其實我一直想design屬於我們婚禮的姊妹裙，作為答謝各位姊妹的禮物也好啊~~而且坊間的姊妹裙都太普通呢~~~haha~~~如果可以，當晚俾我攪個fashion show就好囉

我的心水有：

choice 1 - 既可愛又華麗，而且做法簡單，交俾姊妹裙公司造應該都無問題。為咗各位姊妹著得安心，會加番肩帶!! 腰的皮帶改用色丁做吧。

choice 2 - 簡簡單單，simple but chic!!! 不過無乜身材的姊妹著咗可能會更無身材。

choice 3 - 女神feel，我buy呀~~~但胸大的姊妹著咗會似奶媽，唉乜咁煩ga。

choice 4 - 呢期好hit的款，初時都想整呢種，但呢排開始睇到厭，而且單膊款著唔到披肩。

其他choise>>>>

靚呀~~~但唔知做唔做得出?

要好多布，睇怕做得出都唔平

個大大的蝴蝶結好吸引

個d摺摺都好似唔錯

Marc by Marc Jarcob

唔知大家又點睇???

by笨豬小慧simple

姊妹團一早confirm了，只是主人朋友太多，有「選擇恐懼症」的佢，揀兄弟團都諗咗好耐。終於係上個月尾confirm埋!!

姊妹團

伴娘：Tammy

姊妹：Kristie、Winnie、暐昀、Cherry、Gaily

兄弟團

伴郎：Angus

兄弟：朱、Cyrus、Kenji、Antony、旋

多謝大家當日鼎力相助，小女子和主人無以為報。

by笨豬小慧simple

今晚約咗班姊妹團飯聚，所以一早起身，DIY咗張卡送俾大家。

*************************我是分隔線****************************

- 雲石紋卡紙
- 預先print好內容的白紙
- 銀色星星貼紙
- punch
- 喱士花邊
- 灰色絲帶
- 白膠漿

雲石紋卡紙、銀色星星貼紙、白膠漿係旺角中南圖書文具店買，呢間交具店真係咩都有，玩具、文儀用品、紙品，連專業畫具都有，真係你諗得出的都有得賣，當年讀design都係呢度擺底唔少銀両買畫具。

步驟：

1. 度好想要的size，cut紙，組合是大、中、小。中size的紙用punch cut好四角，將白紙(小)套入。

2. 大size的紙預留空位，揸白膠漿，左右黐好灰色絲帶。再將(1)黐係上面。

3. 喱士cut走中間的花花部分唔要，只要邊位，揸白膠漿，上下咁黐係(2)上面，要遮住接口位。

4. 隨意貼上銀色星星，攪掂!!!

呢張卡是我的小小心意，要多謝各位好姊妹肯出心出力幫手小妹的大日子，雖然手工有d粗糙，也請笑納

by笨豬小慧simple

其實呢篇唔係D咩新野，反而係我第一次做姊妹時所著的裙，由於強差人意，絕對可以做日後揀姊妹裙公司的反面教材。

事發已經係年幾前的事，係金都邊間買已經唔記得了。呢件衫係度身造，新娘自已design，布料、車裁由姊妹裙公司提供。

首先，度身已經好求其，把尺唔啱位，又無拉平拉緊把尺嚟度，話晒姊妹裙都算貼身，咁度法，出嚟的尺寸，一定唔準。

試身的時候，發現有鬆，店長都話會改。收好之後就拎回家，我有試著。

都算一切正常，係背脊近pat pat位起角，因為塊裡布同面的雪紡布車埋時無鋪平所致，明顯係車工問題；加上鞋鞋地的雪紡，望落無咩高貴feel。不過唔洗我錢，算喇

另一個手工問題，就係裙腳，色丁部分的裙腳，竟然係用朴黐埋的!!!!好似小學生勞作堂咁，真係好兒戲!! 又係因為咁，個裙腳好硬，攪到條裙個shape好怪，D波浪好假，無晒飄逸感。

