘦瘦仔，最好自備恤衫和西褲。主人瘦(著44碼)，配唔到啱身的黑西褲，好彩佢有帶咋。不過真係無都得，d褲全部有得校褲頭鬆緊，唔會甩褲嘅，只係個脾位會好鬆囉。

- 禮服係試完即改再fitting，如果覺得唔啱身可以要求再改。我就係無要求到，件婚紗好鬆，係咁移位。

- 品果會用佢地的喼裝禮服，如果超重唔過RMB100，都可以向佢地claim番。我有超重，不過地勤哥哥無收我地錢，所以點claim錢真係唔知了。

- 麗江天氣早晚溫差大，約早上10度左右，去到中午卻有20幾度，長袖tee加外套已經可以，著太多反而要除底拎住仲麻煩，我帶去的冷衫一件都無著過。強烈建議去到買條圍巾，夠厚又大條，非常保暖，才RMB10~15，我地買咗之後日日用住，自己帶去的冷頸巾都無用過lu。

- 麗江天氣非常乾燥，濕度比氣溫仲要低!!! 要日日敷mask，我就係咁先keep到最好狀態上粉，記得帶多d去。

- 高原地區UV超強!!! 記得搽防曬，面、身都要搽，我搽咗SPF50 PA+++都晒黑咗少少(因為化咗妝補唔到)。建議買支防曬噴霧，方便化咗妝都可以補防曬。

- 記得彩印定一份想拍咩景點、feel等等的資料，討論時俾攝影師和化妝師睇，減少溝通出誤會，你都知，大家第一次見面，真係你肚入面條蟲咩。

- 記得帶girdle同著打底褲，因為係街換衫的。

- 我的皮膚易敏感，所以自備了化妝掃、粉卜、自己用開的粉底，減少出事機會。

- 記得帶鏡，街上轉頭時自己可以照下，唔啱心意可以叫化妝師立即改，我買咗卻唔記得拎去

- 著波鞋最好，高踭鞋免了，因為好多時要琴高琴低，而且影唔到鞋，我帶咗去都無換到。

- 可以帶定D首飾，化妝師準備的款式比較簡單。

- 花球、公仔都可以帶去，但我拍到它們的機會好少。

- 帶定水(附飲管)、餅、朱古力等乾糧，無時間lunch都有d野頂下肚。我地好好彩，有時間食lunch，結果送晒俾crew members。

- 成都、麗江主要都食辣野，好食得辣的人先頂得住，所以我地咩都叫「少少少少少辣」，或者叫「唔辣」，再按自己喜好加少少辣粉。

- 基本上每日都有一餐係打邊爐，又食辣野，真係好熱氣，帶定清熱酷、以羅果子鹽、牛黃解毒片等等啦，未影前食到爆瘡瘡就慘了。

(我地只影1日，無上雪山，以下呢d係同行有上雪山的品果之友的comment)
- 買氧氣筒，因為攝影師會要求新郎又跑又抱起新娘，體能大考驗。

- 貼暖包

- 男仔著打底褲，西褲勁入風

- 去城外一間叫東X藥房買口服裝紅景天，RMB38有10支，食定!!

化絮、遊記就要等我整好d相先有得睇了(影咗好鬼多呀~~有排攪)

化絮將會private、遊記就public。想睇的JM可以留言我add你(只限有相有內容又攪緊結婚的blog友)

by笨豬小慧simple