酒樓會送一晚酒店房，我地打算用嚟出門 (因為阿媽唔想執屋)。
本來諗住8月見wedding planner時先攪book酒店d野，但8月結婚的朋友係3月已經搵唔到出門酒店，嘩@0@，有冇咁爆呀！我BD個日仲要係超旺日，8月先book真係死得喎。
於是快快打俾wedding planner林小姐和Tracy，好開心佢地都肯幫我早d book酒店房，唔好意思，我係心急新娘子。
我地揀咗沙田麗豪酒店，因為近娘家&男家，出門用啱晒。
送的仲要係套房，唔洗加錢upgrade，very good!!(/^0^\)
豪華套房(Deluxe Suite)，一房一廳，570呎，都應該夠用啦。係無微波爐等煮食工具，湯圓呢part要諗諗點算。
呢part confirm後，成個rundown都易plan好多，哈哈!!
上網check番，呢間房值$2500咖
!!! 如果唔要的話，只會refund番$800，梗係要用啦!!
by笨豬小慧simple
下星期就影我地的柴娃娃婚照了，我呢D慳妹緊係幫襯淘寶買婚紗啦。
睇中咗呢件
simple elegant，啱我口味。
現貨size太大，又唔洗加錢可以度身造，梗係度身啦。
連運費都只是RMB250，抵到無朋友，呵呵
http://item.taobao.com/item.htm?id=3757721625&frm
希望番嚟的時候啱身啦。
BY笨豬小慧SIMPLE
一開始攪結婚時已經諗緊好唔好返中學影吓婚紗相呢？因為果度係我地認識同開始的地方，真係別富意義呀~~
最近轉咗個開明的校長，亦八到好多師兄師姊都有返去影婚紗相，於是就趁早前的金禧校慶，返咗學校探吓口風。經過一輪同校長互通email，我地的學校婚照approved!!!
拍攝日期 - 2011年5月14、15日
校長萬歲!!!
而且要多謝
好友Derek做義工攝影師，仲要拉埋佢女友Gina做阿四assistant，個日定必上天下海，玩晒所有我想拍但又未拍過的style!! 亦要多謝伴娘Tammy借出珍藏的夏季校服裙俾我，成全到我地呢個校園婚照夢!!
化妝呢part今次決定自己嚟!!! 咁先有DIY的山寨味。
schedule都傾好咗
14/5/2011
|
時間 |
地點 |
服裝 |
化妝 |
|
9:00am |
集合、食早餐 |
|
|
|
10:00am |
大埔火車博物館 |
男：格仔恤+吊腳褲+皮鞋+黑框眼鏡 女：恤衫型百褶連身裙+短襪+平底鞋 |
男：蛋撻頭 女：冬菇頭+頭箍 |
|
11:30am |
WSC中學 |
男：夏季校服(短袖白恤+校章+灰長褲+黑皮鞋) & 黑西裝褸+白禮恤+幼黑呔+黑短褲+白鞋 女：夏季校服裙+黑框眼鏡 & 婚紗 |
男：gel少少頭 女：孖辮/馬尾 & 髻+花花 |
|
1pm |
Lunch |
|
|
|
3pm |
廣福邨 |
男：黑西裝+白禮恤+幼黑呔+黑短褲+白鞋 女：婚紗 |
男：gel少少頭 女：髻+花花+頭紗 |
|
4pm |
大埔海濱公園 |
同上 |
女：公主頭+花花+頭紗 |
如果天氣好，再拍15/5
|
4pm |
洞梓泥灘 |
男：tee+短褲 女：淺色花花裙 |
女：公主頭 |
|
7:30pm |
大埔墟火車站 |
男：灰色suit+黑恤+黑鞋 女：晚裝 |
女：髻+羽毛髮夾 |
|
8pm |
科學園 |
同上 |
同上 |
哈哈！行程真係好豐富，直情係大埔兩天遊呀~~~
現在萬事俱備，只欠飲衫!! 要快快手買齊物資了。首先淘番件婚紗先。
by笨豬小慧simple
多謝各20112011B2B的提醒，我才醒覺今天已經是200天倒數了，即係話我只得番200日時間prepare我的婚禮，真係有大把野未做，尤其係DIY items，一樣都未開過工。
整番個 DIY to do list 提一提自己先。
姊妹手花 X 6
兄弟襟花 X 6
長老襟花 X 7
簽名筆
結婚證書套(買現成再加工)
攔門花球
成長片段
花車裝飾
回禮小禮物
B女婚紗 X 6
wedding logo
table list
table card
invitation card for banquet(design only)
invitation card for ceremony(design only)
主人的男禮(design only) X 2
3rd pre-wedding
5月開始要發功喇~~~~
by笨豬小慧simple
呢排真係時空交錯，要blog的事一籮籮，仲未回到現在=.="
2011年4月26日(二)
我見奶奶6:30pm已經攪掂晒試衫(包括埋度身)，唔想咁快走人(咁難得先book到期試衫喎)，心思思想試吓婚紗，因為上次hold個件其實唔多鐘意‧︵‧(真係無得揀之下最好的一件了)
今次我決定唔睇相簿，摷衫試。又會咁啱，揀中個2件都係新衫^0^
***我不想在其他地方見到我的相片啊，請勿擅自轉載，謝謝***
仲有少少露背tim
「THE ONE」，係你喇，WG8!!!