新衫買番嚟，我都有個習慣洗一洗先著，衛生好緊要嘛。點知，真係洗咗就出事，影上面張相時都算fit，洗完之後，唔知係唔係背脊D橡筋鬆咗，件衫好鬆，又因為係綁頸款，背脊塊布一跌，就係咁走光。

我初時以為因為我瘦，所以先晾唔起件衫，點知當日個個姊妹條裙都跌(大家的身型係高矮肥瘦都有)，個個結果都要黐膠紙!!! 可想而知，度身、用料係幾咁流。

件衫本來諗住做姊妹著完，到我妹妹結婚個日，我又可以著多次，慳番唔洗買衫。唉，著咗一次就勾爛咗喇

而且，原來呢件裙，盛惠$3XX!!!

度身、手工、布料，通通唔合格!! 已經唔係價錢問題咁簡單，係唔專業!!! 如果俾人知我做fashion designer畀D咁嘅質素的姊妹裙班姊妹著，真係拆自己招牌呀!!

所以，未攪結婚前，我已經同自己講，打死都唔幫襯金都的姊妹裙公司，親身試過，無謂搏。

以上純粹個人經歷和意見，如果大家曾經遇過好好的金都姊妹裙公司，歡迎回覆share吓，我都唔想人地因為我呢篇文攪到無得撈呀。

BY笨豬小慧SIMPLE

公司有同事月尾結婚(先講句恭喜晒!!)，呢排又搵緊姊妹裙公司，就問吓佢個D係邊度造，就係旺中呢間。

Mix Square Fashion
地址：旺角彌敦道688號旺角中心3樓T70A
TEL：34279273 / 92722790

間舖係兩側位置，夾係云云賣衫舖的中間，門口又亂糟糟無咩裝修，真係好易miss咗。衫款、質地比金都好但又未到百利的質素，但勝在平!!

短裙$15X、長裙$25X，分S、M、L碼，只賣現成款，不接來樣訂造，如果無貨可以幫你訂，要1個月前通知。

雖然唔係度身造，又無得整自己design的款，但單睇價錢，真係平通街呀~~~我都唔知有邊度可以平得過佢，就算唔包改(因為笨死慧唔記得問)，自己加錢出去改，都仲有找!!

另外個d姊妹裙配件，好似手袋、毛毛披肩都賣得好平。

如果對姊妹裙款式無咩特別要求，或者想同色唔同款，呢間舖係個唔錯的選擇。

by笨豬小慧simple

今日收到MUA Bithia Lam的通知，佢終於開咗Yahoo blog喇!!!

http://hk.myblog.yahoo.com/bithia-lam

以後佢的MUA job都會係度登出來，應該我BD的相都會係度出現呢

Bithia，祝你 生意興隆!! 接job接到手軟!!!

by笨豬小慧simple

話咁快就倒數一年了，真係光陰似箭啊~~ 仲有好多野係紅字(未完成)，要加把勁喇!!

陪朋友去太子聯合廣場睇衫，無意中發現有2間姊妹裙公司。

Fun衣縫舍
地址：聯合廣場1樓174室
TEL：2381 7569 / 6541 7979
網址：www.fundress.net

呢間好似都算出名ga。但舖頭門口好細，行唔到入去，d衫笠晒膠袋，完全睇唔真係咩布料咩款式。唯有上網睇款啦，嗯，都係正正常常出面會有的款，睇相手工布料都ok嘅，百利質素啦。

