今日的行程要去好多地方,又要換酒店,所以又係晨咁早的morning call,好眼瞓啊~~~
食完早餐後,就車咗去睇炭
![](https://googledrive.com/host/0B6sogRXKPwEvb1lQcTJzaVMybEE/EPc7oa3rxFakhS48zQqGyg.jpg)
我對眼好腫.............@-@
備長炭,好似有好多神奇功能:防潮、除臭、吸輻射、淨化.......
但,唔好諗住買,佢歸類易燃物品,上唔到飛機。
所以,嚟呢度,真係運吉..........
![](https://googledrive.com/host/0B6sogRXKPwEvb1lQcTJzaVMybEE/ABTDBCq1P7SkW4AeCJSqMw.jpg)
成間博物館都無咩好睇,反而呢碌樹咁高的備長碳好過癮 =p
![](https://googledrive.com/host/0B6sogRXKPwEvb1lQcTJzaVMybEE/GDhl6MpYERr0ngsuoDhuUw.jpg)
幫d婆婆團友蓋的印仔,haha,我手勢好好啊~~~無浪費我幾年吸印仔的經驗呢~~~
又坐咗一個鐘頭車,嚟到黑潮市場
![](https://googledrive.com/host/0B6sogRXKPwEvb1lQcTJzaVMybEE/FZLo2APJd4Qh.0GlpsxccQ.jpg)
![](https://googledrive.com/host/0B6sogRXKPwEvb1lQcTJzaVMybEE/FTz8lmAjzpd.Cl3c_UMFqg.jpg)
剛剛夾啱時間,睇到吞拿魚解體show (即係劏魚囉)
師傅勁好手勢,唔洗10分鐘就將條完整的吞拿魚劏開做一舊舊,手起刀落,手勢非常純熟。
佢一邊劏,一邊用日文講解,但我唔識日文,一句都聽唔明,好彩同行團友有一位日文教師,有人翻譯,hoho
團友同我講,劏魚師傅話呢條魚太細,今次無toro賣.............原來咁大條都叫細,O咀..............
現場有得即場試食呢條吞拿魚,不過我同主人都唔打算買,無謂貪心試食了。
睇完show,當然周圍八吓啦~~~~街市真係好多正野賣ga~~
![](https://googledrive.com/host/0B6sogRXKPwEvb1lQcTJzaVMybEE/wHoFrNmA3qrafjfzDmmH1w.jpg)
平都笑的新鮮魚生&壽司
大toro壽司2000yen有7件,$29一件!!! 平!!!
海膽刺身,5000yen有勁大板,而且super新鮮!!! (我係香港唔食海膽,變晒水,唔新鮮好鬼腥)
![](https://googledrive.com/host/0B6sogRXKPwEvb1lQcTJzaVMybEE/pyYyxkQbhFLjmC6NxK.fOg.jpg)
400yen有3隻蠔,嘩~~~抵到無朋友呀~~~仲有大大隻海老、蜆、帶子、魷魚.................
我見有好多日本人排隊買,然後去後面的food court坐底慢慢嘆,有埋爐俾你燒ga~~真係好方便!!
![](https://googledrive.com/host/0B6sogRXKPwEvb1lQcTJzaVMybEE/lFiG46YdmlQWJe2gGvcoJg.jpg)
(大家都係20111120結婚,仲又係住大埔tim~~~實在太有緣份了)
![](https://googledrive.com/host/0B6sogRXKPwEvb1lQcTJzaVMybEE/sR0Cgl2vcYTasAMW8nSAnw.jpg)
呢度盛惠7700yen,但真係新鮮到~~~香港食唔到!!
最勁係,板海膽係超多,鋪咗2~3層,第一次食海膽食到有膩的感覺!!! (仲要係4個人分的!!)
我自己覺得好抵食囉~~~hohoho
其實仲想食埋BBQ蠔,但接住就食lunch,自由時間又差唔多夠鐘,最後無買到嚟食>~<
(so sad, 早知就買啦~~你睇埋下面就知點解)
![](https://googledrive.com/host/0B6sogRXKPwEvb1lQcTJzaVMybEE/ABZPEgrGZ8JKicgo.8I_oQ.jpg)
(刺身船唔係我o地ga,係大埔之友加錢order的,但佢o地話差過街市o個d,好彩無order)
剛剛食完d正野,突然覺得枱面的食物唔多吸引,actually又真係唔算好味...........
