後天就去影麗江pre-wedding，快快手整個新的花球先。

材料只是一個舊花球和妹妹結婚用剩的絲花，完全免費，$0。

由於過程真係太快(用了1.5hrs)，唔記得影製作過程

by笨豬小慧simple

奇妙姻典突然清盤結業！WTF!!!! >A<凸

上到去乜都無晒，燈又唔開，已經有十數位準新人到咗，現場仲有2位軍裝警員+始創管理處的人係度，但律師樓、奇妙姻典都無派人出現。

乜都做唔到，留咗ID俾警察做備案，抄咗負責清盤的律師、消委會的電話，等埋d記者上嚟，就走得。

管理處表示，租約到今天屆滿，之後就會封舖，等執達吏上嚟點算剩下的物資。

聽聞尋日有人打過去奇妙姻典，仲有人聽電話，今日就執咗。

上星期仲有新人係度rehersal，當時無職員表示今日執笠!!! 後天註冊的新人，都因為掛單的王律師call佢，先知執咗。奇妙姻典完全無主動通知過任何一個人，非常不負責任!!!

上官網查番，奇妙姻典係今年2月的婚展仲有擺booth，仲接生意，好明顯有人早有預謀，呃錢!!

真係好無奈

證婚呢part又由零開始....................唉................

(update 1/4/2011)

今日生果日報出咗新聞。

證婚中心倒閉 200對準新人破財

旺角一間提供一站式婚姻服務的證婚中心突然倒閉， 20多名已預訂證婚場地並支付全費的準新人，昨傍晚從社交網站獲悉中心結業趕至現場，發現人去樓空，感到氣憤又徬徨，恐影響婚期，先後報警求助。有受害事主透露，該中心早前曾參加大型婚禮服務展覽，估計受影響準新人達 200對，涉及金額逾 60萬元。
突然結業的奇妙姻典證婚中心，設在旺角彌敦道始創中心，面積逾千呎，設有「幸福小教堂」及「甜蜜蜜花園」兩個證婚場地，分別可容納數十人，收費由 2,388元至 3,888元不等。
據了解，該證婚中心前日突然結業，並交由一名姓楊律師負責清盤事宜，而預訂近日在證婚中心舉行婚禮的準新人，昨已接獲律師通知該中心結業。有準新人說律師聲稱較早前才知悉奇妙結業，並透露會履行對他們的婚禮服務，但沒有透露詳情，只謂本月 12日會有債權人會議，稍後再聯絡他們。

簡小姐與男友去年 10月向該證婚中心支付 4千多元，預訂今年 11月底在幸福小教堂由律師證婚，昨從 facebook及友人口中獲悉中心已結業後，立即趕往現場了解，發現中心已無人，大部份物件被搬走，並見有警員及多名準新人在中心內，頓感徬徨及無奈。簡透露該中心去年曾參加婚禮服務展覽，吸引不少準新人，相信受害人不少。梁先生則付出 4,300元預訂幸福小教堂加撒花瓣服務，準備明年結婚，他說對證婚中心已失去信心。
從事文職的彭小組，以 2,888元預訂甜蜜蜜花園作證婚場地，中心突然結業，她坦言「冇辦法，追得番（費用）咪追囉，到時（結婚）可能另外請個律師去酒樓證婚」。

一早主人打咗去楊律師和消委會度問，全部都表示幫唔到我地d咩，因為已經進入清盤的法律程序，要等4月12日的債權人會議之後，先會知我地d錢拎唔拎得番，攪緊法律野，消委會係介入唔到喎。至於懷疑奇妙姻典明知唔掂會執都仲接生意有冇詐騙成份，消委會表示要報警，等警方去查，佢地又係幫唔到我地。但我已經問咗警察，清盤緊又唔算詐騙，要拎番d錢只可以去小額錢債審裁處度攪..................

錢，一定拎唔番，排隊都未到我地啦(間公司還晒所有債，有剩先會分俾我地，有得剩就奇妙囉)

清盤條例，原來係幫d公司屈人錢!!!

有JM已向立法會議員李慧琼投訴，希望件事有進展啦。

慘慘，12號去咗影pre-wedding未返香港，唉......................

注意!!!

奇妙姻典苦主群組@facebook

http://www.facebook.com/#!/home.php?sk=group_201074499915268

為左可以group到受到影響既準新人.

如果你地身邊既朋友都係book左奇妙姻典既.

