今日約咗Germanthea和chanwong去百利睇姊妹裙。

去咗2間我的最後篩選(本來係3間，但有一間我搵唔到)

 

Desiree Wedding Co.
地址：百利商業中心1樓74號舖
TEL：6976 2816(Amy Fok) / 60240431(Cherry)

朋友年頭做姊妹時用過，覺得幾好介紹俾我。間店冇招牌，有D難搵，好易miss咗。款式都係人有我有個D啦，布料、手工都可以，疑似老闆娘的人都答得好專業，做到就話做到，做唔到會講明你知，我鐘意佢呢點，夠老實。

短裙$320(6條起，需同款同色)，度身造，包改闊窄但唔改長度，披肩+$20，1個半月貨期

要同色同款係大問題，無可能我地3pair人當日的姊妹都著同一款的姊妹裙啦。而且加多幾條裙又唔會有多D著數，so唔揀呢間。

 

Rosita
地址：百利商場2樓6號舖
TEL：27300682 / 2730 0683 / 61289992
營業時間：15:00~21:30

之前我睇過2次，今次大家再睇真D。最後confirm佢。

詳細：http://hk.myblog.yahoo.com/simpsonsimple1120/article?mid=2379

 

 

BY笨豬小慧SIMPLE

13年喇，原來我地一齊已經咁耐囉，但點解我一d都唔覺時間係過得咁快嘅呢？正宗「快樂不知時日過」呀。

 

今年主人好醒目，唔洗豬小慧通知都識自動波係3‧23拎假，抵讚!! 但我就慘囉，撞正太后回港，無得no show!!(最後又峰迴路轉地，太后思鄉，中途離港一星期，我又有得再拎假，但，都係算啦，要留番d假攪結婚野呀)

今年的節目，全部由主人安排，一早book好枱去食buffet，豬小慧就un un腳等人接放工就可以了

豬小慧一心淨係諗住去食(好好好期待呢一餐ga)，無諗過主人會有surprise!!(係咩你睇晒就知!!!)

去咗世紀香港酒店食buffet，雖然食物唔太多，勝在人少少，寧靜又舒服。

食到好飽飽呀~~~~好滿足

服務一流!!! waiter見我地想影合照，主動幫我地揸機啊~~~

 

睇到呢度，你都知主人俾我的surprise係咩吧。

噢!!!!!!!!!!!!!! 係鬆弛熊公仔呀~~~~~佢手上面仲拎住一束手摺的花!!!! 我仲諗緊主人今年會唔會送花呢?? 咁樣送花真係仲開心好多好多

好軟棉棉，好可愛又好好攬，愛C佢了。(其實主人自己都好鐘意鬆弛熊ga)

 

 

今年係婚前最後一個拍拖紀念日，雖然主人話結婚後都仲可以繼續慶祝，但我相信323的重要性一定不及將來的1120結婚紀念日。

希望婚後一年、十年、廿年，甚至更久更久之後，我地仲記得323!!! 因為無呢日的話，就唔會有1120!!!

今年豬小慧好失敗呀，當主人又送花又送公仔的時候，我竟然咩都無準備，連朱古力都無買。但主人笑咪咪咁答：「唔洗啦，唔洗啦。」個時，豬小慧真係好乖好聽咁咩都無送喎，哎呀呀，呢個時候我做咩咁傻咁天真ga。

幸福，會令人變蠢ga!!! 但又蠢得好開心喎，點算??

 

主人，愛C你

 

by笨豬小慧simple

 

2011年3月17日(四)

 

求婚一週年!!!!

 

做緊乜????

就係執屋、執屋、再執屋!!! 因為明早有師傅嚟換晒成屋的電線。

pack箱、pack箱、再pack箱。時間咁就過咗去。累C咗

 

咩celebration都無呀~~我真係好唔浪漫呀~~~

 

by笨豬小慧simple

雖然今日又轉冷了，不過很多時尚街舖已經推出了春裝，小店Psyche Shop當然不會落後於人!!!

