簡單就是愛 - 笨豬小慧simple's blog

2011年9月5日(一)

9月喇，結婚旺季就到了，趁仲算多衫係婚紗舖，約埋兩個媽媽睇多次衫，睇吓要唔要轉款。

玩咗3個鐘，finally只有我轉咗一件晚裝，haha。

依家所有禮服confirm晒，只等婚前一星期再去fitting和揀首飾。

又攪掂一樣野，yeah~~~~

照片private咗，只限blog友觀看，婚後會open番^^

by笨豬小慧simple

yeah~~~~終於等到再有photobook的團購了!!!

留住最美畫面：$138 於 JS Photobook 購買 1  套 A4 DIY 相簿 + A5 相架連相片 + $50 現金券，或 $248 購買 2 套；$208 購買 1 套 A3 DIY 相簿 + A5 相架連相片 + $50 現金券，或 $378 購買 2 套；$168 購買 1 套 DIY 個人面試冊 / 結婚 / 家庭紀念冊，或 $298 購買 2 套，包拍攝服務連執相 (總值$1310)

賣點

照片就像記憶一樣，總是會不停拿出來翻閱。你在人生不同階段裡留下的倩影，會怎樣將他們永久保存？就以今日的 Groupon：$138 於 JS Photobook 購買 1  套 A4 DIY 相簿 + A5 相架連相片 + $50 現金券，或 $248 購買 2 套；$208 購買 1 套 A3 DIY 相簿 + A5 相架連相片 + $50 現金券，或 $378 購買 2 套；$168 購買 1 套 DIY 個人面試冊 / 結婚 / 家庭紀念冊，或 $298 購買 2 套，包拍攝服務連執相 (總值$1310)

JS乃是一專業印刷團隊，有 20 多年印刷及製品經驗，銳意發展數碼印刷及 DIY 個性產品，其中 photobook 是他們將不遺餘力，創造潮流的產品。JS 以快捷，高質素的印刷設備 (hp indigo press 5500)，以及累積 20 多年的釘裝技術，為你親自製作你獨有的產品，定能滿足你們的要求。

細則

• 優惠券由2011年9月19日至2012年4月30日有效
• 適用於星期一至六
• 可自行取貨或工商業區速遞服務 (不包括機場、離島和偏遠地區)
• 拍攝服務須2星期前致電預約並提供優惠券編號
• $50現金券適用於所有軟件製作產品，有效期至2012年9月30日
• 請留意條款及細則

$138 購買1套 A4 DIY 相簿 + A5 相架連相片 + $50 現金券 (價值$494)

 或

$248 購買 2 套 A4 DIY 相簿 + A5 相架連相片 + $50 現金券2張 (價值$978)

或

$208 購買 1 套 A3 DIY 相簿 + A5 相架連相片 + $50 現金券 (價值$590)

或

$378 購買 2 套 A3 DIY 相簿 + A5 相架連相片 + $50 現金券2張 (價值$1170)

或

$168 購買 1套 DIY 個人面試冊 / 結婚 / 家庭 A4紀念冊 + 拍攝服務連執相 (價值$660)

或

$298 購買 2 套 DIY 個人面試冊 / 結婚 / 家庭 A4紀念冊 + 拍攝服務連執相 (價值$1310)

拍攝服務安排

• 使用拍攝服務前必須在2星期前致電預約
• 拍攝時間15分鐘
• 拍攝10張照片可選最多5張，如加相每張$30
• 拍攝場地於JS Photobook 影樓拍攝
• 不限人數拍攝
• 套餐不包括化妝及做型，需自備服裝 
• 拍攝後即時可揀相，包執相等後期製作  

