簡單就是愛 - 笨豬小慧simple's blog

BD倒數4日

今日約咗未來奶奶和媽咪去Beauty Hera做last fitting，同行還有未來老爺、未來姑仔、主人 和 我細妹 成立的顧問委員會。

本來約好14/12，book好晒喇，麻煩媽咪先突然話呢日佢要開OT搵外快，要改期16/12，咁樣一改，就要全村人就媽咪一個，真係牽一髮動全身咁嘛，你一句說話我又做餐死喇，真係忟死我喇!!!!好彩未來老爺奶奶16/12都得閒，又好彩16/12仲有期last fitting，唔係我實俾媽咪玩死鳥......


其實所謂的last fitting，即是拎晒你confirm咗的衫，俾你試身多一次，試之前已經根據你之前度咗身的尺寸改好了，當然成年前的size同依家會有出入啦，因為個個女人都會為咗大日子而變瘦(不論自然瘦定努力瘦)，所以試身後，會再細執一次，呢d就交俾即場的改衫阿姐負責了，當然唔少得配襯首飾、披肩、頭紗等的環節啦。


首先係麻煩媽咪fitting，條友仔著咗條裙已經藐藐咀，又話呢度爛o個度霉，又話人地改到d衫殘晒，我唯有氹佢：「膊頭位有少少瑕疵，但著咗披肩就睇唔到，件衫好閃好靚呀，又著得你瘦....」希望快d息事寧人，好啦，媽咪終於接受到條裙的少少瑕疵，佢就話要襯披肩，個sales又唔醒，雖然我媽咪條裙係黑色，但你都唔好拎條灰灰地閃都唔閃吓的披肩俾媽咪啦，佢見到件披肩又發晒忟話自己confirm衫o個時指明要白色披肩(不過無人記得佢咁講過)，猛鬧個sales做野唔用心，又怨我做咩要book呢間租衫，我都好冤枉呀，當初帶埋你嚟睇，你睇完ok我見俾訂咖，依家last day4日你先同我講呢d野，咪玩啦，我真係心力交瘁，要行埋一邊唞唞氣，我真係怕自己忍唔住開佢拖!!! 襯咗一輪之後，終於揀好披肩，就到襯首飾，麻煩媽咪又出招，猛話d首飾好普通，佢襯唔到，我走埋去睇吓，又真係揀唔落手嘅，呢次個sales醒d喇，即刻入倉再搵多d款俾媽咪揀，最後佢都勉強揀到條，但仲有好多說話俾我聽......唉......我都無心情理佢囉，由佢自己口蹹蹹算。

麻煩媽咪咁玩法，齋試一條裙都用咗1小時 =.="

跟住到未來奶奶fitting。未來奶奶出名快手，佢揀野真係好似唔洗諗咁，同我媽咪係完全相反。試裙的時候，大致都fit，係腰位鬆咗，未來奶奶高d，所以d裙吊腳，要放長，同埋有款背脊see through要加番塊布上去。未來奶奶好開心話自己依排食少d飯，又去打波做運動，瘦咗呀~~~~睇嚟佢好積極瘦身，wakaka。未來奶奶仲好醒帶定私伙耳環嚟襯衫，仲要閃過又大粒過Beauty Hera提供o個d款，真係估佢唔到呀~~~不過未來奶奶買咗對黑色漆皮高踭鞋做晚裝鞋喎，呢吓真係俾佢嚇一嚇，對鞋好似OL的返工鞋，同晚裝唔多match，原來仲要$500!!! 未來奶奶俾人呃咗喇......我媽咪o個對閃閃晚裝鞋係有利買都唔洗$100.........係我唔好，我唔記得提佢要買咩鞋，唯有靠未來姑仔聽日陪奶奶去買鞋了。

未來奶奶試2件衫，又用了1小時。


攪掂晒d長老s，終於到我fitting了。試緊第一條裙時，正當我想襯首飾，sales先話改衫阿姐就快收工，要我快手fitting晒d衫先，攪到我呢呢嗱嗱又著又除衫咁，半小時內fit晒4條裙，條裙咩樣我都未望真呀..........點解個sales係d媽媽s試緊時唔催佢地，結果佢地試3條裙用2hrs，我試4條只得半小時，真係好唔make sense囉。好彩我身材無咩走樣(即係無肥又無瘦到)，大部份衫都唔洗大改，係件敬酒晚裝pat pat位勾爛咗，好彩有塊長拖尾可以釘過少少遮住佢jar，唔係都唔知點算。因為未來奶奶揀咗for新娘o個d又閃又誇張的首飾，所以都無咩剩底俾我揀，求其揀3套，再叫細妹揀一套(因為敬酒我會襯金器，所以我突咗套首飾出嚟，梗係叫屋企人揀埋，唔好浪費咗個quota嘛)