麻煩叫佢加入以上facebook既group

方便可以了解最新既消息

特別多謝mc win通知我們呢個咁重要的消息!!!!

by笨豬小慧simple

今天除了confirm姊妹裙外，另一個重要項目就是買girdle。

遲D去麗江影pre-wedding真係怕會冷病，一早買定暖包，但唔可以直接黐係身，要搵D野隔一隔，如果唔係會灼傷，唯有著girdle。

上上星期去完婚展，諗住順手去CWB間SATAMI買啦，點知..........無貨!!!!

仲要4月中先返到，我都影完返來囉。

再轉去奇華特，人多到呢，拎定籌諗住隔日再去啦，點知張籌又唔見埋>~~<，即刻連去的衝勁都無埋。(真係唔係好想死出去CWB淨係拎張籌囉)

有諗過不如「nu-bra+媽咪的腰封」就算，諗諗吓又怕著唔穩，行行吓跌出嚟(好樣衰呀=A=)

再搵埋屋企附近大大小小的bra舖，又係賣晒=(

我唯一希望就只剩百利的bra舖。好好彩，有貨呀~~~~^0^

$288，另加咗對pad+$40，total$328

SATAMI呢隻girdle好好著，前面3條骨，收得個shape好靚ga，仲托到少少tim

幾經艱苦，終於買到，一額汗

BY笨豬小慧SIMPLE

淘寶姊妹裙失敗而回，我又重投百利姊妹裙公司的懷抱。
(敗北經過：http://hk.myblog.yahoo.com/simpsonsimple1120/article?mid=1958)

今日多謝Germanthea、chanwong的邀約，令我可以的起心肝，攪掂埋呢個大task!!!

我唔知2位B2B行過百利未，所以都帶大家去看一看我之前mark up咗的店。其實兩間的價錢、款式、用料、手工都差唔多，之前上網check過都無咩遲交貨等等的劣評，但因為Rosita可以條條裙都唔同款唔同色，又肯送披肩，加上sales阿寶的service真係好好，呢D都好fit我地的需要，所以我地只係門口傾咗一陣，就火速決定join Rosita喇。點知想開單的一剎那，阿寶夠鐘dinner。

於是我地3位就去附近的餐廳食dinner先，邊食邊等又邊傾計啦~~~~傾到唔願走，但都要9:30PM前，趕係人地收工前開埋張單!!

上到去再同阿寶傾一傾細節，最後是：

$300~$380短裙(視乎款式)，長裙+$100，優惠每條減$30，另送韓紗披肩，度身造，9月頭fitting，11月頭拎貨，包改闊窄一次(需時約10天)，可以每條不同款不同色。

其實睇完之後，都擔心Germanthea和chanwong要唔要回家再諗諗先join，或者佢地要唔要帶D姊妹嚟睇下先(因為我自己之前帶過3位姊妹嚟睇過了，所以我可以skip咗呢part)，唔想佢地因為我想join而push大家一齊行動。

但估唔到，感覺做事深思熟慮的chanwong竟然是最快決定晒所有野的人!!!! HAHAHA~

好開心臨走前知道Rosita新款姊妹裙好似姊妹們選中的choice1!!!!仲可以唔加錢幫我打辦，YEAH~~~~所以我要早少少，7月開始fitting了。

<<<類似呢條，$350(短)!!!

好多謝Germanthea和chanwong陪我行姊妹裙，又信晒我不加思索就即日confirm埋，齊齊慳多幾十蚊!!

放底咗舊大石喇!!! 鬆晒。

BY笨豬小慧SIMPLE

今日約咗Germanthea和chanwong去百利睇姊妹裙。

去咗2間我的最後篩選(本來係3間，但有一間我搵唔到)

地址：百利商業中心1樓74號舖
TEL：6976 2816(Amy Fok) / 60240431(Cherry)

朋友年頭做姊妹時用過，覺得幾好介紹俾我。間店冇招牌，有D難搵，好易miss咗。款式都係人有我有個D啦，布料、手工都可以，疑似老闆娘的人都答得好專業，做到就話做到，做唔到會講明你知，我鐘意佢呢點，夠老實。

短裙$320(6條起，需同款同色)，度身造，包改闊窄但唔改長度，披肩+$20，1個半月貨期

要同色同款係大問題，無可能我地3pair人當日的姊妹都著同一款的姊妹裙啦。而且加多幾條裙又唔會有多D著數，so唔揀呢間。

Rosita
地址：百利商場2樓6號舖
TEL：27300682 / 2730 0683 / 61289992
營業時間：15:00~21:30

之前我睇過2次，今次大家再睇真D。最後confirm佢。

詳細：http://hk.myblog.yahoo.com/simpsonsimple1120/article?mid=2379

BY笨豬小慧SIMPLE

2011年3月14日(一)