Photobook詳情

• 相簿連封面封底共40頁，內含36頁，如選相片封面,連封面封底最少可印刷38張相片，可選質感花紋紙或相片封面
• 紀念冊連封面封底共8頁，內含6頁，如選相片封面,連封面封底最少可印刷8張相片，可選充皮紙或相片封面
• A5相架將選取內文首頁之相片，如超過一張，則由JS PHOTOBOOK決定
• 收到優惠券後，顧客可自行登入www.js-photobook.com，依指示下載 JS Photobook 軟件，並透過軟件自行製作相簿
• 相簿及紀念冊可自由加版（以4頁為一單位，每加4頁費用為$20港幣。紀念冊以4頁為一單位，每加4頁費用為$30港幣
• 相簿製作時間約14個工作天
• 可自行到JS Photobook辦公室取貨，或選擇免費工商業區速遞服務 (機場、離島及偏遠地區除外) ，另加 $10 可安排郵遞掛號送件 
• 加頁數及運費須於 JS Photobook 軟件內以 PayPal 支付

聯絡電話：
3997 1741

過大禮已經告一段落，可幸都算順順利利，但並不算順心順意。

因為呢排媽咪同d親戚反咗面，我的過大禮唔會好似妹妹上年咁請食飯，媽咪初時仲發爛話預咗我BD當日出門無人嚟飲茶，什至連女主家吉晒，佢都唔希罕。

我當時真係好唔開心，傷心到喊!!

媽咪你係唔係想揀我大日子同佢地開片玩野呀?? 咁我點呀? 其實你有冇諗過我的立場呢??

雖然話唔請食飯，但通知人地一聲我過大禮喇(即係準備收炸彈)，禮貌上都係應該做嘅。

但得到的答案係，d親戚都唔讓步，堅持要我媽咪上門派帖，仲要道歉!!! 否則，佢地唔會出席我的婚禮。

哈哈~~~係唔係玩野呀???

廿幾年的恩怨，都好難講邊個啱邊個錯，要媽咪單方面道歉，真係有d過分!!! 我亦唔想因為我的婚禮要人出席，就委屈媽咪。

依家都好嘅，班親戚早d話我知唔到，總好過BD當日先放我飛機，依家仲有時間俾我慢慢安排個seating plan和guest list。

touch wood女家主家坐得半圍人囉，蝕唔起咩。

前幾日仲打電話俾我，探我口風係唔係媽咪會親自派帖俾佢地，呢回我「拖字訣」，實行「皇帝唔急太監急」政策，耍番班衰親戚一輪先算。

其實帖我一定會派俾佢地，派餅食飯個d我都會做足，媽咪唔做咪我做囉，至於佢地點諗，佢地嚟唔嚟我都唔care了，我只可以做好本份，問心無愧!!!

諗通咗之後，個人輕鬆晒~~~

by笨豬小慧simple

今日要過大禮!!

擇咗吉時中午12點，主人和未來姑仔(即係主人細妹)上我屋企。我就去咗酒樓搵位飲茶。

我的過大禮係超簡易版，應該都無咩人可以求其過我。

只有果籃+禮金盒

我開心得制，訂得太大個果籃，wakaka，拎死主人了
揀咗8種生果
- 富有柿 X 2
- 水蜜桃 X 2
- 火龍果 X 2
- 楊桃 X 2
- 金三角柚 X 2
- 提子 X 2
- 富士蘋果 X 4
- 橙 X 4 <<<事後先知唔可以有橙ga~~wakaka(點解呢??)

一個現餅餅都無，全用餅卡

因為臨近中秋，怕d人又嫁女餅又月餅會食滯，所以派餅卡算了，鐘意幾時食就幾時換餅。

其他過大禮用品，就一封「包羅萬有利是」攪掂。

回禮都係一封「包羅萬有利是」算了。

過大禮順順利利完成~~

d生果好新鮮好好味，媽咪食得好開心好滿意啊~~~

因為買得太多生果，人地派餅我變咗派生果，要分d俾人幫手食

可以開始炸人了!!! 但d帖要入伙後先得閒攪=.="

by笨豬小慧simple

(百日宴已過，可以blog吓我的invitation cards)

係淘實買咗喜帖之後，就不停咁試整內文的稿。

試咗好多個version，字粒執完又執，又印衰咗好多張珍珠紙(好彩我買多咗)，終於完成!!