我只係用1小時就攪掂晒4條裙了。

for未來奶奶
好識貨的未來奶奶揀咗d好閃好誇的款，佢又戴得好好睇(我媽咪想揀ga，但佢戴得唔好睇嘛，無計囉)，haha~~~佢開心最好。佢對私伙耳環真係贏晒ga!!

for mum
媽咪揀無可揀的款，佢嫌對耳環太細隻，無計，Beauty Hera d夾耳款的耳環真係無乜得揀......

for細妹



由6pm玩到9pm終於走得，o個肚餓到咕咕聲，就近去了妹記dinner算了，食物好味咗，我仲食咗碗半飯，痴咗(你睇我咁食法，就知我完全無keep fit的意識)

食飽飽就各自回家，多謝細妹送主人一家去搭火車，我就可以同主人&媽咪坐巴士了~~~


好累，d衫終於fix好晒，安樂晒~~~~


by笨豬小慧simple

婚前有一日主人返夜更，我就趁佢唔係屋企，買定接新娘遊戲的道具收埋，仲DIY埋「愛的宣言」。

cut邊位cut得唔夠直tim>.<
是是旦旦啦，出鏡一陣，唔多覺嘅(實情係懶唔想再整過)

其實只係上網copy人地的愛的宣言，再改少少字眼。
用AI畫lace邊和排版，that's all

print A4，再黐係一塊卡紙度(張卡紙好似係買d唔知咩的packing)



yeah~~又KO一樣!!
好期待主人讀呢張「愛的宣言」的一刻啊~~~唔知佢見到d內容會有咩表情呢?? XD


by笨豬小慧simple

有人同我講，BD要著紅底底。

臨急去買紅色孖煙囪，好彩uniqlo有jar~

$79/2條

棉質好舒服，而且cutting夠貼身，著skinny男禮西褲都唔怕現底底嘛XD


上頭夜著，一於由裡到外都紅噹噹~~~


by笨豬小慧simple

2011年11月13日(日)

BD倒數7天!!!!

尋日因為自己懶起身，早上去洗牙plan失敗了>.<
諗住都算啦，洗唔到都無所謂嘅....(雖然心有焉焉然地，覺得洗咗牙會靚D，笑容都有自信D啦)
點知好好彩，樓下的牙醫診所星期日都有開，我的洗牙plan又可以翻生喇~~~^V^ v (連鎖式醫務所果然賺錢最強，連星期日都有醫生開工)

係無booking的情況下，我膽粗粗咁沖擊牙醫診所!!!
呵呵，當然洗牙大計順利完成啦~~~
(牙醫仲好靚仔tim呀~~~洗完牙心情大好，wakakaka)


之後去了屋企附近的美心西餅訂結婚蛋糕。

因為酒樓會送席前小食，譽宴的wedding planner提意訂5磅左右的蛋糕已經好足夠，所以靚靚樣的結婚蛋糕無我份了(因為最少8磅起，太多喇)

最後揀咗呢款

揀咗原味什果夾心，$168/磅，5磅即是$840

用餅卡俾錢的話，就是17張餅卡再補$24，以$36/張餅卡計，即是慳了$204了，YEAH!!!


而且，買滿$660就有免費送貨服務，咁呢個結婚蛋糕就可以直接送去酒樓，真係快靚正呀~~~如果有其他切餅揀咗，都可以一併送貨!!! 唔洗勞煩D兄弟去拎餅了。
所以大家一定要善用呢個送貨服務呀，當然最好同酒樓方面再講一聲啦，等佢地安排人去簽收。

又攪掂多一頂task了。

by笨豬小慧simple

2011年11月12日(六)

今日是BD倒數8日，開始多野做了。


今日拎咗假，由長週變短週，原本諗住早上去洗牙，點知太累，瞓到10am先識醒，之後就同Gaily夾個seating plan的foam board，攪到夠鐘先標出門口。
所以今日只係做咗染髮一樣野=.="，晒咗半日假囉......