早知,放棄呢餐lunch,自費係街市食到夠!!! >^< 依家勁後悔!!
![](https://googledrive.com/host/0B6sogRXKPwEvb1lQcTJzaVMybEE/LeC4T4b8qm0oPbD5m8xrvQ.jpg)
食飽飽,無野做,去咗附近的歐陸公園影吓相。
裝修到好似廸廸尼,但好鬼細,仲要收錢(我當然有免費入場券先會死入去啦),唔怪得無人行.......
![](https://googledrive.com/host/0B6sogRXKPwEvb1lQcTJzaVMybEE/IhnNqOFhNxlnCC3zNRVPPg.jpg)
去咗另一邊的蔬菜屋
![](https://googledrive.com/host/0B6sogRXKPwEvb1lQcTJzaVMybEE/fcRUx.7TkM8Q7ktAMr5esA.jpg)
d菜又平又新鮮,仲要係勁大棵!!!
大過塊面的大白菜、粗過小腿的大根!!! 成箱蜜柑只是4500yen!!!
![](https://googledrive.com/host/0B6sogRXKPwEvb1lQcTJzaVMybEE/7fdMmuMRcI8X_PIUbOyVCA.jpg)
JR和歌山站有shuttle bus嚟ga,都算方便呢~~~
又坐長途車,到達兵庫縣神戶市郊 - 有馬。(成個朝早仲係和歌山縣)
![](https://googledrive.com/host/0B6sogRXKPwEvb1lQcTJzaVMybEE/rt9KWzz69iv_2gT5C_Kvlw.jpg)
有馬係溫泉渡假區,2年前自由行同屋企人嚟過玩,感覺唔錯啊~~
金之湯係有馬出名的泉水,鐵質含量高,有助祛風濕,可以免費浸腳,行到累就去鬆一鬆^^
![](https://googledrive.com/host/0B6sogRXKPwEvb1lQcTJzaVMybEE/IItUwv0Irhtkj76vBKcxEA.jpg)
但我同主人無去浸腳,入咗去「玩具博物館」參觀。(要入場費的,但跟團包咗)
![](https://googledrive.com/host/0B6sogRXKPwEvb1lQcTJzaVMybEE/rl.NwhaHDGKBb8Hyaocz0w.jpg)
入面跟我想像有D唔一樣(我以為有古今中外的玩具睇到)
原來只是木製玩具的展覽................not my cup of tea
唯有帶主人周圍行吓,感覺一下有馬啦~~~(我2年前同屋企人行過晒,so我做帶路)
![](https://googledrive.com/host/0B6sogRXKPwEvb1lQcTJzaVMybEE/1OEtb0C7imwu0S_ZtyXsGw.jpg)
係有馬御苑溫泉酒店對面的公園仔,終於見到紅葉喇!!
![](https://googledrive.com/host/0B6sogRXKPwEvb1lQcTJzaVMybEE/E2s1u9jvP3_gMRI_s4fIWg.jpg)
雖然得好少好少紅葉,但「小橋、流水、紅葉」的組合,實在太有詩意了
嚟到有馬,有一樣食物一定要買!! 因為其他地方唔會有,唔買就走寶,手信自用都好一流的。
「六甲山麓牛乳」,250yen的1000mL紙盒裝,味道香甜濃郁,真係好好味ga~~~我一口氣掃咗2盒!!
有馬的行程真係好匆忙,都未行夠買夠,就要上番車,去下一個地方了Y_Y
又坐個幾鐘車,我o地到咗神戶市的市區喇~
![DSCN3138](https://googledrive.com/host/0B6sogRXKPwEvb1lQcTJzaVMybEE/ZCu.mU_NNnDu7Yab.FYULg.jpg)
嚟到已經係夜晚了(其實只是大約6pm左右,日本的秋天真係好快日落=.=")
![IMG_0409](https://googledrive.com/host/0B6sogRXKPwEvb1lQcTJzaVMybEE/JLbOMNE6xMjwTOls4LwGkQ.jpg)
(但我比較想係自由食時間囉..................)