今次試衫的最大任務，就係confirm件褂。

當日join希臘女神，好大原因係佢有埋褂租，而且潮褂仲唔洗加錢^罒^v

本來睇中咗正襟，可惜無期了，最後揀咗斜襟

大大隻又彩爆的鳳凰+卡通眼金龍

近睇d刺繡都車得幾夠密(無錯，係車，睇手工我已肯定唔係手繡)好彩唔係金都個d貨式，個d繡得好疏好肉酸

循例都著一著上身

初時都擔心斜襟會著到我似洗衫板，好彩又無喎

無聊又試埋傳統褂

著起好有江湖味，實在唔啱我

攪笑係，媽咪竟然話：「有潮褂又唔洗加錢，緊係揀潮褂啦，唔洗諗喇」，難度佢係潮媽???

confirm咗褂喇，斜襟潮褂，yeah!! 安樂晒!!

by笨豬小慧simple

2011年3月14日(一)

已經試到9PM，本來都諗住走，唔想阻人收工，但又心思思睇埋男禮。一不做，二不休，試埋啦!!

***我不想在其他地方見到我的相片啊，請勿擅自轉載，謝謝***

男禮1：主人叫呢件做「鄭少秋」，拎係手真係覺得好誇，但主人又著得出奇地有型，可惜無佢size

男禮2：試完1號，已經覺得呢D簡單款唔夠班

男禮3：店內皇牌的白色男禮，齊size，但似出街衫囉

男禮4：算係新款D，double lapel，又閃閃地，但影相睇番又唔閃

男禮5：呢件夠晒閃，又係無size

本來諗住係度租一套白色男禮，有款的無size，無款的又唔想揀。睇嚟男禮要再諗諗。

出去專門男禮店租，or兩套都由我design呢???

BY笨豬小慧SIMPLE

寫到依家仲係back day緊14號的事，我真係要摩打手打blog喇。

2011年3月14日(一)

我終於做完換衫公仔，現在有請媽咪出場!!!

total試咗7件，媽咪仲排晒試的次序，好認真呀~~(我卻是爆hea地試=p)

***我不想在其他地方見到我的相片啊，請勿擅自轉載，謝謝***

媽媽衫1：唔閃又沉色，OUT!

媽媽衫2：個顏色幾好，衰在又係唔閃，主人家著唔太好。

媽媽衫3：終於閃喇，但個膊太闊，改唔到 (只可以改長短同個身的闊窄，肩位無得改)

媽媽衫4：呢件我覺得好靚，好啱媽咪當晚著，但佢唔鐘意後面有塊see-through的雪紡，要佢著girdle之外，又怕會冷親

媽媽衫5：呢件夠閃呀~~但媽咪覺得太暴露，還笑說事業線都係留番俾我露喎

媽媽衫6：夠閃、又唔暴露，得咗!! 個V形釘工仲著瘦媽咪tim

媽媽衫7：唔夠6號閃，輸咗

最後都confirm到一件媽媽衫，好野!!!

希望下次再去，媽咪可以揀到件中式媽媽衫啦，咁就大功告成喇!!

BY笨豬小慧SIMPLE

終於整好晒全屋的電線，執乾淨晒間房，終於可以上下網，打下blog。

2011年3月14日(一)

試完婚紗之後就到試晚裝。比婚紗好好多，有好多件我睇中的都有得試(即係有期)

不過，真係試咗先知，好多原先覺得靚嘅，著上身原來唔啱自己；但有D認為唔襯自己，又著得出奇好睇。所以各位JM，fitting真係乜衫都要試下，咁先揀到著得你最靚的裙呀~~~

***我不想在其他地方見到我的相片啊，請勿擅自轉載，謝謝***

EG1：睇相覺得個款好靚ga，但著咗係我個身，好似無腰咁，桃紅色更加著到我的膚色青BB

EG2：又係睇相覺得個下擺好靚，但唔知點解會著到無晒胸!!! 完全平咗!!