講番染髮先。

原先想搵番上次去麗江影相前幫我整頭髮的髮型師 (相關閱讀：染+剪頭髮)，點知打去book時間，先知佢係我BD前一星期都去咗旅行=.="

太早染又唔得，d新頭髮生咗出嚟就會有兩折色(那怕只露出1cm黑髮都唔想)
太遲染，到我無時間，last幾日係full schedule=.="，而且要d時間洗洗頭，等甩咁d色先自然嘛~~~

依家用開的髮型師no showT^T，點算好啊~~~~~


拿拿臨打俾細妹，好彩佢用開的髮型師未full booking，約咗今日染+修吓d頭髮。
染髮je，應該間間salon都差唔多卦，而且細妹用開，應該無咩大問題。

點知.....

我變咗 金毛新娘 Orz

其實染完已經覺得金咗少少，吹乾之後更覺得金，而且好奇怪地，頭頂比髮尾更淺色(但我之前染過N次，髮尾傷晒，理應比新生頭髮的頭頂更上色喎)


不過唔染都染咗，算了。
希望洗吓頭會好d啦。

阿Q d咁睇，婚後唔洗再整頭囉，都金晒


by笨豬小慧simple

籌備了一年零八個月的婚禮，終於係20.11.2011順利完成!!!!

感覺係好開心、好開心、好開心呀~~~~
原來結婚真係好開心ga~~~
之前經歷的所有辛苦，都係值得!!!!!

其實係差唔多完成派帖的時候，我已經想打篇blog多謝好多人，因為無咗你地的參與，我同主人就唔會有一個如此開心的婚禮。
派帖的點點滴滴，我要容後再blog!!


人地話婚前會好多野做，會好多擔心，會好緊張，會失眠..............

幸運地，我一d「婚前綜合症」都無。

我反而係好high，唔知點解長期keep住好興奮的感覺，乜都準備好晒啦~~~(但其實仲有成堆濕碎野未整)，只剩大日子的蒞臨，唔知BD會係點呢???呢種滿心期待的感覺充斥全身!!!
最後我係high到唔識眼瞓，晚晚可以好夜瞓，但第二朝又可以鬼打咁精神，痴咗線呀~~

反觀主人，佢有失眠呀，佢話自己好緊張，晚晚瞓到半夜就嚇醒，又成日發夢自己漏做d咩咩咩(但我就瞓到死豬咁，一覺瞓到大天光，仲要咩夢都無發到.....)

主人，咪咁緊張啦~~~放鬆d



好多B2B係婚前都忙到痴晒線，我都忙到痴咗，但我係忙去整甲染髮試身fitting洗牙做facial，其他婚前濕碎野都係主人做晒，排seating plan、買野、訂野、follow野、入利是等等等等，主人都好落力自動幫手，令我可以專心扮靚，做個靚靚新娘。主人，你真係好抵錫呀~~~~>3<

身邊的朋友都好落力幫手，我真係好榮幸好好彩呀~~~非常多謝你地^ ^



大日子就係我仲係high high地的時候就到咗，0個日成朝都只係識得傻笑，個人飄吓飄吓咁，直到返到新屋入門0個吓先識醒，噢.....原來我今日結婚咖喇!??

感覺真係好唔真實呀~~~

去到證婚0個度，一出新娘房，見到成棚朋友嚟晒觀禮，我真係好激動，再加埋主人愛的誓詞，我已經忍唔住感動的淚水T0T，喊咗出嚟!!!

不過晚宴謝詞時我好叻女呀，我無喊，反而主人就眼濕濕，佢仲成功攪喊咗我媽咪，hahaha



好多朋友都話我地的婚禮好感動，攪喊咗佢地好多次
又有朋友話我地的婚禮好似棟篤笑，睇我地係台上面講野好好笑

我好開心我地有個開心快樂又帶d感動的婚禮，
雖然中間只係播咗2段片，無攪surprise無玩game，
但見到親朋好友們依然投入其中，樂在其中，真係好欣慰呀。

我亦好開心婚禮能夠順順利利完成，所有rundown都有早無遲順利進行，全靠一班盡心盡力的兄弟姊妹幫手啊~~~非常多謝你地!!! (掌聲)


當然，一如所有新人一樣，我地的婚禮都有少少遺憾，都有d野做得未夠好。


去埋honeymoon後，我就會blog番晒婚前婚後的大小事情，你地等我呀~~~~

終於成為靚太了~~~~YO!!


by笨豬小慧simple

紅字走晒喇~~~~good!!! 今日唔洗再通頂捱眼瞓喇~~~YEAH!!