![kinomo](https://googledrive.com/host/0B6sogRXKPwEvb1lQcTJzaVMybEE/tlxQMJ7NqFt2_jzI3rLSFw.jpg)
仲有唔少和布做的小配件,平平地買嚟做手信都唔錯啊
![weddingbear](https://googledrive.com/host/0B6sogRXKPwEvb1lQcTJzaVMybEE/I7rcj.lSGZN1OCaFPMc7mw.jpg)
發現一間專做wedding stationary的店,wah~~~d結婚熊熊好靚呀~~~如果我未嫁,真係忍唔到手>0<
![DSCN3123](https://googledrive.com/host/0B6sogRXKPwEvb1lQcTJzaVMybEE/_6pAnZvdtXnyGla_YR7Fhg.jpg)
發現DAISO!! (即是100yen店),可以安心放血喇~~~
呢度好大好大,超級多野買,手信入貨好地方!!
我o地買咗糖、茶包、馬油hand cream..etc..........
![porkbun](https://googledrive.com/host/0B6sogRXKPwEvb1lQcTJzaVMybEE/UwMifHC5C_3zJZfb4myM5g.jpg)
行到累,忍唔住想食野
日本的中華菜肉包,我見d上班族叔叔係度食,又想試吓
味道都ok ga~~杯茶仲有免費添飲,才180yen
![center1](https://googledrive.com/host/0B6sogRXKPwEvb1lQcTJzaVMybEE/KmZXNay2w8UXUC1Ad5lBZg.jpg)
商店街其實有好多食肆和小吃店
神戶牛dinner set才3900yen!!!! 真係好想食呀~~~~
還有燒餅、TAO燒(我估係加咗蛋的祈福饅頭)等等等等,我想要自由食時間呀>^<
買完,導遊帶咗我o地去海邊,睇海景+神戶港塔
![DSCN3160 DSCN3160](https://googledrive.com/host/0B6sogRXKPwEvb1lQcTJzaVMybEE/tAN.nBmkqTHnIvFm5VUvTw.jpg)
介紹:http://www.japan-i.jp/cht/explorejapan/kinki/hyogo/kobe/d8jk7l000000a66p.html
食晚餐喇~~~
![DSCN3166](https://googledrive.com/host/0B6sogRXKPwEvb1lQcTJzaVMybEE/BWNcjvchKldvmHY_tUW.zg.jpg)
今晚食燒肉放題
餐廳入面仲有唔少日本人tim~~呢度應該係做大眾生意
![wunguo](https://googledrive.com/host/0B6sogRXKPwEvb1lQcTJzaVMybEE/mxKryyOwPL4UrgMl81807Q.jpg)
加料叫了松板牛~~~yummy =q
食飽飽,又行到累死,終於返酒店喇~~~(又坐咗2個鐘車)
![universalhotel](https://googledrive.com/host/0B6sogRXKPwEvb1lQcTJzaVMybEE/KbeHB7Xk2q3w8G69aZYoSQ.jpg)
住USJ hotel呀~~~~房間好大好乾淨,設備都算新 (不過又係無WiFi!!!)
張床繼續係twin bed.....唉..............
不過主人病到九彩,分床瞓,大家都瞓得舒服d
![DSCN3171](https://googledrive.com/host/0B6sogRXKPwEvb1lQcTJzaVMybEE/H8_4ZGfDTGlgGNGxCp8a_Q.jpg)
房間的對面,就係明天會去的Universal Studio Japan喇~~~yeah~
![lawson](https://googledrive.com/host/0B6sogRXKPwEvb1lQcTJzaVMybEE/6XtLFqQ1uDjogE9.5rqq3A.jpg)
酒店附近有LAWSON,買定d乾糧,明天係USJ內當午餐 (導遊教的)
少不了買d奇怪零食試吓啦~~~(喉嚨位牙肉發炎的主人乜都食唔到, so得我食)
附近亦有好多食肆,睇定聽晚食乜先~~
![gamecentre](https://googledrive.com/host/0B6sogRXKPwEvb1lQcTJzaVMybEE/5ZU7nYmf50EtY5yX7v.1Zg.jpg)
嚟咗日本咁多日,終於再見到Rilakkuma
但..........點解你係夾公仔機入面T^T,我夾公仔好屎ga,即係帶唔到你回家囉Y_Y
同幾pair新婚團友行吓買吓,好快就10pm!!!
返房休息,主人累到立即瞓咗!!! 佢真係病得好緊要.........唉..............
by笨豬小慧simple
相關閱讀:
日本阪神蜜月之旅 - Day 1
日本阪神蜜月之旅 - Day 2