之前一路都想揀件mermaid的婚紗，覺得呢個shape好有女人味又show到身型，估唔到finally會揀咗件咁classic的款!!! (仲要又係心型胸
)，主人話似我之前係另一間好貴的婚紗店鐘意個d款，係咩
連我自己都唔記得了。
仲有漫長日子先到著佢的一日，希望佢唔好咁快打殘啦。
PS：今次試衫，有少少唔開心
。我見奶奶試完衫先至6:30pm(我地的booking由6pm開始，即係用咗半個鐘而已)，我見人又唔算多，我就要求試吓婚紗，sales妹妹竟然say no!!!
原因仲要係「要趕下一場booking」!??? 咁即係點先
，我從來唔知試衫只可以試半個鐘!! 落booking的時候都無人同我講每次試衫只可以試咁短時間(但我1st trial就試了2個幾鐘，都無人趕我走)。同佢bargain，佢仲要話，其實你地連埋揀衫已經over半小時了。連主人都唔抵得佢咁講，加埋把咀理論(佢不嬲好少咁重語氣講野，可見佢都覺得唔合理)。最後我翳佢，先有得試(可解要客翳呢
？)好彩之後佢都知衰，係我唔知揀邊件時俾我又著多次上身，態度好番d啦。不過，試完2次衫，都覺得Beauty Hera的服務差咗，次次上去試衫都唔同sales，俾唔到personal service的感覺我地。如果佢地的booking真係好full，咪同客講清楚，每次booking試1小時咁囉，或者問定你想試咩衫， 預下時間咁。總好過ban個客的要求嘛。
by笨豬小慧simple
(主人終於交文喇~~~又可以出油雞囉，hoho，小慧負責remark。見粉紅字)
2011年4月10日(日)
今日我地要出發去香格里拉-普達措2D1N之旅。
又係晨咁早起身，然後又係o係番「皇冠假日酒店」的出口等阿拉丁o既車接我地過去佢地總店果面(總店在大水車，我地住的半步多客棧正正就在皇冠假日酒店的後門，兩個地方是南轅北轍的)。上車之後要再去南門要接多一對couple，佢地就係黎自廣州o既chris同阿玲啦(由於佢地廣東話同普通話都好，所以o係旅途上有時候成為我地o既翻譯 ^^)，坐多大約10min後就到阿拉丁總店了。
我地將兩大喼行李寄存係阿拉丁前枱，等我地11/4番去時拎番。等左一陣，我地o既領隊 - 小煒哥(佢好emphasis要叫佢領隊，唔係導遊，因為佢話佢地阿拉丁係純玩團，唔會導你去買野賺錢，只係幫一班志同道合o既人去佢地想去o既地方遊玩)，佢自己介紹係納西族同藏族o既mix，講野風趣幽默又生動，有佢就我地o既領隊真係超開心 ^^。同團中仲有一對香港夫婦，楊氏夫婦，咁o岩佢地仲要係住o係大埔tim ^^。除此之外，仲有一對小情侶；男的叫阿苗，來自溫州；女的叫超群，來自杭州，另外還有一對母女、一對老夫婦，今團人有12人；司機就是馬大哥，他也是納西族人。(個樣黑黑實實、面圓圓又眼大大，同主人好似樣，令同團人都笑主人其實係唔係同鄉呀)
先坐1hr車(沿路見到好多油菜花田和無晒樹枝樹葉的樹幹，而且一路上都有好多工程，所以程車都幾"登"同沙塵滾滾)，到了第一個景點「 長江第一彎」。可惜個日好大煙霞，我地實在唔係好感受到佢係一個彎囉。
之後就車去了馬路邊一間食堂lunch，呢餐係我地o係成個trip入面最難食o既......原本諗住o係dee山邊野外，應該dee農家菜會唔錯的，但dee個諗法將我地完全失望(小慧無心機到連相都影唔多張)。
再坐多半小時車，就到第2個景點「虎跳峽」，呢度係長江上游最窄的地方，只有30m闊，唔係泰山都可以跳到過對面。