今天的行程也是密密麻麻：
13:00　出尖咀拎衫
14:30　去酒樓放低晚宴要著的晚裝、仲有2大塊油畫
16:00　去沙田麗豪酒店check-in出門酒店房
17:00　回家作最後衝刺 - 執野、佈置、print野
18:00　安床 (即係換番套紅色床單囉)
19:00　主人和我各自回家dinner, and then上頭
21:00　我約埋伴娘，起程去沙田麗豪
00:00　希望攪掂晒d野，正式瞓得!!!


祝　明天順順利利!!!!  (我呢隻輪盡豬應該好多蝦碌位, wakakaka)

睇番d相，八月花的gathering，我地終於影到齊人的大合照，記得當時講過BD當日，大家要將呢張相放係reception，就當大家去了對方的wedding，為20112011戰友們祝福。

時光飛逝，眨吓眼只剩下一星期唔夠就係20.11.2011喇~~~

其實一直想送d野俾大家做賀禮，但就唔知送咩好。有一日見mc win整了一個相片集的相架，靈機一觸，不如我整d相架送俾大家啦~~~入面剛好可以放0個張世紀大合照。

花咗一晚時間，邊睇劇邊黐膠花，話咁快完成了!!



d花花揀咗可以match到各位wedding theme的colour

真係好榮幸可以識到大家，你地的出現，為我和主人的婚禮，添多一重意義。

" Life becomes wonderful once I meet you"


後面最大個塊就係mc win的大作，將大家一直的合照diecut+拼貼成的相架，真係好勁呀~~~~~~(你果然係萬能俠查理斯的女人)

因為主人有位整甜品勁高超的同事 - 琼姐，所以一早已經想將回禮小禮物的重任交俾琼姐!!

我地決定送鳥結糖，甜甜蜜蜜煙煙韌韌，100%切合wedding的主題，能夠將我地結婚的喜悅送俾大家^^

呢幾日陸續收到琼姐的手作鳥結糖喇~~~

total 450份!!!

堆到一枱都係，好壯觀呀~~~

試整咗一包的decoration

加埋之前淘寶訂的logo貼紙和印絲帶，very good!!

琼姐DIY的鳥給糖非常足料，奶味超重，果仁又超多，好好味^^

多謝你係百忙之中趕貨俾我呀~~~



主人又搵同事幫手綁絲帶，哈哈，3日就綁好晒喇，真係好犀利啊~~~

依家只欠我做貼貼紙女工，回禮小禮物就大功告成!!!


希望賓客們喜歡呢份小禮物，拎回家欣賞完先好食咗佢呀~~~



by笨豬小慧simple

2011年11月9日(三)

今日同主人去了酒樓交尾數，順手去葡萄園拎番本photobook。

本來可以早一個星期拎走的，上星期取貨時check貨，發現最尾一頁印錯咗........好彩葡萄園肯立即回收重印俾我，仲要一星期後就有，真係嚇死人咩。。。



封面：

內頁：

嘩嘩嘩嘩嘩仲有一個星期就係BD喇~~~~~死期到喇~~~~勁餚底呀~~~

Beauty Hera希臘女神last fitting
琼姐製作回禮小禮物+自己packing
約酒樓試播video和music
整甲
洗牙
染髮
勤力做mask
休息多d，早d瞓

證婚個part拉斐特幫新人準備晒音樂，所以呢part的歌我唔洗理，good!!!