長$399、短$299，5件起，度身造

價錢比百利仲要貴，所以，唔幫襯佢lu。

W‧S
地址：聯合廣場2樓169A舖
TEL：3580 1049 / 9843 0119

又係好細間舖，入面已經迫滿人，所以只係好rough咁睇咗d衫一次。款式又係普普通通街會見到個d，布料手工就好一般，同金都的質素差唔多。

長$399、短$299，6件起，度身造，不包披肩。來樣訂造價錢另議。

貴咗D，質素又未到very good，算罷。

行完，又係得個吉，但都好，即係太子呢邊的姊妹裙公司唔洗諗，唔啱心水

by笨豬小慧simple

似唔似樣呢？

其實唔係我畫ga，係响facebook一個叫「dtac one D.I.Y.」的software整的。

http://apps.facebook.com/dtaconediy/

有興趣的朋友都可以整番個啊~~~好好玩

by笨豬小慧simple

揀相的心路歷情請看：http://hk.myblog.yahoo.com/simpsonsimple1120/article?mid=964

因為平日無咩人，因為好早D職員未訓醒，因為醒目主人好醒幫我用身體擋住sales們的視線，我成功偷拍到好多相呀~~~

影得麻麻地，所以揀得好辛苦。

***我不想在其他地方見到我的相片啊，請勿擅自轉載，謝謝***

捨棄區

難得影到我身材咁好，點知主人塊面太側，又唔知點解蹲底個人嚟企，攪到矮咗成截，OUT!!

呢張影得好好ga，已經揀咗tim，點知翻睇時見到我走光!!!!緊係OUT啦。

pose、笑容都好靚，不過條橋同個人好似上下拼埋咁，怪怪的，OUT!

同上面個張有同樣的問題，而且我擺pose擺到硬晒，主人又嚟假笑=.="

究竟影個景？定影我的下巴呢？

呢張影得幾好ga，最衰個心心多咗舊日字形的野，又唔想加錢執走佢，唯有OUT喇。

保留區

公仔主題房係我地揀得最多相的場景，呢張相大家笑得既開心又自然，GOOD!

呢張係唯一係鋼琴景的死淨種，睇唔到樣反而仲有feel。

呢張係我地成輯相最滿意的一張，但，又係無樣睇........

BTW，Mona Lisa影得好standard，無咩驚喜，又未到好醜樣，只係無令你「嘩」一聲非買不可的感覺，所以，我地的荷包先無失血，可以全身而退，都唔知係好事定壞事。

BY笨豬小慧SIMPLE

今日是第3次入馬灣了，目的就係揀相!!!

等咗成個月，真係好心急呀，又好緊張喎。唔知影成點呢？如果一陣D相太靚，揀唔到，會唔會買相買到破產呀？定係會唔會被人勁sell，唔耐煩之下join咗D勁貴的plan呢？

好多好多的未知，就係11am揭曉!!!

sales姐姐帶我地去部電腦後，就俾我地自己慢慢睇相(so good!! 可以偷拍，hoho)。

有大約100張相，我地要揀12張出嚟。

一睇，我地已經知道，今次荷包有救D相無想像中影得咁好，當日攝影師教的pose，影出來效果原來一般般呢。又有好多相，就係大家表情動作唔夾，我影得靚時主人就假笑，佢chok樣好靚仔個時，我又俾個蠢樣出嚟，唉。又幾張衰到我影正面靚女相，主人影咗個頭頂!!! 再唔係拍攝角度唔靚，多咗D background，攪到張相構圖怪怪咁；仲有D，咪係我穿崩囉。

第一個影的bar枱景，由於大家都未warm-up，張張相的表情都勁假，一張都無得留底，OUT!!! 之後的景都係得1、2張揀得落手........

所以，唔洗半個鐘，我地已經foul咗2/3的相了。最後，煩惱的竟然係唔夠數，要係捨棄區摷番D遺照出嚟，咁先夠數jar，估唔到揀唔落手都係一種苦。

結果，12張相入面，有3張係唔見樣的側面、2張我的單人照、其他有半身至全身的standard正面雙人相囉。

之後sales姐姐過嚟，幫我地揀5R、8R和12"油畫要的相。可能我地細聲講大聲笑，都知我地唔係太like今次的相，所以sales姐姐都無sell我地，但佢仲好好笑容咁serve我地，一D都無黑面，仲同我地有傾有笑，我地真係好幸運呀~~~

最後，我地加$100速遞去屋企，唔洗再千里迢迢去馬灣拎相。YEAH!

