簡單就是愛 - 笨豬小慧simple's blog

今日下午約了伴娘和其中2位姊妹去百利睇姊妹裙。

先去Our Wonderland醫一醫五臟府

坐係窗邊，望過對面見到有間新開的婚紗舖

結婚錢唔通真係咁好賺連金馬倫道都開埋婚紗舖。

之前「自由行」咁行咗百利幾次，最後決定有興趣幫襯的有：

- Rosita
- 富屋full house
- Mes Bridal
- Joy Marry

估唔到3:30pm去到，仲有好多舖未開門。

首先去了2/F睇Rosita，店員阿寶好好人，俾咗好多款姊妹裙我地fitting。我扮講電話咁拎咗部iphone入fitting room偷影，哈哈，都不得不讚自己好醒啊(但都影漏咗第1件)

2nd tryout，basic款，前面有一排珠片，雖然唔係咩靚野，遠睇都好閃ga。

3rd tryout，basic款，但我鐘意上半身的縮褶做法，一半打直、一半打橫，無咁悶。心型胸

4th tryout，店員阿寶推介比較型的款，絹料，pencil skirt款的姊妹裙真係好少見，成件都有摺摺的手工，有肚腩都遮到，單膊，上面有個大大的蝴蝶結。3位靚女都好like呢款裙，大家仲話將來著去annual dinner都ok tim。但有個問題，條裙比較短和貼身，怕佢地起身蹲底易走光jar。

5th tryout，也是絹料，泡泡裙，super可愛，其實著起幾靚，係同型人伴娘有d唔襯。

跟住去了G/F的Joy Marry，班姊妹睇幾睇就走咗，無野睇得啱。

再去了4/F的富屋，間舖好大，超級多裙揀，但班姊妹竟然一件都揀唔落手!!!! 有個仲話d料cheap。我睇真d，好多款係淘寶都見過喎。

之後又八卦咁睇埋其他3/F的姊妹裙專門店，大家都嫌太普通，揀唔落手。

最後退廷商議，大家一致喜歡Rosita的姊妹裙款，問過間間的價錢都around HK$300，當然揀間質料手工都最好啦。決定問埋其他未出席今次揀衫團的姊妹們的意見，我就會係2月尾前confirm姊妹裙公司。(因為好多間都話過咗2月就加價喇)

之後我地有時間，仲上咗去我租衫的Beauty Hera睇相簿，順便約埋第一次試衫。

婚禮的事項又跨進一大步喇，YEAH!!!

by笨豬小慧simple

終於的起心肝，上淘寶睇睇D姊妹裙。

我搵嚟搵去，都係呢2間比較啱心水，價錢ok，手工用料都ok，最緊要可以揀顏色!!!

精品坊 - http://welcome-welcome.taobao.com/
沐之霖 - http://zjc3238.taobao.com/

2間的價錢都差唔多，有現貨和度身2個價錢，度身加RMB30，10日內起貨；大路款式兩間都有，都有d特別款是其中一間才會有，各有千秋。

笨小慧精選了幾款姊妹裙，價錢唔係呢度講喇，想知的sis可以私留我

1) 最basic的姊妹裙款，無咩好講，另有短裙版。2間都有，格價後，精品坊平D。

2) 基本上同(1)係差唔多，只係後面多咗2朵花，另有短裙版。2間都有，但精品坊平D。

3) 女神款的姊妹裙，感覺上無basic款咁悶，另有長裙版。2間都有，但沐之霖平D。

齋睇款式都好OK喎，而且似乎香港有好幾間的姊妹裙店都係賣緊呢D貨，但就收HK$3XX條，淘寶當然平好多啦。

但網上買野始終有風險，出街衫我有買過，都試過中雷，所以都要買番條試一試個quality再打算。

by笨豬小慧simple

係facebook見到有剛結完婚朋友買咗，$138有本硬皮相簿真係好抵！

計劃5月影一輯柴娃娃的pre-wedding，緊係買定2本，到時整相簿用啦~~~yeah

$138 DIY相簿 26頁A4硬殼薄裝或軟皮平裝, 抵過去晒相! (原價$298)

在數碼年代如今，我們拍了無數的照片卻只草草存於電腦。懷念從前抱著舊相簿跟父母、知己、情人回味過去，照片上那個搗蛋的孩童讓人回心微笑，背後深刻的故事一幕幕重現，那種溫情豈會隨時代流逝？

想要將生活人物風光加以點綴並珍藏，好讓日後細味回顧？BeeCrazy一貫為你設想。只需$138你便可以購買原價$298的26頁A4硬殼薄裝/ A4軟皮平裝相簿，自行將你的照片加以設計製作成你的完美夢幻相簿。

相簿每頁都有保護層，不單防水、防潮、耐磨，且有光面、啞面、中性水油面可選，保證永不褪色，可永久保存。

The Fine Print

• Valid from 2011-02-18
• Expires 2012-02-17
• 每人最多可兌換3張券
• 可購買多張送禮用
• 購買時請選定兌換地點
• Terms and Conditions

早幾日收到消息，奇華會於2月13日做唐餅卡8折優惠，只限一天!!!