酒樓都有個list俾我揀歌，不過大部分都唔太啱心水，自已download啦~~~



MC進場
嘉禾電影opening
http://youtu.be/18uxxNNDNiE


新人match-in
香港小姐主題曲《Un Barc, Un Arbre, Une Rue》
http://youtu.be/25mceJjniWQ


成長片段
Way back into love - Hugh Grant and Haley Bennett
http://youtu.be/cbYGomf2BEU


上豬
Star Wars Opening Title
http://youtu.be/MnyCIjkc8iM


敬酒
鸞鳳和鳴 - 楊千嬅

喜氣洋洋 - 徐小鳳
http://youtu.be/lkKiU23vbXk

超喜歡你- 飛輪海
http://youtu.be/yl5ySrQF8WM

Congratulations - Cliff Richard
http://youtu.be/us3dQ0nnlHY


送客
You've got a friend in me - Randy Newman of 〝Toy Story 3〞
http://youtu.be/Zy4uiiy0qgA

Happy Together - Turtles
http://youtu.be/9ZEURntrQOg

We belong together - Randy Newman of 〝Toy Story 3〞
http://youtu.be/Bw7ZjO-Nf5Q

Marry you - Glee Cast of 〝Glee〞
http://youtu.be/6m0m2K3Pu5I



其他席間歌曲
三十日 - 側田
三生有幸 - 鄭中基
至少還有你 - 林憶蓮
I Swear - All 4 One
Nothing gonna change my love for you - 方大同
Love Song - 方大同
好不容易 - 方大同
星晴 - 周杰倫
簡單愛 - 周杰倫
園遊會 - 周杰倫
妳聽得到 - 周杰倫
珊瑚海 - 周杰倫&梁心頤
唯獨你是不可取締 - 許志安
一直相愛 - 許志安
喜歡你是你 - 許志安
愛很簡單 - 陶喆
Lemon Tree - Fools Garden
Just the way you are - Glee Cast of 〝Glee〞
A monent like this - Kelly Clarkson
愛到 - 飛輪海
越來越愛 - 飛輪海
愛情海 - 飛輪海
小玩意 - 彭玲
藍色多瑙河圓舞曲 - 維也納管弦樂團
那些年 - 胡夏





by笨豬小慧simple

自從知道foxy唔安全之後，我都好少再download歌。
結婚又要搵歌，點算??? 我搵嚟搵去最好用最多歌都係youtube，但save唔到落CD咖喎.......

多謝miss chan chan的分享，幫我解決了搵歌的煩惱。

http://zamzar.com

一個將youtube的flv檔轉換成mp3檔的網站。(什至轉成iphone檔都可以啊~~~)
不用登記email開戶，免除中毒或收到大量垃圾電郵的風險。
最重要是 免 費 !!!


用法非常簡單方便：
1. STEP 1 裡 click "URL"

2. 然後有個空白格出現，將youtube的分享link copy & paste 輸入
3. STEP 2 裡選擇"mp3"
4. STEP 3 輸入收檔的電郵地址
5. STEP 4 click "convert"

6. 會見到下面有條bar，做緊轉換

7. 15min左右，check email就會收到 zamzar發出的電郵

8. click入去一條好長的link(通常係一堆串唔成字的英文字母)
9. 彈出的視窗中，click綠色的"Download" (請預先選好folder，否則d/l完搵唔番首歌呀~~~)
10. 完成!!!


轉換出嚟的mp3音質一樣，very good!!!


係時候快手揀歌+download了，仲要預時間約酒樓試音響呀。


by笨豬小慧simple

品果送的簽名布實在太短，沒可能夠300位賓客簽字留名，所以我要再整一張。

of cos又係淘寶啦~~~

http://item.taobao.com/item.htm?id=7434253339

先用photoshop整個稿俾seller

揀咗麗江婚照的相片，呢張相無入相簿ga~~~但個view同feel都好啱做簽名布^^



成品：

180cm x 60cm真係好大張呀~~~

印起我地個頭變得好大，差唔多真人咁大個頭@0@.........而且我地個人又霸咗差唔多半張簽名布=.="

唔通我又揀錯相!!???
(油畫個頭就細得制，依家簽名布個頭就大得制, Orz)

品質方面，我覺得就一般般了。
可能同我揀的相未算好清晰有關吧(我唔識執番張相光d....)。


我地個樣有d雜訊，但整體倘算清晰

背景就麻麻地，見到一行行的痕




不過才RMB98，連運費、匯率都只是HK$132，而且用一次就會永久埋在床下底的東西，真的很伐算了，所以少少quality不太好，都接受啦~~~

其實seller是包設計的，只是我比較想用自己的相片多於他提供的設計而已，如果佢設計就可能避免一d quality的問題!!??