揀得紅色喜帖，當然內文印中文啦，但原來d用字都好複雜=.="

好彩網絡世界資訊發達，好快俾我搵到參考資料>>喜帖小知識

原來主人雖然係大仔，但因為家中得佢一個男丁，都係叫「小兒」，而且上有高堂，老爺的名字上面要加上「承慈命」。

因為我屋企的關係，我個名落唔落姓都諗咗好耐，好彩有嫁咗的妹妹做reference，最後都係加番個姓好d。

原來，寫帖都有咁多學問。

成將帖都係我一手一腳用AI畫圖+排版，尤其我地的Q版公仔，畫口咗3日咖~~~真係筆筆有血有汗。

一早打算拎D珍珠紙去影印店印黑白色算了，一來平D，二來珍珠紙+燙金字應該仲衰(媽咪話D字太淺色，會睇得好辛苦)，但原來要搵間影印店肯幫我印都唔容易。

初時打去一間影印店問價，佢答我來紙印都要$1/張!!! 嘩，唔係化，俾埋紙又唔包送貨齋出墨你都收我咁貴!?真係好過去搶。

之後再去旺角中旅對面的一堆影印店問價，又真係間間都開呢個價，唉....都唯有死死地氣俾錢啦。

到真係拎紙去印，十間有九間都唔肯印，因為我內文紙唔係A4 size，仲壓埋摺線，間間怕jam紙都唔肯印，個吓真係好想打爆佢地個頭!!!

好彩最後搵到間肯試印，但就做唔到黑白影印，要改用彩印但印黑白，我都是旦了，總之印到就得。呢間影印店service好好，老闆娘初時都話唔知印唔印到，要試吓先，佢用d白紙cut做我的內文頁的size去試印，最後先問我拎紙試印，出嚟效果好好呀~~當然無jam紙啦，對位又啱，d墨摸上手都無甩色(我係公司用laser print會甩色呀)，而且價錢平咗，$0.70@，good!!! 真係「騫翁失馬，焉知非福」，仲要唔洗等一日，即時印晒300張俾我。

內文印好晒，就要開始DIY帖了~~~嘻嘻

by笨豬小慧simple

救命~~~得番3個月咋

今個月主力攪小小小豬欄：北上訂造傢俬，另外買了梳化、餐枱。傢俬就七七八八，開始要張羅各式家品了。

印好了帖和觀禮邀請卡，現在努力加少少DIY中。
只餘下少量DIY要做，加油呀~~~~~

honeymoon終於有定案，但9月中才可以報團，又要等....

嚟緊要攪最煩人的guest list了。

呢個靚靚筆筒唔係我的DIY，而係金絲雀親手整ga~~~~~

小慧真係受寵若驚呢~~~

多謝mc win啊~~~

一直都諗住求其搵個玻璃樽裝簽名筆，依家有咗呢個靚靚筆筒，即時成件事upgarde晒。

等我快d DIY簽名筆，插滿呢個充滿祝福和愛意的筆筒。

by笨豬小慧simple

(百日宴已過，可以blog底我的invitation cards喇)

BD有分上下半場，上半場就是於拉斐特的行禮+註冊。

由於已知當日有唔少朋友未能出席飲宴，只可以來觀禮，所以預備了邀請卡。

最終揀咗去e-print印，一來真係平靚正，二來公司附近有分店，方便我去拎貨。

自己用AI畫的稿，花了3天終於完成，都ok啦。

成品：

幾乎沒有色差!!! 字體、公仔、人像也夠清晰

wedding logo做了燙銀，效果不錯呢~~~

e-print真係平靚正!!! 非常值得推介!! http://e-print.com.hk/

尺寸：155mm X 90mm
紙質：260gm過啞膠雙粉卡紙
印刷：四色雙面
費用：$150/300張
加工：5cm X 4cm 燙銀 (+$80)
睇稿：+$10

