![](https://googledrive.com/host/0B6sogRXKPwEvb1lQcTJzaVMybEE/MfvgplMsP2NiadDXKwoUMg.jpg)
一直都有用開泡泡染髮,又平又方使嘛。呢盒玫瑰紅啡色係日本買,因為香港出個D無深色。
![](https://googledrive.com/host/0B6sogRXKPwEvb1lQcTJzaVMybEE/khrDCBrWFCX2JTA1gvvmNw.jpg)
幾個月前染的金髮已經生咗好多出嚟,黑環現晒形。
![](https://googledrive.com/host/0B6sogRXKPwEvb1lQcTJzaVMybEE/J14WFdCXbx9Fj_YXCLCh9g.jpg)
染完之後,無晒金髮,變成深啡色。
![](https://googledrive.com/host/0B6sogRXKPwEvb1lQcTJzaVMybEE/eugqVwq7fPKfVMO7NiZUVg.jpg)
不過另一邊染得唔太均勻,有D啡啡金金,遮唔晒tim。
好耐無見過黑髮的自己喇,超級睇唔慣,而且.............好似學生妹>~~<不過無計,金髮影婚紗相唔好睇。
BY笨豬小慧SIMPLE
好耐無見過黑髮的自己喇,超級睇唔慣,而且.............好似學生妹>~~<不過無計,金髮影婚紗相唔好睇。
BY笨豬小慧SIMPLE
減肥係女仕們的終身事業,但都市人如我,天天上班已經用盡我所有體力,莫說做運動,連睡覺的時候都不夠啊~~加上長時間坐著工作,就養出一個小肚腩啦。
救救身型大行動,今次就試吓佢:
初次食用建議:
頭兩日份量減半,等身體適應產品
份量為:
食完早餐後,用半包輕瘦飲黎沖水,飲完輕瘦飲後,要即時飲1-3杯水,效果更為理想。在日間時,要盡量飲多d水!
夜晚食完晚飯後1至2小時內,食一粒(正常份量為2粒)輕瘦草本。
第三日至五日,可以食番建議既正常份量。
沖劑的成份是芒果薑萃取物、藤黃果萃取物、消化酶、益生菌、甲殼素
味道非常好喝,如果嫌太杰可以加多些水。
膠囊的成份是杞子纖維萃取物、乾薑纖維萃取物、大黃纖維萃取物
沒什麼特別味道,很容易吞服。
我的小小感想:
吃第一天已經明顯覺得排便量多咗和暢順咗,不過次數沒有增加,小便的次數卻增加了(可能跟喝多了水有關吧),惟有些攪肚痛的不適感,可能腸胃還未適應吧,可幸吃到最後一天,不適感都沒有了。
服用期間我都是正常飲食,沒有刻意節食,當然也沒有做運動啦,只吃了SlimSQ2輕瘦飲+輕瘦草本5天,就瘦了0.4kg!!!
我想是宿便和水腫也排走了的結果吧。
5天的份量只需$150,比其他輔助減肥產品都便宜,回購率80%
如果sis是便便不順,或是某些時候飲宴飯局比較多,SlimSQ2輕瘦飲+輕瘦草本真的很適合用來控制體重。
打完收工,多謝收看,喜歡的講推推和留言
中秋節快樂!!!
行去布藝坊時無意中發現的結婚用品店。
幾乎什麼結婚用品都可以買到,囍字貼、對聯、利是封、金色囍字小圓貼紙、絲帶、包禮物的布袋仔、絲花、綠色膠紙和鐵線、水鑽皇冠.................包羅萬有!!!
更重要是,售價更比繽紛便宜。
綠色膠紙 - $6.5,沒記錯的話,繽紛好像賣$10
鐵線 - $8.5(但用過後才知#22用來做花球太幼了,建議買#20)
去開深水埗買東西,別忘記順度來一下啊~~~
by笨豬小慧Simple
個幾月前已經開始和主人商量證婚的事,但傾了好久都未有共識,次次未傾完又變咗嗌交,唔係時間問題,就係地點問題,主人又憂慮如何安排長輩們的spare time,我又怕婚宴前才證婚會食到好夜,我們的大日子是星期日,好像不太好啊云云。
以下是大家各有所見的選擇:
1) 開始攪結婚時,大家的構思 - 8pm在酒樓,邀請律師主持證婚
我的反對:大日子在星期日,怕食到好夜,因為咁攪一攪,好大幾會9:30pm才開席,到時大家食快餐。
主人的意見:老人家可以先安排車在10pm早走。
我的反駁:難得的喜事,老人家未必想早走。反而係好多賓客走咗。
主人的反應:好朋友嘅實唔早走,走得都唔算好close的friend,反而大家唔洗走嚟走去,方便D。
2) 主人的建議 - 6pm在酒樓,邀請律師主持證婚
我的反對:怕酒樓未清理好,我地又唔夠時間準備,例如換衫、安排receiption等。
主人的意見:可以早D開席喎。註冊完咪打吓牌、影吓相。
我的反駁:坐位安排係點?大家一圍圍咁坐,抑或排排企?一圍圍咁坐一定好亂好吉喎。望落都唔好睇。
主人的反擊:影相影唔到咪得囉。
我:我唔想呢邊行緊禮,個邊有waiter仲執緊枱搬緊野呀!!