小煒哥話發現lee個奇景o既唔係當地人，反而係外國dee 旅行爬山者深入不毛發掘o家。由落車位置要行500多級樓梯先到最底部一睹長江上游最「萬馬奔騰」o既自然景色，真係十分狀觀呀~~~~不過落樓梯果陣就好期待好開心，好快快dee到底睇清楚一dee。但一到番上去o既時候呢~~~~~~~~好在果度海拔唔高，唔係都唔駛旨意番得切上去啦 >.<"
係虎跳峽行咗個幾鐘(又曬又熱呀~~行樓梯行到腳仔軟，好彩呢度係低海跋jar)，就上番車，正式起程去香格里拉。
坐咗2hrs車就到香格里拉，途中已經過了今天最高海跋3500m，好彩無咩bad feeling。
落車後明顯覺得比之前凍左dee，又係時候出動我地係古城買的頸巾。
我同小朱慧都有捐下香油錢，揸住香圍著廟內行一圈再上香(玩下啦，其實唔知行黎做咩o家 ^^)。小煒哥又同我地講下故事，原來每間藏廟都會有一位「活佛」主持，就係廟o既話事人。話說當「活佛」就過世o既時候，就會講低一dee預言，指示自己的徒弟去搵自己o既再世「小活佛」番黎，再慢慢培養佢成材。真係好似睇戲一樣wor。
「歷史堂」：小煒哥話香格里拉其實係因為有兩座城而命名的，就係「日光城」同「月光城」，意即香格里拉o既意思係日月光城，但日光城在文革時不幸被燒掉。只餘下月光古城了。
行下行下，到左一個廣場位置，見到有街邊串燒賣wor，初時團友們都係望下睇下，個心都係十五十六唔知試唔試好。我同小慧出名一見野食就咩都唔理(我地係會o係泰國街邊檔同當地人一齊買街邊沙冰果dee人黎o家 ^^)
先叫兩串牦牛肉，再黎一串粟米，味道好好呀，一d都唔貴 ^^(加埋唔洗RMB10!!!)
一大班團友見我地食得咁開心，又食完冇野異樣(我見鬼佬都有食)，即刻個個都勁買串燒，個個都仲食得多過地tim，連團中果dee aunti同uncle都食埋一份 
。結果食左好一段時間，就再出發行去我地間酒店啦。
「鑄記酒店」係最近新開的酒店，準5星!! 報團前睇過相都好滿意，真身睇真係正呀~~
用上小數民族圖案設計，每間房又十分之大，照明系統十分充足(因為o係成都o既凱賓同埋麗江半步多都係好暗o家 >.<")，熱水差不多一開就有，沖涼一邊，坐廁一邊，係分隔開o家。仲有暖地系統，而最重要係......有部新淨電腦，連免費WiFi上網。
走廊都特別闊過人，d門同牆又係金色，好橙眼。中間地下就有個小花園。
坐係窗台，嘆吓碧螺春，真係好爽
是日晚餐就是酒店飯堂的牦牛火鍋啦。我地12位團友分2張桌食，每張桌只有6位團友，仲係一人一鍋形式，咩都唔駛爭，慢慢食，所以食得好舒服好開心(淨醬都有10小碟，仲有好多牛的部分同菜，好豐富呀
~~~)。我地幾位後生團友就坐埋一枱，一邊食一邊分享下內地同香港o既野，又互相了解下對方o既背景，最後食到要小煒哥過黎催促一下我地tim ^^。
食完飯之後，我地自費去藏民家訪，感受一下藏民風情。
仲有藏族山歌聽，唔知係唔係個邊空氣真係太好，d人中氣好好，個咪遠到係個心口，都可以唱到爆晒咪，隻耳好wing
，同埋真係唔係好聽得明佢地唱乜。
藏民家訪其實和想像中有D唔同，你去o既唔似係一個屋企，似係一個表演場地or祠堂，全部都係dancer同singer，大家圍著坐看中間的藏族歌舞。不過對未接觸過的我地嚟講，都係一個幾開心的體驗呀。
本身可以加錢order藏族傳統的烤羊，但小煒哥唔recommend，因為本地人係唔會殺小羊小牛o既，但當晚其他枱的人食嘅都係小羊，所以烤比你o既都係入口羊，咁你話值唔值比成千至千幾蚊去食啦!!!! 佢話錢應該玩o係值得o既地方，真係第一次join團比個領隊說服唔去消費 小煒哥，你係得嘅!!