首先打電話去客服quote價，好快就有人接電話，唔洗5min就報到價俾你，效率好快。

我選擇了網上下單，落order之後，upload AI file，之後就等佢再報一次價，我加咗$10去門市睇稿。稿攪掂咗就會有sms和電話通知你去睇稿。

我睇完稿後就直接係門市用EPS full pay(其實可以先俾訂，等取貨時再俾尾數，我只係費事分2次俾錢je)

印好後又有sms和電話通知你去取貨。

成個過程都好快，我星期六晚落order+upload file，星期一睇稿+俾錢，星期四就有得拎了。

total只是$240/300張，平均$0.8@，真係好好好抵呀~~~而且服務好好，又快手。

成300張卡，抬返屋企都幾辛苦，我仲攪到扭親條腰=.="

by笨豬小慧simple

wedding logo的stationary真係包羅萬有呀~~~

今次到印名絲帶。

當然又係淘寶啦~~~(呢個moment不得不讚祖國的偉大，乜鬼都有得customize，令我的婚禮多d personality，但付出的money又少少少少少)

http://item.taobao.com/item.htm?id=3636733643

絲帶寬度：1cm
絲帶色：#54湖藍色
字體色：#01白色
數量：200碼 (最少要order 100碼)
價錢：RMB0.7/碼
運費：RMB10(內地運費)+RMB6(淘點集運)

total即是約$106.6，平均$0.53/碼，大約可以綁到365個蝴蝶結(估計每個蝴蝶結需要50cm長的絲帶)。

成品

絲帶的質地唔錯啊~~夠滑又唔硬，但又有一定的厚度，感覺很高級呢。

字體都算印得清晰，只是有時候我的天鵝小logo印歪了或者有d淡咗色，可能我揀的絲帶唔夠粗，應該要印1.2cm寬度的絲帶會好d。

交易流程：
25/7 - 下單
26/7 - 付款+confirm稿
30/7 - 成品寄出
1/8 - 收貨

又係快、靚、正!!!

by笨豬小慧simple

wedding logo第2項stationary就是燙金貼紙!!!

of cos又係淘寶啦~~

http://item.taobao.com/item.htm?id=9231465973

3cm X 3cm圓形燙金透明不干膠貼紙 RMB138/600個

連運費、匯率即是$188/600個，平均$0.31@，抵呀~~~~

成品質素都唔錯，沒有甩色、唔夠黐力等問題，只是有小部份貼紙甩咗出嚟，好彩seller俾多咗成70個，實夠數啦~~~

25/7落單，即日晚上send AI file俾seller
26/7付款
30/7印好+寄出
1/8 收貨

過程又是快、靚、正!!!

PS: 我初初都有諗鋼印, 但一諗到要自己"cup" 300張貼紙, 我放棄了 

by笨豬小慧simple

一直都心儀紅色的床單被袋做龍鳳被，但又唔想有囍字個d款，話晒平極都幾百蚊一套床單被袋ga~~用一次就唔用真係好浪費啊。

原本諗住平平地買IKEA的素紅色床單被袋，但上網check過size，雙人被袋是200cm X 200cm (90" X 90")，實在大過龍。

早前的casablance開倉，睇中咗leaflet上個套紅色玫瑰花紋的530針全棉床單被袋

可惜大埔的專門店賣晒了。

好彩我有20112011B2Bs，mc win幫我係元朗買到呀~~~super thanks to you

最後一套了~~~真係有買要快手!!! 盛惠$390!! 抵!!

真係好鐘意呢套「龍鳳被」，結婚用又得, 平日用都得, 得咗!!!