今年好hit粉色系和杏色，小店都入咗唔少呢類貨啊~~另外一個重要的trend就係鬆身+高腰!!!其實鬆身衫仲易著瘦人，加埋高腰褲or幼belt，就唔會無咗條腰了。

(由於partner Chloe weekend要出化妝job，今次的fashion snap由我一手包辦，無人揸機，iphone自拍咋，真係粗制濫造)

JK012 蝙蝠袖翻領大冷衫
前後長短不一，自然下垂感，穿起很瘦啊~5分袖的設計令配搭更多變化，配襯撞色的長袖打底tee, 已經出得街，非常CASUAL & SMART!!
羊毛混紡，FREE SIZE，有黑色/杏色

大熱貨品，一出已經賣咗7件!!!
實在太好看了!! 又好啱依家唔冷唔熱的天氣，已經自留一件喇~~(Chloe都留咗件黑色)。綁上腰封形的粗belt又是另一型格變化。

JK013 小墊肩雪紡西裝
喜愛氣質型格打扮的你，萬勿錯過的款式!! 衫身垂墜的感覺+boygfriend blazer的鬆身cutting，型格式的CAUSAL，配合今季大熱裸色，甘辛FEELING。如果外加一條幼belt就會增加修腰效果，頓時又係另一種風格~前中一粒鈕~
緞紗雪紡，FREE SIZE:
胸圍90 肩寬36 袖長60 前長65 後中長58 手臂32 袖口23

另一大熱item，連自留貨都賣埋，要再拎貨，真係好中今年的trend呀(雪紡、裸色、鬆身!!)

TP009 拚皮中袖型tee
今年日系雜誌不可少的胸袋闊TEE，大領口可以露出膊頭骨，顯瘦法則!! 拼皮的設計增添型味，利時熱賣新款~單穿或襯底也非常百搭~
棉+仿皮，FREE SIZE：袖長：19.5 胸圍：107 衫腳：109 腰圍：100，有米白/卡其

自留了一件米白色了，襯高腰短牛一流!! 或者內襯長背心都好ok!

TP011 蝙蝠袖上衣
今季恤衫熱回歸！一件剪裁帥氣的恤衫不可少~大泡泡裙加強鬆身效果，背後有2粒鈕扣起而成的摺褶加強腰身~in-style襯jeans或者紗紗裙，好有韓味
Free size，有黑色/白色

PT007排扣修身九分西褲(送皮帶)
杏色係今季另一大熱顏色，用嚟襯白色/裸色上身單品就最夾。上闊下窄的褲管易著瘦人，前面是斜斜的一排4粒扣鈕。Zara/H&M大熱褲款，小店又唔會無。
棉，S/M碼
S碼 腰圍70cm, 坐圍85cm, 腳口24cm, 褲長85cm
M碼 腰圍74cm, 坐圍88cm, 腳口25cm,褲長86cm

SK001 閃閃腰帶不規則網紗短裙
see-through是每年春夏必備元素，今季流行網紗的材料，b+ab、izzue都出了很多網紗的下身單品。短裙係show腿聖物，不規則剪裁增添型味，閃閃的橡筋腰頭，in-style露出嚟都唔失禮啦。
網紗，free size，3色(黑/白/淺啡)

太有韓味喇，自留一件。就咁襯長tee又出得街，又靚又方便。

TP002兩穿間條冷衫
扣起著加belt可以當長tee，打開穿是外套，前面不規則的垂墜感，超級着瘦人! 肥瘦人士都着得好看!
棉，Free Size，肩寬36cm, 胸圍80-96cm, 袖長66cm, 後中長69cm

熱賣item!!! Chloe自留一件! 原本賣斷貨了，最近又返到貨啦，超推！！！

仲有好多新款，未影得切相已經賣咗，大家可以去我地的facebook睇真D

Psyche Shop

多謝支持~~~~~

2011年3月14日(一)