買1張都有8折喎，真係幾好，我的親戚好少，所以要送唐餅都唔會多過10盒，依家唔買都唔知點拎到discount。

所以今日早D起身，食完個包就落樓下間奇華買唐餅卡。好開心，無人，唔洗排隊

金緣喜餅卡，原價HK$108，8折後HK$86.4

金雅喜餅卡，原價HK$68，8折後HK$54.4

慳咗HK$124.8，YEAH

其中兩張金雅喜餅卡用嚟換龍鳳餅，上頭要用嘛。如果用唔晒，都可以改換鳳梨穌等等的餅食，唔怕晒野啦，所以今次係買多咗。

BY笨豬小慧SIMPLE

尋日收到相，今日就拎咗番公司scan。

得12張，費事揀，一take過show晒俾大家睇，準備嘔吐袋啦~~

***我不想在其他地方見到我的相片啊，請勿擅自轉載，謝謝***

大家都笑得好牽強

笑到硬晒軚

我硬膠咗

呢張做咗油畫，但未來奶奶話個人好細粒

呢張原來影得幾好(至先揀佢做油畫啦)

呢張曬埋大相

呢張幾韓FEEL

呢張大家都最鐘意，又曬咗大相

呢張曬咗中相

本來諗住剪影，但依家唔黑唔光咁，唔知想點

唔記得點解揀咗.............又唔係影得好

多謝大家俾面睇晒，希望唔會令你生眼挑針啦。

順便同大家拜個早年：

恭喜發財！兔年快樂！

結婚事項 順順利利！

各位BG2B甜甜蜜蜜！

BY笨豬小慧SIMPLE

千辛萬苦，幾經波折，終於收到Mona Lisa的相。

不過由6pm等到8pm才收到，真係等到變化石

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!



嚟張全家幅先

睇真d，原來都未算影得好差，但都有幾張影得麻麻唔知點解都揀咗

同埋，我懷疑Mona Lisa tune過d色，主人塊面明明黑過我好多ga，點解出嚟d相又唔係嘅???好似同揀相個日睇的顏色有d出入喎



遲d要物色一d畫框和相簿，好好保存我地的第一輯婚照。




明天返公司scan D相，大家等等我喇。


by笨豬小慧simple

千辛萬苦，幾經波折，終於收到Mona Lisa的相。

為免重蹈「空歡喜」的覆轍，係送貨叔叔面前拆開檢查，今次真係我地d相喇，YEAH!!!

共12張 4"X5" 細相

另外仲有5"X7" 中相2張、8"X12" 大相2張、16"X20"油畫一幅



我將相片private了，想睇的sis麻煩通知我add你吧。(只限有相有內容的blog友)



by笨豬小慧simple

等咗4個月，引頸以待的Mona Lisa pre-wedding終於約好今日送貨喇。

一拆開......................................

唔係我地D相嚟嘅?????

但係單NO.、名都無寫錯喎，入錯咗d相!??

嗱嗱聲打去ML，可惜太夜了，都收晒工。

我D相究竟去咗邊呀???????????

點解呢排我地咁黑嘅呢？買冷氣又壞，我又腸胃炎，佢又多野做到捱病咗，連拎相都要擺烏龍，頂

BY笨豬小慧SIMPLE

UPDATE 28/1/2011：今早打去問，約好31號上嚟換相，希望今次靈靈性性啦。

其實主花車一早confirm了，因為主人的朋友的朋友開租車公司，所以佢一早搭通天地線，mark實咗一架白色七人車。

超友情價，所以我都無咩要求。(但如果係4座位私家車我會開心D，七人車個樣有d鈍鈍>~<)

現在計劃緊搵車主租28座van仔做兄弟姊妹團車，定問有車朋友借車好呢？

租車公司info：Steve Lau 92039096

by笨豬小慧simple

因為一年前主人去了做兄弟團，認識了Tart Yau Creation的攝影師，非常喜歡佢地的攝影風格，尤其videoman的朝拍晚播，主人直頭讚不絕口，誓要自己結婚當日用番呢隊crew。

所以呢個task我都無咩意見，當然contact嘅野都係主人負責啦。

只怪主人唔嗲唔吊啦，遲遲都唔搵人，一直都confirm唔到人數和價錢。

現在終於正正式式confirm喇。

1P+1V - Tart Yau Creation

價錢....................當然係友情價啦~~~~

另外再有：

1P - 主人朋友的大佬

1A - 主人的小學同學

現在成隊crew就有4個人，人才濟濟，勁!!!