EG3：呢款自己好鐘意，個色又夾我，但媽咪、主人都唔鐘意，嫌唔閃

EG4：睇相只得上半身，好似幾得意咁又試下。效果都唔錯，但媽咪唔鐘意D毛毛

EG5：basic野，真係揀到無先會諗。

EG6：無肚腩都著到有肚腩

EG7：又係睇相覺得幾好，原來著上身又plain咗D，而且著到我肥咗；個款cutting比較成熟，我諗加埋化妝set頭，仲會老咗10年。

EG8：睇相覺得呢件麻麻地，但著咗上身又幾好睇，仲show到身材tim

EG9：幾靚呀~~~但諗唔到幾時著

EG10：應媽咪要求試的，個圖案太大喇

我需要2件EG，一件迎賓、一件敬酒，所以hold咗2件最鐘意的先。(其實仲有幾件都心大心細)

你地估唔估到呢???

by笨豬小慧simple

早上聽903森美小儀的《早霸王》，有個男仔打phone-in，話佢工作的婚紗舖火燭!!! 當時仲有pair新人準備拍照tim，回家睇yahoo新聞才知道是星光大道。

太多相未執晒，分開兩篇post啦。

2011年3月14日(一)

之前contact開的細Zoe好似無做了，今日serve我的係Shirley，我諗佢仲細過我。初初佢都唔係太熱心，只係叫我睇相簿再係張紙仔度mark底編號，佢就行開咗。之後試衫都算熟d，都有傾下計，不過佢唔會俾咩意見我著咩(或者可能係我無問)，可能佢都太新唔敢講咁多野卦。不過成個fitting過程都算愉快嘅。

total試咗6件WG。

(個頭試到癲婆咁亂，所以都係無樣算了)

***我不想在其他地方見到我的相片啊，請勿擅自轉載，謝謝***

WG1 - 未到唔好睇但又唔係"叮"一聲囉, 但條單膊帶攪到原本冇乜的身材更無睇頭

WG2 - 正面OKo架，但拖尾好plain

WG3 - 唔知點解著咗之後，條腰好似短咗幾吋

WG4 - 好長好靚的拖尾呀~~~可惜前面唔襯我

WG5 - 好鐘意D摺摺同釘工，個拖尾都好靚，但最衰佢唔係白色，係帶nude的香檳色

WG6 - 上半身齋咗d

呢度無一件係「THE ONE」(唔"叮"一聲嘅)，件件都好似爭少少，但都怕等得幾等連呢D都無埋，所以hold咗件先，搵到咪轉款囉。

你地又點睇?? 邊件好d?

by笨豬小慧simple

2011年3月14日(一)

book咗希臘女神租衫已經有大半年，但我一次都無去過試衫，連上去睇的衝動都無，真係懶爆呀~~~

大安旨意的我，過埋年先預約，估唔到咁爆，要等成個月先有得試。

終於等到試衫的大日子喇，今次的試衫團有：我(of cos la)、主人、媽咪、妹、伴娘。

total試咗6件WG、10件EG、2褂，另外媽咪試咗7件媽媽衫，試到9PM才完結!!! (累)

希臘女神D衫真係好靚，有好幾件EG都好鐘意，都唔知點揀。但我仲未揀到「THE ONE」，因為好多鐘意的款已經無期了，要再約時間試衫了。

不過，男禮唔太OK，好多有款嘅都無主人的size，真係要諗諗點算

成功偷拍咗唔少相(多謝妹妹幫我影)，私有化咗，想睇的JM私留我add你吧(只限有相有內容又攪緊結婚的BLOG友)

BY笨豬小慧SIMPLE

2011年3月12日(六)

其實要book的都book晒，所以今次主力去睇婚前檢查和陪朋友睇酒席(佢地plan緊2012年結婚啊~~~先恭喜了!!)

多謝miss chan chan的入場券，可以慳番$40

今次好多酒席的booth!!!!有d好似未見過tim~~似乎婚宴的錢真係好好賺，間間酒樓酒店都搶住做。

當然唔少得去譽宴的booth度八啦，都想知佢改名之後有咩變咗。菜單升晒呢，當然連帶價錢都升咗啦(不過間間都有加吓價啦)，真係好慶幸自己join得早。佢地除咗酒樓之外，仲多咗間專做婚禮事務的公司 - Uwedding，服務範圍好廣，有租婚紗、化妝、場地佈置、攝影、婚禮統籌等...............似乎譽宴真係想攪大佢。