而且seller的服務很好，我第一次給的圖檔因為照片太黑，印出嚟會模糊，seller提議我換張光猛d的照片造，否則出嚟的成品可能仲樣衰, wakaka。跟住upload圖檔時又出現大問題，photoshop檔size太大(over 100MG)，咩email都attach唔到俾seller，最後要改用JPEG檔先可以成功.....又唔知係唔係轉咗JPEG，模糊度又再增加......



by笨豬小慧simple

2011年10月30日(日)

月頭的時候已經攪掂其中一位姊妹的姊妹裙fitting，今日就約埋其他的5個靚女。


ROSITA搬咗了

新地址：
尖沙咀金巴利道46-48號東匯大廈3B室(惠康斜對面)



去到先知，原來今日ROSITA佢地有好多職員out-job，得番一個人serve我地，而且佢6pm要收舖出out-job.....

幸好姊妹們都準時到達，仲fitting得好開心tim~~~

姊妹們用tiffiany blue裙 + 白色腰帶

出嚟效果好清新脫俗啊~~~~姊妹們著呢個款好靚呀~~~~

伴娘就用白色裙+tiffany blue腰帶

效果又係好靚呀~~~~同款唔同色，有番一致感，但又specialize到伴娘^^



fitting大致上都OK，多數只係長度要改，同埋伴娘條裙鬆咗D要大改，整體手工、用料都OK呀~~

1星期後改好，就有人call班靚女取貨，到時要麻煩佢地行多轉去拎裙了。




fitting完後，時間尚早，又難得齊人，就去了THE ONE的HABITU CAFE開姊妹團會議。

首先講解吓rundown同分工，之後當然唔少得討論BD的重頭戲「接新娘遊戲」啦~~~

我對遊戲的要求好簡單：
(1) 唔可以離開酒店房，因為怕落咗街，留係房的人會悶；
(2) 唔可以整污糟地毯，因為酒店會收清潔費；
(3) D仔唔like整亂個頭，所以D遊戲道具就唔好要戴帽、面具 個D

大家都好合作，諗到的遊戲有意義又有娛樂性，我好滿意呀~~~

之後就要麻煩大家預備道具了~~~~




又完成咗一項大task，好希望BD當日個個開心又靚住咁，enjoy my day^^



BY笨豬小慧SIMPLE

婚期愈來愈近，我要努力完成剩餘的DIY先得喇~~~


今日快手整埋主花車的佈置先。

結婚公仔都有少少改裝ga~~~

勁唔鐘意鬆弛熊妹妹手上個D"花"，仲有佢頭上面個塊"巾"，勁娘

用咗少少材料改裝對公仔

皇冠係德祥買ga，$30，好好好抵!!!

改咗之後，靚晒~~~~~

(鬆弛熊的笑容都燦爛D，XD)




又攪掂一樣DIY，仲差B女閣就finish了~~~~加油呀~~~~


BY笨豬小慧SIMPLE

Mona Lisa影的婚照有張20"的油畫，但沒有框，當時要慳，緊係無加錢俾ML加框啦(收$800ga, 食水好深)

所以油畫框要自己諗掂佢。


初時諗住拎去D鏡舖鑲框，網上搵到一間有公主feel的白色雕花框
(REF: http://blog.yahoo.com/_YWNOXHH3DAUCNCZCQOHCCOVIXI/articles/77506)

ART GALLERY
佐敦寶靈街44號門外排檔
TEL: 94166535張生

20" X 16" 的油畫大約 $100，真係好抵，但訂造要2個星期，我怕趕唔切，都係算了。


最後，去了吉之島Living plaza買了一個B2 size的畫框

$60，抵!!!

雖然無雕花又唔係白色，但呢款深色仿木框正正夾晒我地的新居的colour tone。




幅油畫鑲咗框之後，靚晒~~~

不過我白痴，買的時候度錯size(應該度框內尺寸，但我度錯咗框外，以為啱size)，回到家先知買細咗，最後要上下鋸走各2CM先啱放......鋸到我手都軟埋。

經過一番努力後，我突然鐘意咗呢幅油畫tim，wakakaka

又買多咗個相架放ML的大相片

$35，仲要係玻璃面，抵!!!!