Tart Yau Creation
http://www.hyau.net/Tart_Yau_Creation

BY笨豬小慧simple

今月進度：
下個月就開始倒數月份是個位數了，但我就愈來愈hea，愈來愈唔想郁!!!!真係要好好加油啊~~~~

其實都算有做野嘅，問過吓麗江婚照的機票酒店個d，又上淘寶搵吓姊妹裙咁，但都未可以confirm，所以個表咁耐都無進步，oh....no....

今早睇蘋果動新閒才得知的，婚紗店Noble Design鬼鬼祟祟執咗笠。

夜深偷偷搬貨　員工顧客包圍
婚紗舖結業爆錢債糾紛

【本報訊】尖沙嘴一間開業僅九個月的婚紗店，前日凌晨女東主準備結業時，被人揭發並通知婚紗店職員，再由職員通知該店顧客； 18對新人趕來追討款項及婚紗相。由於有人態度強硬及多次變卦不肯退款，顧客曾三度報警求助。女東主、顧客及婚紗店職員三方經 20多個小時商討後，至昨日凌晨女東主終肯將定單轉讓給一名攝影師。

引發結業糾紛的婚紗店是位於金巴利道 73號 B舖的 Noble Design，據悉欠薪及拖欠顧客款項總數達 60萬元。前日凌晨 2時許，在婚紗店工作的陳小姐突然收到熟客來電，指有人將店中婚紗等物品，搬到對面其女東主丈夫經營的金巴利道 68號 A舖 Wedding Whisper婚紗店。陳小姐即聯絡交了款項而沒拍攝的 18對新人、三名同事及其他兼職的攝影師。
十多分鐘後， 30多人到達上址追問搬貨原因。有人向眾人承認因生意不景結業，但拒絕出糧給員工及退還貨款給顧客，三方因此發生爭執，有人擔心東主轉移資產於是報警。經警員調解後，東主蔡太答應出糧及退款等，但警員離開後，有人反口拒絕兌現承諾；顧客無奈先後再兩度報警求助。
經多番磋商，女東主終答應將搬走的 30套婚紗（每套約值 3,000元）及已收款的 20單拍攝婚紗照生意，以每單 6,000元轉給一名梁姓攝影師接手；各顧客見有人肯承擔亦沒異議，店員則會向勞工處求助追討欠薪。
姓梁攝影師表示， 30套婚紗只夠償還拖欠各攝影師的費用，承接轉讓的定單是因大部份顧客都由熟客介紹。店員陳小姐透露，該店共有四名員工，另有數名兼職及掛單攝影師，除經營出埠拍攝婚紗照外，還有婚紗出租及婚禮攝影服務等。

陳小姐指公司從上月開始無糧出，拖欠攝影師的費用更達三個月。攝影師因收不到費用，拒絕交出顧客相片外還不肯接新工作，令婚期逼近的新人沒攝影師用，部份拍了婚紗照的新人更收不到相片。
顧客詹先生表示去年 11月擺酒，當天付了兩萬多元拍攝費，但至今仍未收到婚紗照。另一名陳先生去年 5月付了三萬多元，預約攝影師今年 12月擺酒時幫手攝錄，現時婚紗店突然結業，令他十分徬徨。

http://hk.apple.nextmedia.com/template/apple/art_main.php?iss_id=20110112&sec_id=4104&subsec_id=11867&art_id=14860511

驚

book咗佢的攝影租衫的jm，快d跟進一下，如有需要，可能要搵消委會，什至報警!!!

希望我幫襯個間，平平安安，順順利利啦。

by笨豬小慧simple

早前收到通知彩福皇宴會於2011年1月1日改名為譽宴，早幾日仲見到有電視廣告。

http://www.youtube.com/watch?v=UJ0mvSNt_IM

都拍得幾好喎~~希望改名後D親朋戚友知碇啦。

BY笨豬小慧SIMPLE

我喜歡藍色。

所以想自己的wedding都係藍色。

但d人話結婚用藍色唔吉利(尤其d老人家)，怕d姨媽姑姐多多意見，所以用個淺藍啦。

Aqua Blue，還者你可以講係Tiffany Blue，是我期望的wedding theme。

Aqua Blue + White，算係最正統的配搭。

呢張theme board會唔會太聖誕feel呢？

加銀色呢？都唔錯。如果dinner的餐具係咁就正啦!!