走的時候只是12:00!!! 玩咗1小時jar，揀相仲快過食生菜!!!

4個月後就有成品了，唔知整起又係咩樣呢？

我依家反而擔心我地呢對木頭公仔，去到麗江影相，會唔會又係影成咁ga，又衰係「你靚時我又唔靚」的相上面呢？唔好咁呀~~~~我唔制呀!!!

回家train吓主人的笑容同pose先，假笑同chok樣同我bye bye

想睇偷拍相的就ADD我啦^ ^

BY笨豬小慧SIMPLE

今日check email先知，彩福皇宴send咗封email俾我，內容係話：

「彩福皇宴由2011年1月1日起正式改名為譽宴集團U Banquet，………，由於不再使用彩福皇宴之名號，為保障貴客之權益，原有合約仍可在譽宴集團所有分店繼續生效，………」

改名!!!!!好大件事喎!!!!

其實book之前都約略聽聞過彩福控股和彩福企業的正名問題，現在是彩福控股要改名，希望人事、服務、場地、食物各方面的水準未受影響啦。

改咗都好嘅，兩個名咁似，都怕d親戚朋友攪錯。(我自己book場的時候都攪錯咗)

不過，「譽宴」呢個名真係有點兒................................唔好聽囉。

希望手揸舊合約的我們，和你們，都一切順利啦！

by笨豬小慧simple

今月進度：

終於搵到MUA化奶奶和媽咪喇，即係話佢地兩老的裝身工程已經攪得七七八八，我又更加安安樂樂。

註冊的事已經confirm了，決定在奇妙姻典的幸福小教堂行禮，律師、用具、登記手續全由奇妙姻典安排，煩少好多野呢~~~

8個月尾去了MUA Bithia Lam的化妝班聚會，玩得真係好開心呀~~~諗諗吓，好唔好搵Bithia幫我化奶奶外母的妝呢？

呢排終於的起心肝再contact Bithia，問吓有冇化過媽咪妝，原來佢有接過呢類job，佢仲send咗d客樣俾我睇。

(未經相中人同意，所以我唔po佢的正面相了，有意睇妝相的jm請的留email，我再貓俾你地啦)

都ok呀，Bithia話，如果奶奶外母想，再化濃d都得。

去完佢的化妝班，見到佢的用具、手勢都好專業，而且價錢啱budget，所以就book佢幫我化奶奶外母了。

$350/位，晚宴(一妝一頭)

雖然唔係d咩熱門MUA，但自己試過妝，信心都多d。因為咁細單生意，我都怕搵出名的MUA，佢搵到其他大job會甩底，又怕幫襯金都/百利的化妝公司，佢見細單野俾個學師仔我，所以Bithia肯接job我真係好開心。

Bithia Lam的Yahoo Blog - http://hk.myblog.yahoo.com/bithia-lam

又攪掂多一樣，依家奶奶外母的扮靚靚project攪掂得七七八八，我又再安安樂樂了。

我當日化妝班試的妝^ ^

by笨豬小慧Simple

因為證婚的事，傾到大家面紅耳熱，吵咗幾鑊，幸好最後大家都可以互相理解，達成共識，決定在奇妙姻典行禮，多謝主人又俾豬仔任性一次。

奇妙姻典的幸福小教堂真係好靚呀~~~

可容納80人，連企位就100人，$3688租用30分鐘，包律師和司儀，再加$305擬結婚通知書登記費和$150行政費，總費$4143。

新娘房

幸福小教堂外的影相區，限時內影唔晒，可以係呢度補影。

receiption旁的待客區

教堂外備有畫架擺油畫

行去另一個小花園證婚主題的走廊，都好靚呀~~~但小花園比較細，佈置又無咁靚，所以無揀到。

原本的冠冕堂堂廳變了酒會場地，但我地book了4pm行禮，攪掂晒就直接落酒樓，所以唔book cocktail了。

證婚呢part終於攪掂，雖然波折重重，不過學習到婚姻真係需要互相尊重、互相諒解、互相遷就，才可以長長久久。

希望各路好友，可以俾面出席，一同見證我倆的重要時刻!!!