麻煩mc win幫我了~~~~仲要咁重由元朗拎去旺角俾我

加埋上個月係雅芳婷開倉買的睡之錦囊套裝($899)

依家有3套床單被袋了，夠晒替換了。

by笨豬小慧simple

整完姊妹手花，唔好俾佢停(個團DIY火熄咗好難著番ga)，繼續整埋長老襟花/手花。

一直都想用蝴蝶蘭整，終於係繽紛買到，可以開工!!

材料：
蝴蝶蘭 - $52
紅色波波花 - $12
絲帶 - $18
樹葉 - $0 (妹妹用剩)
扣 - $3
魚絲 - $10
11mm仿珍珠 - $10
___________________________
total = $60 ¸ 6 = 每朵襟花成本 $10
total = $45 ¸ 2 = 每朵手花成本 $22.5

(未計算鋏、綠色鐵線、綠色膠紙、熱溶膠鎗、釘書機等comment用具的成本)

又係cut好晒d parts，唔夠長個d用綠色鐵線駁長。然後紮埋一齊。

完成!!!

整住6個襟花先，應該有多(因為我都唔知咩人要用, 有材料就整晒先)

for兩位媽咪的手花。

由於襯花用咗我唔少時間，呢度整咗3個鐘，好累不過出嚟效果好好啊~~好開心

by笨豬小慧simple

其實上上的weekend已經整好，依家先有時間blog。

和兄弟襟花的款式相似，襯埋一set。個人覺得比兄弟襟花造得更好睇

材料：
藍色桔梗 - $24
黃色蘆葦花 - $8
絲帶 - $9
紫色花仔 - $0 (妹妹用剩)
米白色花仔 - $0 (妹妹用剩)
魚絲 - $10
11mm仿珍珠 - $30
________________________________

total $81 ¸ 6 = 每朵手花成本 $13.5

之前預先串好珠鍊(晚晚一路睇住《李祘》一路串的)，用闊4cm的絲帶包住(熱溶膠黐實)，方便等陣將花花黐係上面，比直接黐係珠珠上面穩陣好多，無咁易甩。(特別鳴謝Fanta教我啊~~)

首先將所有parts整好，然後好似工場女工咁黐黐黐就攪掂。先將d花花黐係托底的絲帶蝴蝶結上面，最後成舊黐落條珠鍊度。

黐膠花黐咗2個鐘，完成晒6個姊妹手花了。

戴上手都幾好睇呀~~~

希望姊妹們喜歡啦~~~

by笨豬小慧simple

自從有了my wedding logo後，我就計劃大大小小的wedding stationary，personal stamp係其中一項item。

香港整一個木印太貴了，我又向淘寶招手。

link：http://mancoo.taobao.com/

一個5cm X 5cm的定制印章只是RMB60!!! 除了自己畫AI交稿外，亦可以找seller幫忙設計。我當然選擇前者，自己識畫，自由度、創意度大很多。

seller服務很好，我上傳AI檔後，他立即出到稿，用旺旺即時confirm，就可以拿去造印仔了。

整個過程快靚正，今日下單，晚上confirm稿，明天開始造印仔，大後天就可以造好寄出，再隔一天就收到了。整個過程用了一星期。

質量都不錯啊~~

印的部份用透明軟膠造，雕刻的線條都很清晰，連細微的星星都好清楚，只嫌膠質易黐塵。木柄位都算好拎，打磨光滑，唔界手。

嘻嘻，點用就暫時保密，遲d你地就知了。

by笨豬小慧simple

我媽咪都算係潮媽，所以係好多婚嫁禮節上佢都唔太care(都好，變相我做少好多野^0^v)，所以佢買俾我的嫁妝都寧舍特別。

就係鑽石手鈪喇。

佢話龍鳳鈪只戴結婚0個日，唔抵，買鑽石鈪就多d場合用得著，仲話將來我有咩ball要去，都有d首飾戴吓，充撐場面

仲記得當日媽咪突然問我星期六去唔去街，我話無咩所謂，佢叫我陪佢去睇耳環，咁我就跟咗佢出街。佢揀完耳環之後，就叫我睇吓d鑽石鈪，當時我仲on居居咁以為佢想買俾自己，仲猛話咁貴買咗無乜機會用，點知佢話買俾我做嫁妝試咗幾隻之後，就揀咗呢隻幾好款又唔算超級貴。