3) 主人的建議 - 2pm在大埔海濱公園行禮
主人的意見:大埔海濱公園,對我地好有意義。
我的意見:agree,但一樣要請律師,仲要安排大巴接人,又要自己搵decoration,可能要攪埋after lounge,out budget呢。
4) 我的建議 - 4pm在奇妙姻典行禮
我的意見:奇妙姻典係酒樓的樓上,唔洗坐多轉車,行完禮就落樓下,位置好方便,而且價錢只比搵律師證婚貴少少。又可以早d開席,唔洗食到咁夜。
主人的反對:4pm唔早又唔遲,D人未必肯到,睇完又未夠鐘開席,都唔知安排d人去邊。
我的反擊:咁咪打牌,再唔係行吓街囉,附近咁多shopping mall。
主人的心聲:邊行到幾粒鐘街呀?既然晚上會去飲,俾我係賓客,我唔會去觀禮囉。
我的心聲:但俾我會去睇喎。總好過2pm觀完禮,更加唔知去邊好。
主人的反擊:咁咪回家裝吓身囉。你唔洗俾時間d親戚朋友裝身咩?
主人再反對:同埋酒樓俾唔俾我地早少少擺野係新娘房?但又要有個人幫我地睇住D物資。
我的反擊:新娘房有鎖匙嘛。
主人的反駁:新娘房有後門喎,雖然酒樓話有鎖je,都唔一定安全。
我的心聲:咁開咗席都一樣無人係房昅實你d野ga la。
主人再再反對:你諗清楚喎,4pm行禮,中間就無時間周圍影吓相啦。
我的意見:我反而覺得中間又出去影相,d時間又變得好急,請願另外搵時間搵朋友影。
4個建議中,除了(3)係大家都 foul 咗之外,另外的都各執一詞,加埋d晦氣說話,嗌到面紅耳熱,唉,都唔知為乜。
我明白主人有好多憂慮同擔心,但又俾你的過份擔心激死咗,結婚係開開心心嘛,又有咁多兄弟姊妹可以幫手,只要我地準備夠充足,順順利利應該唔難。
俾d信心我地自己啦~~~~其實點攪都有人有意見ga la,最緊要自己鐘意,但我諗最後都係換嚟一句:「你話事啦,你鐘意咪得囉。」,我唔想咁呀,咁同我自己攪晒有咩分別呢?
by笨豬小慧simple
今月進度:
買咗好多野,終於有「結婚=倒水」的感覺,荷包乾硬化=^="
下星期影第一輯婚相,加油!!!
孫 簡 聯 婚 | |
婚禮日期 |
2011年11月20日 (星期日) |
晚宴 |
|
地點 場地佈置 席前小食 請帖 結婚蛋糕 紅酒 烈酒 簽名布 簽名筆 台banner Wedding Logo Table No. Card Seating Plan Welcome Board Q版公仔 Doll corner 啤牌 音樂 |
彩福皇宴 – 旺角6/F 酒樓提供 酒樓提供 酒樓提供(未印) 未買 盛酒窖 – 已買 妹妹轉贈 品果送(未做) DIY(未做) 酒樓提供 DIY(未做) DIY(未做) DIY(未做) DIY(未做) 未做 未整 未買 未定
|
註冊 |
|
地點 律師 結婚介指 介指枕 羽毛筆 結婚證書套 註冊處登記 |
酒樓 未定 已買 未買 未買 未買 未做
|
化妝&禮服 |
|
新娘化妝 頭飾 頭花 奶奶外母化妝 姊妹團化妝 新娘婚紗晚裝 頭紗 首飾 裙褂 婚紗晚裝鞋 褂鞋 GIRDLE NU BRA 箍肚褲 新郎禮服 新郎恤衫 男裝禮服鞋 奶奶衫 外母衫 奶奶外母晚裝鞋 老爺西裝 嫲嫲、婆婆衫 伴娘+姊妹裙 兄弟呔 |
Ka+ Makeup Ka+ Makeup提供 未定 未定 未定 希臘女神Beauty Hera 希臘女神Beauty Hera提供 希臘女神Beauty Hera提供 希臘女神Beauty Hera 已買 妹妹轉贈 未買 已買 已買 希臘女神Beauty Hera(白色)+DIY 1套(未做) 已買 已買 希臘女神Beauty Hera 希臘女神Beauty Hera 自備 訂造(未做) 未買 未定 未買
|
婚紗相&當日攝錄 |
|
婚紗相(第1輯) 拍攝日期 婚紗相(第2輯) 拍攝日期 機票 酒店 婚禮攝影&錄影 成長片段 早拍晚播 |
香港@蒙羅麗莎 2010年9月27日 麗江@品果影像 2011年3月1日 未買 未訂 未定 諗緊整唔整 未定