其實book咗之後，主人都有微言，都嬲佢個句「你鐘意咪得囉」，但原來佢係擔心證婚時無咩人到，我會好失望，知道佢反對的原因是為我著想，之前的嬲都無晒啦。
最攪笑係，上星期主人突然同我講，其實我地另外攪行禮都幾好呀，事關佢去完同事的婚宴，親眼目睹係酒樓證婚係.........................好趕ga!!!

BY笨豬小慧SIMPLE

最近病到五顏六色，今日精神D，back day番D大件事先。

21/9/2010

終於拿到了我們的結婚介指!!!!

男 - $23XX、女 - $16XX @ 六福珠寶

之前睇咗幾間金舖，都搵唔到大家都鐘意的款式(主人唔想有石，而我又不喜歡太粗的介指，望落去太似不鏽鋼了)，真係無諗過會係六福搵到。最重要啱budget，話晒以後會日日戴，買太貴整花咗好肉赤咁嘛。

最開心係，sales李生真係好好傾，佢仲教我地要揀介指底部係光面的，因為將來要改大小和翻新，磨沙面個種係做唔到ga!!呢D野真係佢唔教我，我地根本唔識，之前睇咁多間店，都無人教過我地。所以我覺得李生好pro，真係「以客為本」，要係度讚一讚佢呀~~~

介指裡面刻咗我地的大日子。主人想刻埋名ga，可惜介指幼，唔夠位

諗起以後日日要戴住佢，就好開心了，心情輕飄飄的，好不真實啊。

by笨豬小慧Simple

今日完成咗我地第一輯婚紗相!!

第一個造型

我幾鐘意呢件珠片婚紗呢~~~

第二個造型

set緊頭，影底個makeup

主人的型仔造型

由11:30am玩到6pm才走，成個人散晒呀~~不過好開心好滿足

makeup：Clara

photo：Ivan

多謝你地的細心和專業，尤其Ivan，非常有耐性教我地2個木頭公仔擺pose，真係少D心血都影唔成，辛苦晒。

晏晝掛住影相都無咩落肚，影完就去了葵芳新都會的韓食家開餐，2個人竟然食得晒以下3大碗美食!!

韓式蕎麥冷麵，第一次食，個汁加泡菜一齊食，酸酸辣辣咁，一流呀

人蔘雞湯，勁有蔘味，正!!

迷你牛肉石頭窩飯，估唔到咁大碗，仲難得跟足有埋甜辣醬撈飯，好好味

埋單只是$103，好好味，又夠正宗，真係好抵食呀!!

一個月後睇相，唔知影成點呢？好期待成品呀~~

by笨豬小慧SIMPLE

今日完成咗我地第一輯婚紗相!!

又開心又難忘，快D記低佢先

過程

原本約好10:30am，尋晚8pm左右Mona Lisa打電話來說想改11am，當然無問題，晏D仲好，我地由大埔去馬灣真係好遠，晏少少起身仲好啦。

8:30am起床，9:15am落樓下大家樂食個豐富早餐，因為都知中午未必有時間有心情食lunch，早餐食飽D先。10am出發，火車轉地鐵再轉NR332，今日唔知點解特別多人搭港鐵，上上落落花了好多時間。11:30am終於到馬灣了!!