呢張theme太田園feel，我冬天結婚會唔會唔match呢？

加多個turquoise，我鐘意。

Aqua + Chocolate，好似都幾好睇喎，又夠特別，唔怕太淺色唔夾冬天。

啡色姊妹裙，會唔會冇人肯著？

大家點睇呢？

但我証婚和擺酒個場地的decoration都是白+深紫，加埋呢個Aqua，會唔會撞到嘭嘭聲？

by笨豬小慧simple

有一日陪媽咪買生果，路過一間瓷器雜貨店，竟然有斟茶用具賣!!!

仲有2個款tim!!!

大size水壺，$30

細size水壺，$18!!! 我估斟得2杯茶

杯都有得配埋，$10/3隻!!!

計番一套：大水壺+6隻杯=$30+$20=$50!!!!!

超平啊~~只要去日本城或吉之島$10店配番個紅色托盤，攬掂!!

成套斟茶用具$100有找，仲要唔洗返大陸搵(走上走落都要車錢ga)，勁勁勁抵呀!!!

仲未講係邊度買tim

大埔墟大明里廣場(噴水池)康樂樓地下

由於係臨時舖，唔知會做到幾時，要買的sis就快手喇!!

by笨豬小慧simple

連續2個月，咩都無做到tim

最近收到阿head通知，太后會係3月中來香港，而阿head就會係農曆年假一完結就去出差，準備新季度的野，咁即係話，我成個3月都會忙到死，莫講話大假，分分鐘連病假都請唔到，仲話想拎成個星期的假去影婚紗相!?緊係no way啦。

方法只有2個，一係提早2月中影，一係延後到4月影。

2月，又有農曆新年喎，大陸閒閒地放1~2星期假啦，呢個月又得個28日，月尾又唔ok，咁即係唔洗揀啦。

4月，雖然都會多野做，但因為近復活節，d鬼鬼又holiday mood唔願郁，即係唔會點捽數啦，消失一個星期都可以嘅。

因為3~4月是麗江拍婚照的旺季，所以4月份都無咩日子可以俾我揀。

最後決定 ： 2011年4月9日

當日係星期六，假期安排上就麻麻地啦，而且，會唔會周圍好多遊客ga!??我唔想做旅遊景點呀。

多謝客服的張蓓快速的回覆，令我可以盡早安排假期和行程。

為咗改期的事，我地又吵咗一鑊，唉，我都知改期好煩，我都知你又有一堆野拎出嚟擔心，不過我都係被動，點可以怪晒我??真係好嬲呀!!! 而且，點解主人次次面對「更改」總係心浮氣燥呢？改少少野，真係咁大衝擊？距離結婚當日仲有11個月喎，可能大把野要改，到時主人又要忟幾多次？

by笨豬小慧Simple

講咗幾個月想早d攪掂用邊間姊妹裙公司，同班姊妹團食埋飯開埋大會，大家揀咗choice1：

咁啱又同布藝坊E1的姊妹裙好似：

email問一問價錢啦，嘩~~~~~~~~~~~超級out budget呀

唉，究竟有咩姊妹裙公司肯度身造，又係$300內呢???? 唔通真係要向現實低頭，是是旦旦買現成款??? 定搏一鋪，淘寶買呢？

by笨豬小慧simple

尋晚同班friend食生日飯，未夠鐘攞位，就去附近的吉之島$10店hea吓。

呢間係旺角創興廣場分店，之前多數嚟買整蛋糕的東東，因為呢間又多又齊。

假花假草，雖然無絲花伯伯個度咁多款揀，但吉之島$10店的勝在夠平，樣樣都係$10!!!

細細朵個d，買嚟做手花襟花應該啱用。

有油畫框賣喎，唔知遲d收到的ML油畫，可唔可以嚟呢度配番個框呢？最貴都只係$150 jar~

細呢d，可以做吓welcome board

連腳架都可以配埋

排隊俾錢時，見到有人買咗幾疊bingo遊戲卡。要玩呢個game的JM，識搵啦

挖完寶，夠鐘dinner。

其實我最後都係買咗包利是封..........................用嚟俾人情 Orz

by笨豬小慧simple