最後當然完成任務book到婚前檢查，仲有好多野送。

護膚品係book婚前檢查送的，另外有支新出的BB chocola飲品，但唔小心俾我打爛咗Orz

行婚展的時間過得特別快，行下行下又幾個鐘了，咁就一個下午。

不過去埋今次，應該唔需要再去了

by笨豬小慧simple

因為工作關係，我要久唔久都會行下深水埗，未攪結婚時都無細心留意，最近發現深水埗有好多平0平的婚禮物資舖頭。

婚禮當日的紅當當野，鐵皮屋仔有得買，緊係平過金都多多聲啦。唔想返大陸摷，可以係呢度買。

呢2對香檳杯好靚呀~~~不過我用唔著。

花女小花籃，WOOO，又係好靚，我係"假"教堂行禮(證婚中心)，用唔用得呢？

利是封同貼紙，雖然無筍崗咁平，但都比金都實惠啊~~~買唔夠可以考慮係度補貨。

呢檔鐵皮仔真係小小身軀，五臟俱全!!! 仲有花炮、囍字貼、賓客留名冊、回禮package、毛巾、公仔、花瓣等等等等....................多到我眼都花呀

福榮街81號附近(玩具街)

朱義盛，好啱影pre-wedding用，一套有齊頸鏈、耳環、手鏈、介指，都只係$6X，抵玩到爛。

三村
南昌街67號
TEL：23659932

by笨豬小慧simple

話說笨小慧o既姊妹團於上年年尾已開始gather，主人亦不能再延遲啦(雖然已比佢地遲左成3個月有多)，3月份召開「兄弟緊急召集第一擊」。

正所謂朝廷不養餓兵，同時自知多「親家」o既我，做得我兄弟要有百分百o既覺悟。第一次gather就搵間不錯的餐廳，邊食邊飲。

lee間就係位於 朗x坊13樓的其中一間bar and restaurant，味道不錯。還可以在8:00前享受happy hour的優惠。是晚點了一支紅酒，不錯。

兄弟連伴郎一共有6位，唯其中一位兄弟因要番學要晚上才出現。大家互相介紹一下，說說笑笑，我大約講下當日個流程。包括當日集合地點﹑接新娘地點﹑回家安排﹑下午行禮地點及時間及晚宴的地點及時間等等。餘下的，都要之後才能再confirm了~~~另外亦大致講下果日邊個負責dee咩(分開頂酒部及遊戲部)，希望果日唔會被人隊冧左啦 >.<

有關當晚o既宴會內容，各位好兄弟亦比左好多意見我，亦分享下佢地參加人地婚宴時有dee咩surprise環節亦認為係touching o既可以借黎參考一下。我自己亦將我o既一dee想法講出黎，但具體內容細節及方向均未有定案。(由於笨小慧一定會睇，所以唔可以將內容細錄)

之後應該會有兄弟姊妹大集合活動，但宜家我概念上會想收番屋之後o係自己屋企攪house warming。因為咁樣可以攪多dee活動﹑遊戲。同埋如果大家時間唔夾，都唔會咁麻煩，可前後到場玩著先及傾住先，始終自己地方ma。

我的伴郎及4位兄弟 ^^

雖然大家有部份係第一次見面，但都好快就好融合，成晚大家都不停交流，話咁快又等到最後一位主角到場。之後大家就轉左去食個糖水~~~~~~就一齊去左一間叫「咀妙妙」o既糖水店。不過真係highly recommend大家 「唔好去」

，因為真係唔好食~~~~~~~之後大家又傾左個多小時，是日o既兄弟飯就咁完滿結束。(大家都好關心我們最大的福利 ^^，是吧，兄弟們!!!)