今次試衫的最大任務，就係confirm件褂。

當日join希臘女神，好大原因係佢有埋褂租，而且潮褂仲唔洗加錢^罒^v

本來睇中咗正襟，可惜無期了，最後揀咗斜襟

大大隻又彩爆的鳳凰+卡通眼金龍

近睇d刺繡都車得幾夠密(無錯，係車，睇手工我已肯定唔係手繡)好彩唔係金都個d貨式，個d繡得好疏好肉酸

循例都著一著上身

初時都擔心斜襟會著到我似洗衫板，好彩又無喎

無聊又試埋傳統褂

著起好有江湖味，實在唔啱我

攪笑係，媽咪竟然話：「有潮褂又唔洗加錢，緊係揀潮褂啦，唔洗諗喇」，難度佢係潮媽???

confirm咗褂喇，斜襟潮褂，yeah!! 安樂晒!!

by笨豬小慧simple

2011年3月14日(一)

已經試到9PM，本來都諗住走，唔想阻人收工，但又心思思睇埋男禮。一不做，二不休，試埋啦!!

***我不想在其他地方見到我的相片啊，請勿擅自轉載，謝謝***

男禮1：主人叫呢件做「鄭少秋」，拎係手真係覺得好誇，但主人又著得出奇地有型，可惜無佢size

男禮2：試完1號，已經覺得呢D簡單款唔夠班

男禮3：店內皇牌的白色男禮，齊size，但似出街衫囉

男禮4：算係新款D，double lapel，又閃閃地，但影相睇番又唔閃

男禮5：呢件夠晒閃，又係無size

本來諗住係度租一套白色男禮，有款的無size，無款的又唔想揀。睇嚟男禮要再諗諗。

出去專門男禮店租，or兩套都由我design呢???

BY笨豬小慧SIMPLE

寫到依家仲係back day緊14號的事，我真係要摩打手打blog喇。

2011年3月14日(一)

我終於做完換衫公仔，現在有請媽咪出場!!!

total試咗7件，媽咪仲排晒試的次序，好認真呀~~(我卻是爆hea地試=p)

 

***我不想在其他地方見到我的相片啊，請勿擅自轉載，謝謝***

媽媽衫1：唔閃又沉色，OUT!

媽媽衫2：個顏色幾好，衰在又係唔閃，主人家著唔太好。

媽媽衫3：終於閃喇，但個膊太闊，改唔到 (只可以改長短同個身的闊窄，肩位無得改)

媽媽衫4：呢件我覺得好靚，好啱媽咪當晚著，但佢唔鐘意後面有塊see-through的雪紡，要佢著girdle之外，又怕會冷親

媽媽衫5：呢件夠閃呀~~但媽咪覺得太暴露，還笑說事業線都係留番俾我露喎

媽媽衫6：夠閃、又唔暴露，得咗!! 個V形釘工仲著瘦媽咪tim

媽媽衫7：唔夠6號閃，輸咗

最後都confirm到一件媽媽衫，好野!!!

希望下次再去，媽咪可以揀到件中式媽媽衫啦，咁就大功告成喇!!

BY笨豬小慧SIMPLE

終於整好晒全屋的電線，執乾淨晒間房，終於可以上下網，打下blog。

2011年3月14日(一)

試完婚紗之後就到試晚裝。比婚紗好好多，有好多件我睇中的都有得試(即係有期)

不過，真係試咗先知，好多原先覺得靚嘅，著上身原來唔啱自己；但有D認為唔襯自己，又著得出奇好睇。所以各位JM，fitting真係乜衫都要試下，咁先揀到著得你最靚的裙呀~~~

***我不想在其他地方見到我的相片啊，請勿擅自轉載，謝謝***

EG1：睇相覺得個款好靚ga，但著咗係我個身，好似無腰咁，桃紅色更加著到我的膚色青BB

EG2：又係睇相覺得個下擺好靚，但唔知點解會著到無晒胸!!! 完全平咗!!