去到立即有人帶我入房化妝，由美女Clara負責，而主人就去咗換衫。Mona Lisa仲安排咗locker俾我地擺野，不過我地帶的喼擺唔落，唯有放係地下，手袋先鎖入locker。點知主人唔記得拎鎖匙，好彩職員幫我地拎番jar，HAHA，我地倆個好矇呀。

化妝大約1hr終於攪掂，可以換衫喇，首先著A-line珠片婚紗。換好衫就行番出房set頭，攪掂晒都差唔多1pm了，主人等到訓著幾次，HAHA。攝影師Ivan已經等咗好耐，但我肚餓，所以一邊食餅一邊同佢傾點影，真係唔好意思。

首先影bar枱景，我同主人都未warm up，成對木頭公仔咁，笑容好生硬呀~~~~~係度影咗好多相之後，我地就轉去另一間房，入面有幾個唔同主題的牆，主人影完公仔之後，就無咁僵硬啦，開始影得好smooth，而我因為細時做過吓model仔，擺擺吓pose都記得番點影會靚，所以係呢間房好快就影完喇。

之後就換另一件有鋼紗的婚紗，主人就改咗著背心，當換咗衫囉。我地去了一間有張白色梳化和白色牆的房，影咗一輪就轉去影鋼琴。本來Ivan想我坐係琴上面，但條裙太冼，坐極唔穩，影咗一張呢個pose就算了。大約5pm左右，我地就出露台影，影了藤枱仔、心心架、帆布床，但無影水池韆鞦，有d可惜呢。

5:30pm左右影晒，Clara幫我抹走D勁濃的紫色眼影，變番個正常人咁走，就咁出街一定嚇死人。

6pm，攪掂，收工!!

感想

化妝師Clara和攝影師Ivan真係好細心又專業，無因為我地係免費單而偷工減料，落足120分力，好抵讚!!

主人今日都好抵錫，等咗咁耐又無黑面，又識得係我轉妝時拎餅俾我食，影到成面汗都無怨言，你的默默付出令我好感動呀~~~~真係覺得你比以前更加錫我不過主人擺pose的時候好攪笑，成日左右調轉晒，塊面又唔知另邊好，係唔係好緊張呢？尤其擺鼻貼鼻pose，大家都要忍笑，又要定格，真係好難做，但主人都好努力配合，辛苦晒你。

有鋼紗的婚紗真係好好好重!! 好似有千斤力聚晒落條腰度，尤其做拗腰動作，真係要出好多腰力!!! 同埋唔知係唔係又瘦咗，上次fitting明明好啱身，今日著2件衫，2件都sher落嚟.........=.="

小貼士

1) 帶齊所有不包事項，免得無辜消費。
2) 帶D餅乾、麵包等乾糧，影到肚餓時可以食少少，頂一頂。食得落又食得快可以叫職員幫你叫茶餐廳外賣，但我地影到無咩心機食lu，所以無叫到。
3) 著件易除的衫，我就著了沙灘長裙，因為化好妝才換衫的，免得整化個妝。
4) 新郎最好gel埋頭去，或者自己帶gel頭用品，個度得spray，唔係好啱男仔gel頭用。
5) 如果想用花做頭飾，要自己帶，佢地無絲花/鮮花做頭飾，最多得白色的假花，做唔到花仙子效果ga。

想睇花絮就告訴我ADD你吧。

BY笨豬小慧Simple

明天就影pre-wedding，最後check多次有冇買/帶漏野。

取消咗黑色西裝，主人改著背心，另外唔帶公仔去影喇。所有野都ready!!!pack喼，做mask，訓覺!!

by笨豬小慧simple

嚟緊的星期一要影婚紗相喇，唔想再洗錢，花球緊係DIY。

參考日式花球的設計，米色加淡粉紅，應該咩衫都襯到卦。

大家覺得點？好似無咗塊深綠色大葉好D喎

材料都好簡單，絲花、膠紙、鐵線，加埋約$100，DIY真係慳唔少呢