呢個框都買細咗少少，所以要輕輕上和左都cut走1CM

晚宴的photo corner又多一樣野擺了，嘻嘻




total只係洗咗$95，已經有咁靚的效果，真係好滿足呀~~~~


BY笨豬小慧SIMPLE

係唔願郁的懶懶情緒下，攤分咗3次，歷時3星期，DIY簽名筆終於完成!!!

插係個玻璃杯度都幾靚喎




材料：

1. 1cm闊雙面膠紙 (大約4支一卷)
2. 簽名筆
3. 1cm闊絲帶 (大約1碼造2支)
4. 卡紙
5. 假花(懶得影相了)
6. K石
7. 白膠漿 / AA超能膠
6. 熱溶膠鎗



步驟：

1. 剪開卡紙，將佢捲埋黐係筆頂，用嚟整個筒遲d放假花

2. 絲帶黐上雙面膠紙，由筆頭開始包住成支筆，另外又包筆蓋，記得要收好絲帶口


呢度又攪咗成晚，好累.............遲d繼續................

懶咗1個星期，又再開工

3. 將d假花剪成細細份，拼好個樣之後，就用熱溶膠黐係筆頂
(我已經懶得先用綠色膠紙包好咗小花球先黐，真係直接黐d膠水係個筆頂就插d花花係度，唔甩就得啦)


咁又攪咗1個下午，又懶懶地唔想攪了。

等多個星期，先的起心肝埋尾。

4. 筆身有d齋，所以 黐K石，筆蓋都黐粒大的K石遮醜 =P

黐到眼都矇埋，真係支支有血有汗ga~~~


攪埋呢晚，完成!!!!




成品：

整咗12支，真係工程浩大!!!!





手工粗劣，但都係自己的小小心意，希望大家簽名時都有個美麗回憶^^


by笨豬小慧simple

 

 

約完Beauty Hera希臘女神的last fitting，才醒覺主人的男禮都要last fitting。(後知後覺, 都好過不知不覺啦~~~haha~~~我呢個老婆仲記得主人都算唔話得了)
於是就約咗今日last fitting。

DECISION的sales antie一樣親切健談，佢見主人帶去的恤衫袖口太鬆，仲主動幫佢釘過粒袖口鈕，呢d咁貼心的service，現世的服務業都買少見少了。
一直都覺得，搵到呢間男禮俾主人，我真係好醒呀~~~~

主人最近唔知係唔係瘦咗，件燕尾西裝竟然要著XS碼!!!! 但下身褲仍然係M碼......都話佢pat大咖啦 XD



爆喜歡bling bling的主人，連早上都要閃

揀咗呢條釘滿閃石的豬腸呔

有時男人貪靚起上嚟，都幾攞命=.="


2個幾星期後就正式著上身喇，唔知到時主人係咩樣呢???


by笨豬小慧simple

今日係萬聖節呀~~~~

不過婚期將至，我都無時間買套衫扮鬼扮馬去主題公園VIVA一下。(實情係我跟本唔入得鬼屋，我勁驚呢d鬼怪野>.<)


今日仲要約咗MUA KaKa final trial，當然比慶祝halloween重要啦。
大家都好忙，要夾到一日free嚟試妝真係唔容易。

事先我要做好多preperation，要search一d我想要的造型，又要print out我confirm咗的所有裙，仲有當日rundown俾KaKa。
因為約得都幾急，我只有一星期時間做research，幸好有KaKa的一d意見，都順利傾好理想造型。


試妝前先揀頭飾，其實我初時以為全日都係用鮮花做頭飾ga~因為KaKa比較擅長日式造型，估唔到佢話，頭飾揀定先，到時真係唔啱用先用鮮花做頭飾，有兩手準備好d呀~~當日造型係要萬無一失ga~
KaKa仲拎佢d私伙首飾俾我揀，全部都係A字頭大牌的水晶首飾呢~佢叫我襯定幾套做spare，萬一婚紗店o個d揀唔到，都仲有佢呢d後備。

真係諗得好周到呀~~~(呢d我完全無諗過=.=")


全日的造型都試晒

(為保持神秘感，正面相就留待婚後的大日子review才post喇~~~~)

終於真實feel到婚禮會係點，開始有d婚前緊張感了。


by笨豬小慧simple