EG3：呢款自己好鐘意，個色又夾我，但媽咪、主人都唔鐘意，嫌唔閃

EG4：睇相只得上半身，好似幾得意咁又試下。效果都唔錯，但媽咪唔鐘意D毛毛

EG5：basic野，真係揀到無先會諗。

EG6：無肚腩都著到有肚腩

EG7：又係睇相覺得幾好，原來著上身又plain咗D，而且著到我肥咗；個款cutting比較成熟，我諗加埋化妝set頭，仲會老咗10年。

EG8：睇相覺得呢件麻麻地，但著咗上身又幾好睇，仲show到身材tim

EG9：幾靚呀~~~但諗唔到幾時著

EG10：應媽咪要求試的，個圖案太大喇

我需要2件EG，一件迎賓、一件敬酒，所以hold咗2件最鐘意的先。(其實仲有幾件都心大心細)

你地估唔估到呢???

by笨豬小慧simple

book咗麗江婚照的機票住宿，但過程真係峰迴路轉，最後係買貴咗

confirm咗褂和媽咪衫，另外hold咗1WG+2EG，睇下遲D再試會唔會轉款

姊妹裙呢個大task有望下個月前confirm!!!

孫 簡 聯 婚
婚禮日期	2011年11月20日 (星期日)
晚宴
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂	譽宴 – 旺角6/F 酒樓提供 酒樓提供 酒樓提供(未印) 未買 盛酒窖 – 已買 妹妹轉贈 淘寶(未整) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
註冊
地點 律師 簽名布 結婚介指 介指枕 羽毛筆 結婚證書套 註冊處登記	奇妙姻典 幸福小教堂 奇妙姻典 提供 品果送(未做) 已買 奇妙姻典 提供 奇妙姻典 提供 奇妙姻典 提供 奇妙姻典 代辦(未做)
化妝&禮服
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔	Ka+ Makeup Ka+ Makeup提供 未定 Bithia Lam 未定 希臘女神Beauty Hera(已hold 1WG+ 2EG) 希臘女神Beauty Hera提供 希臘女神Beauty Hera提供 希臘女神Beauty Hera(已confirm) 已買 妹妹轉贈 未買 已買 已買 希臘女神Beauty Hera(白色)+DIY 1套(未做) 已買 已買 希臘女神Beauty Hera 希臘女神Beauty Hera(已cfm 1件) 自備 訂造(未做) 未買 未定 未買
婚紗相&當日攝錄
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播	香港@蒙羅麗莎(已影, 已取相) 2010年9月27日 麗江@品果影像 2011年4月9日 Ctrip (已買) 品果代訂(已做) 1P+1V@Tart Yau Creation, freelance 1P+1V 諗緊整唔整 by Tart Yau Creation
花車&花飾
主花車 其他車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花	白色七人車 未定 DIY(未做) 已買 DIY(已做) 未定 未定 DIY(未做) DIY(未做) DIY(未做) DIY(未做)
餅卡
西餅卡 唐餅卡	美心西餅 – 已買 奇華 – 已買
過大禮、安床、出門、回門
過大禮日期 過大禮用品 安床日期 安床用品 出門地點 回門日期 回門金豬	未定 包羅萬有利是 未定 未買 未定 未定 酒樓提供
嫁妝
龍鳳鈪 龍鳳被 喼	奶奶送+外母借用 未買 未買
婚禮用品
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物	女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定
其他
婚前檢查 Rundown Checklist 敬茶list Guest list 分工表	美邦(未做) 未定 未定 未定 未定  未定
工作人員
伴郎 伴娘 兄弟團 姊妹團 男司儀 女司儀	已定 已定 已定 已定 已定 未定
蜜月旅行
日期 地點	未定 未定

 

 

早上聽903森美小儀的《早霸王》，有個男仔打phone-in，話佢工作的婚紗舖火燭!!! 當時仲有pair新人準備拍照tim，回家睇yahoo新聞才知道是星光大道。