探訪完之後，已經好累(可能今日真係太早起身)，連去古城行下的力都無，快快脆沖涼瞓覺。(有團友話夜晚訓唔到，個心跳得好勁，可能係受高海拔影響，不過對我地黎講，今晚係咁多日以黎訓得咁舒服o既~~~~~~可能因為我飲左都幾多酒下 haha
)
p.s. 酒店內的花灑旁有塊板寫住：「貴客現正身處海跋3300m，為免引起高山反應，請勿用熱水沐浴過久，多謝合作，如有不適，請到外間休息及求助。」真係好攪笑的溫馨提示呀~~。但我日日食的紅景天係行氣活血o家喎，咁講法咪唔食好過食!?
團費 - RMB780/人(包車、包食、包住、包門票)
藏民家訪 - RMB85/人
阿拉丁旅游官網：http://lijiang.ly234.com/
by醒目主人simpson & 笨豬小慧simple
今個4月我做咗好多野呀~~~要多D時間先可以逐一blog底佢。
2011年4月26日(二)
上次試完衫之後就立即book下次試衫，估唔到咁爆，booking條隊去到1個月後。
今日又拎2hr假，早少少6pm開始試衫。今次的主要任務係奶奶衫!!!
今次去到Beauty Hera，比上次好似多d媽媽衫揀，唔知係唔係因為開始結婚淡季呢？無咁多衫出咗街。
奶奶鐘情直身款，首選紅色(呢個係奶奶最鐘意的顏色)。
***我不想在其他地方見到我的相片啊，請勿擅自轉載，謝謝***
又真係著得幾好睇呀~
奶奶好快手，半個鐘就試咗8件衫，仲搵到2件心水。
不過奶奶好攪笑，初時猛話D衫咁閃，唔好，點知愈試愈閃，最後唔閃的唔揀，都話係女人都貪靚o家啦，HAHAHA~~
任務完成，鬆晒~~~
PS: 今次試衫過程有少少唔開心，覺得D sales真係麻麻地，一來上到去次次唔同人serve你，好驚佢又get唔到我的要求；其次，D sales經驗好似唔太夠，奶奶揀中件晚裝，有少少緊，但個sales猛話無得放，因為無紙口，我就八卦走埋去(sorry，又職業病上身)，伸隻手入去件衫度摸，原有有成吋幾紙口，又點會無得放呢?? 原來個sales只係我奶奶著咗上身個時，係件衫外面摸，唔夠經驗，D布料一薄就摸唔到，其實著之前佢肯反轉望一望咪得囉。
BY笨豬小慧SIMPLE
2011年4月26日(二)
第2次到希臘女神試衫，confirme了2件奶奶衫。任務達成!!!
一件深紫色絲絨、一件淺金色lace，兩件都爆閃
ga~~~
bonus轉咗件WG，有個長長的lace拖尾，好鐘意
(相片private了，有興趣睇的JM請私留我add你啦。只限有相有內容又攪緊結婚的blog友)
BY笨豬小慧SIMPLE
(收咗相但未得閒upload, 睇住d花絮先啦)
以下相片係化妝師嬌嬌用我部傻瓜機影的，已經靚到無得頂呀~~~@0@
小芙蓉咁呀~~
。
都好似唔錯咁呢~~~~
好期待真正的相呀~~
by笨豬小慧simple
星期二下午收到品果香港來電，隻CD到咗喇~~~yeah!!
好快啊~~~仲諗住要過埋黃金週先收到(影之前品果香港confirm要一個月後先收到相)
睇完一次之後，成輯相都好滿意，無咩要大執，係個雪山影得比想像中細咗，夜景相又打光太多唔似夜景了，拉市海的相最鐘意
約好12/5上去office揀油畫、相簿等。
呢排要開始努力揀相了。苦惱ing......
by笨豬小慧simple
笨慧廚房 (3) 生活日常 (3) 去旅行 (8) 護膚+美容 (2) 彩妝+扮靚 (2) 穿搭+時尚 (3) 美甲+髮型 (2) 美體+瘦身 (2)