請留意右下角的就是我最後一位兄弟啦 ^^

~~~再次多謝咁多位好兄弟比面出席同幫手~~~

by醒目主人simpson (第一次打ja我，日後多多努力^^)

今日下午終於收到條淘寶姊妹裙!!! (等咗3日，等到頸都長)

就咁睇都幾好，不過一拎上手已經有好多不滿

不滿(一)：唔啱身

條裙可謂「前面誇啦啦，後面X喇媽」，正面睇唔算有大問題，但後面鬆到可以裝水。我俾佢的長度係未著高跟鞋時量度的，由膊頭剛剛到腳眼，fitting時著咗3吋高跟鞋，條裙竟然仲掂地，即係做長咗啦。

明顯見到條側骨走後(唔係對正胳啦底)，後面完全係離行離剌!!!

不滿(二)：布料差

一拎上手已經知道嶺野，塊裡布(底裙)好好好厚!!! 條裙即時硬晒，無晒飄逸感。相反地，雪紡太薄，d車骨位露晒出嚟，尤其個pad，現晒形，好肉酸呀~(下面張圖你就睇到)；雪紡布織得好疏，大力一扯就會爆線，有D地方穿咗D好細的窿(影唔到)

不滿(三)：手工差

cutting無腰，D骨位好硬，feel到側邊綱起晒；後中條腰帶唔對稱，歪嘅。用白色線"的"針，但手工唔好，太大針，又露晒出嚟，close-up一定穿崩。

好彩係裙入面有落橡筋帶，所以條裙鬆成咁都無sher落嚟。

唯一滿意胸前的縮褶算做得唔錯，夠平均，又唔算太少，有番D高貴feel。

腰帶我request要右圖的淺紫色(張色卡係賣家send俾我)，但成品變咗粉紅色。

同賣家理論，佢死都話個色啱，係跟色卡做，但我落單個時confirm好晒要淺紫色，賣家當時答我呢個色係淺紫，點知出到嚟唔同咗，佢就賴用手機影，有色差，我張fitting相都係用手機影，佢就賴佢部手機的相片質素唔好............你講晒啦，我仲可以講咩。

結論：

尺寸都仲有得改番好，但布料、顏色真係無得補救，當然，一分錢一分貨啦，接受唔到就唔好買。(或者可能我職業病發，對住件衫驗屍咁驗，先覺得有咁多問題)

呢位賣家的客服、發貨速度都做得好嘅，比預計中早咗發貨，客服亦有問必應，回覆快速。

「色差」都係大風險，除非你想order大路色，如米白、香檳金、粉紅色等，可以考慮訂淘寶，因為出錯機會少好多，要造其他顏色真係要諗清楚。

而我，80%會去百利訂造了，因為我想造dirty pink/lavender，怕出事

BY笨豬小慧SIMPLE

既然出咗投票結果，我緊係要快快手做野啦。

經過同賣家連日的溝通，終於order咗喇!!!

本來諗住買件現貨可以趕得及2月前睇一睇quality，再決定揀淘寶貨定百利貨，但，件現貨真係揀唔落手.................

現貨只得如下圖的紫紅色+香檳金色腰帶，仲要得M碼

顏色核突之餘，size又唔啱

所以我俾多RMB20訂造，可以造自己size，又可以揀過D顏色。

對住賣家send俾我的色卡苦惱咗幾個鐘，終於決定：

雪紡揀咗天空藍

色丁腰帶揀咗淺紫色

希望佢send俾我的色卡係無色差啦。

依家加埋運費唔洗$3XX，抵!!!

10~15日後有貨，好期待啊~~~~~

其實主人主張去百利訂姊妹裙，因為有間舖，覺得有咩事都有得追究，但淘寶的價錢實在太吸引喇!!!! 於是把心一橫，都係訂一條番嚟，博一博佢的quality。真係唔OK先再去百利訂囉，係會加價0架喇，點都唔會double卦，俾夠佢加20%都係俾多$200~$300，豪俾佢!!!!

而且，呢條裙我可以拎去麗江影pre-wedding用，都唔算浪費啦。

BY笨豬小慧SIMPLE

係facebook攪咗個「我最喜愛姊妹裙選舉 - 最後三強」，讓一眾姊妹們投票，選出她們最LIKE的三款姊妹裙：

多謝各位靚女姊妹的合作，比限期前早很多天已經完成投票了。

結果，有些出乎我的意料之外呢

：來自淘寶店精品坊的款式

全部姊姊都LIKE!!!! 即係呢款??? 大家唔洗錫住我荷包喎

今個星期我會買一條回來看一下quality的了。大家等我呀~~~~

：來自百利Rosita的直身裙

本來諗住呢條會大熱勝出，因為fitting個日幾個姊妹都話好睇，但最後只有4位姊妹喜歡啊~~~~

：來自百利Rosita的泡泡裙

估唔到連之前話 "唔襯自己" 的伴娘大人都揀咗，以為可愛款式無咁受歡迎，點知又有4位姊妹投票揀了。

依家麻煩的事出現喇，究竟我28號前去唔去Rosita落訂hold價好呢?? 但如果淘寶條裙好OK，咁落咗的訂可以點算?? 但淘得嚟，都可能過晒2月先收到條裙，咁到時條裙好唔掂，先再去Rosita訂造，咪眼白白睇住佢加價，俾貴咗囉???

究竟點做好呀??? 有冇人可以教下我

BY笨豬小慧SIMPLE