|
花車&花飾 |
|
花車 花車佈置 公仔 婚紗相花球 結婚當日花球 新郎襟花 主禮人襟/手花 兄弟襟花 姊妹手花 細佬細妹襟/手花 |
未定 DIY(未做) 已買 DIY(已做) 未定 未定 DIY(未做) DIY(未做) DIY(未做) DIY(未做)
|
餅卡 |
|
西餅卡 唐餅卡 |
美心西餅 – 已買 未買
|
過大禮、安床、出門、回門 | |
過大禮日期 過大禮用品 安床日期 安床用品 出門地點 回門日期 回門金豬 |
未定 包羅萬有利是 未定 未買 未定 未定 酒樓提供
|
嫁妝 |
|
龍鳳鈪 龍鳳被 喼 |
奶奶送+外母借用 未買 未買
|
婚禮用品 |
|
上頭用品 紅色睡衣 拖鞋 攔門花球 囍字貼 男女家對聯 跪枕 紅傘 斟茶用具 利是封 囍字小貼紙 回禮小禮物 |
女用(妹妹轉贈)、男用(未買) 女用(妹妹轉贈)、男用(未買) 女用(妹妹轉贈)、男用(未買) DIY(未做) 未買 未買 未買 妹妹轉贈 外母提供 妹妹轉贈, 唔夠再買(未買) 未買 未定 |
其他 |
|
婚前檢查 Rundown Checklist 敬茶list Guest list 分工表
|
未定 未定 未定 未定 未定 未定 |
工作人員 |
|
伴郎 伴娘 兄弟團 姊妹團 男司儀 女司儀 |
未定 已定 未定 已定 已定 未定
|
蜜月旅行 |
|
日期 地點 |
未定 未定 |
見今日大家都放假(主人仲係最後一日大假),下午出去旺角行吓街拍吓拖,點知又變咗結婚購物日。
去咗有利鞋店買影pre-wedding用的白色高踭鞋。
由於做開跳舞鞋,所以就算3"幾4"都著得好舒服好穩陣,價錢又平,$80~$100對。仲有褂鞋和男禮皮鞋賣ga!!
真係平靚正之選!!!! 主人大叫好抵!!
之後沿住彌敦道行,諗住去朗豪坊,中途見到好多金舖,又心思思咁睇婚介(主人成日催我快D買),最後................................竟然係六福買咗!!!!真係無諗過今日買。
拎咗去改大細和刻名,過幾日就有得拎了
by笨豬小慧Simple
去開深水埗買野,買完就去一下Blog友榮少介紹的布藝坊,睇吓姊妹裙。
好難搵,而且係深水埗行好耐先到,建議由太子地鐵站行去近D。6pm後會多人,記得事先預約。
display的姊妹裙唔多,款式都係百利會有的款,不過質地手工都比百利某些店優勝,起碼雪紡唔鞋,色丁唔硬唔焗身。
sales嬸嬸仲俾我影低一D款式,等我可以俾d姊妹睇睇做參考,呢d咁好的service百利一定無。
長 - $290、短 - $260,度身訂造,一個月左右起貨,可來樣訂造,不另收費。
好可惜,做唔番榮少報俾我的價呀~~~~老闆說因為加租,人仔又係咁升,明年一定要加價,就算我落訂hold,都只可以做番今年的原價俾我,無得減,連做滿6條有的9折都無得俾我。唉,得我自己一個又講唔掂價,真係好頹......
睇0黎要快手d睇多幾間,再搵班姊妹開個大會,book定做姊妹裙先,等到下年先攪,又俾多幾百蚊。
唉.........乜都加價,我人工又無得加,唔怪得我地80後上街ga,真真正正的在職貧窮呀!!!!
by笨豬小慧Simple
主人前日買的西裝話咁快改好咗,尋日出開旺角交收,順便攞埋。
銀灰色絹面,detail位加上少少黑色,雖然唔係燕尾,但感覺都好grand ga,啱晒要型又要grand的主人啦。質地唔錯tim。
全套(西裝褸+褲)$680,包改長短,隔日可取。
雖然成個荷里活購物中心都有好多間呢類型的西裝舖,不過呢間個sales係師傅嚟,好快就知道可以點幫你改靚仔d,好過有d舖的sales,咩都話得得得,到頭嚟係做唔到,仲忟!!!
旺角荷里活購物中心1/F 106號舖
by笨豬小慧Simple
影婚照需要一個花球,去開旺角,就去花園街的絲花檔睇吓,買材料DIY。
戰利品:
加埋妹妹之前用剩的白色花,應該夠材料整花球了。過幾日開工!!!
by笨豬小慧Simple