依家諗番，其實媽咪0個日係唔係有心捉我出去揀款，又唔好意思，所以作咗個藉口呢

呢隻鑽石鈪係我地連場地都未有，婚又未求的時候就買了。當時相同價錢應該買到一對非常大體的龍鳳鈪。(媽咪，你又知我一定嫁得出??)

媽咪，多謝你呀~~~

真係好想戴住佢嚟行禮

by笨豬小慧simple

下單日：2011年7月12日
付款日：2011年7月13日晚上
發貨日：2011年7月15日
收貨日：2011年7月16日

運費(順豐到付)：$116

購買過程非常流暢，seller服務一流，購買前會幫我先確認夠數，又教我下單，因為套餐購買要分2次下單，我第一次下錯了，seller很好即時通知我更正，才不會延誤出貨。順豐也一如以往神速送到!!

包裝好好，用一個紙皮箱裝好，再有包泡泡紙，保證紙角不會撞崩；品質好好，燙金沒有丟色；數目有多無少^^

只是有十幾個信封有少少破了，幸好我買多了，都夠用。

係時候要攪攪個內文，跟住拎去印喇!!! 仲要留d時間造加工啊~~

相關閱讀：
淘寶帖 - 試買篇
淘寶帖 - 試買篇之收貨

by笨豬小慧simple

尋日因為有事去咗港島區，於是順手帶未來62去祥興度身。
(祥興地址：尋找男禮(1) - 祥興洋服 )

3:00pm上到去，一樣咁多人，等啊等，終於到我地度身，點知被三父子黨打尖!!! 我已經大大聲咁講：「e....俾人打尖tim」，都無反應!!! 真係可惡呀>^<凸~~~未來62又話可以等多陣，算，唔同d無品的人嘈=~=

等到3:45pm終於度身了。

白頭伯伯好攪笑，勁講話著佢的西裝就會做威威老爺，飲杯茶都醒d

未來62鐘情深藍色，揀咗呢款令身的深藍+白幼條子，隻料幾靚咖~

度完身，俾底$500訂，走得。應該2星期後可以fitting，到時又要麻煩未來62自己上去了，之後拎成品我地就會陪佢嚟。

by笨豬小慧simple

今個星期真係好忙，完成咗好多結婚task!!

星期二終於完成晒所有姊妹裙度身!!! 其實2/7已經帶了其中3位姊妹度身，另外3位就今個星期度埋身，正式可以拎D尺寸去造衫了。

最後揀咗呢個款

顏色造tiffany blue、腰帶+蝴蝶結就造米白色

拖咗勁耐的姊妹裙終於攪掂，YEAH!!!

2個月後就有得fitting，希望到時無咩大問題啦~~

可惜係，sales阿寶無做了，我好喜歡佢啊~~~

BY笨豬小慧SIMPLE

上次行完花墟後，我地已經決定用大埔的花店算了。

今日攪埋揀款和落訂。
(主人呢排好積極呀~~~花球呢個task係佢主動約我今日去攪ga，真係好乖啊~~)

揀咗呢款：

深紫鬱金香+淺紫桔梗+白小牡丹

package - 花球、新郎襟花X1、頭花X1 - $500!!!

價錢真係平通街呀~~~~~而且唔似旺角的花店，鬱金香要加錢，太好了

能夠用到我最鐘意的鬱金香，真係好開心啊~~~

地址：大埔寶湖花園街市D25-26地舖
TEL：26504315

BY笨豬小慧SIMPLE